إعلان بنك الكويت المركزي

[نادية_]

لا انا ابي اللي ماسك التوظيف مالي خلق روتين المقابلات الصوريه والامتحانات الشكليه والدرجات الوهميه

ابي من ورئيس البنك المركزي

 

[frawlah_83]

ناديه هلي ادورينه ماكو منه انتي ماخذه وايد فكره غلط عن الواسطات !!!!! التوظيف مايتم في هالطريقه الاماكن السنعه والهيئات كلهم لازم تمشين في هالروتين تنطرين اعلان وتشوفين التخصصات المطلوبه وتقدمين وتالي امتحانات واذا نجحتي انادونج حق المقابله تالي اهني الواسطه تلعب دور ومنوقالج كل الي يتوظفوون في واسطه !!!! انا وايد اعرف ناس توظفت في احسن الاماكن بدون واسطه ماقولج انه مافي واسطه لا في بس هم في ناس تتوظف بدون واسطه عادي كلشي رزق ونصيب ومحد في الدنيا بياخذ غير نصيبه

 

[نادية_]

شاكرتلج ادري في ناس توظفت من غير واسطه بسبب انهم جايبين امتياز مثلا او انه عندهم خبره سنين ومنين او حالفهم الحظ لكن هالفئه نادره وانا ما اقدر اعتمد بحياتي عالنادر ..........اما الغالبيه يتوظف عن طريق الواسطه

مثال الحين الفتوى يقولون حطو كل الاميتاز ( يعني واسطه او

 

[نادية_]

او من غير واسطه .........جم عدد الامتياز 50 واحد ووحده

انزين والباقي 110 كلهم واسطاااااااااااااااااااااااااااااااااااااااات

فانا مو جايبه امتياز فراح اصير من الفئه اللي ماتقدر تتوظف الا بواسطه

اتمنى وصلت فكرتي

وعسى الله يوفقنا

 

[nizqa_girl]

الواسطه تلعب دووور كبير بكل مكان

 

[^^ROSE^^]

ناديه مادري منو واسطتج اللي بيخليج تتوظفين بدون امتحانات و مقابله
امير الدوله مثلا؟
احنا قلنالج كل مكان لازم امتحان ومقابله
واللي بيتوسط يكلم اللي بلجنه المقابله لان مو واحد اللي يحط الدرجه في اكثر من شخص
عاد انتي تصورج ان هالشي غير صحيح ولا واسطتج الامير ولا اوباما شي ثاني

 

[سميرة ميرا]

لا انا ابي اللي ماسك التوظيف مالي خلق روتين المقابلات الصوريه والامتحانات الشكليه والدرجات الوهميه

ابي من ورئيس البنك المركزي

الدخول بواسطة سهل جدا في جهة تعاني من فساد،ومحافظ البنك المركزي تحوم حوله شبهات فساد كبيرة وبالتأكيد يقبل الواسطات، فهو على رأس عمله منذ 1986،يعني قبل لا نطلع على الدنيا

 

[Om_Ksha]

^^^^^^


انا كانت واسطتي المحافظ و ماخذوني !!


لا تحطين بذمتج ان ياخذون واسطات و عليه شبهات كبيره ؟؟

و الجهه ماتعاني فساد بالعكس فيها التزام مو طبيعي و كرف و شغل !

انا ماخذوني لاني مو مسويه زين بالامتحانات و بالمقابله شوي خرتها ...

 

[nonosha]

حديث الرسول الكريم
((واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك ))

فعشان جذي اذا حطيتي مليون واسطة وربج مو كاتب لج المكان ماراح تتوظفين
والله يحط هالواسطة لان الله اللي كاتبلج المنفعة مو الواسطة

وعلى نياتكم ترزقون
سوي اللي عليج وقدمتي مثل باجي الناس والتساهيل من الله

انا كنت اقول الحمدلله معدلي زين واسوي بالامتحانات عدل والمقابلات بس مع هذا ما نقبلت
لان الله مو كاتب

وبالتوفيق للجميع

 

[HB_Nona]

m3rof elmrkzi wayd was6at 3la 7sb elklam ele nsm3a mn ele ahlhom hnak

 

[nizqa_girl]

بنات الحين خلاص طلعت نتيجه الي انقبلوا ولي ما انقبلوا ولا ليلحين؟؟؟؟

 

[pearlq8]

بناااات الي ما دقوو عليهم .. يوم الاحد الي طاف دقوووو على وحده بقسم المحاسبه .. اتوقع مازال القبول جاري ولم يتوقف

دقوو عليهم وسالوو .. موفقين

 

[^^ROSE^^]

اخاف هذي داقين عليها بدال احد
يعني يكونون قابلين احد اول مابدوا يدقون واللي قبلوه اعتذر او شي ودقوا على البنيه بداله

انا رفيج اخوي خذوه المركزي بدال واحد
قالوله كان في واحد و هون مايبي فدقوا عليه

والمحاسبه دوامهم يبدي 24 اللي هو الاحد خلاص ما اظن بيدقون على احد

 

[Om_Ksha]

mbrok lely engblo o elfal lelbaaaaaajy enshllaaaah

 

[nouna82]

حبيبتي ماكو شي اسمه احد ماسك التوظيف
هم ينزلون اعلان بالجرايد

بس نصيحه اذا تهمج سالفه الحرام والحلال ابتعدي عنه لان يعتبر بنك ربوي
وانا حاطه فتوى العثيمين الله يرحمه بهالخصوص
وبالنهايه كل واحد حر بقناعاته
بس بحال انج ماتدرين هذا انا بلغتج
اللهم بلغت اللهم فاشهد

لا حبيبتي البك المركزي بنك الدولة و ليس لديع عللاقة بالربا و انا قبل لا اتوظف بالبنك المركزي سالت الشيخ الدكتور محمد الطبطبائي و اكدلي هالكلام ... احنا معاشاتنا ناخذه من ميزانية الدولة

 

[nouna82]

موفقين بنات

 

[nizqa_girl]

مبرووك للمقبولين وحظ اوفر حقالي ماحلفهم الحظ

 

[nizqa_girl]

قوووه بنات منو انقبل فيكم بلبنك

 

[نادية_]

اشلون التقديم على البنك انا حقوقيه

ومنو مدير الاداره القانونية عندهم؟؟

 

[nizqa_girl]

مادري والله بس التقدم يمكن شهر 3 الياي