)(..)(..() مـــــــــــــــــــلآحــــــــــظــــــــــــــة ()..)(..)(
تــــم تــــغـــيـــر أســــــم هـــــآجــــر إلآ لـــيــلــى .. و صـــدقـــونــي مـــهـــمـــآ حـــطـــت لـــهــآ
الـــكــآتـــبــة مـــن إســـم حـــلــــو أو شــــيــن ....شـــخـــصـــيـــتــــهـــــآ مـــآ رآح تــتـــــغــــيــــر
و يـــالــله نـــتـــمـــنـــآ تــــحـــبـــونــــآ بـــأســـمـــهـــآ الـــجــديـــد >> حــييييييل هههههههه
>> الجـــزء الســابع <<
!!.. القـسـ (( 2 )) ـم الثـاني ..!!
×
×
×
صرخ زياد هالمره مو قادر يستوعب " أتصلوا بالمطافي .. أتصلوا بالأسعاف تحرررررررركوا ..... لحظه وينكم فيـــه ..؟ ..... جااااااايكم"
سكر والتفت على الحريم وعيوووونه حمراء من الصدمه " يمــ .. "
ماقدر يكمل لأن الكل كان ساكت مو قادر يتحرك ... الا حلا الي تنتفض بخووف ورعب وطااح الغطااء من وجهها .. وجلست تناظر فيه تبيــه يطمنها .. يقولها انه يمزح معها ....!! وان حبيبها ثامر مايحتااج أسعاف ولا مطافي ..!!
تكلم زياد غصب عنه " مو متأكدين ........ (( بلع ريقه يوم شاف نظراتهم وكمل )) شافوا سياره تحترق بعد المحطه "
همست أمه بأنفعال " وليدي "
طاحت عليهم .. رجولها مو قادره تشيلها وهي تبكي .. والكل خاف والبنات يبكووووووون وتهاني راحت تركض تجيب لأمها مويه
ريهام جلست تبكي وهي تصرخ " ماماااااا ماماااااا "
حلا زادت النفضه فيها وصررررخت وهي متمسكه في أمها " ثاااااااااامر لااااااا " طاحت مو حاسه بنفسها وأغمى عليها .. والأرتباك زاد على العايله ..
ام حمد تمسح وجه بنتها بالمويه " يمه بنتي قوومي يمه قوومي .. مافيه الا الخير رجلك "
بيان حطت يديها على فمها تمنع شهقاتها العاليه " اتصلوا في ابوي ولا عمي ولا خالي .. ايييييييي واحد المهم يشوفون ثامر "
طبعاً الشياب راحوا البيت بعد الضيوف مبااشره .. وأعتمدوا على عيالهم في ترتيب المزرعه وتوصيل الحريم ..
حمد والخوف في قلبه " لا مانبي نخوفهم .. خلونا ناخذ حلا المستشفى اخاف جاها شيء من الخوف "
زياد يكلم حمد بأرتباك " انا سيارتي مافيها بانزين سيارتك فيها "
حمد مرتبك أكثر على اخته وولد خاله " لا مافيها بس سطاام وفهد وخالد موجودين "
التفت على سطام الي جاي يركض " خلااص بدلت كفر سيارتي أركبوا معي وجيبوا حلا "
زياد " لا انا برووح عند فيصل ووليد ومشاري بساعدهم "
فهد وهو يدق على فيصل " يالله تعالي معي اجل انا بروح لهم "
خالد " وانــ .. "
قاطعه حمد " لا ياخالد انت اجلس مع الحريم ... مابقى عندهم أحد "
هز خالد راسه بتفهم وعيونه كلها قلق
ريان وهو يبكي " برووووح معكم "
زياد بعطف " لا رياان أجلس مع امي هون عليها "
دق متعب على روابي بنفس الوقت .. لانه راح البيت بعد مامشى ثامر .. تعباان ويبي يرتااح
ناظرت الشاشه وعيونها غرقانه دموع (( أمير قلبي )) يتصل بك
ردت وهي تحاول تخلي صوتها طبيعي ماتبي تخوفه " أ .. الو "
عقد متعب حواجبه وهو منسدح على السرير " رووبي وش فيك ..؟ وش فيكم تأخرتوا .. لي ساعه من من وصلت البيت ..؟ "
حاولت تتماسك وهي تشووف ام ثامر تبكي .. وحلا شايلها حمد للسياره وامها معها " لا .. مافيني شيء "
متعب مسكه قلبه يوم سمع جوابها " رواابي ..؟ تكلمي وش صااير ..؟ "
بكت روابي مو قادره تستحمل .. وعلمته في الي صاار وهي تبكي .. ماكان ودها تخوفه .. بس كانت تبي احد تفضفض له ..
متعب وهو يطلع من شقتهم ويدخل المفتاح بالباب بحركه عصبيه " مساافه الطريق وجايكم "
روابي تروعت " لا لا لا متعب والي يخليك لاتخاطر بنفسك "
متعب عصب " روووووابي ..؟ وش ذا الحكي يالله باي "
سكر بوجهها وجلست تبكي تناظر في تهاني وغلا المنهارين مع امهم ..
ساره كانت تبكي وهي ضامه بيان " خلااص بيان مالها شر ان شاء الله .. بس من الخوف أغمى عليها "
ام وليد تهدي أم ثامر " عين ماصلت على النبي .. وان شاء الله مايصير له شيء مدامه مصلي وقااري على نفسه .. "
×××
بو متعب كان نايم بغرفـته دق جواله .. وتحرك بكسل والنوم فيه ..
ناظر الشاشه .. شاف رقم امه
بو متعب " السلام عليكم .. هلا يمه "
أم محمد الي ماسكها قلبها " عليكم السلام .. هلا ياوليدي وش اخبارك ..؟ "
بو متعب جلس على السرير وهو مستغرب ان امه تدق وقــت الفجر الساعه 3 ..!!
" الحمدلله يمه .. شخبارك انتي واخبار الرياض ..؟ "
أم محمد الي كانت لها يومين في بيت أخوها بالريااض لأنه تعباان ماقدرت تحضر العزومه " الحمدلله يبه .. فيكم شيء لاسمح الله ..؟ "
بو متعب مستغرب " لا يمه وش فيك سلامات ..؟ "
ام محمد بضيقه " مادري يبه حلمت بحلم مو زين وقلبي ماسكني "
بو متعب أرتبك " لا يمه مافينا الا العافيه .. والحريم والعيال كلهم في مزرعة اخوي ضاري مستانسين "
ام محمد بضيقه أكبر " واللي يسلمك ياوليدي دق عليهم وطمني "
أستغرب بو متعب " ماطلبتي يمه الحين بدق عليهم "
ام محمد أرتاحت نسبياً " جزاك الله خير "
×××
مســــك قلبه بقوووه وغترته مرميه بجنب سيارته ..
ناظر في المطاافي والأسعاف .. والرجال والسيارات ..
التفت شاف وليد وفيصل وفهد وزياد خايفين ويتكلمون مع رجال المطافي بعصبيه
زاد الألم بقلبه .. مسك صدره بيدينه الثنتين وهو عارف سبب هالألم ..
همس مشاري بألم " حلاا "
تسند على سيارته من قدااام .. مو قادر يقاااوم الألم .. يعيش لحظاات الحزن والألم مع توئمه .. الي تحس فيه يحس فيه ..
ضااق تنفسه زيااده وصرخ وهو يطيح على الأرض " فيصل "
التفت فيصل ورجاجيل معه .. وجاوا يركضون له
اما فهد كان يهااوش رجال المطاافي من العصبيه ..
وزيااد يبي يقرب من السياره يتعرف عليها والشرطه يبعدووونه خايفين عليه وهو يسبهم معصب
وليــد كان يتكلم مع رجاال الشرطه يعلمهم عن ثامر
شرب فيصل مشاري مويه وهدأ شوي .. جلسه بسياارته وهو خايف عليه
" مشااري تبيني اوديك المستشفى ..؟ "
مشاري مغمض عيونه " لا مايحتااج فيصل .. بس اذا تألمت حلا .. لازم أتألم .. بيرووح بعد دقايق "
صرررخ زياد صرخه هزت الموجودين كلهم .. فتح مشاري عيونه وفيصل التفت بخوف
زياد بصرااخ يدف الشرطه " وخروووا عني هذه سيارة اخوووووي .. سياارته .. وينه ..؟ تحوول رمااد ولا وش السالفه ..؟ "
كان يتكلم وهو مايحس .. والصدااع جاااه من أول ماشاف الحريق .... ليه الي يحبهم يموتون بالحوادث ليه ..؟
طاح على ركبه وحط يديه على راسه يحاول يخفف الصداع .. ورجال الأسعاف جاووه يسعفونه ..
كانت العايله حالتهم حـــاله .. ثامر من جهه .. وأمه من جهه .. حلا من جهه .. ومشاري وزياد من جهه
صدق يوم قالت أم وليــد شكلها عين ..
والرسول صلى الله عليه وسلم كان يقول " أكثــر من يموت من أمتي بعد قضاء الله وقدره بالعين "
(( عليه الصلاة والسلام ))
×××
اليــوم الثاني .. الساعه 11 الظهر ..
بمستــشفى المــانع بالخبــر ...,.
العايله كلهم جالسين قداام ثلاث غرف .. بعضهم يبكون والبعض يهدوونهم
غرفة حلا الي جاها أنهيار عصبي .. وغرفة زياد الي طااح عليهم من الصدااع الحاد الي جاه ..
وغرفـــة ثامــر الي لقووه بعد بحث ثلاث ساعات طايح بعيـــــد عن السياره
مالقوا شيء بالسيااره يوم طفووها ..!! أستغربوا لازم يصير في أثــر للجثــه .....
الي ماخطر على بالهم انه يكون طاايح بعيد بعيد عن السياره ..!! وجسمه كله حرووق وبالذاات وجهه ..
السؤال الي يدور في راس الجميــع ..! كيـــف وصل بعيد عن السياره كذا ..؟؟!
وقف بو حمد وهو يشووف أمه جايه تعرج من ركبها بسرعه وولد أخوها وراها يركض وبعيونه الخوف ..
ام محمد والدمووع بعيونه " بشــر ياولدي شخباار بنتي حلا ورجلها واخوه ..؟ "
بو حمد يحاول يتماسك " للحين يمه ماقالوا لنا شيء .. ان شاء الله الحين يطلع الدكتور ويطمنا "
بو ناصر (( ولد اخوها )) " ان شاء الله مايشوفون شر ياولد العمه .. والله يطمنكم عليهم ياارب "
هز بو حمد راسه " آآمين "
بو متعب " أستريحي يمه عند الحريم .. أستريح بو ناصر "
جلس بو ناصر عند بو ثامر الي كسى وجهه الهم وعياله الثنين طايحين بهالغرف
الشباب كانوا واقفين وكل واحد الألم على وجهه ينتظرون واحد من الأطباء يطلع
طلع الدكتور من غرفة زيــاد
وقفوا الكل وام ثامر مرسوم بعيونها الخووف
الدكتور " وين أبو المريض "
فهد ونفسه بخشمه " يادكتوور خلصنا قولنا وش فيه كلنا أهله "
ما أستغرب الدكتور من أسلوب فهد لأنه حاس فيهم
أبتسم لهم يطمنهم " تطمنوا مر بحالة صدااع قويه .. والحمدلله عطيناه مهدئاات والحين يقدر يقوم .. لأن الظاهر هالحاله فيه من كم سنه "
أم ثامر تنهدئت براحه جزئيه ..
بو ثامر مو قادر يستانس وولده الثانيه مايدري بحاله " الله يبشرك بالخير .. ماكان يقولنا الله يهداه .... "
ماكمل كلامه لان الدكتور الي عند حلا طلع ..
كل العيون توجهت له .. أبتسم الدكتور الثاني وهو يناظر زميله الدكتور " تقدرون تشوفونها يبي لها راحه يومين بالمستشفى الي اصابها ماهو بسيط .. أنهياار عصبي .."
بكت أم حمد وهي تركض لغرفة بنتها ووراها ضي وبيان والبنات
مر الوقت وهم عند حلاا .. وزيااد طلع معهم ينتظر أخبار عن أخوه .. والدكتور لساا ماطلع ..
حلا تبكي " يمه والي يسلمك ابي اشووووفه "
ام حمد تبكي معها " يمه شلون تشوفينه والدكاتره عنده "
حلا تضرب السرير بيديها مثل الأطفال " لاااااا يمه انا غييييير .. مالي دخل بالدكاتره (( ناظرت امها برجااء )) يمه انا احبك واحب كل أهلي .. بس ثااامر دقات قلبي يمه (( ضربت قلبها )) دقااااااااااته .. واذا صار له شيء راح اموووووووت (( بصرااخ )) بمووووووووووت "
وقفت بيان وهي تحط يديها على فمها من الخوف وهي تشوف أختها منهااره
وخالاتها وضي والبنات يهدوون فيها ..
دخلت الممرضه خايفه " لا بلييييز المدام تعبانه خاااالص وعاوزه راحه .. بليز أتفضلوا أرتاحوا برى وسيبوها لوحدها "
حلا تصاارخ على الممرضه وهي منهااره " لااااااا ماابي ارتاااااااح ابي ثااااااااااامر ماتفهمووون ابي زوووووووجي "
جاو الممرضات ومسكوها وهي تضربهم بقوووووه بيديها وعطوها أبره مخدره .. وقفت عن الضرب وطاح راسها على المخده بشكل يكسر الخاطر
الكل بكى .. ماقدروا يتحملون هالمشهد
غلا تهز أمها " يممممممه قومي نرووح لثاامر قووومي "
مسكتها تهاني من كتفها تحاول تهديها " غلاا أهدي وش تسوين .. هدي هدي حبيبتي "
ام ثامر ماكانت تحس بشيء .. هذا ولدها بكرها ..!!
×××
بو ثامر وبو متعب كانوا داخل بغرفة الدكتور الي عاااند ولا قال شيء جنب العايله كلها ..
بو متعب بعصبيه " وش عندك تراااك خوفتنا "
الدكتور ببرود " النظام كذا طال عمرك "
عصب بو ثامر وهو يوقف " طيب بتقولنا وش فيه ولدي ولا وشو "
وقف الدكتور يهديه " ياخووي ان شاء الله ولدك مافيه الا العافيه بس انت عطني فرصه اتكلم الله يهديك .."
جلس بو ثامر يهديه بو متعب ..
جلس الدكتور بعده .. ناظرهم شوي بعدها تكلم " الحمدلله عدت مرحلة الخطر .. علشان اكون صريح معاكم ماكنٌـا نتوقع انه بيعيش .. الأصابات كثيره من الحريق ومن تدحرجه على أرض صلبه ..!! "
سكت يناظر ردت فعلهم .. بان على وجههم الراحه .. بس القلق مازال بعيونهم ..
كمل الدكتور " ان شاء الله الأستاذ ثامر راح ينتبه بكره او الي بعده .. لكنِ ماودي اخبي عليكم (( ناظر بعيونهم )) مو مثل قبل "
عقدوا حواجبهم مو فاهمين لهم
بو ثامر بأنفعال " مافهمت دكتور "
هز الدكتور راسه ببرود .. لأنه متعود على هالحالات .. ومتعود يبلغ اهل المريض بأخبار أردى من هذه " صراحه ... ماراح يقدر يمشى .. لأن جاه تلف أعصاب بالرجلين .. من الروعه والخوف "
فتحوا عيونهم بقوووووووه .. ووقف بو ثامر من المفاجأه الي صدمته
التفت على بو متعب الي نزل راسه من الحزن " لاحول ولاقوة الا بالله .. وش قاعد يقول هذا ..؟ "
رفع راسه بو متعب ووقف معه .. وحط يده على كتفه " هذا الي كاتبه ربك ياخوي .. والحمدلله مدامه سالم .."
" بس مابعد أكمل كلامي ..!! "
التفتوا ثنينهم على الدكتور مستغربين برودته ..
وقف الدكتور ولأول مره أرتبك " فيه خبر ثاني .. (( خذ نفس وناظر بعيون بو متعب مباشره .. ماقدر يحط عيونه بعيون بو ثامر )) .. الأستااذ ..... فقـــد بصـــره ..!! "
فقــد بصــــره ..,.,
صدمــه .. وراء صــدمه .. وراء صـــدمه ..
يالله كيف يقــدر الأنسان يفقــد نعمتين انعمهم الله عليــه مع بعض .. ما أحد يحس بنعم الله الا الي يفقدها ..!!
الحمدلله .. الحمدلله ياربِ على كل شيء ..
×××
بعــد ثلاث أيــام
نزلت من على الدرج بســرعه .. وجلست على الكنب وهي تمسك الريموت ..
حطت على mbc4 وهي خايفه ان البرنامج أبتدى ..
أرتاحت يوم شافته توه باادي
دخــل سامي كالعاده شااااارب ومعبي رااسه .. كثــر شربه عن أول من يووم قابل مرام .. من يوم قابـــل حياتــه ..!!
تأففت وهي تشوفه يترنح بمشيته ..
ناظرها بشمئزاز " ان .. انتي ... داايـ .. دايــ ــم على .. ال ت ل .. فزيون ؟؟ "
ردت وهي ترجع شعرها بغرور " كيفي انت وش حارك يالسكير ..؟ "
سمعت صوت امها تنزل معصبه " ليلووووووووه ياجعلتس الساحق والماحق والمرض المتلاحق .. وين طسيتي ..؟ "
ليلى (( هاجـر سابقاً )) ردت بملل " اوووووف يمه وش تبين .. وراي وراي "
ام سامي " قووومي رتبي غرفتتس الي كأنها غرفة عزووبي "
مدت رجولها على الطاوله " ياااااااااربيييي غرفتي وبكيفي .. اسويها غرفة عزووبي غرفة هندي انتي وش دخلك ..؟ "
ام سامي عصبت " كذا تحاكين امتس صدق اني ماربيتتس ..! "
دخلت بهالوقت منى وهي تجر رندا الي ميته صيااح " ادخلي ياجعلك الموت الي يفكني منك ادخلي "
جلس سامي على الكنب وغمض عيوونه .. ونااااااام
ليلى بضحكه مااصخه " ههههههههاااااااي اشوفك خذتي طبايع امي وصرتي تدعين على بنتك بالموت "
جلست ام سامي وحطت رجل على رجل وهي تدف راس سامي للجهه الثانيه " لها الشرف تاخذ طبايعي "
أبتسمت ليلى بأستهزاء .. ومنى جلست وهي تدف بنتها على الكنب الي جنبها " الله يحووسها عذبتني .. 24 ساعه تبي ألعاب "
رندا كانت تفرك عيونه بطريقه تكسر الخاطر " انا ماتلبت الآآب تتيره " (( انا ماطلبت العاب كثيره ))
منى بنرفزه " اووووص اقول .. صدق العياال ماوراهم الا عوار الراس .. (( التفتت على امها )) الا صدق يمه أخبار زوج الحيه حليوووه "
ام سامي بضحكة شماته " هههههههههه أسكتي شكل العزيمه منحوسه .. من ذاك اليوم كل يوم طايح عليهم واحد "
ليلى ترفع حواجبها " ليه من طااح بعد ..؟ "
ام سامي تلتفت على بناتها بوناسه " هههههه يقولون طاح عليهم زيااد اخو ثويمر .. وطاحت الحيه على قولتك .. وبعد ماعرفت ان زوجها معااق ومايشووف جاها انهياار عصبي مره ثانيه "
ليلى بشماته " احسسسسسسسن علشان ماترفع خشتها علي مره ثانيه (( تقلد صوت حلا )) سووري ليلى أختي ماتقصد (( ترجع لصوتها بنظرات حقد )) مالت عليك وعلى اختك .. ذووقي المر الحين "
منى " هههههههههه شكل جاها انهيار عصبي مو خوف عليه .. لا .. خايفه على مستقبلها كيف بتعيش مع واحد معااق وعمي ..!! "
وأستمرت العائله بالحــش والشماتــه ...,..
×××
كانت منسدحه على بطنها وضامه مخدتها جنبها .. وجالسه تحووس بالاب توب حقها ..
دق جوالها وناظرت الأسم (( رنــا يتصل بك ))
ردت بصووت كله غنج " هلا برن رن "
رنا " ههههههه هلا هيووفتي .. أخباارك "
هيفاء وهي تنقلب على ظهرها " تماامووووو انتي اخباارك وبشري لقيتي رقمه ..؟ "
رنا " ههههههههههه على طول مافيه مجاال .. (( بصوت دلال )) ليه شاكه بقدراتي انتي "
هيفاء تعجبها رنا .. تصلح للمصالح " هههههه يابعد تسبدي انتي والله .. عارفه بقدراتك وواسطاتك قبل هههههه "
رنا تحب احد يمدحها " ايه عفيه امدحي فيني أشفي غروري "
هيفاء " هههههههههههه ابشررري "
رنا تقرأ ورقه قدامها " فـهد محمد حمد الســ ,,, .. صح ..؟ "
هيفاء بحمااس " صصصصصصح "
أبتسمت رنا " خذي يابعد قلبي رقمه "
مسكت هيفاء بحمااس قلم جنبها ودورت على ورقه .. ناسيه الابتوب الي قدامها من حماسها
رنا " سجليه بالجوال "
هيفاء تعدل جلستها " لا هبله أنتي .. ماتعرفين أخواني شكاكين "
رنا " اووكي .. الرقم ********** .. ماشاء الله كله أربعات مثل لوحة سيارته .. الظاهر بيتزوج أربع حريم أنتبهي هيوف ههههههه "
سكرت هيفاء القلم وأبتسمت (( آآه .. طيب يافهوود طيب .. اذا ماخليتك تحبني وتعشقني .. وتراااضيني .. ماأكون انا هيفااء ))
×××
لمت شعرها على شكل ذيل حصاان .. وألبست عبايتها وشليتها ..
نزلت من على الدرج بخطوات ثقيله .. طلعت في نفس الوقت بيان من غرفتها .. ووقفت تناظر فيها
بيان " حلا ..؟ وين رايحه ..؟ "
لفت حلا تكمل نزولها " برووح المستشفى بالغصب او بالطيب .. "
فتحت بيان عيونها والحقت أختها " حلا انتي تعرفين ان ممنوعه الزياره عنده .. خليه يرتااح اليوم وان شاء الله مثل ماقال ابوي بكره راح يسمحون بالزياره له "
ماردت عليها حلا وكملت بعنااد ..
نزلت بيان راسها .. كاسره خاطرها حلاا كله تهوجس بثاامر وتتحلم فيه .. بس العين بصيره واليد قصيره ..!!
دخلت حلا الصاله وشافت حمد متمدد على الكنب وشكله متضاايق ..
تكلمت بجموود " حمد بتوديني ولا أروح مع السواق ..؟ "
التفت حمد عاقد حواجبه .. ووقف " حلا حبيبتي .. والله ودي .. وقسم بالله ودي بس ما أقدر الزيااره ممنوعه ..!! "
دمعت عيونها بشكل مؤثر " حراام عليك حمد .. انت دكتور وتقدر تدخلني عليه .. وهو صاحي مو مخدر "
هز حمد راسه .. كسرت خاطره " ادري ياقلبي .. بس لمصلحته لازم نخليه يرتااح مثل مايقولون "
حلا بعنااد تمسح دموعها .. تكلمت بشغف طفولي "والله ماراح اتأخر بس دقااااااايق .. دقايق حمد نظره وحده بس .. ابي اطمن ابي أشوفه (( تهجد صوتها )) أشتقت له حمد أشتقت له .. الله يخليك لاتحرمني من نظره وحده بس .. ابي اروي ظماااي .. ابي اكحل عيني بشووفته ..!! "
حمد بطبعه حنووون ماقدر يرفض .. أبتسم لها وقرب يضمها لصدره .. مسك الدمووع بعيونه .. مايبي يضعف بهالوقت ..!!
×××
" خاله ضي "
التفتت ضي لسـعود بأبتسامه " عيوون خاله انت "
سعود ببرائه " ويــن بابا ..؟ "
مسكت ضي نفسها علشان ماتبكي وتصنعت الأبتسامه " با .. بابا سافر "
سعود مستغرب " ليه سافر ..؟ "
ضي بثبات " سافر كم يوم علشان الشغل حبيبي .. وبيرجع "
سعود نزل راسه ببرائه يناظر بيدينه " طيب ليه ماخذني انا وماما ..؟"
ضي (( لا سعوود الله يخليك لاتبكيني )) " هههههه حبيبي قلت لك شغل مايقدر ياخذكم .. وبعدين كلها يومين وراجع (( سكتت .. ياربِ وش فيني جالسه أتكلم مع طفل مو مع واحد كبير .. كملت وهي تبتسم )) ماراح يطول حبيبي "
وقف سعود بحمااس " بيشتري لي لعبه صح ..؟ "
هالمره ماقدرت ضي وسحبت سعود لحضنها وجلست تبكي ..
سعود خاف على خالته .. تكلم ببرائة الطفوله وهو يمسح على شعرها " خلاص خاله لا تبكين .. بعطيك لعبتي لو ما جاب لك بابا معه "
×××
جلــس فهد على الكرسي في مركز الشرطه وهو متضاايق ..
جلس جنبه صديقه ناصر " هاه بو محمد وش فيك متضاايق ..؟ ان شاء الله ولد خالك مافيه الا العافيه .. والحمدلله ان ربي نجااه .. احمد ربك وربي أعجوبه على الي قلته لي ..!! "
فهد ماله خلق يحكي حتى " الحمدلله على كل حال "
رجع راسه على الكرسي وهو يفكـر ان كل شيء كااتبه ربي .. من كان يدري ان بعد العزومه والوناسه بيصير لهم كل هذا ..؟!
تذكـر انه كان بيخطب بياان بعد العزومه مبااشره .... بس الظاهر ربي ماكتب لنا نرتبط بهالسرعه ..!!
دق عليه رقم قطــع أفكاره .. عقد حواجبه متضاايق .. يوم جلس يفكر فيها .. دقوا يزعجونه ..!!
كان الرقم مميــز .. رد ببرود " الو "
جاه صوت ناعم مخملي " هاااي "
ما أنتظر ثواني تتكلم .. على طول سكر بوجهها وحطه صامت .. كان يظنها وحده من الي يعرفهم .. ماله خلقهم أبــد ..!!
ناظـر في الرجال الي يدخل القســم وبيديه أوراق .. الظاهر عنده شكوى ..!! وقف يسلم عليــه بأدب
فهد يأشر على الكرسي " تفضــل أخوي "
×××
سكرت منــه وهي مقهوووووووره على تصرفه ..
رمت الجوال على سريرها يوم أتصلت ثانيه ومارد عليها ..
بااااارد .. مغروووووووووور .. متكببببببببرررر ..
بس انا الي بعدلك يافهد .. على يديني بعدلك .. وأكسر غرورك الزايد عن حده ..
وقفت هيفاء وهي ترص على أسنانها بقووووووه معصبه .. هذا ثاني حركه يسويها فيها ..
طيييييب الأيام بيننــا ..!!
×××
رشت روابي عليها .. عطرها المفضل " سينــما من ايف سان لوران " وهي واقفه قدام تسريحتها ..
كانت لابسه تنوره جنز للبيــت .. توصل لفووق الركبه .. وتي شيرت سماوي
ورافعه نص شعرها البني من فووق بماسك .. والباقي خلـته على كتوفها
طلعت من غرفتها .. وراحت غرفة نايف ونوف .. لقتهم نااايمين بسلاام ..
طلعت بتـنـزل الصاله .... من بعد العزوومه والحزن مغطي عليهم ..
أن شاء الله ثامر يطلع بالسلامه .. والله يصبــر حلا ياارب .. هي حاسه فيها .. شعور مميت .. لما شخص يفقد حبيبه الي يشااركه بكل شيء .. لما يشوفه فاقد نعمتيـن من أغلى نعم ربي على الأنسان ..
مسحت دمعه نزلت منها .. لازم تصير قويه وتخفف على متعب .. لازم تطلعه من هالأكتئاب ..
الحمدلله ثامر بيطلع .. ليه هالحزن كله ..؟! وكأن الرجال بعيد الشر صار له شيء ومـ .. (( ماقدرت تكملها وحلا تطري على بالها ))
دخلت الصاله وناظرت في متعب الي مندمج مع فلم أجنبي حزين ..
يؤؤ ..؟ من متى يحب الأفلام الحزيـنه ..!!
ممممم .. (( فكرت وهي تحط يدها على شعرها تلعب فيه )) .. حتى مو منتبه لها ..!
طق عرق الهبال في روابي .. حتى وخاطرها متكدر .. الهباال مايرووح عنها ..!!
فكرت .. باقي بوب كورن ومكنســه .. وتسوي أغنية أليسا .. (( اجمل أحساس بالكون ))
راحت تركض المطبخ عجبتها الفكره .. وسووت بوب كورن وشالت المكنسه والحب الشمسي معه ..
حطت المكنسه والحب الشمسي في أول الصاله .. وتقدمت من متعب وهي تتنـحنح ..
" أحـــم .. مسااء الخيــر قلبي "
مارد عليها متعب وهو مندمج بالفلم ..
برطمت روابي (( طيب ياميتوو ماراح أخليك اليوم .. الا والضحكه مرسومه على فمك ))
مدت له البوب كورن .. وهو يناظره مستغرب ..!!
خذه منها .. وهمس " مشكوره "
روابي بخاطرها (( افا حتى حبيبتي ماقالها ))
راحت تركض ومسكت صحن الحب البلاستيك .. وتوجهت لمتعب ترررررررركض .. وكبته قداامه عند التلفزيون ..
فتح متعب عيونه " وش صاار ..؟ "
روابي تسوي نفسها متفاجأه " يااربِ سووري ماكنت أقصد تعثرت وطاح مني الصحن .. عيوني "
متعب صدقها .. قال يهديها " عادي المهم ماطحتي "
افففف المهم ماطحتي .. قوول المهم انتي ياقلبي .. راحت تجيب المكنسه وهي تبتسم بخبث .. شكلي بعطيه دررووس بالرومانسيه الدايمـه ..
مو الي يوم ويووووم .. ولا المشكله الرومانسيه عنده العض ههههههه ..
مسكت المكنسه وجات قدامه .. غطت عليه التلفزيون .. وكنست بكل كسـل وهي تغني ,..,
(( شو هالحلاااا باليــني زمااان .. حلا على هضااااامه كمان
ئلي شوفيك ياروووووحي شوفيك .. البي بغرامك طاااااااير طيرااااان
عينيك شغلي .. ماعندي غيرن شغله وووووووين عقلي ..؟
لاتستغرب لو مني طار عئلي .. وين عئلي .. عئلي وين .. عئلي وييييييييين ؟
شوفيك حتى .. كل مامرئت ئبالي بذوووب حتى ..
مايبئى شيء في بالي غيرك انت .. انت مين .. مين انت .. انت مييييييين ..؟ ))
متعب اذا صار ضايق .. صار مثل طبااع اخوه فهد نفسه بخشمه " روووابي مالي خلق هباال وخري خليني أكمل الفلم ..!! "
روابي بعناااد تدور على نفسها وهي تكنس وتترنح بحركات مضحكه ..
مسك نفسه متعب على خبال زوجته .. مايبي يعصب ..
روابي كانت عارفه انه معصب .. (( بس طيييييييب ياميتو طيب .. ))
فجأه .. صررررررخت .. وقف متعب من الخوف وهو يناظر فيها تطيح على رجلها اليمين وتتألم ..
روابي تعصر دموعها " آآآآآي في قزاز هنا ..؟ منسكر عليك شيء ..؟ (( غمضت عيونها تكمل تمثيليه )) آآآي رجللللللي "
نزل متعب عندها بالأرض وعيونه ملياااااااانه خوفه عليها
متعب بشغف وخوف " وش فيك ..؟ وش حاسه فيه ..؟ تألمك ..؟ كثير ولا قليل ..؟ اوديك المستشفى "
مسكت روابي ضحكتها (( لا لا تضحكين الحين .. كملي التمثيليه .. يالبـيييه الي خايف علي )) همست بنعومه " آآه مايحتاج مستشفى يارووحي .. انت دواي وانت طبيبي " حركت رموشها بدلع
متعب ماسك نفسه لايخوورها .. نزل عيونه يقاله معصب .. " خليني أشوفها " .. مسك رجلها اليمين يدوور على أثر ..!!
سحبتها روابي بقووه وهي تصرخ " آآي وش ذا الدفااشه ميتوو يألم ماتحس انت ..؟ "
متعب ضااق صدره عليها " لا ياحيااتي أحس بس ابي اشووف يمكن مادخلت بس غزتك "
روابي طارت ونااسه (( أخيراً طلعنا منه كلمة حيااتي .. لا في تقدم يابنت ضااري ... ))
ماكملت تفكيرها الا هو شايلها على يدينه وحاطها على الكنب .. وجلس عند رجلها يفحصها ..
وهي تكح .. علشان مايعرف انها تضحك .. يوم شافته يدقق كثيــر وكشــر يوم ماشاف أثر
سحبت رجلها وهي تجلس وتغمض عيونها من الألم الكاذب " اوبس هنا هنا ميتو " أشرت على مكان برجلها وهي تلعب بشعرها وأصابعها .. وتنتظره يشووف المكان
لكن هو رفع حواجبه بسخريه " لا اجل هنا ..؟ "
روابي ماعرفت وش فيه ..؟ ليكون كشفها ..؟ .. قالت بدلع " مممم ايـه يألم "
متعب وهو يقرب وجهه لها وحواجبه مازالت مرفوعه " يألم ..؟ "
تروعت روابي .. وش فيه بسم الله .. تراجعت لاشعورياً ..
تكلم متعب وشبه أبتسامه على وجهه " مانفعت العضه الي قبل كم يوم ..؟ "
فتحت روابي عيونها لآخر شيء يوم عرفت نيته .. وقفت بسرعه وهي تبعده عنها بقوه " لااااا ميتو والي يعافيك خدودي رااحت "
هالمره متعب هو الي أنفجر من الضحك ..
وروابي علامات الأستفاهم فوق راسها ؟؟؟؟؟؟؟؟؟؟؟
متعب وهو ينسدح ويرجع يناظر الفلم .. ومازال يضحك " هههههه رووبي بالذمه .. توني أكتشف ان ذكاائك نااقص (( فتحت روابي عيونها معصبه .. وهو كمل )) هههههههه اول شيء تأشرين على الرجل اليمين .. وبعدها تقومين بدلع (( يقلد حركاتها وصوتها )) اوبس هنا هنا ميتو يأأألم (( يرجع لصوته )) ههههه تأشرين على اليساار ياذكيه "
حمرررت خدود روابي .. وطااااااح وجهها .. تبي تلعب عليه لعب عليها " هاه .. ايه متعمده انا ابي اشووف ذكائك "
متعب " هههههههه واااضح .. رحتي كملتي عليها يوم نقزتي على رجولك وملامحك مافيها ألم ههههههههههههههههههههه "
كمل ضحكه بهستيريا .. وهي أغتاضت ..
مسح دموع الضحك وهو يأشر لها يعني أكنسي " هههه يابعد قلبي يارووبه .. ضحكتيني الله يعافيك .. يالله أكنسي بس بعيد عن التلفزيون .. ولاتسوين مقالب وتمثيليات مره ثانيه .. كم مررره فهمتك ما أنتي قدددددددي ..؟ ماتفهمي انتي ..؟ "
فااارت رواابي من الغييض .. مع انها بنفس الوقت تونست انه ضحك وهذه غايتها .. بس يقوول انها مو قده لاااا حـــده ..
مسكت البوب الكورن بسرعه خياليه .. وكبته عليه كلللللله .. كان شكله يضحك وهو يجلس مخترع ..
راحت تركض فووق وهي تضحك " ههههههههه انت مو قدي "
بس هو ماخلاها طلع عرق الخباال الي عودته عليه زوجته .. ترك الفلم .. وراح يرررررركض فووق يكمل هبالهم قبل ماتقفل الغرفه .. دخل وهو يدف باب الغرفه بيده ..
وهي تراجعت على وراء تضحك ..
حرك حواجبه بخبث وهو يسكر الباب " طحتـــي وماحد سمى عليك ياروووبة ميتوو "
**************
(( منع من الرقابه ههههههه ))
×××
