رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥
السلام عليكم :::::
انا تطلقت من شهرين باقي شهر و اخلص العدة ( ماهمتني خلصت او لا ) الحمدلله من غير ابناء
زواجي استمر 5 شهور و نص بالضبط عمري 22 و هو عمره 30 كبيير بالعمر لكن العقل عقل جااهل لدرجه انه كان مغصوب على الزواج ما كان يصير لي اخته تعرفت علي بالدوام و خطبتني لاخوها و كان زواجي سريييييع و طلاقييي أسرع
تحملت جميع انواع الضغوط النفسيه و الجسميه لين جنى على صحتي حتى ملامحي تغيرت من الزعل و الضغط
اولهم من امي وابوي زوجوني بسرعه و انا اقولهم اجلوا شوي ما سألتوا عنه كفايه
ثانيهم من يلي كان زوجي استلمني انتقاد من اول ليله ثوبج مو حلو تسريحتج مدري شلون صايرة ليش مكياجج خفيف
ثاني ليله دخل علي الخدامه و انا لابسه و كاشخه قال نظفي الشقه و ياها ( حركااات تطفيييييش)
كنت أنام بروحي و انا عروس كان دايم بليل برا و على الصبح يجي ينام و اذا جا يشوفني انطره بالصاله دخل الغرفه النوم و يصك الباب و اذا جيت يقولي اطلعي برا بنام لا تزعجيني انام بثيابي و قمصاني برا بالصاله
بس كنت اسكت و اجامل ,,,,,, فرحه و وناسه العرس ما شفتها لاكلام حلو لا طلعات تشرح الصدر حتى السينما مارحت
الدلع و الكلام و السوالف البنات عفوا يعني انه يصير 3 او 2 باليوم ما شفته و كنت البس و اتدلع بس كان يدقرني مايجني الا كل كم اسبوع و كان يحاسبني ليش للحين ما حملتي من ثاني شهر لي يقولي امشي الطبيب افحصي
تحملت و تحملت و أجامل و أداريه و اسوي يلي يبي و اذا قعد معاي اسولف له ة اضحكه و اونسه لدرجه انه تغير معاي حتى اهله و خواته لاحظوا هالشي مع انه اذا سولف كل سوالفه تقهرني تعليقات بايخه علي و على شغلي و لبسي و مقارنه بين هذي و هذي ( مع اني والحمدلله حيل جميله ) واذا عاتبته على اسلوبه معاي بالاسبوع ما يكلمني ( يعني بالعربي مغصووووووووب على الزواج )و مع ذلك اصريت انه يحبني و غير نظرته فيني و قفت معاه و تحملت
و اهله ( حسبي الله عليهم ) انتقادات و حركات بايخه )
كان مو مخلي حركه بايخه و تقهر الا و يسويها قدامهم لدرجه انه دخلني المطبخ من أول اسبوع لي مع امه هي تتأمر علي حطي و شيلي
وغيره يقومني قدام خواته علشان امسح جوتيه
و يلي قهرني و خلاني رخييييصه انه يغصبني اتكشخ و البس وينزلني تحت عند امه و حمواني الرجال الكبار يلي اكبر منه و متزوجين أني اقعد اقهويهم يعني حركااات ( نورييين )استغفر الله و ما كنت اطيعه كلش لين حلف انه ما في احد تحت بس امه و صدقته ولما شفت الوضع صعدت بسرعه لشقتي تفشلت من نفسي حييل قعدت استغفر ربي وادعي ان الله يهديه
كل هذا وانا في عالم غير العالم لييين صار يلي صحاااني
و فوق هذا تحملت عاااهااته النفسيه كان دايم يروح لمطاوعه و خرابيط كنت حييل أخاف و كان يخش عني و صااارت سوالف باايخه( يعني بسم الله لدرجه انه يقولي انه فيه سكنيه ) حييل انا ماكنت فاهمتها لين علمت امي عقب 4 شهور من السكوت ما أنسى رده فعل امي كانت واقفه و لما علمتها طاحت على القنفه و حطت ايدينها على راسها و قعدت تبجي انا ما فهمت شصار رديت لشقتي وانا خااايفه و متوتره بعدين صار موقف خلاني احتفظ بباقي كرامتي و طلعت من عنده ولا كلف خاطره عقب ما وقفت معاه انه يدق أو يسأل عني كان كلامه مع ابوي من غير احترام كلش قعدت ببيت أهلي 3 شهور بعدين حصلت على الطلاق من القهر كنت ابي خلع علشان اذله مثل ما ذلني
بعد كل هذا ما ني قادره أستوعب يلي صارالشي الوحيد يلي استوعبه اني كنت حماااارة مكدة
