إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

[Denya-3'areeba]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

كل شي يذكرني فيه
وباليوم امسك التلفون الف مرة بدزله مسج ولما اتذكر انه طلقني وهذي ثالث مرة احذف التلفون من ايدي
انزين لي متى بفهم ؟ متى اصحى من الخبال اللي انا فيه
افكر بواحد باع العشرة برخيص .. ويمكن الحين نساني ومااطري على باله
كل يوم اصير اردى من اللي قبله .. مابقى شي واطلع من العده واحس ان قلبي بيوقف
تعبت من التمثيل جدام اهلي اني مستانسه ومافيني شي ومتقبله الموضوع
ضاع عمري سنين وانا احاول اتاقلم مع الظروف والمشكله ماني قادرة كل شي ينقلب ضدي مع اني صبرت وايد
بس الحين كل يوم اكره نفسي اكثر

 

[اسطوووره]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

حبيبتي دنيا غريبه
انا نفس سالفتك بالظبط اخر طلقه لي وخلاص مافي امل للرجوع
يشهد علي الله للحين مني قادره اتكيف ولا اقتنع انه طلقني واحس انه بيرجع وان كل اللي انا فيه اوهام او كابوس
احاول اتناسا واشغل نفسي بس ما عاد لي نفس لشي الحياه بكبرها ماسخه المشكله اني وااااااااااااااااااجد احبه وما تخيلت يجي يوم ومهو زوجي
صدقيني للحين عايشه كنه معي انا ما اتقهوا الصبح في بيتنا العصر نتقها وطليقي يحبها الصبح للحين اقوم من نومي بدري عشان اسويها واغلب الاوقات ما اشرب منها اصلا بس اسويها له مع اني ادري انه مو موجود

احاول احسس اهلي اني كويسه وبخير ومني متضايقه واقول كافي اللي اهم فيه بس وييييييييييييين من عيوني باين كل شي
هو يوم راح نسي ملابسه اللي كان يبيلها غسيل عندنا صدقين اخدتهم وحصيتهم باكياس عشان ريحته تبقا ولا تروح طول الوقت اعطر غرفتي بعطوره حتا الاشياء اللي كان يمنعني عنها وكانت تضايقني صرت ما ابيها وكنني ما ابيه يزعل وهو اصلا بعالم ثاني
يوم طلقني دعيت عليه وقلتله حسبي الله عليك واللي سويته فيني ينرد لك لانك ظالم وتشوفه بحياتك للحين مني قادره اسامح نفسي واقول كيف طلع مني اقله كذا
ابغالي حل ومني غارفه شسوي جربت اي شي ومو نافع الله وحده القادر انه يغير الحال
تصدقين انا توني ببدايه العده قدامي مشوار وتقدمولي اثنين خطا هم يوم درو اني تطلقت يحسبوني مخلصه عده فتقدمو واحد منهم كان يبيني من قبل لا اتزوج وانا رفضت لانه متزوج معع ان ما عنده عيال وبعد زواجي بفتره طلق زوجته صدقيني كلمتني طليقته من اسبوع وبالمناسبه هي تزوجت تقلي اذا تبين السعاده وافقي عليه ترا سبب طلاقنا انه يبيكي وكان دوم يخربط ويناديني باسمك ويوم كثرت السالفه وصارحته قاللي انا جالس احاول انساها بس مني قادر وانا قلتله الافضل نتطلق بهدوء وهادا اللي صار
خلاصه الموضوع ان اي وحده مكاني بتفرح بهادا الشي وتحس ان حياتها ممكن ترجع حلوه بس انا لا ما ابي غيره ابيه هو وبس وهادا مستحيييييييييييل
اسفه كالعاده قرقرت واجد بس من الهم اللي فيني
يا رب انت العالم بالحال فالطف بنا يا رب

 

[سحـورة]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

بنات عزيزاتي لا تصيرون وايد حساسات من الناس ،
سبحان الله كل وحده ما تييب عيال تحط همومها بكلام الناس و تعليقاتهم
شي طبيعي يعلقون ويرمسون .. يوم كنتي عروس تبين الكل يقول الله محلاها وجميله و أنيقه
لذلك الناس تتكلم فكل المناسبات و بكل الأحوال ،
اعتبرو كلامهم عادي و طبييعي جدا ، و امضو بحياتكم للأمام
لا تنتكسون بكلامهم ، إرتقو فيه و شدو همتكم و كملو دراستكم ومستقبلكم
و عيشو أيامكم بكل جمالها ، واتقربو من ربكم
ربي يصبركم ف محنتكم

 

[مملكة الحب]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

خواتي
عيشوا حياتكم والي باعكم بيعوه
ادري ان الكلام سهل والتطبيق صعب
انا عندي رقم الدكتوره فوزيه الدبوس وهي رح تساعدكم في نسيان الماضي
خذيت عندها دورتين
دورة جذور الحقيقه ودورة غسيل الذات
والله رح ترتاحون إذا رحتوا عندها حيل طيبه وحنونه
تدرون تقول ان الفشل في الحياة سببها الفشل ايام الطفوله من سن 1 إلى 6 سنوات
يا بنات
الرجال إذا طلق ما يهتم بالمره ويتزوج بدالها عشر واحنا نقعد في ذكرى وحنين الماضي على ايامنا الحلوه
اختي اسطوره عيشي حياتج والرجال الي يبيج انصج اخذيه ويمكن اهو رزقجج
وبمكن سبب طلاقج انه عينه فيج يعني نفسه فيج بدليل انه جنى على زوجته وطلقها ويذكرج انتي
الي تبي رقم الدكتوره فوزيه الدبوس تراسلني وانا اعطيها اياه
خل نفرح ونستانس ونعيش حياتنا
الدنيا مو واقفه
يا هل ترى لو سندريلا التفتت إلى الوراء والتقطت الحذاء
هل رح تتزوج الأمير ؟!!!!
يمكن الله خاش لكم شيء احلى
الحياة الزوجيه شراكه وإذا اثنين ما تفاهموا وانتهى بينهم الحياة اكو الف واحد غيرهم والرجال ما انتهوا ولا خلصوا
عسى الله يوفقكم
ارفعوا طاقتكم الايجابيه وتفاؤلو بالخير والله رح يعطيكم
اشرايكم نسوي دوره لمدة اسبوعين حق زواج المطلقات
بعطيم برنامج لكل يوم تسوونه وانشاء الله تفرحوني بزواجكم بس ابي من المشرفه تثبت موضوعي عشان ما ابي ينزل والكل يدخل فيه ابي بس المطلقات يدشونه
وكيفكم

 

[اسطوووره]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

مملكه الحب
تساميلي يا الغاليه ومشكوره حبيبتي صدقيني حتا انا مو عاجبني حالي وابي ارد مثل اول بس مني عارفه الطريقه فاذا تقدرين تفيديننا بشي يجزاكي الله الف خير عننا اجمعين
تدرين احلي شي بالمنتدي انك تقدرين تطلعين اللي بقلبك من غير حسابات والله اني ارتاح يوم ادخل وافضفض هنيه والبنات ماشاء الله عليهم وربي انهم مثل اختي واكثر ما يقصرو وتحس انهم مهتمين عسا ربي يجازي كل انسانه عندها ذا القلب الجزاء اللي ما يتخيله عقل بشر يااااا رب
حبيبي اول مره اسمع عن دكتوره فوزيه اللي قلتي عنها يمكن لاني من السععوديه ابي اسالك هي طريقه علاجها مقابلات صح يعني ما ينفع عن طريق النت ؟
قلتي تبي تسوين برنامج للمطلقات انا ما فهمت برنامج نفسي ولا عنايه وتطبيقات ولا وش نوعه بس دامه للمطلقات وشي ممكن يفيد عاد تكفيييييييييييييييين لحقينا فيها وانا اول مشاركه معكي حبيبتي واتمنا بعد انه يتثبت لانه من جد شي مهم يا الغاليه
في انتظار ردك حبيبتي

 

[تفاؤل وأمـــل]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

مشكووورات خوااتي سحوووره ومملكه الحب على كلامكم الجميل


انا اليوم خلصت العده كلللللللللووووووووووش

الله يرزقني واخواتي واياااكم وبنااات المسلمين الازواج الصالحين
الحمد لله من قبل ومن بعد حمدا كثيرا طيبا مباركا ملئ السموات وملئ الارض وملئ ماشاء ربنا من اي شئ بعد

اللهم اجرني في مصيبتي واخلفني خيرا منهاا


فيه مقطع يجنن يابناات شفته اليووم
كلاااام يجنننننننن

http://www.youtube.com/watch?v=CXNLH1Boigg


والله يوفقنا لكل خير

 

[مملكة الحب]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

هلا اسطوره
دكتوره فوزيه الدبوس من الكويت
وما دري اذا بالنت تعالج لانها جلسه علاجيه يمكن تقول لج عادي
الي بسويه حق المطلقات ابي ارفع طاقتهم الايجابيه واخلصهم من الحزن الي اهم فيه
موضوعكم هذا حلو ومو حلو بنفس الوكت
حلو لان تشكين فيه همج حق بنات مثل حالتج
ومو حلو لانه ينزل الطاقه ويخليكم تدورون في حلقة الحزن وتجذبون الشي السلبي لحياتكم
المفروض كل مطلقه يبي لها قعده عن سبب الطلاق ليش صار وليش خلت الريال يعاملها هالمعامله
احياننا يكون الريال شرير ولما يشوف المره ضعيفه يهضمها حقها
مثلا انتي غلطتج انج حيل حبيتيه ومشيتي وراه واخر مره بدون ما تحطين شروط
سوري اختي انتي حسستي انج رخبصه اسم الله عليج
الريال إذا حس ان المره سهله ومن النوع الي روح تعال يدوسها بنعاله
صحيح ان الطلاق قضاء وقدر
بس هم التعامل مع الناس له فن
كل وحده منكم تعرف شخصيتها زين
وقبل كل شيء اهم شيء تدرس الريال عدل
وتدرس كل كلمه يقولها لان الكلام يدل على المعتقدات الي يحملها
مثلا ريال يخطبني يقول لي الي يبيعني ابيعه
هذا الريال تحطون عليه الف اكس
لان عنده الدنيا بالفلوس وبالمقايضه وبيع وشرى
لكن بامكانه مثل يقول الي ما يبيني مودع الله والله يسهل عليه هذا كلام العقل
الرجل مخبوء تحت طي لسانه
بامكانج تعرفين شخصية الريال وهله
لا تستعجلون بالزواج
تريثوا ليما يجي الرجال الي يستاهلكم
يعني احدى الاخوات نسيت اسمها ذكرت انها تزوجت واحد اهله جابرينه على الزواج وعذبها
بصراحه قمة الحقاره يعني ما حبيتها ليش تعذبها قول لها الصج
وليش تتزوج غصبن عليك بنات الناس مو لعبه
خواتي الحين بعطيكم واجب ابيكم كلكم تسوونه
قعدو بغرفه وحاولو تتنتفسون تنفس عميق
يعني تاخذون الهوا من الانف وتطلعونه من الفم والفم لازم يكون على شكل حرف واو
وما تفكرون ولا بشي بتاتا
تسوون هذا التمرين لمدة ربع ساعه على الاقل وكلما زدتوا خير وبركه
بعد هالتمرين يمكن تتجدد احزانكم وتبجون
بس ما عليكم
هالتمرين ينظف الحزن الي عندكم
كانه يكنس هموكم
هالتمرين واجب يومي

 

[توته شيطونه]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

د. محمد العريفي ..سكــان الجنــه .. من هـم ؟ هل هـم أهـل الشهوات والمعاصي ؟! لا والله إنهـم .. http://vimeo.com/album/1598841/video/23748332

 

[مـس مـطـيـر]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

هااااااي العد التنازلي
باقي ٧ اياااااام



لو سمحتوا يلي عايشات بهم و غم هذا اختياااركم
شوفوا الحيااه من منظور ثاااني
الرجل مو سبب سعاده المرأه
افهموواااا يا بنااااااات
يا حلوااات يا جميلات يا منطلقات
انطلقوا الى عالم فيه اختيارات جديده و امل متجدد
انا عندي مشروع يلي توافقني عليه تنظم لي
كل وحده تشوف شنو كان هدفها الشخصي في حياتها سواء الاجتماعيه او الدراسيه او المهنيه او او او حتى الجماليه يلي كان ودها تسويه بس الزواج او الزووج كان عائق
تبدأ تخطط له و يكون نهايه السنه هذي النتائج
انا بقولكم اهدافي
١) تسجيل في الاترجه لحفظ القرآن
٢) اسجل في دوات اختبار التوفل ( لاني اخطط للماستر )
٣ ) رجيييم من كثر ما فليتها على الاخر زاد وزني ٨ كيلو
٤) العنااااايه الجماليه كل مشكله فيني بظبطها بالعنايه سوا سمار او حبوب او شعر خفيف بضبط روحي بس من غير غضب الله في الحلال و المعقول




يله يلي وراي تكتب و تخطط و تمشي بالطريق و ترا من صجي. يا حلوااااات

خبله انا اضيع شبابي و زهره عمري على رياااال
وادفن نفسي بالهم و الغم و الاكتئاب و اكسر خاطر الناس على شنو محد بيفيدني لا قالوا مسكينه و لا تكسر الخاطر
انا ماني ضحيه انا مناااااضله
و بعدين الحمدللله ربي ما يسكر باب الا و يفتح بوجهج عشر بيباااان
خلو املكم بالله كبير

شدعوه صار قروووب حزن


فلوووووووها يا خي

ناقصين حنا 

 

[اسطوووره]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

مملكه الحب حبيبتي
الله يسعدك علي طيبتك يا شيخه يشهد الله ان كلامك كللللل ابوه صح وما به غلط تدرين امي تقول نفس كلامك تقلي عيبك انك منتي فاهمه للرجال وتتعاملين بسجيتك وهادا غلط كانت تقلي اقسي عليه شوي عشان لا ينمرع عليكي وما سمعتلها كنت كل شي طيب وحاضر حتا اذا غلط انا معي بكالريوس هندسه وزوجي مو مكمل الدبلوم فكان دايم يحس اني احسن منه ويحاول يدعس خشمي ويجيبه الارض حتا شكلي مو كل زوج يحب زوجته مرتبه ونظيفه هو كان يعيب كل شي فيني ويقول ماله داعي ماله داعي لين صار شكل الشغاله احلي مني الحين مع اني موقفه اهتمام بنفسي مررررره بس والله شكلي اتصلح وصحتي ردت عن ايامه
رح اسوي كل اللي تقولين عليه وتمرين التنفس روووووعه رح ابتدي فيه من اليوم وانشالله يجيب معي نتيجه لان عندي مشكله في التركيز لفتره طويله بجرب واعلمك عالنتايج ادعيلي يا حلوه ولكي دعوه من القلب امممممممممواح


مس مطير
يا عمري عليكي الله يعديلك هالايام بخير وصحه وعافيه ويعوضك ربي كل خير ياااا رب
انا يبيلي برنامج عنايه طااااريء شكلي صار مصيبه سمار رهيب وبهدله وشعري صار جاف ويطيح ومالي خلق بس رح اجبر نفسي وارد لعنايتي
كمان ابغا ادخل دوره جديده باقي ما قررت بايش لاكن مفكره في التسويق الصراحه مالي حيل ماجستير ما صدقت خلصت البكالريوس مكسله لووووول
بالنسبه لوزني انا عندي مشكله نحييفه بس عندي بطن يعني نفسي ومنى عيني اذود وزني واخسس بطني مدري كيف رح اسويها اذا احد يعرف يا ليت يساعدني
وبث هادا للحين وخلااص بنات اوعدكم اني اصير احسن وارجع احب الحياه وربي يعوضنا جميييييييييييعا بالخير
احبكم كلللللللللللللللل ابوكم

 

[مملكة الحب]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

اسطوره حبيبتي
ما شاء الله مهندسه يعني شي زين
الريال إذا حس ان المره احسن منه يحس بالنقص وما يتحمل يعيش وياها
طبعا مو كلهم بس الي عندهم عدم تقدير لذات
دايما رددي انا استاهل كل الخير
دلعي نفسج حيل وقولي انا أستاهل
وكافئ نفسج على صبرج على هالريال النذل وتضحياتج له وهالصبر الي صبرتيه تعتقدين شويه
انتي مثل الي حمل حمل ثقيل ومحتاج واحد يقول له ارتاح اقعد على الكرسي واشرب عصير انت حيل تعبت انت بطل
انتي شي كبير
كافئ نفسج على انج صرتي مهندسه وهذا شيء كبير
كثير ما خلصو دراستهم وانتي تحديتي الصعاب وكملتي كليه الهندسه
دلعي نفسج حيل
وإذا حبيتي نفسج الناس رح تحبج حيل
الناس ما يدرون بالي بقلبج لكن الافكار الي تفكرين فيها تطلق ذبذبات وتؤثر عليهم
انتي آثرتي ريلج على نفسج الغاليه وانتي اغلى منه
لذلك اهو عافج
الريال ما يحب المره الي تحبه اكثر من نفسها
شوفي الحريم الي يحبون نفسهم ويدلعون بعمرهم مو عشان الريال عشان نفسهم
تلقين الريال يموت عليهم حيل
ابدا لا تقللين من نفسج امام احد ورفعي راسج فوق حيل
سوي لج بيوم ميلادج مثل الحفله وجمعي الاصدقاء
عشان تقولين لهم بطريقه غير مباشره ان يوم مولدج وهالمناسبه تستاهل التقدير
غيري من نفسج حيل سواء في اللوك مالج او في شخصيتج او في انجازاتج وابداعاتج
والله لو تغيرتي
طليقج رح يعض على اصابعه الندم لانه خسر جوهره مثلج
موفقه حبيبتي

 

[&هند&]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

بناااااااااااااااااااااااااااات نصيحه ما عليكم من كلام الناس مرد الكل بحط لسانه بحلجه وبيسكت خليكم واثقات من نفسكم وعيشو حياتكم في ما يرضي الله سوو لكم برنامج خاص فيكم اشغلو وقتكم بهواياتكم اهتمو بنفسكم وانسو هم الزاوج واذا ربي كاتب لكم تعيدون التجربة الزواج خير نعمه ترا والله في حريم عاضين على جمر عشان عيالهم ترا الحياة ما توقف على رجال ما اقول لا تزوجون بالعكس اذا صار نصيبج تتزوجين فكري وعيدي حساباتج وتزوجي واذا ما في نصيب الوحده ما تموت عشان رجال استانسو بحياتكم والله حراااااااااااااااااام يروح عمرج على حزنج على طلاقج ولا على همج من كلام الناس والله ادري مو شويه هم الطلاق بس الوحده تحاول تتاقلم وتقلب وضعها للايجابي عشان اهلها والي حبونها اذا هي مستانسه وعايشه حياتها اهلها بيستانسون لها والله يكتب لكم الي فيه الخير ياااااااااااااااارب ،،،

 

[اشكي]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

اليوم اخر يوم للعده حدي متضايقه احس بالظلم والاهانه:eh_s(2):

 

[حلمي وامالي]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

اشكي الله يعوضك خير يارب
كلنا مرينا باحساسك
عيشي حياتك وبيعيه زي ماباعك ولاتوقفين حياتك عشان انسان ماعرف قدرك

 

[شيوختي]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

السلام عليكم خواتي
أنا انظميت معاكم ...
بس كان طلاقي ظلم بعد معاناه صارلها ٤ سنين والحمد لله على كل حاااال
وعندي بنت عمرها سنتين وسبع شهور وعندي ولد عمره شهرين
رحبواااا فيني

 

[روح امها]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

السلام عليكم
شلونكم شخباركم ؟

طبعا انا عضوة قديمة كنت بالتجمع الاول
بس صار لي فترة قاطعة المنتدى لان حياتي تغيرت
لاهيه بدراستي وماعندي وقت ادش


عيشي حياتج ولا تهتمين حق كلام الناس عيشي مثل ما انتي تبين مو تخلين الناس تختار لج حياتج
اللي عندها عيال تجابلهم واللي ماعندها مثلي تحط حيلها بالدراسة او شغلها
في وايد اشياء احلى من الزواج
انا معاكم الزواج استقرار بس هم لازم يكون فيه امان مع الريال اللي تبين تكملين حياتج معاه

انا بدش بالسنتين من تطلقت ولا اصلا مرات انسى نفسي ان كنت متزوجة

 

[لحن التياعي]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

عندي سؤال لو تكرمتوا
اللي تتطلق بعد عشرة وسنوات
هل كان طليقك من البداية مو مرتاحة معاه ولا كنتم زينين وتغير الحال ؟؟؟

 

[om-3azo-83z]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

انا عقب باجر تطلع ورقتي ابيه احس صارت فيني حاله نفسيه اذا احد ياب سيرته ما اشتي اكل و اذا كنت قاعده اكل او توني مخلصه احس جبدي تقلب
اكثر شي ملوع جبدي احلامي فيه وااااايد ظلمني و بكل حلم اشوفه ندمااان ظلمني حسبي الله عليه و فوق كل هذا خذا فلوس حرام مني و من ٨ معاي الله لا يوفقه انشاللله اشوف حوبتي فيه و الله يعوضني باللي احسن منه

 

[om-3azo-83z]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

دنيا غريبه اهههه بس ااااههههه اخيرا لقيت احد حاس فيني احس اني اموت فاليوم الف مره للحين مو مستوعبه الصدمه شلون الشخص اللي حبيته يبيعني بسهووووله المشكله كان بينا حب قوي و ماخذته عن حب والله للحين اقوم الصبح ادوره يمي احط المخده يمي بداله تعودت احد ينام يمي صرت اخاف انام بروحي كرهت حياه العزوبيه مع انها مريحه للاسف اشتقت له مع انه ظلمني وايد والله قلبي يعورني و كل يوم اوهم نفسي انه بيرجع يعتذر بس لما افكر اقول لا ما ارد حق حياه العذاب لان ذيل الجلب طول عمره عوي و اهوا باع شرفه على الف دينار و خذا فلوس حرام بس للاسف اتذكر سوالفه ضحكته حركاته دايم سيرته على لساني للحين انادي كل الناس باسمه اخخخ بس التفكير اللي ذابحني اهوا صج ندم ؟ للحين يفكر فيني ولا عايش حياته طبيعي للحين في ذره حب لي ؟ يالله الله يقويني و انشالله انساه

 

[صديقت قوقل]

رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥

ام عزوز وعز معليش اذا ماتدخلت بخصوصياتك
شنو سبب طلاقج؟

دام تحبون بعض وتزوجتو عن حب؟

اذا ودج تجاوبين بالخاص عادي بس جوابج مهم ابي اعرف

لاسباب ضروريه؟