إذا كنتي ساكنه مع حمولتج ( تخلين رفيجاتج أو أهلج يزورونج بشقتج) بنات أبي الكل يشارك؟؟

[ماعرفتك زين!!!]

السلام عليكم
بنات الموضوغ مبين من العنوان

اذا كنتي متزوجه وساكنه مع بيت حمولتج عادي تخلين
رفيحاتج او اهلج يزورونج بشقتج ولا لا ؟؟
اذا كان عادي اذكريلي السبب؟؟
واذا كان لا همن اذكريلي السبب؟؟

عن نفسي لا احس فشله
اذا ابي رفيجاتي يزوروني بيت اهلي موجود نتيمع هناك
لو بيام الاسبوع اروح بيت اهلي ويجون هناك






اترككم تردون على موضوووعي

 

[Tom ♥ Jerry]

.


بالعكس ليش فشله اساسا حمولتج قبل لا يجهزون الشقه
حاطين في بالهم انه اهلج و رفيجاتج راح يزورونج
شوفي اذا كان لج مخرج و مدخل بروحج عادي مو مشكله اي حزه اهلي او رفيجاتي ايون
بس اذا كان المدخل وياهم .. نقلل من الزوارات شوي ..
بس ما نقطعها مره وحده !
يعني رفيجاتج اوكي مو الا ايون تشوفينهم بره اذا تستحين
بس اهلج عاااادي جدآآ

 

[سيماا]

اذا مدخلنا واحد فمستحيل انادي احد واذا كل واحد له مدخل فانا بنادي اللي اشتهي

 

[برنسيسة2007]

اذا لج مخرج منعزل عادي
الكل يزورونج
لكن. اذا مالج مخرج منعزل اهلج عادي بس رفيجاتج لاااا والف لاااا بيت اهلج موجود حياهم فيه

 

[برنسيسة2007]

بنات انا حاطه موضوع كمل فوووق ال٢٤ساعه مانزل بانتظار الاداره
شالسالفه!
وليش جذي!
شدعوووه مو لهدرجه يااااخذ وقت بسراحه مليت من قسم الحياة الزوجيه يططططططووووولللل

 

[DANA 22]

أنا الوضع عندي عادي يزوروني خواتي وصديقا تي المقربات وللعلم المدخل مع بيت حمولتي

 

[**فراشة الكويت**]

والله أنـْْ♡ـْْا بالنسبه لي
اذا كان لي مدخل بروحي ممكن عادي

بس مدخلي معاهم لا
حياهم ببيت اهلي
☺☺☺

 

[om3abod]

انا مدخلي مع حمولتي بس الحمدالله حمولتي مالهم شغل ولا يتدخلوون... عادي اعزم رفيجاتي واذا كنت عازمه خواتي او اهلي اقول حق خالتي ترى اليوم مسويه عشا حياج وبعد عمري مرات تيي ومرات لاااا بس من باب اللطافه اقووولها ... بس انا اشوووف عادي اعزم ويعتمد على حمولتج هالشي

 

[om_3azoz]

طبعا اهلي عادي سواء مدخل منفصل او معاهم
رفيجاتي اذا المدخله منفصل عادي بس اذا داخل لا ماعتقد

 

[ماعرفتك زين!!!]

حياااتي مشكورين على وجهة نظركم

 

[بيلسسان]

عادي اذا كان الباب منفصل عنهم
مو بابي وبابهم واحد
"يعني رفيجاتي يدرعمون بصالة حمولتي عقبها نصعد فوق
وعقبها ادخلهم شقتي .!
احسسس مو حلوه بحقي ..
اما بابي بروح وبابهم بروح عاااااااااااااااادي

 

[ماعرفتك زين!!!]

ليلك

صح كلامج احس مو حلوه يجون ويصعدون فوق
اذا كان بابنااا واحد

 

[انوثتي غير وياك]

up up

 

[وردة الدوحه]

يعتمد على بيت الحموله

يعني انا اعزم رفيجاتي وخواتي عادي لان البيت مافيه الا عمي وعمتي واخوانه 2

وعقب طلعنا لفله كبيره انا وزوجي وحماي وزوجته

وهالفله فيها ميلس بابه خارجي

كل خميس اسوي عشا واعزم ربعي نقعد ونتونس

 

[فجورة الشطورة]

انا مدخلي بروحي بس ادخل مع الباب الرئيسي مع حمولتي بس احس فشلة اعزم احد عندي اخاف ينقدون يقولون ليش ماعزمتيهم تحت بالصالة

 

[amami al-kuwai]

اذا مدخلج بعيد عنهم عادي مافيها شي لان انتي طريقج غير عن طريقه ماراح يتضايقون من زوارج

اما اذا الطريق واحد لا مو شي

 

[opera]

عاددددي اصلا اي احد بيزورني اقولهم تعالو شقتي

ولا انا ليش حاطه صاله استقبال

واللي للحين مو داشه شقتي زعلانه عليها

مره وحده كانت بتزورني قتلها تعالي شقتي قالت لا انتي ببيت حموله ما اييج فشله :/ نعم شهالتفكير

خالتي يا حلاتها ترحب بضيوفي و خل تسمع انه في احد عندي .. تطرش قهوه و حلو وفطاير

 

[Nokia N95]

ما اتوقع ان اهل ريلي راح يتضايقون .... بس احس فشلة ما ادري ليش

 

[Spoildish]

صارلي 6 سنين ساكنه معاهم مو شقه معاهم معاهم فلا فشله استحي صديقاتي ولا احد يدش وخالتي وحمواني بالصاله

 

[Patcholli]

اولشي انا اهل ريلي اجبروني اقعد بالبيت فمن جذي مالهم حق يمنعوني من ارفيجاتي او زواراتي الخاصه ..

جم مره ارفيجاتي يزوروني واقولهم ماعليكم امر ارفيجاتي بيدشون وساعات كنت احط بارتشن خاصه اذا حمواني الرياييل قاعدين

بس اخر شي قمت اعزمهم فبيت ابوي وبينت لزوجي ان ارفيجاتي صارو يتضايقون واهم يدشون على ناس غرب وصارو مايحبون يزوروني واهو تفهم الموضوع وفكر وسوالي مدخل بروحي