إذا تــحـبـنـي .. قلــبك شـاريـني .. لا لا تــخــليني.. و لا لحظة

[×~NoOoSh~×]

لوووووووووول مزيوونه انا اكثر منج

ناطرينج

 

[Mazyoona]

ههههه لا يا بروره صدقييينيي اانا ناااطره اكثثثر
يلاااا يالكلثوووم ناااطريينج

 

[الكلثوم]

وااااااااي روووووووعه البااارت
ابي اعرف شبيصير بين ضي و فهد مسكييينه هالضي
و بياان ووليد تصااالحو
و خاالد و تهااني يا ترى قاالتله
وسطاام شبيسوي ب لولوووه الملييقه
ومرااام هالمسكيينه
و مشااااري و غلااا و ينوونهم

نااااااااااطريينج يا قلبي

يا هلا و الله بالطش و الرش ..
نوووووووووووووورتي حبيبتي ..
و مسكوووووووووووووووورة
على ردوودج العسسسسسسسسل ..
يـــــــــــــــــــــــــــــــــــــــــا
عسسسسسسسسسسسسسسسسسل

 

[الكلثوم]

مشكووور حبيبتي الباارت وايد حلو اكيد لان مثلج :aha::aha:

ابي اعرف شبيصير بين ضي و فهد مسكييينه هالضي
و بياان ووليد تصااالحو

ناااااااااااااطرين الباارت اليديد

هلا و الله و غلا فييييييييييج قلبي ..
نورتي بردودج و بتوقعاتج الحلوة
يـــــــــــــــــــــــــــــــــــــــــا
* حلوة *

و تسلمين غلاي

 

[الكلثوم]

و هذي تكملة البارت لكم حبيباتي ..

 

[الكلثوم]

إِصّبِـرٍ يَاقَلّبِيٍ وٍإِنتِظِـرٍ خَلٍ الحِـزٍنٍ مَكتُوٍمٍـ
كِل المَعَآآنِـيٍ تِغَيِرٍتٍ وٍإِتِضحَـتٍ الصُورٍهْ
صَآارٍ الصِدِقْ فِيِ هَالزٍمَـنٍ مِثِل الوٍفَآأ مَعدُوٍم
وٍنفُوُسِـنَآا تِجَرٍحَتٍ وٍالفَرٍحَـهْ مَكسُـوُرٍه
كٍـلٍ المَبَادِئ تِنِشَرَىـآ والليٍ مِعَآاهٍ يِسُوٍـومْ
حَتَـى المِشَاعِرٍـرٍ اِرٍخِصِـتٍ وٍالكِلّمَــهْ
[.. مَــهَــدُوٍرٍهـٍ ..]


أكدت أسيـل لوليد للمره المليون : ياخوووي مافيني شيء .. مبسووطه مره والحمدلله ... وش فيك الله يهديك الا يصير فيني شيء ؟ .... لا هذا صوتي ماتغير .. يمكن لأني تزوجت ؟ هههههه... ان شاء الله بقول لزياد وأحاول اجي .. ههههه خلاص بجي ماراح أحاول بس اذا وافق زياد .. ايه مثل ماقلت معاريس مايصلح بسم الله فجأه اطلع من دون أذنه ... ايه سنعه أخت ..الا وش اخبار بستي ؟ قلبي عليها .. بتذبحونها انت وزوجتك ... لا خلاص توبه ههههه .. طيب سلم على بيان ..أوكِ الله معك
سكرت وهي تتنهد .. يالله وش قـد صعـب الكذب على وليــد !!!
بالموت أقتنع ان مافيها شيء ؟
لهالدرجه صوتها مليان ألم على حالها الي وصلت له !... كله بسبب أستعجالها على هالزواج من غير ماتفكر كثير !
هي السبب بكل شيء .. ماتلووم زياد .. لأن الحقد متلبسه .. والأنتقام هو هدفه
تلووم نفسها لأنها وافقت بسهوله .. لو طااعت كلام أختها روابي !!
روابي تعرف لأمور الزواج اكثر منها .. بس هي عندت ولا سمعت كلامها !.. تستاهل الي جاها
أنبت نفسها أكثر وأكثر وهي تطبخ الغداء علشان اذا جاء مايلقى شيء يمسكه عليها ..
لا هي بنت الدلال ولا بنت الأغنياء !!
هذا هي تعرف تطبخ حالها حال أي بنت !
تنهدت وهي تقول بصوت عالي : وش ينفع الندم الحين ؟؟ وش ينفع تأنيب الضمير ؟ هذا شيء ربي كاتبـه مااقدر أغيره !
أهم شيء ماتبكي !
هذا أهـــم شيء بالنسبه لها ..
هو يبيها تبكي وتتركه وتروح بيت اهلها علشان يقدر يفرق خالد عن تهاني ؟
ماخذها لعب وأنتقام !
خلاااص ما راح تبكي ولا تتركه ولا تخليـه يتهنى بهاللعب ولا يستمتع بالأنتصاار فيـه
وأهم شيء خالد وتهاني الي قاهرينه .. "يتهنووون" ولا راح تجيب لهم طاااري
"بتصبـر لما يستسلم ويعترف بأنهزامه .. ويمحي الحقد من قلبه ويرجع زياد الأولي"
.. هذا تحديها الجديد لنفسها ولـ زياد..!!!!!

سمعت صوت الباب يفتـح وعرفت انه رجع ..
تابعت طبخها وغلفت وجهها بـ اللا مبالاه
دخـل عليها المطبخ وبيده أكياس , قال بسخريه بدال " السلام " : والله وكديناك يابنت ضاري !
حركت الأكل وطنشته
وهو فتح الثلاجه وطلع عصيـر وشربه وبعدها خذ له توست دهنها بالجبن والمربى
ناظرته من طرف عينها .. وش عنده ياكل والغداء بيستوي؟
أحسـن ماراح تسأله حتى!
قالت لما حسته خذ التوست حقه وبيروح الصاله : أنا أبي اروح اليوم بيت أهلي .. وليـد بيطلع في بيت لحاله وأبي اشووفه قبل وابارك له..
رد عليها : وليه أن شاء الله تشوفينه ؟ ..ماشبعتي منه كل هالأيام.. وباركي له بالتلفون ماعندنا بنات يطلعون وهم توهم متزوجين
التفت عليه وهي تحط الملعقه جمب القدر : انا ماراح اروح أتمشى ولا أتسوق أنا بروح بيت أهلي !
أتكى على الطاوله الصغيره بالمطبخ ولوى فمه : عدل عدل !! أسمعوا الطيبـــه الي على نياتها طلــع لها لساان الحين ..يوم عرفت ان حركاتها مكشوفه!
ردت بهدوء : ماقلت شيء زياد لاتكبر المسأله .. أبي أروح بيت اهلي موافق ولا ؟؟
قرب منها بأستمتاع وشكله مروووق لها ولا هو بتاركها بسهوله ..
لعب بخصلات شعرها الي لامتهم على ورى وخلاهم يطيحون على وجهها ..
كانت واقفه مثل الجماد ماحركت شيء , بس تحرك عيونها الي تتبع نظراته الفايضه مكـــر!
زياد وهو يحوس بشعرها : يعني يبي لك زيـنه قبل تدرين مايصلح تروحين بهالشكل !... يبي لك لبس !... والغداء لسا ماستوى !! .. قولي لي كيف بتقدرين تروحين مبكر وانتي بتسوين كل هذا
ردت : اقدر ادبر أموري وفر خوفك علي
زياد : ياعيييني .. كأنك حاسه أن الخوف مقطعني
صدت عن سخريته اللاذعه ورجعت تحرك الأكل : موافق ولا ... ابي كلمه وحده
: هـي انتي !!!
لفها له بقوه وخلا الملعقه تطير من يدها : أسمعي لما أكلمك تتركين كل شيء بيدك .. ولا تعطيني ظهرك !... والكلام الي بصيغة الأمر صيغيه بطريقه ثانيه لأني مااحبها
أبتسمت له ببرود : وش فيك فقدت أعصابك ؟.. وليـه أتعب نفسي وأقدم كل هالأحترام لواحد مجنون مايفـهم شيء!؟
زياد بتوعد : مجنون أجل ؟
كانت كل حركه منه تأكد لها أن فيه شيء يتحكم فيـه .. الشـر يتحكم فيه .. هو مو قادر يتحكم بنفسه ..
الشـر أنتصر عليه بسهوله !!
مسك شعرها فجأه وجر راسها لورى .. صرخت بصوت واطيء من الألم وهي تمسك شعرها خايفه يتقطع زياده عن الي تقطع أمس بيده
طل بالقدر مو مهتم فيها وهي تتألم من شعرها
قال بتكشيره : انا مو قلت لك مااحب المعكرونه ؟ أنا أحب الرز بس كيف أترجمها لك !
قالت بهدوء وهي تحاول تبعد يده عن شعرها : كل يوم رز ! بتمـل بعدين
هز راسها : مالك دخل اذا مليت ولا لا .... اذا حسيت اني مليت ذاك الوقت راح أكبه بوجهك ... لاتقررين عني !
عصبت لأنه يتكلم عن النعمه كأنها شيء عادي .. وقالت ببرود وأستنتاج : أنــت مو بس مريض نفسي الا حيواااااان مافي قلبك رحمه ولا عندك ضميـر !
جن جنووون زياااد لما قالت له هالكلمه بطريقه مستفزه بااارده
ومن غيـر مايحـس مسك بيده أقرب شيء له "القــدر" الي كان حاااااار مره..
وحطــه على بطنها!
صرخت أسيـل بأقوى ماعندها من غير شعور وهي تدف القدر عن بطنها
وأنكب على الأرض بكل الي فيـه
وهي طاحت على الأرض جمبه تتلوى من بطنها
تنفسـه زاااد .. وصدره بدأ يعلى وينزل مثل المجنووون!
عيونه انقلبت حمراا مخيـفه.. والي يشوفه مايتطمن معه أبد
فتح زر ثووبه العلوي وهو يشووف أسيل تصرخ من غير دموع : حسبي الله عليك ياحيواان ماعندك ذرة رحمــه.. مو رحمه بعد!
خذ نفس بقووه وهو يمرر يده على شعره ويناظرها بعصبيه
البنـت أحتماال تموت من الألم .. وش سوى بلحظة عصبيه ؟
دنق بجسمه عليها وحرك يده تجاه بطنها
دفت يده بقررف : أبعــد عني لاتلمسني وتنجسني بقذاارتك وقلبك الحقوود!
زم شفايفه يحاول يمسك أعصابه : أسيـل !!.. أقصري الشر وخليني أشوف أصابتك .. علشان أوديك المستشفى
قالت بطريقه هستيريه وهي تفتح عيونها بقوه من الألم الي تحس فيه يزيد : ليـه تهتم لو صار فيني شيء مثلاً؟ أنت كل همك بهالدنيااا نفسـك وبــس مايهمك الا نفـسك
قال بهدوء وهو يحاول يشوف مكان القدر لكنها تدف يده : أسيل .. خلاص مايهمني الا نفسي .. بس أعقلي وخليني اشوف الأصابه
ردت مو مصدقه هدوئه : أصابة وشو ؟؟؟؟ تقصد الحررق الي حرقتني فيـه ؟؟؟؟.. ليه انت تجرح وتداوي حضرتك .. زيااد فيه بعض الجرااح ماتقدر تداويها مهما سويت!
سكت وتأملها بهدوء وملامح وجهها تتغير بأزدياد الألم
قالت بعد ماترجمت هدوئه وخوفه عليها في عقلها : اذا كنت خايف أني أمووت وأخواني ينتقمون .. تطمــن .. أخواني إيمانهم قووي .. ومع أنك حرقتني متعمد الا أنهم بيقولون هذا قضــاء وقــدر!
وقف وهو يضوق عيونه بحركه خطيـره : جعلك ماتقومين , ماهميتيني ولا حركتي شعره من راسي لا أنتي ولا أخوانك !
ضحكت عليه ضحكه ساخره وهي تحاول تمسك بطنها لكن الألم يمنعها : تصدق قلت شيء جديد !!!!!
لف ظهره عنها وطلع تاركها
حلووو ... حرقها وتركها بكل هدوء !!
حسـت بكره تجاهه يتآكل قلبها !
هذا الي ظنت بيوم أنه بيحبها أكثـر من بدور ..
هذا الي قالت بيان لها ..أنه يمكن يحبها أكثر من نفسه بعد !
تــركها !
رفعت بلوزتها تناظر الحرق .. ورجعت البلوزه وهي تغمض عيونها بقووه على شكله الي يعور القلب
مع كـل الألم الي أحتمـال كبيـر يموتها ... ماطاحات من عيونها دمعه وحده!
حاولت تزحف علشان تتصل بـ....
لحظه من تتصل عليـه ؟؟
كذا زياد بيحقق غايته وبيعرفون أنه يعذبها
وبيتألمون حسره على شبابها المهدور هـه !!...
وطلاقها المبكـر ..
ماارح تخلي أهلها يتألمون بسبب "هالحشـره" !!
غمضت عيونها تستجمع قوتها علشان تقدر توقف تحط على الحرق عسـل وتلف شاش عليـه
لأنها تتذكر أن العسـل يخفف ألم الحرووق ..
على الأقل لحد ماتدبر لها تاكسي أو أي احد ياخذها للمستشفى !
حاولت توقف بس رجعت تطيييح
حست بضعفهاا بهالوقت وتمددت مابيدها حيله لحد مايخف ألمها مع انها ماتتوقع يخف
كل دقيقه يزيـد ويحرق جلدها أكثـر
حست أن بلوزتها تحرقها أكثر واكثر
غمضت عيونها تمنع دموعها
وماحست بيدين زياد الا بعد ماشالها
صرخت وهي ترفسه برجولها : أتركني نزلني !!.. ماابي شفقتك مع اني ما أظنك تشفق على أحد!!
ماعطاها بـال وحطها على كنب الصاله الي كان ينام عليـه .. لكن هي من أمس صارت تنام عليه !
قال وهو ينحني ياخذ علبـة الأسعاف الأوليه الي حاطها على الطاوله : راح احاول أخفف الألم مبدئياً وبعدها بوديك المستشفى
صرت على أسنانها من هدوئه : ماتفهم عربي أنت ؟ قلت لك ماابيك توديني المستشفى ولا ابيك تلمسني .. غصب هــو !!
ناظرها بأستهزاء : أشوف طلع لك لساان أطول لما تأذيتي !!.. رضيتي أو مارضيتي بوديك المستشفى بوديك والحين غصب عنك بتخليني أشوف الحرق وأحاول أعالجه
أسيل : ماشاء الله يعني قلبك كان مسـافر .. والحين رجع زياره ؟
ناظرها زياد بقوه : مالي خلقك أسيل .. كل الي أسويه علشان ما أحس بالذنب .. انتي الي حديتيني أسوي هالشيء بـ لسانك الطويل!
أبتسمت أسيل بأزدراء : مايبي يحس بالذنب .. أنت الذنب متلبسك من راسك لساسك !
ناظرها بهدوء : ممكن توفرين محاضراتك وتخليني أشوف هـ الحرق!
أسيل بقهر : ماابيك تشوووفه .. كم مره أكرر!!.. أتركني خلاااص .. مو حرقتني وخلصت ؟؟.. أتركـــني !!!
كان نفسها تصرخ وتضربـه لما تطلع كل قهرها بس مسكت نفسها من الألم الي ينهش بجسمها
وحاولت تسوي نفسها متحمله الألم ..
لكن هو مسك بلوزتها وهو يهدد : ترى صبري قليل يا أسيل .. لاتخليني ما أوديك المستشفى وأتركك تموتين بالشقه!
أسيل حاولت تبعد يده: تســويها !! ماراح أستغرب منك أعظم من هالشيء!
ماهتم بأحتجاجاتها وناظر الحرق الي يذكره بـ بشاعة الشيء الي سوى !!

...::::...


تعجــب [.!.]
يحسدونا
........ ليش يجمعنا الوفاء ....!
وليش باقي الكون متعود.[.يخون.]
خلنا نبقى { ســـوا
".صبـــح .و. مســـا."
مثل الطيور نعيش [.بحضن.الغصون.]
و إن عيوني صابها بعدك {.عمى.}
........... أنا بوجـودك ترى كلي
.....................[.ع...ي...و...ن.]..


: خالد .. أنا .... أنا مااجيب عيال .. انا عقيــم !!
ناظرها خالد وأبتسم : عادي الشرع حلل أربع انتي الزوجه الأولى والي احبها والزوجه الثانيه تجيب لي عيال بس !
بكت : خالد لااا .. ماراح تتزوج علي راح يرزقنا ربي عيال أصبـر شوي
عقد خالد حواجبه : لا ياتهاني انا مااقدر اصبر شهر ثاني ..وانا انتظر تجيبين لي عيال .. يالله اتزوج بكره والشهر الجاي يكون عندنا ولد !
: خالد ؟؟؟؟ الشهر الجاي ؟؟؟ بتجيب عيال بهالسرعه الغريبه ؟؟
خالد : ايه الناس تطورت!! ..واهم شيء عيال يشيلون أسمي ياتهاني
تردد الصدى
يشيلون أسمي ..!!
يشيلون أسمي !!
تهاني .. يشيلون أسمي ..
: تـهاني ؟
يشيلـون أسمي ..
لا حرام عليـك!!!
: تهاني حبيبتي ؟؟
لاتتزوج علي ياخالد !..مااقدر اعيش وانا عارفه ان وحده غيري تشاركني فيـك.. مااقدر!
: تهاني بسم الله عليك !!
يااارب
: تهااااني تهاااني .... قوومي تهاااني !!
فتحت عيونها والدموع تسيل على خدودها ..
المخده تحت راسها رطبـه من كثر الدموع الي ذرفتها
شافت وجه ضبابي قدامها
ولما توضحت لها الصوره .. أكتشفت انه خالد
بلعت ريقها وهي تمد يديها تمسك وجهه : خالد ؟؟ بتتزوج علي صدق!!
علامات الأستغراب طلت بعيون خالد : أتزوج عليك؟؟ " فهم انها شايفه حلم وقال بمرح " ليـه شايفتني أهبل !! معقوله أترك الأكسجين واروح لثاني أكسيد الكربون ..؟
قالت وعيونها مازالت تدمع : مين .... مين ذولا ... عيالك الي بتجيبهم بشهر ؟
رفع حواجبه : الأكسجين وثاني أكسيد الكربون ؟
هزت راسها بـ أيه
لااااا البنت رايحه فيهاااا ... مندمجه بالحلم بقووه!
قال وهو يمسح على خدها بنعومه : الله يهديك شايفتني نبات اتباادل غازات الجوو !! .. قومي حبيبتي أصحي من النوم .. وتعوذي من الشيطان ..." كمل يكلم نفسه " والله ماينعرف للحريم مهما حبيتهم بيصير هاجس انك تتزوج عليهم يلاحقهم بكل مكان !
قالت تهاني وهي تمسح دموعها وتجلس بعد مابعدت البطانيه عنها : خالد ماارح تتزوج صح ؟
فرك خالد جبينه وقال بعد مابتسم : حبيبتي لازم تصحين من هالحلم .. قومي أغسلي وجهك يالله .. لأني بروح الدوام الحين!
عدلت شعرها المنعفس حول وجهها وقالت بخوف وترقب : حتى ان كنت عقيم ماراح تتزوج علي صح؟
جمد خالد في مكانه بعد ماكان بيلف طالع الصاله ..
ماصدرت منه ردة فعل
وقالت تهاني بخوف : والله مو منـي .. هذا ربي كاتبه خالد .. بس .. بس ..اذا تبي تتزوج ماراح امنعك .. انا مو أنانيه ياخالد !
ماتدري كيف قالت انا عقيم بهالطريقه !!.... بس لأنها كانت نايمه وحلمت بحلم مخيف قالتها له وكأنها تربط الحلم بالواقع !
التفت عليها ببطء وعيونه مليانه أستفسار : تهاني .. مازلتي بوسط الحلم صح ؟
حركت راسها بمعنى لا ... ولبست روبها ومشت لعند التسريحه
طلعت من الدرج الثاني ورقه مخبيتها بين اغراضها ومدتها لخالد بيد مرتجفه
ناظر خالد بالورقه بعدها ناظر بتهاني وحواجبه مقوسه ومرفوعه كأنه مو مصدق
مسكها ببطء وفتحها يقرأ
بدت رجلين تهاني ترتجف منتظره ردة فعـل خالد !!
نزل الورقه من قدام عيونه وهو يناظر الأرض ويرجع شعره بيده الثاانيه
حست انه متلخبط ومصدوم ومو قادر يقول شيء
بس رجليها خانتها لأنها تركت جسمها يطيح على الأرض
لكن قبل ماتلمس الأرض .. تقدم خالد بسرعه ومسكها من أكتافها
سندها على صدره وهو يمسح على شعرها
ويهمس وفمه بعد على شعرها : لاحول ولاقوة الا بالله ...أهـدي تهاني .. أهدي ... هذا ....هذا ..ربك كاتبـه..
الخبــر صعب عليـه!!.. صدمه له ..
كان طاير من الفرح لما قالت له قبل كم يوم , بشكوكها حول الحمل
لكن الحيـن .. يحسه حلم جميـل وتحطم بسهوله قبل مايحط أول حجر ويبنيـه..
شهقت تهاني على صدره : ماارح اقدر لا أجيب 15 تهاني ولا خالد واحد .. ماراح اقدر أجيب شـيء .. خالد .. اذا تبي ... اذا ..
: أشششش
همس بأذنها وهو يربت على ظهرها يحاول يهدي رجفتها
رفعت راسها له : خالد ماابي أحد يدري .. اذا تبي تت..
قاطعها مره ثانيه بنفس الهمس : ماقلت أشش انا !!؟ يعني أسكتي ولا تجيبين هالطاري .. ماراح اخبر أحد عن هالشيء .. وان شاء الله نقدر نجيب .. انا ماافقد الأمل بسرعه ياتهاني .. يكفيني أنك معي ..وهذا الشيء الي ابيه من الدنيا ومافيها!
قالت ودموعها تسيل بكثره على خدها : واذا كتب الله وماجبت ؟
أبتسم لها بحنيـه : قلتيها كتب الله .. يعني ماقدر أعترض على الي كتبـه ربي .. أهم شيء انتي ياتهاني ..وربي كتبك لي .. معقوله أنكر فضل ربي واقول ليه مايعطني عيال وهو معطيني كل هذا؟؟
هزت راسها مو مصدقه : يعني .. ماراح تتز..
قاطعها مبتسم : وبعدين مع هالزواج الي حتى بالحلم لاحقك .. " مسح دموعها بأصابعه وأحتضن وجهها بين يديه " أسمعـي تهاني أنسي هالموضوع كلياً هالفتره واذا الله ماكتب لنا عيال هالسنه .. وديتك لدكتوره معروفه بفضل الله راح تشوف علاجنا !..وتذكري ان كثير يتأخرون بالحمل طبيعي يمكن أحنا مثلهم .. " كمل يوم جات بتقاطعه " ماعليك من التقرير مايهمني تقرير الأطباء " غمز " خذي هالمعلومه من دكتور
قالت وهي تبتعد عنه وحااسه بالراحه تتسرب لكل جسمها : يعني بعض الأوقات تكتب شيء مو متأكد منه !!؟
خالد بهدوء : مو كذا بالضبط .. لكن .. بعض الأوقات ربي يكتب للمريض شيء غيـر الي أنكتب بتقريرنا .. حنا مانعلم الغيب ياتهاني!
قالت تهاني بتساؤل مرتجف : يعني أنت مو متضايق من هالشيء ..
مسكها وضمها بخفه وهو يناظر بالسقف ويفكر .. بعدها نطق بدون مايحس أو يتأكد : لا....


...::::...

.. ... .. طق
.. ... .. .. .. طق ،،، تسمعني ..؟
أدق البآب / تسمعني .. !
دخيلك إفتح بآبك ،، ترآ مل آلصبر بآبي ،،
جفآني آلنوم بـ/ غيآبك ،، عسآها نومتك رآحه .. !
عسى حلومك جنة { وردية ..؟
عسى خدك على وساده ،، تهزك واقطفك ليه .. !
آبيك تخلص حلومك ،، وتضمني بـ/ صدر حنيّه ،،
ابي شفآتك تناديني [ أبيـك ] ،، بـ/ كل ليليّه ..
توصي بــ/ همسك آلحآني ،، [ احبك ] ،،
... وتنطفي فيـّه ..!

سألت روابي بهدوء وهي تحط الجوال على السبيكر علشان تقدر تشيل نوف: وقلتي لعمي ومرت عمي عن هالشيء مرام ؟
جاها صوت مرام مرتبك : أيه قلت للكل ..وأستغربوا أول شيء بس ... بعدين .... روابي والله أصعب مهمه كلفني فيها أحد!.. بس ... أنا متأكده انه بيرجع ياروابي ... هو الله يهديـه ما .. مادري ليه خطر هالمووضوع الغريب في باله .. لكنه ماراح يتأخر " أكدت للمره الألف " أنا متأكده ماراح يتأخر..
ردت روابي بهدوء وهي تنوم بنتها على ذراعها : وش فيك مرام تكررين الكلام ؟ خلاص خليـه ينشغل بتجارته ومايرجع الا بعد 10 سنين بعد مايصير أكبر تاجر ..مايهمني !
سألت مرام : جد مايهمك ؟
تنهدت روابي بأسى : وليه يهمني يامرام ؟.. مو هو قرر يجلس هناك بدون مايسأل عني ... مرام ترى حركاته واضحه .. اذا أتصلت مايرد .. وهو مايتصل علي ويتصل عليك يقولك انتي .. تعلمين الكل انه بيجلس أكثر من الشهر الي جلس فيه.. هذا كله وش يدل عليه ؟؟ أنه مايبي يكلمني .. انه مايبي يرتبط بزوجه وعيال وهو لاهي بتجارته !
مرام : روابي !.. لاتقولين كذا .. والله انه يحبك .. بس الحين هو يمر بظروف ومايقدر يكلمك .. آ .. ماادري وش اقولك روابي أعذريني
حطت روابي نوف في سريرها وقالت بعد ماسكرت السبيكر : خلاص يامرام لك ساعه ونص تقريباً تحاولين تبررين تصرفاته!.. خليه هو يقابلني ويبرر تصرفاته الغريبه بنفسـه
سكرت من مرام بعد ماطمنتها
وجلست عند سرير بنتها تتأملها ..
لها ملامح متعب .. عيونه وفمـه ..!
التفت على نايف الي نايم بسريره .. لأن لازم بعد الغداء ينامون شوي..
حتى هو بعد يشبه أبوه .. ليـه كل شيء حولها يذكرها بمتعب ؟؟؟
ليـه ماتنساه شوي مثل مانسااها كل هالأيام ..؟
أنسدحت ودفنت وجهها بالمخده
حــرام عليـك يامتعب الي تسوي فيني حرااام !

...::::...

مسكت بيان ذراع وليـد وهو يسحب عربـة السوبر ماركت
ومشت جمبه بهدوء تناظر بالأغراض وهي سرحانه في الي صار اليوم بالجامعه..
قال بعد ماوصلوا أول قسم : وين سرحتي ؟ .. الحين لازم تتحملي المسؤليه وتعرفين الأغراض الي البيت يحتاجها .. الله يعينك فجأه لقيتي كل شيء فوق راسك!
أبتسمت له وهي تترك ذراعه وتلتفت على قسم المعلباات : بس انا قدها
وليد : ايه أهم شيء الثقه على الأقل ماتتحطمين هههههه
ناظرته : هل عندك ذرة شك ؟
وليد : أبد .. بس انا بساعدك علشان كذا بتقدرين على هالمسؤليه ..
بيان : شووف كيف بنقي الأغراض
مشت بحماس تناظر بالعلب .. ممممم وش تشتري أول ؟
وقفت كذا تناظر ...
المجمع كبيـر .. يبي لها مجمع صغير علشان تقدر تشتري بسهوله ..
صرقعت أصابعها بتوتر والتفتت على وليـد تترجاه بعيونها يساعدها
ضحك وهو يقرب منها : مو توك تقولين انتي قدها
بيان : ايييه بس لازم مساعده
وليد : أيه زين .. يالله مممم وش الأغراض الي تبينها؟
فتحت عيونها : مو توك تقول بتساعدني!!
وليد : قلت بساعدك واشتري لك .. لكن وش يدريني على الأغراض الي تحتاجينهم بالطبخ ؟
تنحنحت وهي تدور بعيونها وقالت وهي تمشي للجهه الثانيه : أيــه الصلصل أهم شيء
لوى وليد فمه يضحك عليها : الصلصل ؟ ههه والماجي !!
خزته : لاتستهزأ وخذ صلصل وماجي
وليد : زين عمتي !!!... بس لاتصدقين نفسك
خذ الي تبي وبعدها صار يشتري كل شيء يشوفه مهم ..
ماعمره قضى لأهله .. وهو لما كان بنيويورك كان يشتري أغراض بسيطه مثل كل الشباب
وصلوا لقسم الأجبان والعربه أمتلت ..
قال لها وهو يناظر بالعربه : روحي جيبي ثانيه
ناظرت الأغراض ومسكت ضحكتها : تتوقع نستخدم كل هذا ؟ ماراح يخترب ؟
وليد رفع حاجب : ورى يخترب ؟؟.. كل يوم أطبخي لنا ولا راح يخترب
أشرت على العربه : بس الأغراض كثيره وتونا ماوصلنا نص الماركت!!
وليد أنحنى يشوف الأجبان : ماعليك جيبي عربه بسرعه وتعالي
هزت أكتافها مستسلمه : كيفك ..
لفت بتروح بس شافت خمس بنات يتمشون عند قسم الأجبان بعد .. ورجعت موقفه عند وليد
ناظرها وليد وهو يرفع راسه مستغرب : وش فيك ؟ جيبي العربه..
ناظرت بيان البنات بعدها ناظرته : أصبـر لما تصير لوحدك
مافهم وعقد حواجبه : وش هو ؟
ناظر للجهه الي تناظرها..
بعدها رجع عيونه على الي في يده وهو يحرك راسه يتحمد عليها ويبتسم : ترى ماارح ياكلوني
بيان : أيـه بس مايصلح اخليك معهم .. الشيطان ثالث ..
ناظرها مو فاهم : وشو ؟؟؟ أي شيطان مو لوحدنا حنا .. شوفي العالم حولنا
بيان : أيييه طيب وش فيك مستعجل تكفي عربيـه وحده !
عدل جلسته وهو يتنهد ويخزها : ابعدي بس انا اروح اجيب ..
ناظرته وهو رايح وضحكت : ايه احسن المفروض انت تجيب مايصلح تخليني اروح لوحدي
وليد : من بعد المكان !!.. الا قولي كل شيء فوق راسي
قالت وهي تتسند على العربيه : ياحلوه وهو يتحلطم مع نفسه !!
التفتت يوم سمعت صوت تفحيط عربه جااي من قسم الحلويات الي مقابلهم ..
وشافت بنت كبيـره تدف العربه بشكل عربجي ..وبنت أصغر منها وراها تمشي وفي يدها سله كبيره وتلتقط من الحلويات
فتحت عيونها بشكل مضحك لما تعرفت على البنات ..
أنهبلــت هالبنت !!!!... تفحط عند الناس كأنها بزر !!
رفعت بيان يدها تأشر لهم وأنتبهت البنت الصغيره لها
ضربت ريهام غلا على ظهرها : هيييه أنتي مو كأن هذه بيان ؟؟
التفت غلا تناظر في المكان الي تأشر عليه ريهام وقالت وهي ترفع يدها وتصرخ : الا هذه بيانوه ناظري لون عيونها كانها قطو خخخخ
طاح وجه بيان لأن صوت غلا عااالي
وأشرت بيدها بتوعد
جاتها غلا تررركض بالعربه
وبيان متفشله من البنات الكشخه الي وراها
والي يناظرون غلا بأستغراب !!!
قالت بيان لما أقتربت غلا منها : أنا تبـنه يوم أشرت لك وخليتك تعرفيني .. والله فشيـله !!.. أبعدي مااعرفك
شهقت غلا وهي تضرب وجهها بيدها : ياقليلة الحيا .. تنكرين معرفتك فيني ؟
بيان : اسطفلي ..
غلا : انقلعي " نطت تناظر العربه وعيونها طلعت قدام " الحين هذا كله أغرااض ؟؟ شكلكم رميتوا ثلاجتكم والي فيها ! أو ميتين من الجووع ولكم يومين ماكلتوا!
بيان : بلا أستهبال غلايه ..تدرين أننا بننقل لبيتنا الجديد
صفرت غلا : اييييه ياعيييني نسييييت كلولوووش
جاتهم ريهاام من ورى : غلا فضحتينا مع تصفرك ترى أمرك صاار مشكوك فيـه !
بيان : ههههههههه والله صادقه حركاتها مو طبيعيه بيظنونها هاربه من مستشفى المجانين ..
غلا : والله حركاتي طبيعيه 100 % .. حبيت أرفه عن نفسي شوي
سألت بيان : الحين انتوا جايين لحالكم ؟؟
ريهام : انهبلتي بيان !؟
بيان : والله دام اختك بنت خالي فـ أكيد أنهبلت من زمااااااان
ريهام : ههههههه اجل وش اقول أنا ؟
غلا : طسي انتي وياها .. يالهبله انتي ! ..جايين حنا مع امي وريان .. بالموووت رضوا يودونا مكان .. سواق ثامر الله يرجعه بالسلامه واقف ماعنده شغل على الباب قلت خلوني أكده شوي..
بيان : شيء طبيعي ماتخلين احد يرتاح أنتي
جاء وليد من وراهم معه عربـه
وريهام أستحت ووقفت ورى بيان .. اما غلا رفعت يدها مثل الشباب تسلم : مساء الخير زوج بنت عمتي !!
ضربتها بيان على كتفها وشدت عباتها علشان تخليها وراها : اعقلي..
ضحك وليد وأشر بيده مثلها : مساء النور بنت خال زوجتي!
غلا : خخخخخ رددها لي
ريهام : خلينا نروح يالفضيحه..
غلا : عااتي عااتي اصبري
وليد حط العربه الفاضيه جمب المليانه : وش أخبار الوالده ؟ عسى مو محتاجين شيء؟
غلا : لاا كثـر خيرك .. " بأستهزاء " عندنا زياد مايقصر
ضربتها ريهام على يدها
وهي خزتها بعيونها
قالت بيان وهي تمسك وحده من العربات : تتسوقون معنا
أشرت غلا على عربتها : لا أنا تسوقت وخلصت .. بس بااقي العصيراات
ناظر وليد في العربه المليااانه شوكولاتات وشيبسات .. وحلويات .. أطلب تجد !!
وقال بأستغراب : الحين هذه مقاضي البيت ؟
ضحكت بيان عليه : لا وليد وش دعوه ؟! .. مرت خالي هناك مع ريان تقضي للبيت هذه خرابيط غلا وريهام
مدت ريهام يدها الي السله فيها : لا هذه اغراضي بس .." ناظرت غلا على جمب " انا مو مسرفه مثل بعض الناس
غلا : اقول اها بس
مسكت عربتها بتروح وهي تناظر بيان وريهام: يالله بشتري عصيرات تجون معي ؟
ريهام : اكيد بجي معك انا !!
ناظر وليد بيان وأشر لها براسه : روحي معهم شوي بشتري من هنا بعض الأغراض وجايكم بقسم العصيرات
راحوا مع غلا الي شكلها أبد مو طبيعي ..
ملفت للنظر ومضحك !!
شرت بايسن وكود رد .. وكل مشروبات الطاقه..
وبيان وريهام يتأففون من كثر ماتوقف..
لما مرت على شوكولا دانينو حق الأطفال عبت العربه فيه لما صار ما فيه مكان لأغراض ثانيه
سمعوا رجال وراهم يهمس : بسسسس... ياحلوو عطنا وجه
نطوا بيان وريهام من الروعه ووقفوا عند غلا الي مندمجه مع دانينو ومحتاره أي نكهه تختار زياده!!!!!
قالت بيان من غير ماتلتفت للرجال الي تكلم : غلآيه ....!! والي يسلمك خلينا نروح لوليد !
ناظرتها غلا مستغربه : ليه ؟
ريهام : ماتسمعين الي يتحرشون ورى ؟؟
قالت بهدوء وهي تحط العلب بالعربه : لايهمونكم ..
: اموووت على الشخصيـه أنا ..!!!
تأففت وابعدت العربه وبيان وريهام .. من غير ماتناظر الرجال
انحنت وبيان تفتح عيونها مصدومه من الي تسويه غلا
خذت صندلها ورفعته قدام وجهها وصارت واقفه على رجل وحده
كانت عباتها الي على الراس واااااااسعه .. وخيط برقعها مايل على اليمين ..
والي يشوفها يعرف على طول انها مو من بنات هالأيام الي يحبون يكشخون ويطلعون يتمشون بس ..
كان واضح ان كل همها بطنــها .. مالها خلق للكشخه حتى!!
بلعت ريهام ريقها وهي تناظر غلا الي رافعه صندلها وتلف على الرجال الي وراها
قالت غلا بقوه : شوف بعد من الواحد لما الثلاثه ان مارحت عـ .... ع.. ن..
جمد كل شيء فيها لما عرفت الرجال الي ناقع ضحك وراها ..
ووراه واحد يبتسم بهدوء وهو يناظر بشكلها المضحك من فوق لتحت
طاح صندلها ع الأرض ولبسته بفشيــله ..
وبيان تخصرت وهمست وهي تناظر بأخوها علشان مايسمع الي وراه: مشاااريوووه ؟؟؟ وش ذا القلة الحياا ؟؟؟ اموت بالشخصيه بعد !!.. صدق ماتستحي!
التفت مشاري على فيصل وهو مازال يضحك : ههههههههه بالله عليك فيـصل شكلها مو مضحك ههههههههه .. مع احترامي انها خطيبتك يعني.. بس صراحه ماينخااف عليها .. ماعندها لف ودوران على طول بتصفقنا خخخخخ
جاهم صوت غلا الي رجعت تاخذ عربتها حبيبة قلبها : اكيد ماينخاف علي .. واهم شيء انه يصير واثق اني ماراح اسمح لواحد يتعدى حدوده سنتيمتر واحد!
قال مشاري وهو يمسح دموع الضحك : بس مو على طول طق وطقيق الله يهديك !!... تفاهمي أول كلمي السكرتي .. على طول شلتي الـ..
سكت ماسك ضحكته يوم خزته غلا ومشت
التفت على فيصل الي يهز راسه بهدوء : أعذرني ماقدرت امسك نفسي , لازم احارشها ماشفت شكلها انت ؟؟!! تقول وحده أول مره تشوف سوبر ماركت

راحت بيان ورى غلا الي تتحلطم مع نفسها
قالت تحاول تمسك ضحكتها : غلووو .. لو انتي مرتبه نفسك شووي كان على الأقل صاار الموقف أقل فشيله .. شوفي شكلك يموت من الضحك !!
غلا : والله ماهتميت قبل مااجي السوبر ماركت اجلس اكشخ !!.. فيه رجال هنا
التفت بيان وشافت غلا يسلم على مشاري وفيصل ..
قالت لغلا : قومي نرجع وين بتروحين ؟
غلا : برووح لأمي ..نادي ريهام
بيان : اوكي .. انا بروح لوليد أشوفك بكره بالجامعه
غلا : اوكِ


...::::...

بعــد أيــام ...
طلع حمد من عيادته بيرجع البيـت ..
بس أنتبـه للبنت الي جالسـه بالكراسي ..
قدام عيادته
أبتسم لما عرفها وقرب منها : الســلام عليكم ..
رفعت حنين عيونها مو مصدقه انها تسمع صوته .. رجـع من شهر العســل !!
ماتصــدق !..مو قادره ..تستوعب انه يسلم عليها
وقفت مثل الطالب الي دخل عليه معلمه يسلم وهو وقف يرد السلام : عليـ ـكم الـس .. السلام
قال بأستفسار وهو يدور على أبوها : وين العم بو عبدالرحمن ؟
ردت بأرتباك : راح يصرف الدوا الشهري ..
حمد : وشلون صحتك الحين ؟
رفعت عيونها تناظره بعدها نزلتهم
وهو أستغرب من حركتها
قالت بعد صمت : ماادري ماحس اني بخيـر
أستغرب حمد : وش حاسه فيـه ؟
حنين : ماادري يادكتور .. بس مااظن تقدر تعالجني
عقد حواجبه : ليه ؟
حنين بهدوء : لأن ماحد يعرف العلاج الا أنا
حس راااسه يدور مو فاهم شيء : تعرفين علاجك ؟
حك جبينه يحاول يسترخي الظااهر كثر الشغل أثر
هزت أكتافها وراحت متوجه لقسم الحريم : اشووفك على خير دكتور
وش فيها تركته وراحت فجأه ؟؟!
هز أكتافه مو فاهم لها .. ع راحتها .. هي مريضه وهو دكتورها .. لكن فيه أشياء مايقدر يتدخل فيها .. مثل الي جالس يصير الحين ..
تقول "هي تعرف علاجها بنفسها" ؟؟.. علاج وشو بالضبط ؟.. القلب ولا ؟

راح شقته .. بعد ما أشترى باقة ورد جوري
واول مادخل الصاله تلفت يدور شيماء
مالقاها في المطبخ ودخل الغرفه ..
سمع صووت المويه جاي من دورة المياه
وصوت شيماء الناعم مختلط معه وهي تغني بحماااس

مانت فاهم يااغلى من مر بعيوني
عاشقك سلم أمره للغرام
شفت فيك العمر .. يالقلب الحنون
من عرفتك .. وانا عايش في هيام

حط أذنه على الباب يستمع بأبتسامه

انسى هالعالم ولو هم يزعلون
ماعطيت اليوم غيرك اهتماااااااااام
عجزت عيوني على غيرك تمون
ماعرفت انطق لغيرك بالسلام
لك انا خطوه واوصل للجنون
بك ترى العاقل على عقله يلام

أبتعد عن الباب بسرعه وهو مازال ماسك باقة الورد وشيماء طلعت وهي تنشف شعرها ومازالت متحمسه مع الأغنيه

بك انا بافخر على العالم واكون
أسعد اللي يحب واجملهم كلام

وقفت يدها على المنشفه وقالت بأستغراب : حمودي ؟؟
مد الباقه بأبتسامه : عيوونه .. يسلم لي هالصوت وراعيته !
أبتسمت له وتركت المنشفه على راسها ولفت الروب زين على جسمها وهي تاخذ باقة الورد : الله يسلمك حبيبي .. جيت مبكـر !! ..ممممم كنت ناويه اسوي لك مفاجأه
سوى نفسه مصدوم : الحين من خذتك وكل يوم مفاجأه ماخلصوا هالمفاجئات؟
أشرت براسها بدلع : نو نو ... طووول حياتنا مفاجئات .. توقع أي شيء مع شموو ..
حط يده على وجهه : لاحول ولاقوة الا بالله ..بتذبحني هالبنت قبل يومي!
قالت بنعومه وهي تقرب تمسح على خده : بسم الله عليك ياقلبي .. الحين بدل ملابسك .. وخلني أحط لك الغدا المتأخر .. مسويه لك لزانيا اتمنى تعجبك !
حمد يقلد نعومتها : والله أي شيء من يدينك حلوو ..
قالت وهي تمد أصبعها بتهديد : مدامك قلت من يدينك يعني أنا الي بأكلك
حمد : هههههههه والله وتدلعنا فجأه !!!.. خفي علي ترى يمكن يصير في قلبي شيء ساعتها مايصير عندك من يعالج القلوب !
ناظرته شيماء بأستخفاف مرح : انت تعالج القلوب ؟
رفع حمد ذقنه : ليه شاكه بمهنتي ؟
شيماء : أبد .. بس مااشوفك عالجت قلبي ؟
حمد ماشي معها : بسم الله على قلبك .. ليه وش فيه ؟
جلست شيماء على كرسي التسريحه تمشط شعرها : ممممم مره أنسرق .. والي سرقه ماادري وش سوى فيه بالضبط المهم انه يوم رجعه كان محفور فيـه أسم حمد .. والحين مااقدر انادي أحد الا بأسم حمد .. " رفعت عيونها ببرائه " تخيل حبيبي ؟؟؟... ها عندك حل لهالمرض !
طلع بدلته من الدولاب والتفت لها مبتسم : عرفت مرضك منتشر هالأيام ..!!
شيماء : صدق ؟؟؟ وش أسمه ..
دخل يبدل ملابسه وشيماء خلصت تمشيط شعرها وجات بتلمه لحد ماينشف
طلع حمد وهو يكمل بأستنتاج : هذا أسم مرض الحب ..
التفتت عليه : تتوقع فيه امل اتشافى منه ؟
قرب من عندها وقبل ماتلم شعرها .. دخل يديه فيه وعفسه لها بالكاامل : مافيه أمل .. وان شاء اللله ماحد يخترع علاج لهالمرض اللذيذ !!
صرخت : ياماماااااااا مرض ولذيذ ..؟؟
أبتعد حمد لاتضربه : ههههههههه يابنت الحين الاحظك ماتقولين الا ماما وبابا .. وش سالفتك؟
قالت وهي تناظره على جمب : أتوقع تعرف أصلي من وين ياحلوو
ضحك حمد وهو يجلس على السرير : أكيــد ... أنتي غيــــر .. من جــده غيــر !

...::::...

انا وانتيـ بهـ الدنيـا .. :: تحمـّلنا :: بعضــنا كثيــر
تعودتي إنتيـ على عـنادي وصـرت أحب هـ الغيـرهـ !
انا وانتهـ حكـــايتـنا .. مثـل / صدر السمـا والطير /
كثيــر اللي يطالعهـا ولا أحـــد ٍ طـالهـا .. غيـرهـ


ضمت بيان جدتها عند الباب مو مصدقه لحد الحين أنها موجوده قدامها
قال ليد وهو يفتح باب بيـتهم : أقول ترى طفشتي جدتي حياتها !!.. من جات اليوم الظهر بيت عمي وانتي تضمين فيها خلااص هذا هي جات معنا أتركيها تتنفس..!
ناظرته بياان وهي تكشر تحت نقابها
وام محمد ضحكت بصبر : أتركها يمه .. حتى أنا مشتاقه لها حاسه سنين غايبه مو كم شهر..
بيان : والله خلااص يايمه هذه آخر مره تروحين فيها الريااض .. مو بس تنورين الرياض وخبرنا تظلمينها !
دف وليد بيان بنعومه عن جدته ومسكها وهي تصعد الدرج الي برى ..
جات بيان من الجهه الثانيه ومسكت جدتها وهي تناظر وليد : مو بس انت ولد ولدها
وليد: الحين مين يغير على مين ؟
ام محمد بأبتسامه وهي يالله يالله تصعد الدرج : واضح !.. انت تغير مني .. لأنها من اليوم لاصقه فيني
ناظرتها بيان مستغربه وناظرت وليد الي ضحك لجدته وهو يحط يده ورى شعره يسوي نفسه مستحي : كشفتيني يمه
ام حمد : ههههههه مايبي لها ذكاء واضحه في وجهك
ناظرته بيان على جمب تظنه يستهزأ
وبعد مادخلوا البيت قال وليد بقوه وهو يشغل اللمبات : تووو ماتبارك البيــت يمــه !..
أم محمد : متبارك بوجودكم ياولدي..
فسخت بيان عباتها ودنقت بتشيل الخداديه الصغيره من على واحد من الكراسي الي عند الممر
علشان تجلس جدتها عليه ترتاح شوي قبل ماتدخل باقي البيت تشوفه
بالوقت نفسه دنق وليد بيشيلها..
ضربت بيان راس وليد بقووه من أستعجالها
وقالت وهي تفرك راسها وتغمض عين : آآه ..
ناظرها وهو يشيل الخداديه ويعقد حواجبه : تألمتي؟
سألته مستغربه لأن الألم مابان على وجه : ليه انت ماتألمت؟
ضحكت ام محمد وهي تجلس على الكرسي : ياحليلكم ياعيالي .. ماتوقعت أبد انكم تصيرون لبعض .. بس الله كتب هالشيء وفرح قلبي ..
أبتسم وليد وهو يقرب من بيان ويمسك راسها ويسحبه لصدره : ايه تحسيننا مناسبين لبعض صح ؟
دلك راسها مكان الضربه وهي توترت من حركته جمب جدتها ..وبنفس الوقت أنقهرت من سخريته وهو يقول آخر جمله له..
ام محمد : ايه ماشاء الله مخلوقين لبعض
وليد : هههههههههههههههه اما ذي !!
أبعدت بيان يديه عنها وهي تقول ببرائه : ترى حتى انا احس نفس أحساس جدتي !
ابتسم وليد وهو يرفع هاحب لها وينقل نظراته بينهم : فديت هالأحساس والله .. من أجمل أمرأتين بالعالم
ام محمد : ههههههههههههه ولد ..اعقل !!
وليد : وانا وش قايل يايمه .. ؟ بالذمه ناظري المرايه .. والله انك تغطين على .. ممم .. وش اسمها "التفت على بيان" عطيني اسم وحده حلوه
قالت وهي ترفع حاجب : بيان
التفت وليد يكمل : بيـ.." رجع يناظر بيان " انا كنت اقصد فنانه ..
بيان جلست على الكرسي المقابل : أبـد .. أبصم لك اني احلى من كل الفنانات
وليد ناظر جدته : نناسب أجل ؟؟ شوفي التواضع وشوفي الغرور
وأشر على بيان
ضحكت ام محمد
وجلسوا يسولفون شوي بعدها قاموا يورونها البيت
وحطوا أغراضها بغرفه رتبها وليد يوم عرف انها بتجلس عندهم
قالت ام محمد وهي تجلس على السرير الواسع : تعبتك معي ياولدي .. الله يهدي بيان الا لازم انام عندكم
بيان : أيــه بتنومين شهر مالي دخل أنا !!
وليد : أفا ياجدتي .. تعبك راحه .. وبعدين ابيك تذوقين طبخ بيان "حرك وجهه بمعنى الله يعين " .. علشان اذا مت .. آ .. اقصد " كمل يوم خزته بيان بقهر " .. اذا شفتيني مبتسم ماتسألين عن السبب !!.. اكيد لأني ماكل من يديها
قالت بيان وهي تطلع من الغرفه : أترك جدتي ترتاح . والحين بسوي العشاء وبثبت لكم ..
وليد طلع وراها وهي يأشر لجدته بمعنى " اوكي " : نشووف
دورت شناطها الي حاطتهم بالممر .. ولا لقتهم
قالها وليد وهو يتسند على إطار باب الصاله الصغيره : حطيتهم بغرفتنا
رفعت عيونها له بتوتر .. وسألت بأرتباك : غرفتنا ؟
أشر على الغرفه المنحوسه بالنسبه لبيان !!
وقال وهو يطلع مفاتيح سيارته من جيبه : انا بروح أمر واحد من الربع في المستشفى .. ماسكته أفلونزا حاده وتوها تاركته.. بتحمد له بالسلامه
مرت بيان بهدووء من عنده رايحه الغرفه: اوكِ .. ترجع والعشاء جاهز ان شاء الله..
مارد عليها وسمعت صوت الباب الخارجي يتسكر
ترددت تفتح باب الغرفه ولا ؟
كرهت هالغرفه كثيــر من بعد الكلام الي رمته على وليد
توكلت على الله وفتحتـها ...


...::::...

× خــتـــامــــهـــــا // ح ـــلمـ // ×
غفيتـ أنا لحظاتـ .. وكلـ حزنـ فينيـ ماتـ
وكلـ مااذكر ابتسامـهـ منـ حبيبـ ..
معها انسى كلـ هميـ ..
ويومـ اصحى مالقيتهـ ..
.. // كـــــــانـ حلــــــمـ .. او هــــــو حــقــيــقــهـ
// ..
انتـ وينكـ وأنا وينيـ ..
العتبـ منيـ كثير فيـ الحقيقهـ والخيـــــــــالـ ..
لكـنـ احلاميـ معهـ كانتـ اجملـ منـ خيـــــــالـ ..

طلع فهد من غرفته بعد ماغير ملابسه .. وده يروح مع ضي مشواار .. بس مو قادر..
مايدري وش الي يمنعه بالضبط ..؟ لكن كل الي يحس فيه أنه كاره البيـت ومو طايقه
ويحس هالكره يكبر يوم بعد يووم ... واليوم قلبه ممسوك كثيير من قوو الضيقه لكن بيحاول يقاومها
مو معقوله مهمل زوجته طول الأيام وهي ماعندها أحد يونسها..!
أبتسم أول مادخل الصاله وشاف ضي جالسه تفرفر في التلفزيون
التفت وأبتسمت بفرح لما لاحظت أبتسامته .. أخيراً راح الشيء الغريب الي فيه !!
وقفت بـ شووق : حبيبي فهد ..وش أخبارك اليوم ؟؟
جمدت مكانها ووقفت رجليها عن التقدم
لما عقد حواجبه بقوه وهو يحاول يتنفس
قالت بخوف عليه : فهد انا حاسه فيك شيء !.. ليه ماتروح المستشفى يشوفون وش فيك؟
ناظرها بغييض وقهر مايدري من وين طلع : أنتي لو تسكرين فمك كان انا مرتاح
فتحت فمها عكس الي أمرها فيه..
بس فتحته صدمه .. وش جالس يقول ؟
أشرت على نفسها بأصبعها تحاول تفهم : تقصدني أنا ..
ضحك من غير مايحس : ليـه فيه أحد غيرك هنا ؟
ضي بشك : فهد انت مو طبيعي الأيام الأخيره أبد ..
عطاها فهد ظهره بيطلع : ليه وش شايفتني طالع بدون ملابس؟
ركضت وراه تبي توقفه .. لازم تفهم وش فيه.. مو يرمي الكلام وبس
مسكت يده تبي تمنعه يطلع
وهو دفها بأقوى ماعنده كأن كهرب مسكـه : لا تلمسيـني ياضي .. أحذرك .. ترى مو مدانيك وواصله معي لهنا ...!!
طاحت ضي على الأرض والتفتت له .. أول مره يعاملها كذا ..!!
قالت والدموع تتجمع بعيونها : مو مدانيني أنا ؟
ززفر فهد وطلع : لاحووول ماادري من معي غيرها بالبيت؟
تركها ترتجف في مكانها وعيونها الواسعه تدور عن الحقيقه
وعقلها يشتغل ويتذكر وش سوت له هي بالضبط ؟ زعلته ؟ ماتتذكر انها قصرت بحقه شوي بس !

ركب فهد سيارته ومسك جواله ودق رقم قديم مخزن عنده..
لما جاه صووت ناعم متلهف .. قال من غير لايدري وش جالس يسوي : هيفاء ؟

...::::...

نهــاية الجــزء الـثــ"30"ــلاثون..
أنتظر تحليلاتكم وتوقعاتكم للأجزاء الجايه ^^ ​

 

[×~NoOoSh~×]

مشكوووره حبيبتي ع الباارت
لووووووووووووول اموواصله من امس انطر الباارت
امبى مسكينه ضى كل هاذا من سحر هيفاء :lkmnkl:
ناطره البارت اليديد بعرف شصير مع بياان او وليد او زيااد اسيل

 

[Mazyoona]

ههههههههههههه بروره سبقتييني هالمره
ايي و الله مسكيينه ضي ,, كل هذا سحر
و زيااد ,, مسكيينه هالاسييل الله يعينها عاارفتله
وبياان ووليد ؟؟؟ الحيين تصالحو ؟؟ ما فهمت
عالعمووم بااااارت رووعه
و بمر عالقصه طوول اليووم انطر الباارت اليديد
يسلموو هالاديين الحلوه

 

[نجمه الحالمه]

 

[الكلثوم]

مشكوريين حبيباتي ع الردود الحلللوة و التوقعات الأحلى

شاكرة لكم مروركم و ردودكم

 

[الكلثوم]

العفووو حبيبتي

 

[الكلثوم]

ههههههههههههه بروره سبقتييني هالمره
ايي و الله مسكيينه ضي ,, كل هذا سحر
و زيااد ,, مسكيينه هالاسييل الله يعينها عاارفتله
وبياان ووليد ؟؟؟ الحيين تصالحو ؟؟ ما فهمت
عالعمووم بااااارت رووعه
و بمر عالقصه طوول اليووم انطر الباارت اليديد
يسلموو هالاديين الحلوه

خخخخخخخخخخخخ

الله يسلمج قلبي

 

[الكلثوم]

مشكوووره حبيبتي ع الباارت
لووووووووووووول اموواصله من امس انطر الباارت
امبى مسكينه ضى كل هاذا من سحر هيفاء :lkmnkl:
ناطره البارت اليديد بعرف شصير مع بياان او وليد او زيااد اسيل

العفووو حبيبتي ..
اهئ اهئ اهئ شفتي الخايسة المعفنة شنو سوت فيهم >> فيني حرة عليها

آآآآآآآآآآه يا حلووو بيان

 

[Mazyoona]

يلاااا يالكلثووم ناااااطريينج

 

[×~NoOoSh~×]

حبيبتي الكلثووم نااطرينج

 

[Mazyoona]

يلااا الكلثووم ناااطريينج

 

[×~NoOoSh~×]

لايوقف لايوقف لايوقف

نااااطرينج

 

[×~NoOoSh~×]

نااطرينج

 

[Mazyoona]

ناااااطريينج يالغااليه

 

[×~NoOoSh~×]

لايوقف لايوقف لايوقف
لايوقف لايوقف لايوقف
لايوقف لايوقف لايوقف

لايوقف لايوقف لايوقف

لايوقف لايوقف لايوقف

ناااطرينج