إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[المحامية هبة السهلي]

ويه بنات هونوها واتهون ترا الديره كلها مثلكم والله الحريم كلها طفشانه نص حريم الديره تطلقت والنص الثاني صابرين والرياييل استينو الحمدلله والشكر ما ادري ليش

بس قريت رد حق الاخت حوجمه اختي الله منزه عن السئ من الصفات يوم قلتي الله يغار كللش مو حلوه تعاظمت ربي وتعاليت الله غني عنا حبيبتي مو حلو التبعير بس ملاحظه اتمنى تتقبلينها بصدر رحب

 

[حوجمة]

محامية كويتية .......... هلا أختي الغالية

تنبيهج طيب جدا ........ لمن لا يعرفون إن في هذا أحااااااديث وليس من كلامي أو توقعات أو تخمينات ... كثير من الناس لا يعرف أن في أحاديث عن غيرة الله عز وجل على العبد في تحريم الوقوع في المعاصي والمحرمات ..

والغيرة .... ليست من السيء من الصفات إلا إذا تجاوزت وطغت ، غيرة الرجل على أهل بيته ليست صفات سيئة ، الغيرة على الدين ... والعرض .... الخ فهي ليست صفات سيئة بل حسنة لأنها تحمي وتحفظ أمور كثيرة تترتب عليها ..
---------------------------------------------------------------------------------
والأحاديث الصحيحة في هذا الموضوع كثيييييرة وراح أذكر بعضها :


* حدثنا عمرو الناقد حدثنا إسماعيل بن إبراهيم بن علية عن حجاج بن أبي عثمان قال قال يحيى وحدثني أبو سلمة عن أبي هريرة قال قال رسول الله صلى الله عليه وسلم : (إن الله يغار وإن المؤمن يغار وغيرة الله أن يأتي المؤمن ما حرم عليه).

رواه مسلم


* حدثنا عثمان بن أبي شيبة وزهير بن حرب وإسحاق بن إبراهيم قال إسحاق أخبرنا وقال الآخران حدثنا جرير عن الأعمش عن مالك بن الحارث عن عبد الرحمن بن يزيد عن عبد الله بن مسعود قال قال رسول الله صلى الله عليه وسلم : (ليس أحد أحب إليه المدح من الله من أجل ذلك مدح نفسه وليس أحد أغير من الله من أجل ذلك حرم الفواحش وليس أحد أحب إليه العذر من الله من أجل ذلك أنزل الكتاب وأرسل الرسل).

رواه مسلم


* حدثنا محمد بن عبد الله بن نمير وأبو كريب قالا حدثنا أبو معاوية ح وحدثنا أبو بكر بن أبي شيبة واللفظ له حدثنا عبد الله بن نمير وأبو معاوية عن الأعمش عن شقيق عن عبد الله قال قال رسول الله صلى الله عليه وسلم : (لا أحد أغير من الله ولذلك حرم الفواحش ما ظهر منها وما بطن ولا أحد أحب إليه المدح من الله).

رواه مسلم


* ‏حدثنا ‏ ‏موسى بن إسماعيل ‏ ‏حدثنا ‏ ‏همام ‏ ‏عن ‏ ‏يحيى ‏ ‏عن ‏ ‏أبي سلمة ‏ ‏أن ‏ ‏عروة بن الزبير ‏ ‏حدثه عن ‏ ‏أمه ‏ ‏أسماء ‏ ‏أنها ‏
‏سمعت رسول الله ‏ ‏صلى الله عليه وسلم ‏ ‏يقول ‏ ‏لا شيء أغير من الله .

صحيح البخاري .

* وفي أحاديث في مسند الإمام أحمد ، والترمذي ...

وللإطمئنان تلاقينهم في موسوعة الحديث الشريف ...


بارك الله فيك أخيتنا على التنبيه حتى يستفيد الجمييييييع

 

[يعانة]

واااي موضوعكم يعور القلب
قريت شوي و مابي اكمل
ماقول الا الله يعينه اجمعين

 

[ملح بدويه]

انا مطلقه ودام زواجي سنه و3شهور
كان ممكن اصبر وكمل معاه بس لقيت العيشه
معاه وااايد صعبه...
كنا متعلقين ونحب بعض حيل بس الله ماكتب
ولو اقولكم 1000 سبب وسبب بالنهايه هاذي قسمه ونصيب
بس الضروف لعبت دور دراسه وحمل واوحااااام وتعب الطبخ والتنظيف
والمواجيب وغيره اخوانه وامه واخته من سعادتنا وتفاهمنا
ونصييييييييييحه لوجه الله عليكم بالصبر والصبر وحفظ اسرار بيتج
وعليكم بالدعاء...................
امانه اللي تقراء قصيتي تدعيلي ان الله يعوضني خيييييييير

 

[حوجمة]

السلام عليكم ورحمة الله وبركاته ....

مبارك عليكم الشهر جميعا مقدما ...

بعد قصتي .... اختفيت ما كتبت شي يخص الموضوع قلت انتظر نتيجة المداولات !! والمساومات

حاولنا نوصل لحل ودي إما يرجعني أو يطلقني بشرط يدفع نفقتي والعدة والمتعه من غير محاكم وعوار راس ..

لكن شحفان القطو !! من البخل وحب الفلوس قال أطلق بشرط أدفع مبلغ 1000 فقط

علما أن لي أغراض مكتوبه بسمي قيمتها فوق الألف خذاها !! وما يبي يرجعها ..

ما توقعته لهالدرجة دني نفس ...

المهم .... ملوو منه أهلي ما في حل ، ما رضى بالعرض الودي حاس انه رجل مواقف وما يدري بطيح على راسه ..

والنتيجه حاليا............... وصلت للمحاكم ومصر للحين على المبلغ اللي حدده .


والحمد لله على كل حال واستخرت كثييييير على موضوع الطلاق إن كان خير لي ربي ييسره ، وإن كان شر ربي يصرفه ..


واللي حصل ........................ هو الطلاق !!
طلقني يوم الأربعاء ... والحين رفعنا عليه قضية النفقه والأغراض اللي بسمي والجاي عليه أكثر وأكثر ..

وما أقول إلا حسبي الله ونعم الوكيل عليه يوم دخل حياتي عذبني وطلع والله يكافيني شره وننتهي على خير .. على فكره أرسل لي رسالة بعد ما خلص اجراءات الطلاق يبيني أتنازل عن حقوقي ماديا وكاتب آيات وأحاديث ، وإن ما يجوز أخذ فلوسه بدون طيب نفس منه ...الخ
ما أقول إلا : الحمد لله والشكر ... زين ما تجيه جلطه بسبب حبه حق الفلوس !!

وجزاكم الله خير بنات على كلماتكم الطيبة ودعواتكم لما عرضت مشكلتي

----------

أختكم .... حوجمة

 

[ملح بدويه]

يا اختي اللي دفعت 1000 دينار حبيت اقولج انا دفعت
4000 دينار كويتي وخلعته وخليته مايسوى فلس
بس عشان افتك منه واشتري حريتي وراحه بالي
بس لاتشوفين شلون ذليل وما صار احد يحترمه
وفووووووق هذا بعد سنه من الخلع طرشلي مسجات ويدق
عشاااان ارضى عليه ونرجع لبعض بس شنووووووووو؟؟
انا نفسي عزيزه ولا ارضى بالمذله والاهانه بعته بالرخص
وشريت راحتي وكرامتي والله يعوضني خيييييييييييييييييييييييير
اماااااانه "" اللي تقراء ردي تدعيلي بالزوج والذريه الصالحه""

 

[حوجمة]

ملح بدوية .....
يا الغالية ربي يعوضج خير ويرزقج من حيث لا تحتسبين ..

آنا ما دفعت له 1000 ، هو اللي قال أدفع هالمبلغ ما يبي يدفع نفقه ومتعه وعده قصة طويلة عارف كل شي بيطيح على راسه ..

ولو يموووووووووت ما أخلع ، والله لأدفعه الثمن غالي وخليه يتندم على اليوم اللي فكر يخطبني ، مو عشان شي وعمري ما صرت متوحشه كثر الحين عليه ، بس اللي سواه فيني مو هين ...

حسبي الله ونعم الوكيل عليه ..

 

[نشاط]

ملح بدوية .....
يا الغالية ربي يعوضج خير ويرزقج من حيث لا تحتسبين ..
حوجمه يا الغالية ربي يعوضج خير ويرزقج من حيث لا تحتسبين

 

[اميره الورد]

عسى الله يعوضني ويعوضكم يااارب في هالشهر الفضيل ان الله يرزقنا بالرياجيل اللي يخافون ربهم واللي يقدرون الحريم

انا نفس حالتكم انا خلعته وقعدت 4 شهور عند اهلي وهو موراضي واخر شي قالي عطيني المهر وكنا بنعطيه لانه نبي الفكه لين راح ابوي وسأل محامي وقال مو من حقه ياخذ ولا فلس ورفعنا قضيه وقال ما اطلقها الا لما اتنازل على كل النفقات وتنازلت عن كل شي بسبيل راااحتي مع انه ماقعدت معاها الا شهر بس بغيت اموت والحمدالله اني ماحملت منه وعسى الله يعوضنا ويرزقنا فالي يفرح قلوبنا قولو امييييييييين

 

[روزالكويت]

بنات ابي تمدحون لي محاميه زينه تاخذ الحق عدل وطلعه من عيون الظالم تكفووووون ظروري

 

[b6o6a]

الله يعينكم ويعوضكم خير

 

[عهود الحب]

قوة بنات





شلونكم بالشهر الفضيل





روز الكويت انا بعد ابي محامي او محامية



اذا لقيتي حولي لي العنوان والتكاليف

 

[ملح بدويه]

مشكوره اختي حوجمه وانا فهمت سالفتج غلط ما عليه نفسيتي حييل تعبانه
والله مو ناقصني شي ولله الحمد والمنه
بس اللي تاعبني نظره الناس لي كوني مطلقه تعبت حيييل حيييييييييل

واختي نشاط جزاااااج الله الف الف الف خير على دعائج لي .............

واختي اميره الورد الله يعوضج خييييييييييييييييييييييييييير ويرزقج بالزوج الصالح
تدرين ؟؟؟؟ والله ما ابيج تفكرييييييييييييين واااااجد ونعمه النسيان نعمه كبيره

يااااااااااااااااااااارب ترزقني بهالشهر الفضيل بالزوج الصاااااااالح يارب
ادعولييييييييييييييييييييييي جزاكم الله خيييييير

 

[جوكليت بار]

يالله بهالشهر الفضيل يرزقكم ويرفع الظلم عنكم

حوجمه

اميره الورد

روز الكويت

ملح بدويه

والله اسلوبكم ذهب ومبين عليكم بنات سنعات عسى الله يااااارب يرزقكم بالزوج اللي

يحطكم فوق راسه

لو عيالي كبار جان خطبتكم

 

[روزالكويت]

ترى مايمنع اخذ اصغر مني هههههههههههههههههههههههاى
بصير الصبوحه على اخر عمري

 

[sara bent elkuwait]

كل الردود مفهومة الا رد التم المتعوس على خايب الرجا مانى فاهمة اشلون دش التعليق فى صلب موضوع المطلقات اخت بدر البدور اللة يعوضك كل خير ويرزقك من حيث لا تدرين وشى حلو انك تجابهين نفسك بكل غلطاتك وتصارحين نفسك قبل الاخرين حتى تاخذى عبرة اللة يعوض عليك وعلى جميع بنات المسلمين

 

[lolipops]

عورتي قلبي حبيباتي الله يفرج همكم ويمسح على قلبكم يارب

و يعوضكم خير ان شاء الله

 

[فاطمة82]

انا عمري 25 ومطلقه وعندي طفلين بس بصراحه مع انه الطلاق بمجتمعنا جريمه بس كافي اني عايشه راحت البال اللي ماشفتها بالزواج انا تزوجت من عمري 17 ماحسيت الا بالشقا ولو كان في شي يعوض هالشقا بلحظات حلوه بس ماكان فيه لو الريال يقدر ويعاون زوجته بكل شي جان الحريم مرتاحين ويحسون بقيمتهم بس للاسف الرجل بالكويت يهرب من مسؤوليه البيت الكامله ويكتفي بمسؤوليه الشغل بره البيت والصرف على البيت مع انه مانسمع منهم الا ( انا ملفس وانا ماعندي) انا غلطتي من البدايه كنت صغيره وبغيت اتزوج بس علشان اطلع من حكرة ابوي اللي ماكان يخلينا نشوف الدنيا قلت الزوج بيعوضني بس هذا التفكير الغلط اللي البنت تفكره تنحاش من الاهل بروحتها لبيت الريل بس بيت الريل ماتلقى فيه الا الشقا

 

[روزالكويت]

فاطمه الله يعوضج يارب ويعوضنى وجميع المطلقات المسلمات يارب


فعلا صدقتي اغلب البنات جذى هدفهم لما يبون يتزوجون في حين ان الزواج هم ومسؤوليه مشتركه ومتاعب ..

وهذا اللي حاصل اغلب الشباب هادين المسؤوليه كلها على الحريم تولد وتربي وتودي مدارس وتصرف وتفتح بيت وتدفع للخدامه وكل شي عليها حتى الماجله مالهم خلق يجيبونها ..

في حين لو كويتي ياخذ غير كويتيه يمشي سيده وتلقينه عارف دوره صح بالحياة وقايم بمسؤولياته عدل.

والله اعرف واحد متزوج غير كويتيه حتى الثلاجه يبطلها ويشوف شنو الناقص واللي منتهي صلاحيته واذا شاف غبره بنفسه يمسح وينظف ويدرس العيال وبروحه يودي الطبيب والمدارس هههههههههههههاى


خيرهم لغيرنا الحمدالله على كل حال

 

[عنايد]

بنات ترا حرام لما تدعون تقولون بهالشهر الفضيل
ادعو بدون لاتقولون جذيه
ويارب يارب يرزق كل وحده فيكم الزوج الصالح وجميع المسلمين عاجلا غير آجلا