&& أين تقضين ايام النفــــــــاس ..((دعوة للمشاركة )).. &&

[mooolaaa]

رد : && أين تقضين ايام النفــــــــاس ..((دعوة للمشاركة )).. &&

اول مرة عند هلي وثاني مرة في بيتي وثالث مرة رجعت لهلي لاني تعبت وانه بروحي وعند هلي اشرح لصدري

 

[xxx]

رد : && أين تقضين ايام النفــــــــاس ..((دعوة للمشاركة )).. &&

صاجه مولا عند الاهل وناسه وصوت

اما في البيت غمته وصيحة اليهال والسهر

 

[Maltesers]

رد : && أين تقضين ايام النفــــــــاس ..((دعوة للمشاركة )).. &&

انه افضل عند اهلي طبعا .. لأن ان شالله هذا اول ياهل لي وانه من النوع اللي اخاف اسبح ياهل أو اشربه او اشيله

ساعات يسوون حركات تخرع .. فأحتاج مساعدة أمي ليمن اتعلم اشويشوي واصير خبرة مثل الدايات

 

[xxx]

ام علاوي

لازم اول ياهل عند الاهل صعبه بروحج

الله يقومج بالسلامه

 

[جكورة]

هل تتنفسين عند أهلج بكـــــــل عيالج...؟؟؟

السلام عليكم ورحمة الله وبركاته...
اشلونكم ياحوامل وياأمهات....
بغيت أعرف منو منكم تقعد عند أهلها أربعين يوم كاملين ؟؟؟؟
ولأي طفـــل تقعدين الأربعين عند أهلج؟؟؟
يعني فيه بنات من الولد الثالث تقعد ببيت حمولتها أو شقتها .. وفيه بنات كل عيالها تتنفس عند أهلها ... وفيه من البجر بشقتها ....يلا دشوا وشاركوا .....
مع ذكر المميزات والعيوب لكل حــــــــاله.....
وشاكرة مروركم مقدمــــــا...

 

[lolo77]

مشاركة: هل تتنفسين عند أهلج بكـــــــل عيالج...؟؟؟

السلالام عليكم
انا عندي ولدين
اثنينهم تنفست عند امي
بس بالبجر قعدت تقريبا 35 يوم
وبالثاني قعدت 30 او 32 يوم
وانا عن نفسي اذا حملت بالثالث راح اقعد في شقتي
بس ريلي يقولي روحي بيت اهلج اهني منو راح يحط باله عليج
ومنو راح يسوويلج الاكل الخاص بالولد
من اهم مميزات القعده في بيت الاهل ان الاكل يوصل ليما غرفتج ويساعدونج بالبيبي
يغسلون يسحبونه ياخذونه اذا بجى وما تحاتين شي
بس المشكله اذا عيالج كبار ويروحون المدرسة لازم تكونين ببيتج
وبعدين راح العيال يأذون اهلي ماشالله عليهم شياطين واهم مو متعودين
حلاته ما اطول كافي 15 يوم بالكثير
؟؟؟؟
وما ادري شنو رايكم

 

[ريماا]

مشاركة: هل تتنفسين عند أهلج بكـــــــل عيالج...؟؟؟

انا فى بجرى شى طبيعى كنت فى بيت اهلى وانا اصغر خواتى ومااعرف شى عن الاطفال كنت معتمدة على امى لكن امى خونت فينى ههههه
كانت تسويلى اكلى بس ولدى مالها شغل فى المسكينة ملت من خواتى فتحملت المسؤلية وكل يوم ابجى
اما فى ولدى الثانى اشوة اختى كانت زايرتنا من السعودية وكانت مريحتنى على الاخر وهم كنت عند اهلى
والحين حامل بطفلى الثالث وموناوية اولد عند امى وين اشيل قشى واخلى زوجى هذا ماينتخلى ابروحة
فلازم اجابل عيالى وزوجى انا ماافكر إلا بزوجى احس اذا خليتة بتخف المسؤلية علية وخوفى لايفكر بالسفر
ومن راى بعد الطفل الثالث لازم الوحدة تولد فى بيتها لانها خلاص صارت تفهم وتقدر تتحمل مسؤليتها وعيالها يرتاحون فى بيتهم

 

[جسور]

مشاركة: هل تتنفسين عند أهلج بكـــــــل عيالج...؟؟؟

lolo77 انا مثلك اختيي عندي ولدين وكلهم اجلس عند اهلي 35 يوم

تقريبا ..والحين استعد للحمل بس همي عيالي شياطين واهلي ماعندهم

بزران فيصير ازعاججججججججج ..بس شسوي اهلي الله يخليهم لي

ولو قعدت في بيتي من راح يسوي اكلي ويهتم بالصغير ..

الشكوى لله ..

 

[جارة القمر]

مشاركة: هل تتنفسين عند أهلج بكـــــــل عيالج...؟؟؟

جكورة

مشكوووره علي هالمووضووع

أنا لم كنت نفاس كملت الأربعين لي آخر يوم

للأن بصراحة النفسية كانت موشي

==============================

بس حاليات خواتي يقعدون أول 10 أيام وبعدين يروحون بيوتهم عند ريايلهم

لا وألحين الموضة اليديدة تقعد 42 يوم

تقولج لا تحسبين أيام المستشفي

بس أتوقع المرأة ترتاح بيت اهله أكثر من بيت الحمولة

والله يقومكم بالسلامة يارب

 

[عنايد]

مشاركة: هل تتنفسين عند أهلج بكـــــــل عيالج...؟؟؟

والله على حسب في حريم تستغل فترة الاربعين عشان تبتعد عن زوجها شوي وفي حريم زوجها مايرضا تروح حق بيت اهلها بحكم انه منو يهتم فيه او ساعات اهو مايقدر يستغنا عنها وعن اعياله ومرات اهي مالها خلق على حمولتها وودها تبتعد عنهم بهالفتره وفي حريم تخلي اعياله عنده واهي تروح بيت اهلها مع النونو الجديد لانها يضيق خلقها بفترة النفاس وتبي ناس حوالينها كل وحده على حسب ظروفها بس انا بالنسبه لي فترة النفاس كله بجي واكتئاب فأفضل اقعد عند امي ابرك بس مادري بعدين لي كبرو اعيالي وراحو المدارس يمكن التزم بالقعده في بيتي والله اعلم

 

[جكورة]

مشاركة: هل تتنفسين عند أهلج بكـــــــل عيالج...؟؟؟

مشكورين على الردود والمشاركة والله يهــون على كـل أم...
ياحلو بيت الأهل والإهتمام فيج وبالبيبي ..
جسور مثل حالتي عندي 2 وأفكر بالثالث بس أحاتي عيالي بس مالي غنى عن أهلي...

جـــــــارة القمر العفو وحياج الله بس حلوة الموضه الجديده 42 يوووم ههههههههههههههه.....

عــــــــن نفسي قعدت بولدي البجر 50 يوووم ( بايعتها )... لأن أخر نفاسي كانت فترة إمتحاناتي ثانويه عامه فقلت لما أخلص عفسه مرة وحده أطلع.... أما ببنتي قعدت 38 يوووم عند أهلي....
وأفكر بالثالث بس بضبط على موعد أجازة منتصف العام لأنه ولدي البجر مدرسه وبنتي روضه...
يلا ننتظر البقيه.............

 

[سبائك]

مشاركة: && أين تقضين ايام النفــــــــاس ..((دعوة للمشاركة )).. &&

انا في عيالي الثلاثه قعدت ببيت اهلي
بس بالرابع قعدت بشقتي لان ماااااااااااالي خلق نقله وحوسه
بعدين مثل ما قلتوا عيالي وصيحتهم افتشلت من اهلي الصراحه
وعيالي مدارس لو اروح بيت اهلي معناها كله مراكض ماكو دراسه
والحمدلله امي ما قصرت كانت تييني يوميا اهي وخواتي

 

[ام أحمدووه]

مشاركة: && أين تقضين ايام النفــــــــاس ..((دعوة للمشاركة )).. &&

والله انا بكر واكيد راح اقعد النفاس كله عند اهلي..لاني بطبيعة الحال راح احتاج لمساعدة امي وارشاداتها
بس احس اذا حملت ثاني مرة مايحتاج اكون عند امي..اكيد بيصير عندي خبرة واعرف اشلون اتصرف مع البيبي

 

[همسات ليالي]

مشاركة: && أين تقضين ايام النفــــــــاس ..((دعوة للمشاركة )).. &&

هلا حبيباتي
الله يهون على كل الحوامل ويرزق كل محروم
انا توني والدة وهذه رابع واحدة
في ولادتي الاولى والثانية كنت عند اهلي الانهم كانوا ورا بعض

لكن .................... في ولادتي الثالثه كنت في شقتي والحمدالله اريح لان بناتي كانوا في الروضة


في ولادتي هذه همن اريح
ليش؟؟؟؟؟؟؟؟؟؟؟؟؟

لان عيالي مدارس واكون مرتاحه الصبح انام عقب سهر البيبي

وامي ما قصرت كل يوم تزورني خاصة ان اهلي بنفس المنطقة

واذا امي تعبت يوني خواتي
سووا شفتات كل وحدة تزورني يوم حتى اختى اللى بالكليه كانت تجابلني



ليييييييييييييييييييييييييييييييييييييين خلصوا الاربعين

 

[قوية الباس]

مشاركة: && أين تقضين ايام النفــــــــاس ..((دعوة للمشاركة )).. &&

والله آنه أنصح بالقعدة عند الأهل لأنهم غير إلا إذا كنتي في بيت بروحج إهنيه في مشكله بالنسبه لي راح أنفس عند أهلي لين يطلع لي بيت أو اطلع شقه !!!!!!!!!!!!!!

 

[الحــــــلا كله]

مشاركة: && أين تقضين ايام النفــــــــاس ..((دعوة للمشاركة )).. &&

أنا انشاء الله راح اكون عند اهلي لان هذي اول حماله لي

 

[omneyaty]

مشاركة: && أين تقضين ايام النفــــــــاس ..((دعوة للمشاركة )).. &&

بصراحه التنفس عند الاهل حلو ووناسه البيت داش طالع غير في بيتج يحسبون حساب حق ريلج دخلته

وطلعته وغير جذيه لما تتنفسين عند اهلج ترجعين لزوجج بشوق وتسنع جنج عروس غير لما تجابلينه

 

[tofy]

مشاركة: && أين تقضين ايام النفــــــــاس ..((دعوة للمشاركة )).. &&

انا الحين بلنفاس وقاعده ابيت اهلي بلبيت بروحي محد يساعدني بس ابيت اهلي اريح

 

[bnt q8 in usa]

مشاركة: && أين تقضين ايام النفــــــــاس ..((دعوة للمشاركة )).. &&

بما انه والدتي متوفيه والدي كذلك

فتنفست بشقتي بس الحمدالله اهل ريلي واختي واهلي ماقصروا البيت مايفضي

 

[MaYoOoma]

مشاركة: && أين تقضين ايام النفــــــــاس ..((دعوة للمشاركة )).. &&

في بيت اهلي طبعا لاني مخسبقه ماعرف شي