أي سـؤال بخصـوص كليتـي العـزيـرة علـوم اجتمـاعيـة حيـاكم الله آنـا زاهبـة ;)

[اخت خالتهم]

حبيبتـي عـادي شدعـوة حيـاج

 

[ΒŖǾĶĚŅ 02]

اب

يعطيج العافيه على الموضوع

الصراحه فادني وايد

من زمان كنت أبي وحده تتكرم وتعطينا ويه


راح أغرقج أسئله عقب ما أخلص امتحاناتي إن شاء الله




موووووفقه​

 

[اخت خالتهم]

حبيبتـي عـادي انـا قبل سنتين كنت أبي احدينصحني محـد عطـاني ويـه
اسبـوعين و انـا ادور شنـو ادخـل

 

[.الطيب.]

شنو الوظيفة اللي اقدر اشتغلها بعد ما اتخرج من الكلية ؟؟؟

 

[اخت خالتهم]

حياتي ممكن سكرتيرة اجتماعية او سكرتيرة نفسية او بوزارة الداخلية او الشؤون والتربية او الصحة او الاوقاف ..
وفي ممكن النفـط حسب المعدل و الاحتياجات
و اكيد ممكن مدرسة اذا تخصصج جغرافيا او اجتماع
وممكن الاعلام ..

بس الاغلب الشؤون والصحة والتربية

حيـاج الله حبيبتي

 

[FsForya]

السلام عليكم

ابي اسأل اذا انا ما امتحنت قدرات ودشيت علوم اجتماعيه التمهيدي اللي باخذه شنو فيه بالضبط ودي اعرف عنه من ناحية البرزنتيشن وهالسوالف واقدر اخذ معاه شي ثاني ويكون كل يوم ساعتين ؟ ومنو احسن دكتور تمهيدي ؛( وصح اسالتي وايد بس لاني متوهقه؛(

 

[.الطيب.]

امممم انزين اللي يشتغلون بمركز الاستماع شنو تخصصهم !؟

 

[اخت خالتهم]

الطيب اتوقع ان علم نفس او خدمة اجتماعية


فسفوريـة ..
اي عادي انا اللحين بصير سنة ثالثة وللحين ماخذيت تمهيدي هههه
التمهيدي اذا خذيتيه اول كورس ما تاخذين ولا مادة
اما اذا أجلتيه نفسي يعني ممكن تاخذين معاه 3 مواد
او تخلينه صيفي
و التمهيدي ماعليه درجات بس المهم النجاح و يفتحلج مادتين انجليزي الزاميات بكل الكليات

 

[.الطيب.]

يعطيج العافية و ربي يوفقج ♥♥♥♥

 

[اخت خالتهم]

حيـاج الله حياتي

 

[FsForya]

مشكوووره حبيبتي ؛** بس متى تنصحيني اخذه اول ما ادش ولا بأي سنه؟

 

[اخت خالتهم]

انا انصح تاخذينه ثاني كورس
يعني اول كورس
بيسجلون لج بس مادتين
ثاني كورس اخذيه و اخذي 3 مواد
و من اول كورس اخذي مدخل تخصصج اللي في بالج
عشان بعد هالكورسين تكونين خلصتي 15 وحده وتقدرين تتخصصين
واذا دخلتي الجامعة بتفهمين اكثر شنو قصدي

 

[FsForya]

الله يعطيج العافيه ياارب مااتقصرييين ؛***

 

[قدساوية 99]

تسمحيلي اختي صاحبة الموضوع اعرض تجربتي للبنات انا عكسج تماما كنت مفكرة ادش علوم اجتماعية بس سألت عن الكلية وقالولي تخصصات الكلية مافيها كوادر قويه ورواتبها ماتستاهل دراسة جامعية 4 سنين بعدين دشيت حقوق صج الكلية صعبه وضحيت بشغلات وايد علشان دراستها بس لمن اتخرج راتب حلو ومسمى قوي

 

[اخت خالتهم]

اكيد كل واحد و ميـووله
انا اللي اقوله خل الانسان يدرس الشي اللي يحبه لان بيتميز فيه

 

[قبلة أهلها]

يعطيج العافيه صراحه لانه حددنا ضايعين ،، بس بغيت أسال اذا دخلت علوم اجتماعيه تخصص علم ااجتماع اصير مدرسه !! لاني ما احب كلية التربيه

 

[اخت خالتهم]

اي ممكن تصيرين مدرسة متوسط او تربية وطنية ..
حياج الله

 

[spicial gift]

نسبتي 78.8 يقبلوني بـ علوم اجتماعيه ولا لأ ؟
ولا أقدم على الآداب و أحول علوم اجتماعيه؟

ويعطيج العافيه..

 

[e.ngland]

السلام عليكم
حبيبتي اول شي شلون المبنى حلو ولا يسد النفس انا صراحه اهم شي عندي الشكل
وثاني شي اقدر احول لكلية التربيه اذا ماعجبني
وثالث شي اذا اخترت نفس اختيارج وين اتوضف وهل انا اختار ولا اهما يقطوني باي مكان وجم معاشهم
ورابع شي اذا علمي ونسبتي فوق 85 لازم قدرات ولا تكفين قولي لا
وهل انتي مرتاحه او لا

 

[blue ocean]

قواج الله حبيبتي وماقصرتي

عندي سؤال هل في عندكم تخصص يخدم الجغرافيا او له علاقه بالجغرافيا بكلية العلوم اجتماعيه؟؟​