إبى أمي الحبيبه .. أحبج .. تكفون أمهات محتاجه ردودكم .. ماني فاهمه أنا شنو

[وربي فديتني]

رد : رد: إبى أمي الحبيبه .. أحبج .. تكفون أمهات محتاجه ردودكم .. ماني فاهمه أنا شنو

السلام عليكم
انا وياج نفس الحاله بس خلي اقولج هل الموقف وانتي اتعرفين اشكثر انتي غاليه عند امج
امج زين تقولج انا انط الدري انا الوالده ماشالله مافي شي ماسوته خلت اخوي الي اكبر مني ابسنتين ينط على بطنها و شغاله ادزز كبتات(رامبو) اخر شي شافت ماكو فايده راحت حق المستشفى وسالت دكتور قالها انا راح اعطيج عنوان دكتور في دوله عربيه ور وحي له وهو انشالله بساعدك
الوالده خافت (ترى مو علي) على نفسهاتقول قعدت افكر اخاف اطيرو الطياره اطيح فيني فيني المهم ولدتني وكبرت وكل يوم تذكرني انا كنت مابيج وانا كنت مابيج
وقتها كان عمري 18 وصار فيني مرض بالكلى ابعيد الشر عنج و طحت ولازم يسولي عمليه تخيلي الوالده اشوفها تتنافظ من البجي خايفه اسوي العمليه والله العظيم يوم خذوني داخل غرفت العمليات انهارت من البجي انا بنتي ماتاخذونه مابيها اتسوي العمليه السستر خذتها الغرفه فوق تخيلي عمليتي 5 ساعات و كل واحد يدق علينا من اهلنا يسالونه ها اشلون اكوين تنهار وماتقدر اترد
عقب ماقمت من البنج صعدوني لغرفتي والله طاحت علي تلمم اتحببني تقول حبيتي جنها مو شايفتني اسنين (والله انا اكتب و خانقتني العبره)
تخيلي 5 ايام بالمستشفى وبس اقول اخ تفز من النوم
انتي استعذي من الشيطان و لاتخلينه يوسوسلج ترى في امهات هذا طبعهم مايعبرون عن مشعارهم بس انتي خلج اقريبه يمها وطلعي معها معها صديقني بتحسين امج اشكثر اتحبج حتى بدون لا تقولها

ادري هذرت على راسج وايد

تغوورقووعيوني بالدمووع
اشتقت لامي الظااهر >> الله يرحمها بوااسع رحمته

حبيبتي يقوولج الي يشووف مصيبة غيره تهوون عليه مصيبته
ام توفت تقريبا من عمري 15 الله يرحمها ( صعبه الحياه من دونها ) ..
والله يطول بعمر امج ويخليج لها ويخليها لج

وبس ما عندي شي اقووله

 

[جوانا2010]

رد : إبى أمي الحبيبه .. أحبج .. تكفون أمهات محتاجه ردودكم .. ماني فاهمه أنا شنو

ماعليه حبيبتي احيانا يعصبون او يتضايقون اويمكن هي شخصيتها كذا

بس صدقيني محد يحبك كثر امك ومافي اكبر من قلب الام

اهم شي انتي خليك في طاعتها وبتشوفين الخير والسعاده باذن الله

 

[منوة القلب]

توقعي من زود الميانه ..

تمون عليك اكثر عشانك تلبيلها طلباتها حبوبه وحنونه معاها

فاتاخذ راحتها معاك بالكلام

يمكن اخوانك نفسيتهم صعبه ويبينولها العصبيه فتحاول تتحاشاهم ومتحاول زعلهم

 

[كراميلا مرة]

اكيد تحبج بس ترى مو كل الامهات يعبرون عن حبهم
انتي تقربي منها اكثر وبتشوفين حبها لك
ويمكن انتي تعصبين على اخوانك وعلى شان جذي تمدح فيهم وتفضلهم جنبك

 

[المدينه]

عادي حياتي اكيد تحبج

 

[al3sooola]

انا اتمنى امي تزفني وتسمعني كلام واسمع صوتها واتمنى بعد تطقني والله العظيم
الله يشفيها يارب:0bee2e8d89:

 

[pearl jackson]

رد : إبى أمي الحبيبه .. أحبج .. تكفون أمهات محتاجه ردودكم .. ماني فاهمه أنا شنو

حبيبتي امج تحبج تعرفين شنو تحبج وتحبج حييييييييييييييييييييييييييل
والله مشكلتج تهون عني والله بس انا ماحب اكتب مشاكلي بالنت انا امي يجي منها شغلات وازعل وشايله بخاطري لاكن الدنيا رحله قصييره حييل حبيبتي وانا حاليا زعلانه عليها بس كثر ما اقدر ابتعد عنها لان اللي فيها يكفيها خصوصا حنا ترا اللاحظ ان اي شخص مر بمشااكل وحروور وظلم من ابوي و من الحريم والسوالف هاذي يحط حرته باغلى شخص عنده فنكون ضحايا
والله ياكثر ماتميز خواني علي وتقويهم علي لاكن مسكيييينه فرااعي امج واكسبييها حنا خلاص بمجتمع مصلحه حتى بالعايله مرات اتمنى اني ولد واللا والله الصبر مفتاح الفرج عيشي حياتج وقطي كل شي ورا ظهرج

 

[LuLiTa]

رد: رد : إبى أمي الحبيبه .. أحبج .. تكفون أمهات محتاجه ردودكم .. ماني فاهمه أنا شنو

حبوبة انتي من عمرج باين انه والدتج الله يحفظها من الجيل القديم ,,, يعني ما اتعرف اتعبر عن حبها لج بكلمات محدده مثل احبج او ودي انج تضعفين عشان اتكونين احلى من كل البنات ,,,يعني يخونها التعبير بس هذا مو معناته انها ما تحبج او حبها لخوانج اكبر من حبها لج ,,,, بما انج عوده ف اكيد تعتبرج مثل صديقتها و تسولف لج اللي بقلبها ,,, ف انتي هم اعتبريها صديقتج و قولي لها اللي بخاطرج بس بطريقه حلوة ,,,و لا تاخذين الامور بحساسيه زايده =)

و لو فكرتي فيها ::قالت لج انها كانت بطيحج لما حملت فيج بس مع ذلك تحملت عوار الولادة + ربتج و جابلتج 28 و سهرت على راحتج سنه ,,, فهل معقوله عقب كل هذا ما اتكونين غاليه عندها ؟

 

[دريم ويب]

رد : إبى أمي الحبيبه .. أحبج .. تكفون أمهات محتاجه ردودكم .. ماني فاهمه أنا شنو

يااااااااااااااااااي حرررام عليك صدقيني انها تغلييييييييييك اكثر من اخواااااانك

 

[حلاوه ودلع]

رد : إبى أمي الحبيبه .. أحبج .. تكفون أمهات محتاجه ردودكم .. ماني فاهمه أنا شنو

حياتي لاتحاتين
هاذي اللي يابتج على الدنيا مليون بالإميه تحبج وغلاتج من غلات اخوانج وخواتج
لا تفكرين فديتج ولا تحطين ببالج لانها بتم تحبج مهما يصير وكلكم من بطنهـا غلاكم واحد
انا مو ام بس تخيلت اني مكان امج .. حاسبي على تصرفاتج و طريقه كلامج وياها ..
يمكن سبحان الله كلمه من هني او هني .. جذي يعني
حتى وانتي مظايقه ولا زعلانه ادخلي غرفتج وسكري بابج لين ما تهدين ..
عشان تضمنين انج ما طلعتي حرتج بأمج

وارجع اقولج غلاتـج اكيد الاكيد من غلات باقي اخوانج

=)

 

[monmon12]

لا حبيبتي امج تحبج وتمون عليج اكثر وحده فعشان جذي تاخذ راحتها بالكلام وياج

 

[تمنيته]

مشكورين حبايبي انا ادري امي تحبني... بس الغلا من ربي ... بالها مومعاي .. اخر وحده تفكر فيها انا.. بس هذا اللي اقصده
الله يرزقني برها وامي موكبيره بالسن باواخر الاربعين..

 

[تمنيته]

مشكورين حبايبي انا ادري امي تحبني... بس الغلا من ربي ... بالها مومعاي .. اخر وحده تفكر فيها انا.. بس هذا اللي اقصده
الله يرزقني برها وامي موكبيره بالسن باواخر الاربعين..