أوصيك لا تبحث ( مرشد البذال يوصي ابنه في هذه القصيدة )

[النويرة]

يالله يارب الضعوف المساكيــن *** اللي لك المخلوق يحسن صلاتـه

تستر على غوشن صغارن مكفين *** أكبرهم العارف دليله عصاتــه

لا يا عيالي كلبوكم حبيبيــــن *** عندي وعند الناس كلن وذاتــه

عندي غلاكم يدفن الزين والشيـن *** وعند العرب كلن تشاف اخملاتـه

يا عبيد أنا خابرك ورعن لهالحيـن *** داوي بغبات الجهل وظلماتـــه

لاشك علمي لك محبه وتفطيــن *** تسمع الوالد وثبت وصاتــــه

وصاة مخلوقن يعرف القوانــين *** مافاة عمره بالجهل والهياتـــه

يا عبيد انا أوصيك مني بثنتــين *** ثنتين هن سؤ البشر وحسناتـــه

أوصيك لاتبحث سدود المغيبــين *** ولاتجهر اللي غارقن بغفلاتـــه

ترى النميمه تمحق الرزق والديـن *** والمنزل العالي تهدم اطبقاتـــه

لاتحسبن أهل الظليمه بخيتـــين *** كلن يوافق ما عمل في وفاتـــه

وانذرك عن حق الضعيف المسيكين *** اللي على حقه يهل اعبراتــــه

ترى الضعيف الليا غدى الليل ليلين *** يدعي وعند الله توافق ادعاتـــه

الظلم فان الظلم يفنى السلاطيــن *** ياويل راعي الظلم من مقبلاتــه

وانذرك عن ربعة رخو من هياسين *** اللي سوالفهم بوده وهاتــــــه

ويا عبيد الأقشر لوصفا لك نهاريـن *** نهار ثالث جاك يرفع عصاتـــه

والله عندي ربعة الناس الأقصيــن *** ولا صديقا يبلشك في حياتـــــه

ترى الرجال ابهم فهود وحياويــن *** جاك الكلام اللي صحيحا ثباتـــه

ان كان ما تدري ترى الناس داريـن *** الرجل مدحه بالمجالس طراتــــه

رجلن تعلق به رجالــــن مسمين *** عز الرفيق ولابته والحماتـــــه

ورجلن تشوفه جسم وعيون ويديــن *** ولولا الشعر ما تفرقه من خواتـــه

كم واحد بالبيت يضرب بسيفيـــن *** وأن جاء حزم كلاب قبع عبادتـــه

والحلم عن الغيض ينجي الشياطــين *** يكفيك شر إبليس هو و دحراتـــه

 

[الغلاااااااكله]

مشاركة: أوصيك لا تبحث ( مرشد البذال يوصي ابنه في هذه القصيدة )

يسلم لنا هالاختيار والذووووووووووق

 

[النويرة]

مشاركة: أوصيك لا تبحث ( مرشد البذال يوصي ابنه في هذه القصيدة )

حبنا الله عليه أسعدني ردج وفعلا الشاعر مرشد البذال شاعر متميز وغني عن التعريف رحمه الله
وأشكرج اختي حبنا الله عليه ووجودج في مواضيعي يسعدني جدا الله لا يحرمنا هالطلة

ياهلا وغلا بالغلا كله وتسلمين والله ياقمر كلج ذوق

 

[BlUe SkY GuRl]

مشاركة: أوصيك لا تبحث ( مرشد البذال يوصي ابنه في هذه القصيدة )

يسلمو النويره عالقصيده الروعه

 

[هلااا]

مشاركة: أوصيك لا تبحث ( مرشد البذال يوصي ابنه في هذه القصيدة )

يعطيج العافية النويرة
قصيدة رائعة بكل معنى الكلمة

 

[كويتية بالغربة]

مشاركة: أوصيك لا تبحث ( مرشد البذال يوصي ابنه في هذه القصيدة )

تسلمين على هالقصيدة

 

[النويرة]

مشاركة: أوصيك لا تبحث ( مرشد البذال يوصي ابنه في هذه القصيدة )

الله يسلمكم خواتي تسلمون على المرور