إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[فراشه]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

انا يوم تطلقت مستانسه جني طير فجو اسره عادي ماتظايقت حسيت اني انولدت من جديد
ونظرت الناس احس في ناس خذوا عني فكره بس عادي محد همني

الله يعوظني ان شاء الله ويعوظكم

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

حبيبتي فراشه

ذكرتيني يوم طلاقي
والله ما كنت مصدقه
لدرجه حاطه ورقة طلاق على المنظره اشوفهااا كل لحظه
عساااني اصدق اني اخيييييييييييييرا تطلقت

والله كنت فرحانه فرح ما فرحته يوم تزوجت

اول الايام والاشهر كنت حساسه شوي
بس بعدين خلاااااااااااااااااااص

الطلاق اهون مليون مره من انج تعيشين مع واحد عوي ما منه فايده

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

لحظة امل (( الاصلاح الاجتماعي بالشاميه )) اتصلي وعطيهم رقمج وكل ما يصير عندهم دوره طرشلوج مسج
عندهم اشياء وايد حلوه

 

[alzaiin]

رد: إذا أنتي مطلقه شاركينى؟

آآآآآآآآآآآآآآآآآآآآآآآآآمين يارب العالمين الله يسمع منك ويجزاج خير يا رور44 على هالدعوات الحلوه ..

 

[مهاوي البحرين]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

ربي يعوضكم خير ان شاء الله

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

تسلمين مهاوي البحرين ...

والله يسمع منج

 

[عهود الحب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

عهود الحب



انا مو مطلقه
ولا متزوجه


بس دخلت الموضوع

وانا نفسيتي منهاره من شي صايرلي


حاسه الدنيا متسكره بويهي حاسه أني مو قادره اكمل حياتي


مادري شلون اعبر عن الي بداخلي



بس قريت كلامج


خفف عني شوي


عن جد اشكرج من كل قلبي يالغاليه



قلت حق نفسي ياليت اعرف هالانسانه صج



الله يوفقج حبيبتي ويكتبلج بكل خطوه تخطينها خير وبركه وتوفيق من الله


الله يسهل عليج كل شي صعب


الله يمسح على قلبج ويبرد عليج


الله يعوضج كل شي مو زين شفتيه



الله يديم كل شي حلو عليج



والله والله والله قاعده ادعيلج ودمعتي بعيني من ضيقتي




وسامحوني خواتي لأني دشيت وانا مالي خص

مغتربه بقلبه
ياحبيبتي والله
عسى ربي يفرج همومج


شوفي يالغاليه
الدنيا حلوة بس احنا مانفهمها صح




مهما كانت مشاكلج بحياتج
ماراح اتكون اسوء شي بالدنيا



صدقيني


تبين تصدقيني اكثر ؟
تلفتي حوالينج
شوفي الي اقل منج مرتاحين ولا لا
يمكن تشوفين
عامل ميت من الجوع ويفتر بالشوارع
جوعان وهدومه متقطعه وديرته ورى الجبال باخر الدنيا
احبابه مفارقهم



وحالته تعور القلب
ومع كل مافيه من هموم
يبتسم
اي يبتسم !!



وتستغربين
سبحان الله

الله كبير يالغاليه وماينسى عبيده


ومهما صار لنا بحياتنا
فهو خيرة لنا
لما تآمنين انه كل احداث حياتج الي مريتي فيها او بتمرين فيها
خيييييييره لج


صدقيني راح تضحكين
فكري
ليش وليش وليش
اسالي روحج ليش صار كيت وكيت
وبعدين شصار لج
بتلاقين اي شي صارلج لو انه موحلو وموحدث سعيد
صدقيني انه جت وراه اشياء او احداث سعيدة




الله ياخذ منا ويعطينا



ان انصك باب لابد تنفتح شبابيك


والظلمة هي سر سعادتنا بالنور :tek:

 

[عهود الحب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

الله يجزاج خير ويوفقج ياارب كلامج ريحني حيل وهدى بالي مع اني متزوجة ولله الحمد لكن غيرتي شي في داخلي الله يبارك فيج واسفة اذا دخلت بالغلط كنت بدعيلكم وطااحت عيني على كلامج الله يوفقج ياارب

والله يرزقكم كلكم ما تتمنون ويرزقكم الرضا والراحة والطمئنينة ياااارب

تسلمين يااختي على هالدعاء الحلو بارك الله فيج وبعمرج
وعسى ربي يهدي لج زوجج ويوفقج ويستر عليج
تسلمين والله

 

[عهود الحب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

العفو حبيباتي لحظة امل و سمراء كويتية

الكتاب روعه واي كتاب تبين تقرينه تتعلمين اكثر حول نفسج وحول الدنيا


القراءة حلوة والمشي حلو والحكمة انج تلهين نفسج بشي مفيد


او تكتشفين هواية جديدة


سوي شي جديد بحياتج وبس

 

[عهود الحب]

رد: إذا أنتي مطلقه شاركينى؟

تسلمون بنات



علامكم طفت ناركم يا تسولفون يا اقعد اخربط على روسكم

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

شطوره عهووود وانشالله للأحسن .. بس اي كتاب جربتي ؟؟

 

[ملح بدويه]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

انا مطلقه < خلع > وصارلي في بيت اهلي 3سنين راحت من عمري

كنت ابي الطلاق ويوم تطلقت عشت العذاب وقلبي صار يصب دم من هالكلمه اللي تحطم

وبيننا بنت بس اهلي رافضين آخذها واخليه بحظانتي مع انه من حقي وهذا اللي معور قلبي

انه بنتي بعيده عني وما اشوفها الا بالصور >>>>>>>>>

واسمعو كلام الناس اللي مايرحم !!!!!!!!!!!!!

عواااااااااااااااار قلب

 

[عنايد]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

الله يعوضكم خير ويرزقكم كل ماتتمنونه يارب

ويعوض أختي يارب

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

حبيبتي ملح بدويه

انا بالظبط مثلج بس انا كنت راح اموووت من الفرح اني افتكيت منه
والحمدالله ما عندي عيال ..

الله يعينج يا قلبي بس ليش بنتج مو عندج انتي قرارج بيدج وهذي بنتج ؟؟!!!

شلون تخليتي عنهااااا ؟؟

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

الله يعوضكم خير ويرزقكم كل ماتتمنونه يارب

ويعوض أختي يارب

مشكوره حبيبتي والله يسمع منج يارب ..

 

[مغتربه بقلبه]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

عهود الحب


بقولج شي


والله والله والله احبج بالله


كلامج خفف عني وايد


ورحت امس من بعد ماطلعت من المنتدى على طول المكتبه وشريت الكتاب ومعاه جم كتاب بعد



انشاء الله يارب ربي يمسح على قلبي



بنات بليز ادعولي محتاجه لكم ولدعائكم وايد

 

[سمراء كويتية]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

ما بعد الضيج الا الفرج راح تنسين بس المسألة مسالة وقت مو اكثر <<<<<<<<< اسئل مجرب

 

[سمراء كويتية]

رد: إذا أنتي مطلقه شاركينى؟

ايييييييييييييييه يا عهود انفكر بالمدرسه الي يايه ..<<<<< مدرسه مشتطه

 

[عهود الحب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

ملح بدوية القانون يضمن لج حقج ببنتج


ليش ماتطالبين فيها ؟؟؟؟؟؟؟؟؟؟؟؟


اختي البداية صعبة بس دايمن تجيب النتيجة الصح
مايضيع حق وراه مطالب



روحي لمحامي وكلميه عن مشكلتج وبيلاقي لج حل
مومعقولة انتي بصوب وبنتج بصوب
ترى محد يحس بالام لما يبعد عنها ضنااها




لاتقولين اهلي و اهلي
انا اهلي كانوا ضدي من اول يوم اتخذت فيه قراري بالانفصال
ولازالوا ضدي باشياء كثيرة
بس



سبحان الله الايام تكشف لج اوراق بحياتج يوم ورى يوم


وصاروا يوافقوني باشياء كثيرة


يأيدوني ما يأيدوني مايهمني
انا بروحي اقدر اسنع روحي



ترى محد له شغل باحد
بالنهاية الكل ينام بداره ويصك بابه وينسونج
وانتي تتلوين وتبجين ليلج دم تبين حقج وضناج



لاتكونين ضعيفه
قوي قلبج ودشي مع نفسج قعدة مصارحة وحللي امورج
شوفي شنو اسباب بعد بنتج عنج
لاتهقين لما تكبر ممكن تسامحج


بتقول ليش ماحاربتي الكون وخذيتيني لحضـنج
يابنت قوي قلبج وخللي عنج التردد


ملح بدوية شسالفتج انتي ؟ قعدي واسالي روحج هالسؤال
ليش بنتي مو بحضني


لاتندمين على انسان تركج
اندمي على ظناج حشاشة جوفج
ولا الرجال بداله ميت واحد
رجالن مايرحمج ويسحب منج ظناج هذا مافيه خير اصلن ولايخاف ربه
فلاتندمين وتبجين دم انه انتي مطلقة
هذا نصيبج وقدرج من رب العباد

 

[عهود الحب]

رد: بعد ما تطلقتي شلون كانت نظرة الناس لج وشنو الي ضايقج ؟؟ (( شاركي معانا ))

مشكورة عنايد ومهاوي
< رازة وجهها بالموضوع


اخاف تطقيني سمرا ههههههههههه