رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥
السلام عليكم
ما ادري انه فيه رابطة مطلقات اهنيه 
والا جان من زمان دخلت وياااكم حبيباتي
كم دام زواجك؟
دام زواجي خمس شهووور
وكانت آحلى آيام عمري
معاه
لكن مع امه لآ
هل تظنين أنك غلطتي وأنك سبب الطلاق؟
فترة زواجي معاه ما غلطت ولا شئ
لكن امه حطت علي وهو وحيدها
فصممت على طلاقي
لانها تغار
وصارت مشاكل شوي
حاسه بالظلم ؟
آكيد
ما تتصورن شكثر اعاني
لكن الله كريم
وهو أرحم الراحمين
شنو أكثر شي مضايقك بعد الطلاق؟
المرأه من غير رجل صعب تعيش
لانه الآمان والآستقرار
تشتاقين له وتتمنين تردين له ؟
آكيد وعلى الرغم من مرور 12 سنه من انفصالنا
الا اني احبه للحين واتمنى أرجع له
لانه هوتزوج من بعد طلاقي بشهرين
لكن الله كان لهم بالمرصاد
وصارت فيهم مصيبة
وطلق العروس
خلال اقل من شهر
شنو أكثر شي ندمتي عليه وعطي نصيحتج لنا؟
اني ما وقفت في وجهه الدنيا كلها
واني رضخت للآمر الواقع وسكت
على الرغم اني مو على غلط
لكن حسسوني اني على غلط
فصدقتهم
وانصحكم حبيباتي
دافعوا عن ازواجكم الى اخر نفس
صعب لما تشوفينه ينسرق جدام عينج
وتنسرق كل فرحة جمعتهم
ولحظه ضمتكم
وانتي ما تسوين شئ
لانهم حسسوج انج على غلط
12 سنه ما شفته
لكن اشتاق له
احب اسمع صوته
اتصل من اي مكان ولا اتكلم
علشان بس اسمع صوته
واصك الخط
