إعلان توظيف محامي الدولة بالفتوى والتشريع

[blue diamond]

اذا كانوا فعلا هال20 او ال30 اللي تسربت اسماؤهم غير كفء - ما بالج بال130 الباقين ؟

انا ما اقولج ان ال160 كلهم مو كفء - لكن السمه الغالبه (غير كفء) - هذا اذا كان كلام بعض اللي صرحوا صحيح

ولا تنسين ان الهدف الاساسي من وجود سلطه تشريعيه هي الرقابه على اعمال السلطه التنفيذيه - فبالعكس اهم يمارسون سلطاتهم وانا معاهم - ما يجوز تخلين الوزير يقبل هالعدد المهوول من غير رقابه

النواب بالنهايه يمثلونا احنا وشوفي حجم القانونيين المظلومين - خاصه ان الشغل بالفتوى يعتمد على قدراتج العقليه وغالبا المعدل يعكس هالقدرات لان الشغل معظمه على ورق ويعتمد على التحليل والربط

اللي تحس نفسها مستوفيه الشروط لا تحاتي شي - ربكم ما يضيع تعب ان شاء الله :eh_s(7):

انا اعرف اسمين متسربين كفء تبارك الرحمن ومعدلاتهم امتياز اما باجي الاسامي مااعرفها ابصراحه
واذا تبين الصج انا عندي المعدل كلش مو مقياس .. اهم شي الشخصيه وزياده الثقافه القانونية من بعد التخرج .. شنو الفايده من شخص معدله عالي وناسي اغلب المعلومات الاساسيه وما يراجعها ولا يقرا ؟؟ ولما ايي موعد المقابله ما يتهيأ لها على اساس انه معدله عالي ؟؟!!!!

فعلا النواب المفروض يمثلون الشعب وللكن للأسف صار يمثل نفسه كلن يقول انا ونفسي


انا معاج - لكن الحمله المفروض تتعدا هالمنتدى - نقابة القانونيين الغت الاضراب اللي كان المفروض يصير بتاريخ 14-4 ومن بعدها ما سمعنا منهم شي - وكان الهدف مساواة القانونيين بالوزارات بالقانونيين في البلديه والتحقيقات والفتوى والتشريع

اي فعلا نقابه القانونيين من بعد المقابله اللي صارت قبل مده بالراي طخت

 

[محامية2009]

ناااااااديه
انتي شفيج بالضبط ترى اسلووووبج وااايد استفزازي من بدايه التجمع وانا ملاحظه هالشي كل ما تكلمتي قلتلي واسطات وواسطااات يا اختي شنو انتي ما عندج غير هالكلمه واذا على الواسطات جااان انا مقبوووله خااالي عضو مجلس امه ووزير سابق ومعدلي 79.6 يعني بقالي 4 اعشار على ال 80 ومع هذا من امس الصبح وانا ادري اني مو مقبوله وازيدج من الشعر بيت خبر اكيد مليوووون بالاميه ان كانوا اللجنه حاطين اسم ولد ومعدله جيد وشال اسمه الراشد امس ودريت بعد ان بنااااات اكبرها واسمنها عواااايل كبيره بالديره تعرفين يعني شنو كبيره بالديره ولا بعد وحده منهم واسطتها ناصر المحمد ورفضها الراشد لان معدلها حيد منخفض وهالمره اول مره يتطبق فيها القانون صح ولا في تلاعب وقبلوا كل الامتياز واغلب الجيد جدا و 100 بناات و60 شباب وعبالج انا عادي عندي اني مو مقبوله ولا هامني بس انا حاسه ان بسياستهم هاذي ما دخلوا ولا جيد معناته ما ظلم اي وحده ماخذه جيد حطوا حالهم واحد وعلى فكره وحده مقربه من الراشد حيييل من اهله ما قبلها لان معدلها جيد وتبين تشتكين روحي بروحج و بلا اسلوب اسفزازي واحنا عارفين الواسطات ودالين دربها ولا تهقين احنا غشيمين عن هالسوالف والديره مو مثل اول خربوطه النواب فاتحين عينهم عدل ويحاسبون الوزراء عدل يعني انا 4 اعشار وقفت جدام حلمي ولو راح ياخذون واسطات جان خذوني لان قريبه وااايد من الجيد جدا وعندي واسطه بس هالشي معناته انهم قاعدين يمشون هالمره صح :eh_s(14):

 

[قهوه ساده]

محاميه 2009 اول شي الله يعوضج خير بما انج ما انقبلتي
بس بالنسبه لكادر القانونيين شرايج؟؟؟

 

[blue diamond]

اي صح نسيت اقول ان الشخص اللي عرفت اسمه ولد قبيله يعني لو كان واسطه مثل ما يقولون انه يقبلون بس الحضر جان ما انقبل الريال

وانا مع محاميه بالكلام اللي قالته هالمره فعلا اختاروا المعدل والشخصيه لانها تلعب دور كبير بعد

بنات استغفروا الله وايد نصيييييييييييييييييييييييييييييييحه

فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً

 

[محامية2009]

اختي قهوه ساااده انا كلش مو عاجبني كادر القانونيين وادري اكثر نااس مظلومين بالديره ووين النقابه اللي ما سوت ولا شي ماشالله المهندسين كانوا على قلب واااحد ونقابتهم ممتازه ووحدوا كادرهم وعقبالنا يااارب وانا بعد مثلج مرااات تييني حاله اتحسف فيها اني تخرجت من الحقوق وافكر مرات لو مشتغله مدرسه احسن لي واحنا واايد مظلومين من ناحيه الكادر يعني ناس يصير معاشهم 780 ولا 860 وناس 920 وناس 1200 ونااس 1500 وهذا واحنا كلنا تخصص واحد حقوق جامعه الكويت ونفس الدراسه وما فيها تخصصات يعني دارسين كل فروع القانون انشالله ينصفونا حالنا حال غيرنا قولوا اميين :yaaaaaarb:

 

[قهوه ساده]

امين يارب
نبي عالاقل عداله لايساونا فيهم يعني خل يعطنهم ميزات بوظيفتهم تفرق عن الوظايف الباجيه بس الكادر لازم يتساوى بين الكل
انا تقديري جيد ومحترقه شيقولون الي امتياز ومتوظفين بوحده من هالوزارات على 700 و800
بعدين احنا نتخرج كل سنه عدد معين من القانونيين ليش مانصير مثل المدرسين ماشالله مايمديهم تخرجو الا متوظفين
يعني من البدايه يحسبون حساب الوظيفه الي نبي نطال فيا عقب لانتخرج كل مكان سواء وزاره والا مؤسسه والا هيئه لابد مايكون فيها اداره قانونيه صح والا لا؟ ينظمون هالادارات الي تستوعب الكل

 

[قهوه ساده]

محاميه تطلعلي ال 920 وانا راضيه فيها وحامده ربي

 

[blue diamond]

بنات اهداء مني لكم لا تفقدون الأمل

http://www.youtube.com/watch?v=QboYp0q509Y

ودعواتكم :*

 

[طيش طفله]

بنات شنو مميزات التحقيقات ؟!

 

[محاميـــة]

محامية 2009

كلامج 100% صح انا وياج :eh_s(15):

 

[محامية2009]

فديت قلبج انا والله محاميه بعد عمري شنو قعدتي من النوم؟؟؟؟
حياتي والله عاد انا الحين بنااام وسوري عبالي قاعده مساع :eh_s(17):

 

[طيش طفله]

محاميه ٢٠٠٩ مومعقوله عندج واسطه وماانقبلتي ؟!!! حبيبتي انا اعرف وايد ناس كل واحد معروفه واسطته وشوفي الاسامي باجر بالجرايد قبلوو ولد وزير وولد اخو عضو وعيال مستشارين بالفتوى بتقنعيني هذيل كلهم امتياز والا جيدجيداً ! كلامج مايدش العقل !!! *

 

[محامية2009]

حبيبتي طيش طفله انا مو مجبوره اقنع كل وحده بس انا كلامي متاكده منه 100% واذا مو مقتنعه براحتج ووحده من رفيحاتي امس لما سمعت الخبر ما كانت مقتنعه واليوم كل شي اتضح لها وبااان واللي تقولين عنهم ولد وزير وولد اخوي نائب وعيال المستشارين انا متاكده من معدلاتهم واعرفها بعد اقل وااحد فيهم 80 يعني بالعربي جيد جدا وعلى فكره خالتي محاميه بالفتوى وما اييب معلوماتي من اشاعات او كلام نااااس مالها شغل واللي مو راضين تعرفونه ان الفتوى هالمره مو لعبه مثل كل سنينها اللي طااافت واذا طلعت الاسامي حبيبتي مسكي كل اسم وشوفي معدله وتاكدي بنفسج اوكي
بالعربي الفصييييييييييييييح
هالمره الفتوى ماشييين سيييدا مثل قبول الجامعه اي احد ناقص عشر عن الجيد جدا ما يدش وعلى القانووووووووووووووووووون ماااااكو ولا استثناااااااااااااء

 

[blue diamond]

محاميه ٢٠٠٩ مومعقوله عندج واسطه وماانقبلتي ؟!!! حبيبتي انا اعرف وايد ناس كل واحد معروفه واسطته وشوفي الاسامي باجر بالجرايد قبلوو ولد وزير وولد اخو عضو وعيال مستشارين بالفتوى بتقنعيني هذيل كلهم امتياز والا جيدجيداً ! كلامج مايدش العقل !!! *

انا ما اعرفهم ولكن كلام الحق ينقال
شنو الضر اذا كان ابن الوزير ولا النائب معدلاتهم زينه وشخصيتهم قويه ومقابلتهم كانت زينه ؟؟؟

يعني كل ابن وزير او نائب لازم يكون فاشل وينال الوظيفه بالواسطه !!

ابصراحه هذا مو منطق

وكلام محاميه صح الراشد شال جم اسم معدلاتهم جيد​

 

[قهوه ساده]

يارب رفيجتي تكون انقبلت مجتهده وربي تستاهل
متى يعلنون الاسماء؟؟

 

[نادية_]

مع احترامي لج يا محاميه 2009 كلامج يدل على انه غير صحيح وانتي مقبوله بالفتوى وما تبين نشتكي ونخرب عليكم .......الجواب باين من عنوانه سويتنا جننا قاعدين بانجلترا ولا امريكا.............مو بالكويت اللي كلها واسطات وعنصريه وقبليه

انتي مقبوله مبروك عليج............وانا حره وبشتكي


وكل واحد ينام على الجمب اللي يريحه على قولت المصريين

 

[السمبتيك]

اشتكي محد قالج لا تشتكين
وكوني متاكده اذا انتي تشوفين انج تستحقين الوظيفه مع ان معدلج جيد
في بنات امتياز يستحقون الوظيفه اكثر منج وهم ماعندهم واسطه

وانا اايد محاميه 09
كلامها صح 100 ٪


بس الحين في كلام ان الاسماء احتمال كبير تتغير عشان جذي مانشروها

وفي ضغوطات سياسيه على الوزير عشان يدخل الجيد

اذا عندكم واسطه ترى في امل ماتدرون يمكن يدخلون الجيد

 

[blue diamond]

قهوه ساده يارب يا كريم رفيجتج تكون مقبوله واحنا ننقبل بعد

ناديه >> محاميه قالت انها معدلها جيد وانها مو مقبوله ماله داعي انج تجذبينها ياريت لو يكون في تقبل واحترام اكثر من جذي
وابصراحه اذا تبين تشتكين اشتكي انا ماراح اشتكي لا سمح الله انرفضت

ويارب نكون من المقبولين ان شاء الله​

 

[نادية_]

انا بشتكي وبقدم للقاضي الاسماء اللي قبلوها واحط جمب اسم فلان انه ولد فلان الراشد وفلان ولد اخو الراشد وفلان ولد الصرعاوي وفلان ولد فلان.........والقاضي راح يفهم بسرعه شنو قصدي ........وللقاضي الحق انه يحكم بقبولي بالفتوى غصبا عنهم

وبخصوص الاحترام فيه احترام بس كلامها مو داش راسي مع الاسف

 

[blue diamond]

اشتكي يا ناديه اشتكي بروحج على راحتج ​