أول روآيــة لي : ( أبيع العمر من أجلك ) ~ [ كويتيه , وآقعيه % , رومآنسيـه , جريـئه ]

[Jo0ree]

كملللللي بلللليز

 

[Tom ♥ Jerry]

؟,



مشكوووووووووووورة حياتي ع البارت
آمبيه آم عادل عليها قلب مآدري شلون الحمد لله و الشكر
و بنتهآ خلود غثيييييييثه :/

 

[^^المهره^^]

شكرا حبوبه عالبارت الروعه
بس عندي طلبين ولا عليج امر
الاول بليز لاتأخرين بالبارت الياي
و2
بليييييييييييييييييز كبري الخط شويه

 

[3thab 2lroo7]

بلييييييييبز كملي يالله ناطرينج

 

[zizo0ou-x3]

na6rench 7boba

 

[حبك ملكني1]

منو شاف جآسم ؟ اكييييييييييييييييد ديمه ..
فيـ شخصيه يديده منو اهيه ؟ ............
من اللي دخل على منيرره ؟ وراح يدري انها تكلم صبي بالفون ولالاء ؟
ابوووووووه ... لا ماراح يعرف ..
منو اللي كآن قاعد يتكلم بالفون ؟
........................................؟؟

نتظرك قصه قمه صرااااااااااااحه نتظرك ..

 

[.حــنــان.]

قصتج حدااااااااا مو وقتاااااااا

اب حزه امتحانات

عبالي كامله

لو كامله جان خلصتها بنفس اليووووم

صج صج من اول بارت اندمجت لووول

يلا حبيبتي ان شالله اذا قدرت هالايام اشبك عشان اقراها

<< اكيد ما اقدر فتره امتحانات هئ هئ هئ هئ

يلااا ويييييييييييييتنق حبوووبه .. مادري ليش حاسه انج انتي دلال الي بالقصه لوووووول مجرد احساس ههههه

 

[meme>the best]

ناطرينج .. شوقتينا

 

[RooRoo ^_^ Q8]

ثينكس على الرواية اندمجت حديي
حبيبتي اذا ماقدرتي تره عادي لان ندريي الحين فترة امتحانات لوووول انا بعد عندي امتحانات بس شسوي ماقدر اعييش بدوون الانترنت
ويتنج حبيبتي[/

​

color]

 

[Combtaitya]

بعد قلبي انتوا كآن ان شاء الله اللحيين انزل لكم البآرت وشوفوا توقعآتكم ،،

يشششوقني حمآسكم
والحمدالله انها عجبتكم ~

هههههه اممم لمى اخلص القصه راح اقولكم انا منؤ ،،
هههه والله انا اكثر محتاسسه اعيالي متحانات مع انهم صغار بس عشان مدرسه خاصه ،
وخدآمتي منحاششه والبييت عندي حده لووييـه =(

الله يوفقكم بأمتحآنآتكم ويسهل علييك يارب ،،



كآ بس ربع ساعه اكمل باجي البارت وخلييته طويل قد ما قدرت وان شاء الله يعجببــــــــك ـم ،،

أحببـــــــكم

 

[Combtaitya]

　
　
( البـــــــــــــــــآرت الخمــــــــــــــــآآــــــــــــــــــــــــسس )
　
　
　
　
　
　
　
　
　
بالبدآيه بنات أحب أنوه عن شغله ،، مع عيال بومحمد (حمود) عنده بنتين نسيت أكتبهم
هيفآء اللي تكلمنه عنها عمرها 22 وبيضه ومتروسه شوي وما تشتغلبس عندها شاهدة ثنويه
وأختهآ ( عبيير )عمرها 20 متبتبه بس ماعندها كرشه عظامها عريضه و هم ما تشتغل نفس اختها لان افلوس ابوهم مكفيتهم
مالهم دور يذكر القصه يعني بس جذي عرفوهم وطبعا اهمه نفس اخوانهم وأمهم وأبوهم !
　
　
　
　
........................
　
　
　
　
　
وصل الحممآم جآسم عقب مآ دله راشد و خلص طلع ولا يسمع صوت بنيه تبجي من غرفه يم الحمآم تردد يدخل يشوف منو ولالاء
جآسم : الباب مصكر منو مممكن تكون داخل تبجي ! منو ياربي ادخل ولا لاء اشوف منو ولا خلاص مالي شغل
أخيير شي قرر انه يفتح الباب
وفتحه وشآآف ........... !
شآف أنوآر طآيحه ع الـأرض وخشمهآ يصب منه دم وملابسها على قولتهم تفضح أكثر من مآ تتستر ورراسها يصب منه دم وقاعده ملتويه ع الأرضى ومغمضه عيونها وتبجي وتون بشكل يقطع القلب
أخترع من شكلهآ ومآعرف شيسوي ،،
فكـر وفكـر بعديين صكر الباب وراح عند راشد وقاله سمعت صوت بنيه بالغرفه اللي يم الحمآم تبجي شوف يمكن وحده من الأهل فيهآ شي
رآشد قام فز وراح فتح الباب ونصدم
راح عندها واهوه يطبطب على خدهآ : انوار انوار حبيبتي شفييج قوي انوار تسمعيني انوار
مآكو استجآبه شالها وطلع من الباب الخلفي ووداها الطبيب على طول
　
............................................
　
　
　
محمد ( واهوه يبجي ) : والله أنآ شارييج بمآي عيوني والله أحبج وابييج والله تكفييين لا تخليني تكفييييين انتي امي انتي ابوي انتي دنيتي كلها
دآنه (واهيه تكآبر ) : اوووف انته ما اذيتني يعني ما اذيتني ترى جد بديت امل منك ومن تصالاتك هـ المره لاني غيره رقمي ولا مخليه ابوي يكلمك ،، انته من نفسك لا تدق شنووو مآكو كرآمـه مآكو أحســآسس يبااا مابيييييييك عفتك ما حبـــــك وخليتك وخلصت انســــــــآآني خلاص كل شي عندي انتهى باي ( وسدته )
محمد : كمل بجي ع السرير جنه ياهل
دآنه : ظلت تبجي اهيه الثانيه بعد
علاقتهم غرييبه تعرف عليها صدفه بالجمعيه وحبها وتزوجها ،، بس دانه حاولت تغير فييه وايد وتهديه بس ما كو فايده يتوب يومين اشبوع ويرجع مره ثانيه وصارت بينهم وايد خلافات لمى اخير شي تطلقت منه وراحت كملت برى ماجستير ،، اهوه يحبهآ واهيه تحبه اهوه فاقد حنآن وحب ورعايه وراح تشوفون اغلب الأبطآل جذي كلهم ناقص عندهم هذا الشعور ولقاه محمد عند دانه بس اهوه ما حآفظ عليهآ =( !
　
　
　
　
.........................................
　
　
　
　
منيره : ههههه بسس حمني بسس
عبدالرحمن : هههه عجبوج تبيين بعد
منيره : هههههه لالاء بس بطني لوول
عبدالرحمن : ان شاء الله دوم هـ الضحكه
منيره : ويآك يارب
عبدالرحمن : منوري أحبج
منيره : وانا أموت فييييك
عبدالرحمن : الله لا يحرمني منج والله جد انا بتزوج والله مو قاعد العب عليج
منيره : ادري والله ياعمري وانا ناطره هـ اليوم
عبدالحمن : ان شاء الله قرييب
منيره : ان شاء ال .. مآكملت الى والباب منفتح بكل عصبيه
منيره انقزت من مكآنهآ وطار الفون بالجهة الثانيه وقلبها بدى يرقع بكل خووف
خلــــــــــــــــــود : بسم الله علييج شفييج نقزتي جذي
منيره : هآ لا لا بس أ أ انتي هذا خرعتني ششفييج فتحتي الباب جذي
خلود : مو تعالي يا صخله ما دري مع منو قاعده تقرقيين واحنه معتفسين برى تعال بسرعه تعالي
منيره ( هدت شوي ) : شنو شصاير
خلود : دلال وعادل قاعديين يتهاوشون تعالي بسرعه تعالي
منيره بقلبهآ ( أوف أوف والله لا عت جبددي من هـ العيشه ) : ان شاء الله كاني يايه
　
　
　
　
　
　
　
...................
　
　
　
　
　
　
خل نروح عند عآدل ودلال ونشوف شنو قاعد ييصير عندهم
خل نبدي من بداية السالفه
كآنت دلال مسويه جو رومانسي وهذي عادتها مطفيه اليتات وشابه شموع وحآطه فلم حلو رومانسي اجنبي وريحت الـ توت والفراوله < من عطورهآ فايحه باالبييت
وحآطه صحن فيـ فوآكه وصحن نفيش وبيبسي وكآكآو وبيره ( من غير كحول ) حق عآدل ولابسه نفنوف لي فوق ركبها وكوكتيل م فوق وصاك ع الجسم وحآطه ميك أب خفيف ومسويه شعرها الأسود الطويل ويفي
وكآنوا قاعديين بس حست انه عآدل متغيير وفييه شي مآتدري شنو
فحبت تسوي هـ الجو وتعرف منه شفيه وشمضايقه
دلال : واهيه تقعدد بحضن عآدل وتحوط رقبته بأيدها وتمسح على خده
عآدل : ذأيـــب
دلال : دودي حبيبي شفييك ؟
عآدل : هآ .. شفيني ما فيني شي
دلال : لاء فييك واحنه ما نحب نخش على بعض قولي شفييك ؟
عآدل ( بعد دقيقتين صمت ) : دلال انا ابييج تلبسين عببايه وما تحطين كطياج لي طلعنه ولا صبغ ولا تبهرج
دلال : ..... سآكته
عآدل : هذا من حبي لج من خوفي علييج والله
دلال : بس انته خذيتني من بيت اهلي وانا هذا لبسي وهذا شكلي تزوجتني وانا جذي عجبتك ورضيت عني وانا جذي ما كنت اول لابسه عبايه وقطيتها وبعديين لبسي ما فييه شي وانا مقتنعه فييه انا من اول ما لبست الحجاب وانا عمري 14 سنه عرفت شنو قيمته واقتنعت فيه وعاهت ربي وانا محتشمه ولا تفتح معاي هـ الموضوع لاني مستحيل اسوي اللي قتلي عليه
والصبغ قاعده احط وردب فاتح ونادر احط والمكياج خفيف حييل وانته راضي عنه بس انا ادر منو اللي مو موراضي ومنو حاشي راسك وقامت
عآدل : تعااالييييييي هنيييييييي شنو منو حاشي راسك اشايفتني ياهل عندج انا دلال لا تخوريينه بالحجي !!
دلال : مطنشه ورايحه الغرفه
لحقهآ عآدل
عآدل : هي انتيييي لمى اكلمج اوقفي وطالعيني وردي علي ما ني خروف ابوج انا
دلال ( قعدت على كرسي التسريحه وقاعده تفصخ تراجيها وحآطه ريل على رريل ) : نعم شتبيي
عآدل : عبآيه بتلبسسين ومكياج منتي حآطه وطلعي من عتبتة باب البيت مو مسويه اللي قتلج عليه وشوفي شيصييييير فييج فآآهمـــــــــــــه
<< طبعا أم سلمآن وخلود ومنيره واقفيين يسمعون
دلال : لااااء مو فآطمه شنو تبي اللحيين
عآدل ( عصب من برودهآ وعنآدهآ ) : دلوووول لا تينيني ترىىى راااسج اليابس هذذاا اكسسره للج تفهمييييينن
دلال : شنو تبي تسوي تبي تطقني يلا اشوف مد اييدك يلا انته طبعا تعودت خو طاقني ذاك اليوم بالسياره يلا يلا طقني اشوف
عآدل : اي اذا بغييت اطقج واككسر راسج
دلال : يلا ورني مراااايلك يا دلووع أمك
عآدل ( وييه احمــر ونآر بجسمه صار ما يشوف جدآمه كلش ) : وشتغل فيهآ طق وكثر ما يططقها كثر ما قلبه يعوره مني خلود كآنت فاتحه الباب وعآدل معطي باب الغرفه ظهره بس دلال شافتهم وكآنت حيل منقهره ومتعوره مالها غير البجي
< غرفة عادل بالدور الثاني عباره عن صاله فيها مطبخ تحظيري فيه غلايه وثلاجه وشغلات اللي تتسوى من غير جوله توست جبن عصاير وهـ الشغلات وبعدين غرفتهم ماستر ( يعني الحمام داخل الغرفه )
يعني مو جنآح ويم غرفتهم غرفه بو سلمآن وأم سلمآن وغغرفة منييره وكل مآخلود تكون عندهم لا ززم تتسمع من المره وريلهآ يروحون غرفتهمت تموت وتدخل باي طرييقه وتخرب عليييهم <
المههم نكمل
هني يه بو سلمآن ووحآول يوخر عآدل وخلود تقوله مالك شغل فييهم وخر عنهم بس مارد علييها رحمة أبنت الناس اللي بين اييد ولده
فجأه عآدل ما قدر يستحمل وطآح ع الفراش وايده على قلبه وقاعد يتأوه
أم سلمآن : يممممه ولدي ذبحتيييه لا بارك الله فييج من مرره هيين يا دلالوو انا اربييج واهيه رايحه عند ولدهآ
خلود ( مرت من يم دلال وتبي تروح عند عآدل واهيه رايحه رفست دلال كذا ممره واهيه ماشيه ) : ويييه أخوي حبيبي شفييك اسم الله علييك < انا مصصدقه انج خايفه علييه
بو سلمآن : أن الله وانه الييه راجعوون ( لقى عبايه خذاها وغطى فيها دلال )
رآح ينآدي جآسم يشيلهآ يوديها المستشفى
　
　
　
..................................
　
　
　
الدكتور : أقولك البنيه متعرضه حق طق وايدهآ متقطعه
رآشد ( واهوه يتذكر االسجينه مالت سلة الفراكه اللي طايحه يم اختها وكلها دم ) : والله مادري يا دكتور انا لقيتها بدوانية بيتنه ان شاء الله بتحقق من الكوضوع واعطيك خبر
دكتور : لا الخبر للـ محقق !
دكتور : محقق ! ليشششش محقق !
الدكتور : يعني اقولك اختك مطقوقه ليين قايله بس ودماميينها تخرر وتقول ليش محقق أستآذ رآشد بتقوم البنيه وبنعرف منها كل شي لا عن اذنك انا مشغول
رآشد : آآه لا حول الله من اللي سوه فيهآ جذي !! الله يسستر
رآشد أتصل على دييمه
رآشد : الو هلا ديمه ابيج ضروري انتي وين
ديمه : هلا راشد انا بغرفتي ليش شنو صاااير
رآشد : تعرفيين وين أنوار اللحين
ديمه : اي تحت كآنت بصاله معاكم ليش شسصايرر !
رآشد : وليييين يبا انا بالمستشفى ونعا انوار
ديمه : ليش شسصااااير شفيهااا اختتتيييي
رآشد : لقيتهآ بالدوانيه مطقوقه وايدها مطعونه بالسجيين
دييمه : هييييييء امبيييه لاااء اختي وين وين انا اللحيين يايه
رآشد : اي تعالي عندها انا بمستشفى الـ *** وانا بشوف شسالفه منو اللي سوه فيها جذي
دييمه : اوكي أوكي يلا بااي
رآحت ديمه المستشفى وكآنت انوار راسها ملفوف وايدها ملفوفه وفيها غرزه وتحت عينها بقعه زرقه وعن شفايفها جرحيين وحآطين لها درب ساعتين ويخلص وتروح البيت
ديمه ( ركضت ولمتهآ ) : حبيبتي ما تشوفيين شر منو اللي سوه فييج جذي
أنوآر : تبجيي .....
ديمه : بعد قلبي لا تبجيين ،، لا تخافيين قوليلي شنو صاار
أنوآر واهيه تلمها : جرآح جرآح
ديمه : شفييييه ! لا تقوووليين اهوه
أنوآر ( تهز راسها ) : وتبجي ......
ديمه : الجلب الحقييير والله اقول حق راشد ايربييه
أنوآر : لاء لاااء تكفيين لااء لا تخليني اندم ليش قتلج خلاص لا تقولين حق احد وانا كلمت المحقق وصكر المحضر بس مابي احد يدري
ديمه : شنو السالفه هيينه ولا ماوراج اهل ولا خدآمة ابوه كنتي
أنوآر : تكفيين ديمه خلا صلا تقولين حق احد
ديمه : استغفر الله استغفر الله بس
　
　
........................
　
　
رآشـد واهوه يكلم محمد وجرآح وعبدالعزيز وجآسم وخآلد : اي والله هذا اللي صار
محمد : أوف شلوون منو سوى جذي مساع كانت قاعده ما فيها شي
جرآح : ......... سآكت ويحس نفسه مخنوق
عبدالعزيز : لا حرام والله لو اعرف منو جآن اذببحه شلون دش البيت منو ممكن يكون
خآلد : لا حظ سكوت جراح واهوه اسساسا ملاحظ نظراتهم حق بعض والغمزات والبوسات الهوائيه والأبتسامات ولمى قامت اهوه قام وراها ! بس قال اهمه اهل ولاني مدخل عمري
جآسمم : الله يشافيها
خآلد : اي الله يشافيها خلاص احنه ننستأذن ونخلييكم
محمد : الله معاك تسلم
سلموا واطلعوا
عبدالعزيز : تتوقعون ممكن يكونون خالد ولا جآسم ؟!
محمد : لاااء طبعا هذول ربعي وثقه شمصلحتهم يسوون جذي وبعدين طول الوقت قاعديين يمي
عبدالعزيز : بس راشد يقول اهوه جآسم نآدآه لمى راح الحمآم !
رأشد الريال ما طول عشان يمدييه يسوي كل هذا فيها بعدين حرام لاء اهمه متربيين ونعم الررياييل مستحييل اهمه خل ادق على ديمه واشوف شنو صار
راشد : الو ديمه ها شسصار قامت ؟
ديمه : اي قامت
رآشد: وششنو قالت
ديمه : اهيه اللي مسويه جذي
رآشد : أهييييه !! ليشش شلوون !!
ديمه : تقول كانت نازله من الدري تركض وطاحت على وييها وبعدين صب دم وخافت وبعديين راحت الغرفه وكانت تبي تدق على اي احد منه البنات يوديها الطبيب وبعدين دقت علي كنت اصلي ولا تحط تلفونها ع الطاوله ولمى دقيت انا عليها حاشت السجينه بدال التلفون ودخلت بيدها واهيه كانت وايد تعبانه من الطييحه
رآشد : سآكتت ,,,,, شبه مو مقتنع
ديمه : شفييك ؟
رآشد : وياها المحقق هـ الكلام
ديمه : اي وصكروا المحضر خلاص انتهت السالفه ويلا شوي ونيي يلا باي
راشد : ........ باي
! وقالهم شنو صار وجرآح صعد غرفته ودش الحمآم وخذا الموس وبدا يجرح فيهي على صدره والدم ماااالي المكآن

　
　
................................................
　
　
　
عآدل نايم ع الفراش وامه على يمينه وخلود على يساره وطول الوقت حس بدال حش بدلال ( عطوه ابرة وحبوبه ملوت قلبه وكآن نايم ويون بدلال ويهوجس فيهآ )
شوي ولا تدخل دلال ومساعدها بو سلمآن واهيه مييته من التعب انصدمت بنهم قاعديين هنيي وقالت بقلهآ : وليييييييين الله يسستر
بو سلمآن : يلا يبا قوموا خلوها ترتاح ويبولها عصير فرش تشربه
خلود : خل توليي زيين احنه نسوي لها عصير وفرش بعد خل تخمد ولا تذلف بيت اهلها
دلال ( منقهره وتعبانه وكانت بتروح بيت اهلها بس مالها خلق تسوق وباجر بتسوي الهوايل ) : لا تخافيين شبعي بخوج ومالت عليج وعلى عصيرج مابي منج شي
خذت فوطه وراحت الحمآم
بعد ساعه تقريبا طلعت واهيه لا بسه روبها وتنشفت شعرها وانصدمت انهم للحين قاعديين !!
تأفأففت وقعدت اتطآلعهم منصدمه للحيين قاعدين ويطالعونها بقواة عيين !!
دلال : لو سمحتوا بلبس
خلود : ومنو قآضبج
دلال ( طلعت عيونها )
أم سلمآن : يلا قومي خلودد ،، بنطلع بس عشان بنسوي عشى حق ولدي ولا مو عشان سواد عيونج
دلال بقلبهآ ( جب بس وفارجونيي )
اول ما طلعوا صكت الباب وتنهدت ولبست وراحت خذت كمبل ومخده وناممت بالصاله
　
　
　
...............................
　
　
　
الساعه 3 الفيير
قآم ويحس الدنيا حرر موت وجسمه معرق وعطشاان حده
عآدل : دلاااااال
قام يتنفس بقوه ودورها بالغرفه مالقاها
راح طلع لقاها نايمه ع الغنفه ويها كلله تعب وجروح منه
وقف مده يتأملها ويبلع برييجه
عآدل ( نزل لي مستواها وباس راسها وايدها وخدها ويها كله وقعد يبجي عند راسها )
> دلال نآيمــه ولـآ حآسسه بالدنيــآآ <
شآلها شوي شوي ودهآ ع السرير نومهآ ولحفهآ شرب مآي ولمها على صدره حييل ونآم
　
　
...............................
　
　
اليوم الثاني الصبح
بالضــآحيــه ،’
الغرفه ظلمه ممآكو الى اشعاعات بسييطه من الدريشه
واهوه مو لابس غير شورت ومنسدح على بطنه ويفكر ،
انا مآ غلطت بشي أهيه اللي تحب تعاندني ،، يعني ما تفهم اني اغاار خلاص كيفها تستاهل
وقعد يلمس الجروح اللي على صـدره
جرآح : آآآه ،، والله تستاهليين فدوتج
^ تنآقض يعني اللحيين ما فهمت تحبهآ ولا شنو !
　
.......................
　
　
بنفس البيت بس بغرفه ثانيــه كآنت قاعده اساسا اهيه ما نامت كلشش
أنوآر بنفسها : انا ماراح اكلمه ولا اقرب صوبه هـ المره بعلمه عدل من اكون ماراح اضعف نفس كلمه لازم اصحى على نفسي شوي واسكب علييه واهوه بيني لانه اهوه يحتاجني اي اهوه اللي يبيني ،،
　
　
..........................
　
امـى ـآآ بالشـآميـــــــه
عآدل ( شوي ويبجي ) : تكفيين لاء لاء اماانه دلال حبيبتي والله عصبت انتي نرفزتيني والله
دلال : لو شنو ما تقول انا ما اقعد عندك ولا ربع دقيقه وعبالك انا ما كنت اقدر اروح من امسس لااء يا مما اقدر بس افتشلت من عمي وما حبيت اكسر فييه
انا بروح وانســـــآآآآني انســــــــآآآني يآ عآدل ورقتي توصلني يعني توصلني انا اللحين بروح العصر القاك مطلقني تفهــــــــم
عآدل : لا ما افهم انا احبج وابييج ولو شنو ما يصير مماراح اهدج
دلال : كيفك ما يهمني انا اللحين ما شييه وقتلك اذا ما طلقتني بالطييب بخلعك
عآدل : يطآلعهآ مصدوووم
دلال :ك مششت واهوه لا حقها
　
نزلت لي الصاله وكآنت خلود وأم سلمآن واقفيين عند باب البيت حق الشمآته طبعا
أم سلمآن : عآدل اوقف خلها تروح تذلف وتفكنه شفييك لا حقها جنك خروف ما عندك كرامه انته اثقل واوقف بمكآنك خلها تذلف
خلود : دفعت مرجي والهوا شرجي عند يدي قلعة وادريين روحه بلا دره < مابقى مثل ما قالته والله !
أم سلمآن : خلها تروح وازوجك اللي احسسن منهآ
عآدل : يطآلع دلال واهيه خلاص ما شيه
عآدل : دلااااال لااء تكفيين خلينه نتفاهم
دلال : ..... سسسـكــــــــب
طلعت وركبت سيارتها وعادل بس يطالعها واهوه مصدوم وقامت خلود وامها ايببون
صعد فوق واهوه بحاله يثرى لها حس نفسه صج ياهل صج ما عنده كرامه حس نفسسه ما يعرف يتصرف بولا موقف من مواقف حياته ما يعرف يعيش مع زوجته مثل ما يبي ما يعرف ياخذ راحته حتى بحايه الخاصه ،، ما عرف يكلمها بالهدوء والتفاهم ويقنعها ،، ما عرف يمسك اعصابه ما عرف يوقف ام واخته عند حدهم ,,, !
　
　
...........................
　
باليرموك ،،
البيت فخم وحلو وراقي على بساطه وذرابه
ادخلت دلال وعيونها حمر من البجي
لقت امها بالصاله
أم دلال : وييه يمه بنيتي شفيييج
دلال ( تلم امها وتبجي )
أم دلال : بالسم الله الرحمن الرحيييم ، سشصاير حبيبتي
دلال : لـآمه امها وبس ساكته ،
أم دلال : قعدت تمسح على راسها وتهديها
بهـ الحضات حست دلال انها ما تبي عادل وتبييه اهوه ريلها وحبيبها وكل دنيتها بس ما عنده شخصيه جدام امه ويقدر يوقفها عند حدها ،، ومخليها تدخل حياتهم وتلعب فيها مثل ما تبي
واهيه بنفس الوقت تدري شكثر اهوه يحتاج لها واهيه اول بنيه دشت حياته وواهوه شكثر يبجي على صدرها ويشكي لها عن اهمه واهيه الوحيييد بالدنيا اللي فهمته وحبته وحنت عليه
تدري شكثر اهوه متمسك فيها بسس فيـ شي يمنعها كــــــرآمتهــــآ
لان دلال فاهمه ودارسه وعاقله وتدري انه الطق حق البهايم ما ترضى فشلون اهوه يطقها وشلون خلود كآنت قاعده ترفسها شي حييل صعب عليها اهيه اللي عاشت طول عمرها مدللــه مدللــعه عند اهلها كل شي يوصلها لي عندها وشلون ابوها يحترمها ويحط حق كلمتها حسساب هنآك يصير فيها جذي !!
　
　
خل نتكلم عن عايلــــة [ بو دلال ]
بودلال / عـآمر ريال محترم وله هييبته واسمه تاجر ومعروف بالسوق عمره 64 بس كلش ما يبين فيه الكبر ومتهم بصحة ووشبابه
أم دلال / فوزيه عمرها 55 سنه مدرسه عربي بعدين صارت وكيله بعدين ناظره حبوبه وطييبه وتحب بناتها واييد وريلها وعايشين اهيه معاه بالعسل جنهم شباب توهم متزوجيين مثقفه وحرصت انها تثقف عيالها ودخلتهم مدارس اجنبيه وعلمتهم وربتهم احسن تربيه
دلال / البجـر تكلمنه عنهآ
بعدين سندس / أخت دلال اصغر منها بسنتيين نفس باغلب الاشياء وجنهم توأم لانه كله مع بعضض وقلوبهم على بعض ولا يستغنون عن بعض ،، سندس روما نسيه بزياده وعاطفييه وايد بس حنآآنه بشكل مو طبيعي ودلوعة ابوها اللي ما ينرفضلها ولا طلب
　
　
نزلت سندس وقومت اختها وراحت معاها غرفتها خلتها تغير هدودمها وسولها عصير ليمون يهديها وبعديين نامت دلال وسندس تلعب بشعرها ،،
بعدين سندس دقت على عآدل وعرفت منه كل السالفه ووعدته تشوف حل يناسبهم اثنينهم وقالته انه دلال تحببه وبس اهيه تحت تاثير الصدمه واعصابها تعبانه بس ترتاح راح تتفهم وتفكر عدل وتنحل الأمور ،،
　
　
　
　
.......................
　
　

　
　
　
　
　
　
　
　

 

[Miss.blue berry]

thenQ 3l part 7yatii
waay 3adel 9iij 8athnii uf we3 !
la2 o0 eli y8her azyad 5loud wagfa wra albab tshouf !!
waay aham shay !!
o0 yshyshouna 3leha
wlah y8hroun
7ta whya 6al3a ma slmat mnhum !
mm bs 3ndi s2al lol
mm ohwa alobo gal bynadi jasem ywdeha almstashfa 9a7 ?
bs dlal lma rdouha albait
jasem kan twa 6ale3 mn 3nd rashed

 

[MeeMeeYoo_2]

يعطيج العافيه

بس حبيبتي ممكن تكبرين الخط :$

 

[zizo0ou-x3]

yslmoo
3adel shnu hatha ma 3nda sh59ya 9ij dlo3 oma
waiting elyay

 

[meme>the best]

يسلمووو وانتي دلال وااااااضح خخخخخخخ

 

[حبك ملكني1]

يالله كملي القصه متحمسه حدي بالذات مع ديمه وجاسم <<<<< احسهم الابطال

(( لا يكووووون انتي ديمــــــــــــــه )) ننتظرك ..

 

[(MeMo)]

لايوقف ... لايوقف .... لايوقف :eh_s(9):


يعطيج العافيه على القصه الحلوووه وناطرين المزييييد
بس ياليت لو تكبرين الخط شويه :yaaaaaarb:​

 

[LuLiTa]

ناطرينج

 

[Jo0ree]

نبي بااااارت

 

[.حــنــان.]

في شي ما فهمته ... !!
الحين بو محمد اخو بو راشد صح ؟؟
و بو سليمان هم اخوهم ولا شنو ؟؟
يعني كلهم عيال عم الي بالقصه ؟؟
ومنو دانه يعني اهي كانت زوجته ؟؟