إعتذرتم للمغرب فمن يعتذر للشعب الكويتي وللبراك والمسلم والطبطبائي؟

[البرق80]

والله يا صاحبة الموضوع كلامج عين العقل هذا كل اللي اقدر اقوله ويعطيج الف عافيه

 

[7sasa]

رد : إعتذرتم للمغرب فمن يعتذر للشعب الكويتي وللبراك والمسلم والطبطبائي؟

الاعلام الفاسد لعب بالديره لعب...حسبي الله عليهم..وغير هذا يشوه صورتنا جدام باجي الدول..
حاسه بكل كلمه قلتيها.. خلاص لي متى لازم نسوي شي لازم يتنظف الاعلام بس وين اللي يسمع!!!
وشكرا عالموضوع الحلو..

 

[ضايعه بهدنيا]

النواب الي ذكرتيهم اساؤو لبنات الكويت وللناس اذا ناسيه اختي اذكرج كلامهم الواحد يفتشل يقوله

ثاني شغله انا مع الديمقراطيه وحريه التعبير لكن للاسف الدول العربيه ما تعودت على هشي عشان جذي انا ضد ان يدخلون اسم اى دوله في اعمالنا

ثالث شغله والي هي الاهم القنوات على قولتج اسائت لبعض الدول وكلنا استنكرنا هشي شلون في قنواتنا الرسميه يصير هشي لكن خلنا منصفين منو دشت جريده غير كويتيه وشافت تعليقات الناس على هل الاخبار ؟!

اعتقد الي شافت تعليقاتهم فاهمه شقصد

وياليت قنواتنا ترفع عن ذكر اسم اى دوله في قنواتنا سواء كان خير ولا شر

 

[noorq8]

الشق شق عووود ,على قولة سكوب الله يستر على هالديره ماعاد في هيبه للدوله

 

[الحــــياة]

النواب الي ذكرتيهم اساؤو لبنات الكويت وللناس اذا ناسيه اختي اذكرج كلامهم الواحد يفتشل يقوله

ثاني شغله انا مع الديمقراطيه وحريه التعبير لكن للاسف الدول العربيه ما تعودت على هشي عشان جذي انا ضد ان يدخلون اسم اى دوله في اعمالنا

ثالث شغله والي هي الاهم القنوات على قولتج اسائت لبعض الدول وكلنا استنكرنا هشي شلون في قنواتنا الرسميه يصير هشي لكن خلنا منصفين منو دشت جريده غير كويتيه وشافت تعليقات الناس على هل الاخبار ؟!

اعتقد الي شافت تعليقاتهم فاهمه شقصد

وياليت قنواتنا ترفع عن ذكر اسم اى دوله في قنواتنا سواء كان خير ولا شر

لحظه

منووووو الي اساؤا للكويت

البراك والطبطبائي والمسلم وغيرة الاهم فخر الكويت
والله ثم والله ثم والله لو لي 4اصوات لشخص واحد لاخليه مقطووووع لمسلم البراك..

انا الي اذكرج النواب هذووولي منو؟؟!
هم الي دافعوا عن الحق ولاغرتهم الفلوووس ولاباعووا ضميرهم
هم الي يخافون الله وضميرهم حي
هم الي صوووووت الحق وضمير الامه..

الا بيض الله وجيهم..
شنو يفشل يقووووولينه شقالوا بعد انتوا تحبون تكبرون الكلام وتحرفووووونه على هواكم..

على الاقل ابرك من كلام غيرة ..!!!​

 

[انصاريه قمره]

بصرااحه انا رحت دوول بره وشفت بعض شبابنا الله بهديهم يعاملوون الناس بدوونيه حتى واهم بره كيفي كويتي شنوو كيفي كويتي يا غريب كن اديب احنا مو بديرتنا احنااا بديره غريبه نرووح بأحترامنا ونرجع بنفس الشي ولا احنا اسياد العالم اوك كويتييين ونفتخر والحمدالله انخلقناا بهالديره الطيبه بس ليش اشووف نفسي عالعالم والله لمه رحت سووريا وشفت العالم يكرهوونا قلت الله يلووم اللي يلومكم اهني نغلط عليهم زلماات ومادري شنوو اكيد ما بيحترموونا بديرتهم

 

[مرافئ الذكريات]

رد : إعتذرتم للمغرب فمن يعتذر للشعب الكويتي وللبراك والمسلم والطبطبائي؟

الله يستر عالكويت

 

[فسفوري]

((لاتقذف الا الشجرة المثمرة )) بالنسبة لي قناة سكوب مشكووووورة غيرت قناعاتي من كثر ما يتطنزون على احمد السعدون خلوني ابحث بتاريخه السياسي الشي اللي خلاني اتحسف ليش ما صوت له بالانتخابات الي طافت على جذي تصوتي القادم بإذن الله كالاتي( د فيصل المسلم _ وليد الطبطبائي _ واحمد السعدووون ) بدل الدكتور اللي خذلناا وللاسف دكتور على العمير

 

[ضايعه بهدنيا]

((لاتقذف الا الشجرة المثمرة )) بالنسبة لي قناة سكوب مشكووووورة غيرت قناعاتي من كثر ما يتطنزون على احمد السعدون خلوني ابحث بتاريخه السياسي الشي اللي خلاني اتحسف ليش ما صوت له بالانتخابات الي طافت على جذي تصوتي القادم بإذن الله كالاتي( د فيصل المسلم _ وليد الطبطبائي _ واحمد السعدووون ) بدل الدكتور اللي خذلناا وللاسف دكتور على العمير

لالا ما يجوز شنو تصوتيلهم بعدين يصير دخلوهم المجلس حرام << مقتبس من احد البنات

 

[chanel N22]

للاسف الاعلام الكويتي كل ماله لي النازل
الله يرحم قبل:flower:

والشعب الكويتي راح ضحيه الاعلام الهابط والنواب الكرام بعد :eh_s(16):
والله يحفظ الكويت وشعبها :eh_s(15):

 

[نوووور الشمس]

مسلم والطبطبائي مادروا عن المهابيل

 

[قطيووه^_^]

ممكن سؤال اهم ليش يعتذرون شنو صاير؟؟

 

[+ Gloom +]

رد : رد: إعتذرتم للمغرب فمن يعتذر للشعب الكويتي وللبراك والمسلم والطبطبائي؟

الله يحفظ ديرتنا الكويت

 

[سيدة قفشة]

جريدة الوطن فاشله ومحررها فاشل معادي رجال الدين ومن هذا سوا هالكرتون السخيف

ترا اهل الدين ربي يدافع عنهم



ومن اكثر الجرايد الي تدعو لطائفيه ربي يحمي كويتنا ودينا

 

[عهود الحب]

رد : رد: إعتذرتم للمغرب فمن يعتذر للشعب الكويتي وللبراك والمسلم والطبطبائي؟

عمر العرب ما حبوا الكويت
ولا يحبون الخليج بكبره
بس الكويت اكثر لأنه ما يخافون من سياسة الكويت ولا حكومتهم
العرب بنظري جرب ومهما يسوون ما ينظفون
انا يهمني اهلنا بالخليج وبس
و لو الكويت يترابطون اهلها اكثر
ما نحتاج عون احد

اما مقالة الكاتب فصح لسانه
و البرنامج هذا له ثلاث سنين مثل السوسة ينخر بالكويت
و اعتقد زيادة الحملة عالنواب تحببنا فيهم اكثر
و ترفع اسهمهم اكثر
و خل برنامجهم ينفعهم

 

[n.m.3.k]

رد : رد: إعتذرتم للمغرب فمن يعتذر للشعب الكويتي وللبراك والمسلم والطبطبائي؟

والله مادري شقول كل من المسلسلات والبرامج الهابطه واصلا اهم مو كويتيين هذا الي حرج
ماقول الا حسبي الله ونعم الوكيل
والله يحفظ الكويت وشعبعا ويفكنا من المسلسلات والبرامج الهابطه وقنوات الفتن.

 

[بوسطـن سيتي]

رد : رد: إعتذرتم للمغرب فمن يعتذر للشعب الكويتي وللبراك والمسلم والطبطبائي؟

البراك والمسلم والطبطبائي غلطوا شي طبيعي مايعتذرولهم ..كل واحد مصوتيله الشعب وموصلينه لكرسي الامة وفي الاخر الضحك على الذقون ماسووا شي شله الاعتذار ؟
اما المغرب فمهما اعتذارنا وصل للبحار والجبال مانوفيهم حقهم

 

[وصيّه جــــابر]

رد : إعتذرتم للمغرب فمن يعتذر للشعب الكويتي وللبراك والمسلم والطبطبائي؟

الله يخلي رحم جابكم ما ابي هوشات وسوالف سكوب والسور
الموضوع حيل واضح وحيادي .. مانبي ندش بلفلفه عويصه و نزرع فتن .. تكفون لاتحققون رغبة سكوب !

سأعوود :tek:

 

[وصيّه جــــابر]

رد : إعتذرتم للمغرب فمن يعتذر للشعب الكويتي وللبراك والمسلم والطبطبائي؟

والله صاجه ياوصيه جابر
انا ملاحظه هالسنه هجوم واستهزاء علي مسلم البراك والطبطائي زايد عن حده سواء من بوقتاده وبونبيل وسكوب
تحسين ناس مدزوزه محركها وداعمها واحد
بس هلشئ رفع من اسهم البراك والطبطبائي عندي

ويه يختشي هو احساس دا هوا اكيد
وسكوب من شبكه لي شبكه يوم حذفوها وللحين ثابته
الله يشيل كل واحد يزرع الفتن .. اجل البدو هم الي سووى السور مع آل الصباح ( البدو )
و قناة السور اخت سكوب مسويه هجوم بر جوّ عليهم . ..اجل احنا سارت عندنا مصطلحات كويتي
و غير كويتي .


- -

وصية جاااااابر مشكورة على النقل وكلامج صح بس مسلم والطبطبائي وباقي النواب الشرفاء مايهزهم ولا يأثر فيهم هالاعلام الفاسد وكما قيل ماضر بحر الفرات يوما أن خاض بعض 000000 فيه

اكيد اهم يبون الزلة على مسلم البراك لأنه مطلع السرقات و الفضايح
ومخليه عيان للشعب الكويتي عشان ما يكون منغش .. رحم الله المجلس ايام قبــــــــل
ياترى عبدالله السالم يوم أسسه ولو كان عايش رضى بهالمهزلة الي مو ساره الكويت بشيء.؟
ياترى راح يحله ونسير قرارات حكومية دون الشورى والي هو اساس الكويت والكويتين
ونسير مثل الدول الشقيقه سؤال يطرح نفسه ؟

 

[وصيّه جــــابر]

رد : إعتذرتم للمغرب فمن يعتذر للشعب الكويتي وللبراك والمسلم والطبطبائي؟

الاعلام الفاسد لعب بالديره لعب...حسبي الله عليهم..وغير هذا يشوه صورتنا جدام باجي الدول..
حاسه بكل كلمه قلتيها.. خلاص لي متى لازم نسوي شي لازم يتنظف الاعلام بس وين اللي يسمع!!!
وشكرا عالموضوع الحلو..

نعم نعم متى ينظف الاعلام يا ناصر المحمد ؟ متى ينظف الاعلام يامجلس الامة .؟
لازم استجواب وزاري --- > موضه قديمه :lololoe: