إذا يالج واحد أصغر منج .. تتزوجينه ؟

[نونه العنونه_H]

رد : إذا يالج واحد أصغر منج .. تتزوجينه ؟

الرسول قال من جاءكم من ترضون دينه وخلقه فزوجوووه

كاهم خذوا اكبر منهم شصار ؟؟
طلاق ومشاكل وحالة
بالعكس احس اللي يرضى ياخذ وحدة اكبر منه انسان متفتح وفاهم ماهمه العمر المهم من يبي يتزوج ومن تكون هلي بيتزوجها
شخصيتها اسلوبها
و3 سنوات مو فرق كبير وايد
توكلي على الله
والشباب الزينين عملة نادرة بهالزمن
مو كل يوم بيتقدم لج شاب سنع

انا معاهاااا :eh_s(17):​

 

[نور مغليها]

رد : إذا يالج واحد أصغر منج .. تتزوجينه ؟

من وجهة نري لاء . اذا كان الفرق شهوووء اي بس سنه لاء
لأنه بيكون غير عن تفكيري مثل الي صار ويا رفيجتي ،،،
:eh_s:

 

[lady 33]

رد : إذا يالج واحد أصغر منج .. تتزوجينه ؟

صعبــه .. انا ما اتمنى اخذ واحد اصغر مني و الاسبااب واجد
حلو ايكون اكبر منج تدلعين عليه لوول

 

[شطانه طفله]

رد : إذا يالج واحد أصغر منج .. تتزوجينه ؟

اذا بيني وبينه شهور عادي بس شرط يكون اطول مني

ويفضل يكون اكبر مني وبيني وبينه سنين 2 او 3

 

[Nanoosa]

مع اني صغيرة على الزواج بس لو وصلت ال30 و ما تزوجت
راح أفكر بالموضوع

 

[كلي وفا@]

رد : إذا يالج واحد أصغر منج .. تتزوجينه ؟

ما اعتقد بوافق بس لكل ظرف احكااام وتقبلي مروري

 

[غرور وايل]

وعليكم السسلام ~

بصصراحه اقبل ~

لان العمر مو مقيااس ~

ياما نااس كبار وعقولهم صغار والعكس بالعكس صحيح ~

والله يكتب لنا اللي فيه الخيره يارب ~

 

[Čut!e Quèéи]

رد : إذا يالج واحد أصغر منج .. تتزوجينه ؟

زوجي اصغير مني بـ سنه و شهرين

انا مواليد 84 شهر 11 و اهو 86 شهر 2

الحمدلله مرتاحه معاه ولا حاسه انه اصغر مني

والله ان عقله اكبر من عمري بـ 10 مرات

واهم شي ريال كفو ولد اصل وفصل و اهم من هذا كله صلاته

ريال ما يطوف فرض يخاف الله في نفسه و فيني والحمدلله

 

[أإلع ـشق دلع ـهـأإ]

.












العمر مو مقيآس يآحبوبه ..

لو جآج وآحد أصغر منج بس محترم وأخلآق وأهو من نفسه خطبج ويدري أنج أكبر منه .. ليش أرفض .؟؟

وأفقي عآدي شكثر أعرفهم تزوجوآ أصغر منهم وكآهم صآروآ أجدآد ..












.

 

[Shine~Flower]

انا عن نفسي ما اوافق

 

[راعية الطويلة]

رد : إذا يالج واحد أصغر منج .. تتزوجينه ؟

3 سنوات فارق بسيط
و عمر متقارب جدا
الله يوفقها و يسعدها

 

[أشبـاهـ المطـر]

صدقيني إلي تفكر ان العمر يشكل فرق
نظرتها ضئيلة بالزواج وبالحياة بشكل عام ...

أهـم شي الأخلاق وبعدين اهيا بعمر تبحث عن الاستقرار
وناضجه يعني بتكون مهمتها اسهل من الي تتزوج واهيا وصغيره

وبرضو زوجها جم بكون عمره 27 رجل مكتمله رجولته وفاهم واعي
واهو مااخطبها الا وهو عارف جم عمرها على فكره في انماط تفضل ان شريكة حياته
تكون بعمره او اكبر منه ...

 

[Diva-Q8]

رد : إذا يالج واحد أصغر منج .. تتزوجينه ؟

طبعا اقبل الصغير ما يالي إلا واهوا عارف اني اصغر منه يعني مستحيل يعايرني في الاصغر من جابره
واذا كانت في كل المواصفت المطلوبه لتكوين اسره وتحمل مسؤوليه ماعندي مانع حتى لو اصغر مني بأكثر من 3 سنين

بس في ملاحظه مهمه تره المره عقلها يكبر اسرع من الريال يعني البنت ام 15 سنه ممكن تكون زوجه وام الله جذي خلقها تتحمل وتصبر بس الصبي بو 15 بعده مو ناضج نفس الفكره بالنسبه للرجل والمره الكبار يعني حتى لو المره اكبر منه بسنه بتكون اهي الاعقل طبعا انا اتكلم عن المره المتربيه والمسئوله هم بعد مو كل مره مره في حريم الطول طول انخله والعقل عقل اصخله سوري على هل مثل الشعبي )