السلام هليكم
اشلونكم ياحلوين
منو فيكم راح الفحص الطبي
هههههه تحسون جنكم وافدين يبون يسونلكم اقامه هههههه
انا بقولكم شصار معاي بالتفصيل
عشان الكل يستفيد
واللي ماراح يعرف شيسوي !
الله يسلمكم
اول شي نصيحه سوو الادله الجنائيه وياخذون منكم صوره ويعطونكم لا حكم عليه بسرعه مايطولون
بعدين
رحت الفخص الطبي موجود بالصباح يم العلاج بالخارج
والاستقبال عطوني 3 اوراق
ورقتين حق فحص وانتو بكوامه البول
وورقه حق الاشعه
اخذتهم وحللت
ونطرت ساعه كامله عشان تطلع نتيجة التحليل
عشان ما اقدر اسوي اشعه بدون نتيجه التحليل
( يخافون من الحمال كوز انا متزوجه )
بس اتوقع الكل سوا فيه نفس الشي مايسون اشعه الا والنتيجه طالعه اتوقع جذي !!!
بعدين طلعت النتيجه
واخذتها ورحت سويت اشعه
وطبعاً زجمه وحوسه
والبنات من كل الجنسيات والتخصصات واشكال والوان بالفحص الطبي
المهم اخذت نتيجه التحليل والاشعه ورديت للفحص الطبي
وعطوني رقم عشان ادخل على الدكتوره
ودخلت سويت تحليل دم
وعبيت استماره
تكتبين فيها اسمج والمستشفى اللي تتبعينه ومسماج الوظيفي ومكان قبولج الجهه التابعه لها
وعنوانج وميلادج وجذي يعني
ونطرت ايي دوري عشان ادخل على الدكتوره
زحمه زحمه زحمه بمعنى الكلمه
يمكن عشان الدفعه الاخيره اللي توظفت بالديوان
وبعد التمويل موظفين بعد !!
والتربيه والصحه !!
والجامعه بعد موظفين !
فصار مشكل !!
المهم هذا المكان بس حق البنات يعني الشباب مايدخلون
فقعد اخوي ينطرني بره
واهوا قاعد بره دزلي مسج ان في بنات راح يدخلون مسوين ازعاج بره
يقول من اشكالهم معاج بالفتوى
وصج لما دخلو هالقاعه ولا بنتين من دفعتي !!!!!!!!
ياااابوووووووي
صوتهم عالي ويمشون ويقولون احنا بالفتوى
يعني اوكي فرحانين بالقبول بس موجذي جنكم مو شايفين خير
واهما بعد متوظفين من قبل يعني الفتوى مو اول فرحتكم
بس شوي شوي فضحتونا !!!!
الله يهديهم بس
المهم
انا بقالي جم بنت بعدين ادخل
ولا الحبايب البنتين الي دفعتي
لا عندهم رقم ولا هم يحزنون وتوهم يايين على طول بعد تحليل الدم
نادتهم الموظفه وقالتلهم ينطرون الدكتوره عند الباب
ياااعيني قعدتهم يمي عشان يدخلون على الدكتوره بعدي !!!!!!!!
لا تعليق !
شنو الواسطه حتى بالدخول !
انزين والبنات اللي ماخذين ارقام وينطرون ياحرام !!
كافي متنقعين بعد تدخلون بنات قبلهم ؟!!
الحمدلله انا دخلت بوقتي نطرت دوري ودخلت ما اخذت مكان غيري ولله الحمد
ودخلت على الدكتوره
تفحص نظر وتجيك اذا مسوين عمليه ولا لأ وبس !
وتردون الاستقبال
ياخذون الاوراق ويقولون لكم تعالو بتاريخ كذا
انا قالولي تعالي بعد اسبوع
وطلعت قلت حق اخوي شدراك انهم معاي بالفتوى !!!
قال من الازعاج اللي مسوينا احنا بالفتوى حق الرسيبشن شكووووووو !!!
والله فشله صوتهم عادي وضحك فشله فشله فشله
انا استحيت انهم معاي واستحيت اكثر انهم دفعتي
وكنت حاسبتهم عقل وثقل
الحمدلله على كل حال
وبس وتعيشون
ومت من الحر الجو حر مو صج !
لبسي خفيف وتكرمون جوتي رياضه عشان الحوسه من مكان لي مكان
وسلامتكم
اتمنى انكم استفدتو من تجربتي مع الفحص الطبي
