إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[julanar]

رد: إذا أنتي مطلقه شاركينى؟

خواتي .. تحسون في أحد ظالمكم كونكم منفصلات عن أزواج مالقيتوا الراحه وياهم ؟

 

[hanona]

رد: إذا أنتي مطلقه شاركينى؟

اختي بدورة الحمدلله على كل حال وصدقيني خيرة من رب العالمين والله انتي احسن من غيرج بوايد ولا تتحسفين
عيشي حياتج ولاتحسسين روحج ان في شي صار بالعكس دايما قولي ان الغلط مومنج منه اهوة وحركاته بايخة ومااعتقد ان في واحد يرظى على روحه هالحركات
الله يعوظج انشالله ويسر امورج يارب

 

[اميره الورد]

رد: إذا أنتي مطلقه شاركينى؟

بدووره ياااقلبي لاتحررني نفسج ياارووحي انتي ماغلطتي وهذا من حبج له وخوفج عليه وهو مايستااهل وعسى ياااربي يرزقج باللي احسن منه يااارب

انا قصتي قصصصصصصصصه فضييييعه هههههههه

اول شي انا ياااربي لك الحمد والشكر اني مدلعه عند امي وابوووي مع انه عند 10 خوااات بس مادري ليش انا غير عنهم مع اني الوسطيه مو الكبيره ولا الصغيره وكنت عايشه احلى عيشه ولا اتوقع في احد نفسي كل طلباتي مستجابه المهم تزوجت وقعدت في ذمته 8 شهوور بس قسم بالله سبوعين اللي قعدت فيهم في شقتي بنات انا ماكنت ماخذه رجااال تخيلو البس واكشخ ولا كانه قاعده جدامه بنت جنه قاعد عند ربعه واللي يقهر انه لا ربع لا دوانيه لا خوان يروحلهم ويجونه بس متربع فالبيت ولا عند امه ملييييت زهههقت طقت جبدي وفوق هذا بخييييل والله يابنات انا مااظلم حظي ولا اظلمه الرجال ملتزم صلاته فالمسجد حتى الفجر يروح المسجد بس بنااات انا كنت ابي واحد يدلعني يغاار علي يحبني ماابي ادوره برا وانتو فااااهمين قصدي صح انا كنت مدلعه عند اهلي بس دلع الزوج مو نفس دلع الاهل وانتو فاهمين شقاعده اقووول تخيلو اقعد عند اهلي اول اسبوووع عرسي لي 2 او 3 الفجر ادق عليه يقولي شراايج تنامين عندهم انا وااجهته وقلتله يافلان انت مغصوب علي ماتبيني يقولي لا من يقول وفووووووووووق هذاا كلله مااااااافي اسلوووووب بالمرره وانا طلبت الخلع والله يابنااااات خاايفه على نفسي والله لو اسوووي البلاااوي مادراا عني واهلي راح يقولون خلاص هي طلعت من ذمتها عندها رجلها ورررجلي نفس الجاااهل والله مت مت انقهرررت اكلمه افهمه ولا اكووو فااايده وانا مااحس اني ظلمته بس يابنااااات عبيييييييط خبل مااايفهم حتى في شهر العرس انا اتصر انا احجز انا اتعامل مع الفندق جنه انا المعرس وهو العرووس بذمتكم شي مااايقهر تكفووون علمووني انا غلطاانه ولالا وقسم بااااالله مازليت عليكم بشي واذا زدت ولا نقصت في سالفتي عسى الله لايوفقني وقووولوو اميييييين عسى الله يخليلي اهلي ويطوول بعمرهم ولااااا يغير علينا ياااااااارب العالمييييييين

ادري اني قرقعت وااجد بس شسووووي انتو اللي خليتوني افضفض ​

 

[دندرمه]

رد: إذا أنتي مطلقه شاركينى؟

^
^
لالالالا ياابنت الخاله ماغلطتييي بتاتا

خو زوجج خبل وهذا شي خالصين منه اللي وانتي بالصاله بعرسج جدام الناي اخته تمسك ايده عشان يمسكج ويخليج وانتي عروس بتنزلين الدرج
لااا وفوق هذا يخلي راعي الغاز يدش عليج وانتي برووووووووووووحج الشقه

الله يشفييه هذا مسكين موصاحي وعسى الله يرزقج باللي ابرك منه انشالله
يابومبو

 

[vantina]

رد: إذا أنتي مطلقه شاركينى؟

اختي بدر البدور صدقيني وايد اللي مثل حالتج للأسف لا يضيق خلقج انا مثلج مطلقة بس عمر المشاكل ما أثرت فيني وكنت ادعي ربي ان اذا في صالح في استمرارنا ان يهديه واذا ماكان في صالح لاستمرارنا ان يبعده عني مع اني عندي منه بنت والحمدالله اهو اللي طلق بعد 4 سنوات من زواجنه ، والحين انا صارلي من بعد الطلاق 6 سنوات والحمدالله استغل أوقات فراغي مع بنتي اطلع مع رفيجتي واحضر شغل الدوام معاي البيت أحاول بس اني ابعد الفراغ عني والحمدالله عادي والحين اهو اللي متحسف ويبي يرجِعني بس انا اللي رافضة لأن ليلحين الله ما اراد ومو مرتاحة في الرجوع له ، بس اني اتواصل معاه ومع أهله عشان بنتي ولكي لا تشعر
ببعد ابوها عنها وعلاقتنه طيبة انا وطليقي وكل هذا لأجل بنتي.

وان شاء الله الله راح يرزقج يا بدر البدور اللي أفضل من اللي طلقج بس انتي ادعي ربج ان يعوضج بأحسن منه وأفضل الدعاء وانتي ساجدة ادعي ربج ان يرزقج الزوج الصالح اللي يعرف قدرج ولتكون هذي تجربة لج وصدقيني الله ما ابعده عنج الا عشان ان زوج غير صالح وسيء صدقيني لا اتفكرين فيه الحمدالله ان ما عندج منه ابناء وهذا افضل شي ... ترى علاقته هذي مو سهلة وهو متزوج فما تدرين شنو عمق العلاقة واذا كانت بس مقابلات بدون معاشرة هذا مومشكله بس الأعظم اذا كان يزني معاها فما وراه الا الأمراض واصير فيج التهابات انتي اشدراج شلون اعاشرها هذي ترى صعبه فإلغيه من بااااااااااااااالج طيعيني ولا تتحسفين ومالج الا الدعاء ان يرزقج باللي أحسن منه.

 

[&ام عبدالله للخلطات والأعشاب&]

رد: إذا أنتي مطلقه شاركينى؟

الله يهدي سركم و يوفقكم

 

[Om_fofo]

رد: إذا أنتي مطلقه شاركينى؟

الله يعينكم .. ويكتب لكم اللي فيه الخير .. ما عليكم إلا بالدعاء لأن الطلاق شي مو هين على المره ، الريال عادي عنده ما يهمة شي طلق اليوم باجر يتزوج ، والمره المسكينة أقل ما فيها انها تقعد بالعده وتتحمل حجي الناس ، بس الوحده إذا تطلقت لا تخلي مجال للناس انهم يتكلمون عنها أو يطلعونها اهيا اللي غلطانه خل اتفضفض واتبين منو الغلطان

 

[ام حنون]

رد: إذا أنتي مطلقه شاركينى؟

قوه أميرة الورد
عاد هالخبل الله يشهد خسرج
ماشالله عليج خوش بنتج وجميله وقمر صج ماجامل بكلامي وغير هذا ياحلو قلبج وسوالفج ويرزقج بالزوج الصالح الي يدلعج لانج تستاهلين ياقلب

 

[فناااتك]

رد: إذا أنتي مطلقه شاركينى؟

الحمدالله عل كل حال
انا بعد مطلقة بعد كم شهر زواج ولاهمنى والعيب من اهلة ومنة اهو جاهل وامة نسرة وخواتة مايستحون كرهتة وطلبت الطلاق وجنة مو مصدق طلق الان امة قايلتاة بدال المراة عشر
الحمدالله عندى وظيفتى ومستانسة وتونى صغيرة
واحمد ربى انى ماحملت منة كنت ماخذة احتياطى عشان اكمل دراستى واطلعت خيرررة

 

[المحامية هبة السهلي]

رد: إذا أنتي مطلقه شاركينى؟

والله حاله ليش يا بنات اتحاتون الناس وكلامهم الزواج والطلاق نصيب سبحان الله اذا الاثنين مو متفقين صدقوني ينفصلون احسن كل ما استمروا وهوعلى هالحال كل ما زادت المشاكل

ويبقى للمره انها اتقيم الوضع اذا حاسه انها مستحيل تنسجم او اللي جدامها مافي طب لا ايهمها احد الزم ما عليها صحتها صراحه

 

[عهود الحب]

رد: إذا أنتي مطلقه شاركينى؟

بنات



انا ادري الطلاق مشكلة



بس والله يابنات خيرة


والخيرة فيما يختار الله



لو بقص قصتي مع زوجي


يمكن تستغربون وتقولون شلون صبرتي



انا يابنات دلوعة ابوي لاني كنت مريظة وانا صغيرة فخافوا علي ويوم الله شافاني ماقصر عني ابوي باي شي



دلع ودلال ماتتخيلون غير عن كل اهلنا ولي بغوا من ابوي شي حلفوه بغلاي انا



الله يطولي عمر الوالد ويشافيه



يوم تزوجت خذيت انسان ماشم ريحة الدلع بحياته


والله لوعني بحياتي تلوع


مومن مستواي لاثقافيا ولاشكليا ولا ماديا ولا باي شي


الا اللهم يصير لنا من بعيد وابوي يبي قربه وحط بباله انه يستاهلني


والله يابنات انه ابوي انقهر علي وعلى حياتي


صبرت عليه 11 سنة


علمني فيها حياة ثانية


سويت كل شي يطري ببالكم اني انول رظاه


والله يابنات مايبتسم الا بفلوس

مايقعد بالبيت الا بفلوس


عودني من اول اسبوع اني اصرف عليه وعلى نفسي


انواع الافلام الهنديه وراني


لعب بحياتي لعب


طق انطقيت


اهانة انهنت


صبرت فوق المستطاع


والله ثم والله طلقني مرتين وكان يهددني بالثالثة


تخيلوا في رجال عاقل يهدد مرته كل شوي بالطلاق


صح انا ماانكر انه له علي ايام حلوة ومعروف


بس ايام المرارة اكثر بكثير



الصبر على شخص مايقدر اهلج

ولايقدرج


وتعيشين معاه بظيم وقهر


ماله سنع يااخواتي


الصبر له اخر


وانا ماتركته لين كسر مجاديفي وظحك علي امة محمد


عقب تريش وصار عنده فلوس اخذ علي شريجة


والله يابنات انا ماعمري شفته يعبي كروت الا لها

صار خروف عقب ماكان سي السيد


هني انا عفته وطاب خاطري منه


وطردته من حياتي بالمرة


انصدم

عقب ماكانت مرته تموت بتراب رجلينة صارت تكرهه كره العمى

والله تندم


وجاب جاهيات ورياجيل


ولعوز اهلي معاي


بس بالاخر شنو


صحيح انا شوي ظروفي المادية صعبه بسبب عدم صرف مستحقاتي المادية انا وعيالي الخمسسسسسسسسسة تخيلوا خمسة انا اكد عليهم مع الهنود


بس والله ثم والله


بالي مرتاح


وراسي احطه عالمخدة وقت مااحب


جفاف وفراغ عاطفي من خذيته


انسان مايعتبر انسان


كلمة احبج ماسمعتها الا لمن قلت طلقني

11 سنة بخيل بكلمة احبج ماقالها الا لمن اعتاز لها


الانسان شنو يبي غير الكلمة الطيبة والحياة الطيبة


بس خلاص انا عفته ماعاد لي نية بالمرة ارجع له


الحمدلله انا الحين قوية بارادتي وشخصيتي


والحياة والله ماتاقف على رجال


اللحين انا معلقه لامطلقة ولامتزوجة


انتظر تنفرج ظروفي المادية وارفع قظية طلاق بالمحكمة


امنيتي بحياتي ينفصل اسمي عن اسمه


حتى اسمه كرهته


حتى نوع سيارته


كل شي بحياتي كان سواد


واللحين احسن


واذا تطلقت يابنات


راح ابشركم



كتبت قصتي قبل سنة بالمنتدى


وعقب سنة



ااكد اني مو ندمانة على قراري الي اتخذته بالانفصال



ولاراح اندم


انا ندمانة على ايامي معاه وعلى القهر والذل الي بلعته بس عشان اربي عيالي وانستر



لاتقولون كلام بس



صج والله محد يفهمني الا الي جربت ظيم القهر من زوجها وابوعيالها



وبس

 

[شموع]

رد: إذا أنتي مطلقه شاركينى؟

أختي .................. عهووود الحب

كلنا فاهمينك وعسى ربي يريحك في الدنيا والأخرة ويخليلك عيالك وتزوجينهم

أميييييييييين

 

[!! الواصليّـــــة !!]

رد: إذا أنتي مطلقه شاركينى؟

والله يابنات ودي اقولكم سبب طلاقي !
بس انا نفسي أجهله !

الأكيد اني تعبت نفسيا ووصلت لمرحلة مايعلم فيها الا ربي !!


مو من الطلاق !

لا حشا !!

من الناس اللي تباشرت في طلاقي !! ليه ؟؟ ربي اعلم /!


( ......... ) هي تنهيده وتفاؤل في مستقبل طيب!!

 

[عهود الحب]

رد: إذا أنتي مطلقه شاركينى؟

واصلية


الحمدلله انه الله كشفهم لج وصدقيني


الشامت لابد يبتلى عن قريب

 

[عهود الحب]

رد: إذا أنتي مطلقه شاركينى؟

اختي ام سعود



فديتج ماتقصرين

 

[روزالكويت]

رد: إذا أنتي مطلقه شاركينى؟

انا حاليا افكر بالطلاق لانى مغشوشه بريلي وتصرفاته اللي موطبيعيه الظاهر بعد كم شهر بنظم للقسم هذا وبفضفض لكم..

 

[شيم]

رد: إذا أنتي مطلقه شاركينى؟

مراحب خواتي
انا داخله عليكم دخله غير
انا اجهز لرسالتي وموضوعها
الاوضاع الاجتماعيه للمراة بعد الطلاق
يعني ادرس فيها عن احوالها مشاكلها شلون تحل هالمشاكل
*
لقيت موضوعكم وعجبني بس ماقدرت اقرا الا الصفحه الاولى
انا طالبه منكم طلب للي ودها تلبيه وتجاوبني على اسئلتي
*
تكتب لي وش احوالها بعد الطلاق هل افضل من قبل الطلاق؟
وش المشاكل الي تعاني منها؟
وشلون قادره تحلها او تتكيف مع مشاكلها؟
وش نظرة اهلها لها ونظرة الي حولها؟
يلوموها ولا حاسينها ضحيه وراحمينها؟
اهلج مقيدين حريتج ولا لا؟
وش مشاعرج ناحية المطلق؟
كره حنين رغبة في الانتقام
تفكري ترجعين له؟
اذا نعم ليش واذا لا ليش
فيه محاولات من الاهل او غيرهم انه يوفقو بينكم؟
تفكرين بالزواج ؟
اذا نعم ليش واذا لا ليش
ويش احوال الاولاد؟
معاج ولا معاه
وفي الحالتين ويش الي تاعبج؟​

 

[شيم]

رد: إذا أنتي مطلقه شاركينى؟

وبظل متواصلة معاكم
وممكن تشاوروني في اي شي
انا تزوجت وعمري 16 سنة
وعمر زواجي 20 سنة
والحياة فيها كثير
مب كل الأيام حلوه ودلع
بس الوحده مننا فيه امور تقدر تصبر عليها وفيه امور تتعثربها
ونصبر ونعدي عشان العيال
وعشان اعتبارات كثيره ​

 

[Majesty]

رد: إذا أنتي مطلقه شاركينى؟

السلام عليكم ورحمة الله وبركاته
شخباركم بنات

أيييييييه
بختصار شديد
تم زواجي 3 سنين
وانا ماغلطت بشي زواجي كان زواج مصلحه منه اهوه !! العاده البنات مو الريال !! متكل عليج بكل شي اثاث وحتى سيارته كنت غشيمه واحبه ذاك الوقت وعاميه عيوني عن وايد امور لا بنات وفوق هذا خيانات !!!!!!!
يعني ابسط شي مكالمات بنص الليل ويطلع لمه يرن التلفون ويطلع بسيارتي يغازل والمشكله البنات اللي يصيرولي واللي اعرفهم يقولون شفناه بهالمكن واهو رده لي جذابين كنت بالديوانيه لين بيوم شفته مع وحده صافط مع وحده !!!! من بيت اهله !! صج عايله دون
وما اشتاق له اصلا اعتبرها غلطه عمر وانحسبت علي
ندمت لمه خذيت كون اخته رفيجتي خذيت ونغريت بالحب بو نضره اولى جذب يبا كله ياهل كنت عمري 18 سنه واني عارضت اهلي عشانه واني انا اللي كنت اصرف للبيت واني مجدته واهما مايسوه جيس جمعيه وبصراحه حسافه عليه سياره خذيتها له حقير اسفه على هالتعبير بس صج انقهرت فجأه وتذكرت


قلبتو المواجع

 

[Majesty]

رد: إذا أنتي مطلقه شاركينى؟

شيم شفت كتابتج متأخر

شيم قبل كان الناس ينضرون للمطلقه نظره مش ولا بد بس الحين لا عليها خوف اي بس عاد انها اتحس انها منبوذه وانها غير ماظن هالشعور موجود

مادري هذا رايي