أيهما أشد لقب على المرأة وأيهما أخف؟ (مطلقة) أو (عانس) أو (أرملة)؟

[laymona]

1) عانس
2) مطلقة
3) أرملة

 

[Patcholli]

قبل كنت اقول العانس ..

الحين اقول الانسان اهو اللي يتحكم بحياته ..!!

اعرف وايد بنات مو متزوجات ..!!

والله بعضهم تحسين عمرها توه بال 18 من كثر ما اهي عايشته حياتها ماشاء الله تبارك الرحمن

سفر وتسافر .. دراسه ودرست وكملت .. وظيفه وتوظفت .. طلعات تطلع .. كل مكان تروح .. تسوق سياره .. كلشي عندها ..
اوكي انحرمت من الزواج صج لها حق تتمنى الزواج .. بس اذا الله ماكتبلها شنو بيدها يعني ؟ تقعد تندب حظها وتعيش روحها بنكد عشان الله مارزقها ؟؟ لا والله اعيش حياتي واستانس واكملها بالطول ولا بالعرض ..
وكلام الناس باكبر طوفه ينرقع ..
والله الانسان اذا عرف اشلون يسمع من اذن ويطلع من الاذن الثانيه بتخف وايد مشاكل بحياته ..
يعني احنا ساعات يحز بخاطرنا لما يصيرلنا موقف والناس يقولون واعليا على فلان او فلان يكسر الخاطر او فلان مسكين او غيره
حتى لو كان الموقف مو بذاك الشده كلامهم يخلي اشد واشد واعمق ..
فليش احط اعتبار حق شي يزيد همي ؟؟
ليش اسمع الكلام اللي يأثر علي بطريقه سلبيه ؟؟؟
لا والله اصكر اذوني عن الناس السلبيين وعن الناس المختلفين .. اللي ليلحين يتكلمون بعناس ومطلقه وغيره ومو راضيه مخوخهم تستوعب ان هاذا بيد وامر الله خلاص ليش انا احطلهم اعتبار ؟؟ ناس متخلفين ناس رجعيين ناس مو معترفين بكلام رب وان كلشي بيده وحكمته
يحاسبون البنت جنه القضاء والقدر بكيفها ؟؟
والله هالناس صرت اوخرهم بعيييييييييييييييييييييد من حياتي

الواحد يدور عن الكلام الحلو الكلام اللي يأثر بطريقه ايجابيه اللي يرفع المعنويات ..
غير جذي مع السلامه ماله داعي نسمع ..

والحين نرد حق موضوعج العانس لقب خايس وماله معنى وماله داعي والكلمه مو حلوه ..
وحده ماتزوجت خلاص ليش تحطونلها لقب ؟؟ قولو عزباء مو متزوجه .. ليش هالكلمه الكئيبه (( عـــــــــــانس ))
من وجهة نظري بنيه وعايشه حياتها مثل باجي الناس ماعليها عيب ولا فيها نقص .. والزواج نصيب

المطلقه نفس الشي انسانه ماتوفقت ويا انسان .. انفصلو على سنة الله ورسوله ماسوت معصيه اهيا يوم انفصلت
بس هالناس الي مايخافون الله لازم يطلعون عذاريب ويطعنون ويحطون بذممهم الوسيعه ..
هم المطلقه ماشوفها مشكله خصوصا اذا اهي مختاره هالشي ..
وماتكون متطلقه بدون سبب
وحتى الي تتطلق بدون سبب ابركها من ساعه اللي مايبيني ما ابيه ..

الارمله احسها صج انسانه لها حق تنجرح وتحس بالالم والعذاب
انسان عاشت معاه وشاركته بالحلوه والمره وراح من ايدها بامر رب العالمين
مو اهو الي عافها وباعها ولا اهي الي قالتله مابيك
تبيه ويبيها وخذاه ارحم الراحمين
احس هاذي الله يكون بعونها والله يصبر قلبها على مصابها وفاجعتها الصراحه خاصه بعد اذا صار برقبتها عيال صغار

 

[راعية الطويلة]

كلها القاب ما هي مؤلمة و لا شي
الالم ان الانسان يعيش في اهانة و حاجة
مشكورة اختي ع الموضوع الحلو

 

[الحــــياة]

قبل كنت اقول العانس ..

الحين اقول الانسان اهو اللي يتحكم بحياته ..!!

اعرف وايد بنات مو متزوجات ..!!

والله بعضهم تحسين عمرها توه بال 18 من كثر ما اهي عايشته حياتها ماشاء الله تبارك الرحمن

سفر وتسافر .. دراسه ودرست وكملت .. وظيفه وتوظفت .. طلعات تطلع .. كل مكان تروح .. تسوق سياره .. كلشي عندها ..
اوكي انحرمت من الزواج صج لها حق تتمنى الزواج .. بس اذا الله ماكتبلها شنو بيدها يعني ؟ تقعد تندب حظها وتعيش روحها بنكد عشان الله مارزقها ؟؟ لا والله اعيش حياتي واستانس واكملها بالطول ولا بالعرض ..
وكلام الناس باكبر طوفه ينرقع ..
والله الانسان اذا عرف اشلون يسمع من اذن ويطلع من الاذن الثانيه بتخف وايد مشاكل بحياته ..
يعني احنا ساعات يحز بخاطرنا لما يصيرلنا موقف والناس يقولون واعليا على فلان او فلان يكسر الخاطر او فلان مسكين او غيره
حتى لو كان الموقف مو بذاك الشده كلامهم يخلي اشد واشد واعمق ..
فليش احط اعتبار حق شي يزيد همي ؟؟
ليش اسمع الكلام اللي يأثر علي بطريقه سلبيه ؟؟؟
لا والله اصكر اذوني عن الناس السلبيين وعن الناس المختلفين .. اللي ليلحين يتكلمون بعناس ومطلقه وغيره ومو راضيه مخوخهم تستوعب ان هاذا بيد وامر الله خلاص ليش انا احطلهم اعتبار ؟؟ ناس متخلفين ناس رجعيين ناس مو معترفين بكلام رب وان كلشي بيده وحكمته
يحاسبون البنت جنه القضاء والقدر بكيفها ؟؟
والله هالناس صرت اوخرهم بعيييييييييييييييييييييد من حياتي

الواحد يدور عن الكلام الحلو الكلام اللي يأثر بطريقه ايجابيه اللي يرفع المعنويات ..
غير جذي مع السلامه ماله داعي نسمع ..

والحين نرد حق موضوعج العانس لقب خايس وماله معنى وماله داعي والكلمه مو حلوه ..
وحده ماتزوجت خلاص ليش تحطونلها لقب ؟؟ قولو عزباء مو متزوجه .. ليش هالكلمه الكئيبه (( عـــــــــــانس ))
من وجهة نظري بنيه وعايشه حياتها مثل باجي الناس ماعليها عيب ولا فيها نقص .. والزواج نصيب

المطلقه نفس الشي انسانه ماتوفقت ويا انسان .. انفصلو على سنة الله ورسوله ماسوت معصيه اهيا يوم انفصلت
بس هالناس الي مايخافون الله لازم يطلعون عذاريب ويطعنون ويحطون بذممهم الوسيعه ..
هم المطلقه ماشوفها مشكله خصوصا اذا اهي مختاره هالشي ..
وماتكون متطلقه بدون سبب
وحتى الي تتطلق بدون سبب ابركها من ساعه اللي مايبيني ما ابيه ..

الارمله احسها صج انسانه لها حق تنجرح وتحس بالالم والعذاب
انسان عاشت معاه وشاركته بالحلوه والمره وراح من ايدها بامر رب العالمين
مو اهو الي عافها وباعها ولا اهي الي قالتله مابيك
تبيه ويبيها وخذاه ارحم الراحمين
احس هاذي الله يكون بعونها والله يصبر قلبها على مصابها وفاجعتها الصراحه خاصه بعد اذا صار برقبتها عيال صغار

روووووووووووووووووووووعه كلاأأأأأأأأأأأأمج وردج:rerrerek::rerrerek:

 

[مـ ع ـزوفة حز*ن]

،،،،


،،،


أول شي

بقول منو الاشد لي الأخف


1/ المطلقه
2/ الأرمله
3/ العآنس

بالنسه للأرمله عندهآ إخوآن وأبو وخوآل وعمآم وعيآل

بالنسبه للمطلقه : يمكن اهي رآحتهآ لمآ تتطلق وفرضنآ العيب فيهآ مصيرهآ بتتزوج وبتعرف غلطتهآ ومرآح تكررهآ وبتحآفظ عالزوج الثآني

لسبيين عشآن مآتكون مطلقه للمره ال2
والسبب الثآني عشآن تكون اسره



أمآ العآنس والله ان اغلبهم حيآتهم افضضضضضضضل مليوووووووون مره من حيآة المتزوجه

ترآ الزوآج حيآة جديده يعني على حسب عقلية الزوج

في نآس قبل عند اهلهم يطلعون ويسوقون ويدرسون .. إلخ

ولمآ تزوجوآ ولآ وحده من اللي قبل حصلوهآ

وفي العكس كآنوآ محكورين عن اهلهم ولمآ تزوجوآ صآروآ يطلعون ويسآفرون ويتوظفون





وبالنهآيه رآيي الشخصي مآتهمني الألقآآآآب ولآ أحب القبهآ لأحد

.............

.........

...

 

[shady1]

لا يوجد في الحياة كلمة اسمها أصعب مرحلة كل انسان يستطيع ان يجتاز كل مصاعب الحياة

 

[عسل سل]

موضووووع ماله داااعي صعب راح يكون على الارمله والمطلقه والعانس

 

[ام محمود حبيبى]

موضعك مهم فعلا
وكلامك صح مية بالمية
لكن مش ممكن نقدر نغير شى من نظرة المجتمع
لان دى عادات وموروثات من مئات السنين
وصعب تتغير بسهولة
مشكورة على هذا الموضوع
تسلمى يا قمر​

 

[* ليــــدي *]

بحكم مجتمعنا المتخلف والجاهلي كلمة عانس اشد

 

[دلوعه غناتي]

والمتزوجه احيانا تكون في حياة اقسى من الارمله والمطلقه والعانس والانسان في كل الحالات يجب ان يكون مقتنع وراضي بما اعطاه ربه

 

[الغــلآ]

نجداويه نجد ​

رد رآئع يعجز الكلام عن وصف روعه ردك
,,
​

شكرا صاحبه الموضوع

,,
​

و همسه الى اخواتي ​

جميلاتي انتم أرق وأجمل خلق الله ​

لاتدعو كلمة من مخلوق تضايقكم , ​

تقربو من الله و استمتعو استمتعو استعتمو​

 

[هناء - Hana]

مممم بمجتمعنا احنننا لي افضضل واشد ..واسستر الارمله..
المطلقه والعانس لااااا ماتؤؤقع اششد لقققب..
ومؤضؤع مهم وتسسلمين

 

[هناء - Hana]

ممممم مكن في بعضهم يفضلؤؤؤن العااااانس لانها بتعييش حيااااتها اكثثر واككثر صح..!!!
اما المطلقه والارمله احس حياتهم كلها هم وحزن والم ..

 

[طول عمري حلوة]

اولا اشكر طرحج على الموضوع المهم .. والبعض يعتقد انه حساس للاسف .. انا صراحة عندي العانس هي اشد الالقاب تاثيراً ..
ولكن نظرة المجتمع للاسف الشديد نظرة قاسية .. واعتبر هذا الشيء من عيوب المجتمع ..
مع العلم ان كثيرا من المتزوجات تعاني والسبب في المعاناة هو ( الرجل ذاته ) يعني مو شرط وجود الرجل سعادة وغاية في حياة بنات حواء

وطبيعة المجتمع عامة هي النظرة السيئة في اغلب الاحوال للمرأة واعتقد هذا السبب اللي جعل البعض ينفر من الاسلام ..مع العلم ان الاسلام ليس بهذه الصورة !!

 

[نبض شرياني]

مايهمني شي دامني اني واثقه ربي

لان كل شي له حكمه اهو ابصر فيها

الناس كلامهم مايخلص يلحق الواحد لي القبر

اخف اقوى مايهم<<<<

المهم ان ربي كاتب هالشي من قبل لا ينوجد الخلق

انا اتفاجأ من الناس اللي تقول ليش ياربي والله حرام@@

شنو ليش انتي بتحاسبين ربج؟؟؟بتسالينه؟؟؟؟؟

الحمدلله النعم فيه وفيه حكمته

تقلبي مروري طموشهـ

 

[ماكواسم2]

كلها القاب ما هي مؤلمة و لا شي
الالم ان الانسان يعيش في اهانة و حاجة
مشكورة اختي ع الموضوع الحلو

عجبني الرد

 

[Dr.Loloza]

العانس اشد و اخفهم ارملة

 

[ماكواسم2]

بصراحه دوامي ثلاث ارباعه مطلقات والربع الثاني بين متزوجه وعانس واشوف اتعس شئ المطلقه لان فعلا ماساة بوجود اولاد اما العانس اشوف اللي عندنا بارادتهم ما يبون يتزوجون لان وايد يخطبونهم وما يبون يتزوجون ..
ترى نسبة المطلقات مرتفعه حيل بالكويت فصار شئ عادي غير مستنكر

 

[شادن33]

اخف شي الارمله
واتعس شي مطلقه

 

[لمن يجرؤ]

الأخف العانس

الأتعس المطلقه​