أوافق

[الشهد كله]

رد: رد : أوافق

السلام عليكم
الصراحة انا احب واحد وايد وايد الحين صارلنا سنتين تقريباً واهو شاريني ويموت فيني وولد حمولة وكلم امي بيخطبني وامي وافقت وهي عارفة بعلاقتنا وكل شي جدامها واهو كلم اهله ووافقوا انا مواليد 1994 واهو 1991 اهو الحمدالله داخل بيصير مدرس ألعاب فشرايكم بالموضوع أتزوج انا اشوف نفسي صغيرة حيل بس همن اهو يحن يبي الحلال وولعلم انا امي وابوي متطلقين من يوم كنت 6 شهور

واااااااااااااااي محتارة بنات عالاقل اهو احسن من غيره مافر راسي وقالي تعالي شقه وهيك في خط أحمر
وكل شي جدام امي احسن مما يكون من وراها صح !!!!!!!!!

اهو صايرله جم يوم يحن يبي ملجة على الأقل نطلع مايصير شكلنا مشبوه وجدام الناس

الحمدالله شفيج أختي شقايلة أنا زانية أعوذ بالله
ما اعتقد عيب يداتنا تزوجوا 13 انا ابي الستر غيري مو محصل ليش اضيع هالفرصة واهوا مسويني دهينة لاتنكتين​

بعد عمري والله ارتحت مبدئياً لكلامكم
الله يكتب الي فيه الخير إن شاء الله​

يا مال الدقم !!!!!!!!!!!!!!!!

يا معودة تزوجي لا يصير فيج شي !!!!!!!!!!!!

تزوجي قبل لا يفر راسج ويقولج تعالي شقة !!!!!!!!!!!

أصلاً اللي بنفس تفكيرج المفروض يزوجونها ثاني شهر بلوغ :eh_s(12)::eh_s(12)::eh_s(12):

بصراحة أسلوبج مو مال واحدة عمرها 16 سنة أعوذ بالله من بنات هالوقت !!!!!!!!!!​

 

[غربة ملاك]

اذا السالفه صج ولو اني شااكه بالموضوع .. ليش ماخذه رااينا اذا امج عارفه ومربيتج على هالتربيه وهالجرأه وكل شي عاادي كيفج الراي راايج .. بنات اخر زمن وامهات اخر زمن ..

لا تلوموني مقهوره

 

[~.ąvȍƈaȚ.~]

امممم

لو منج اوافق

انا 19 و ايدي مغسوله من الزواج قبل التخرج من الجامعه عالاقل انتي امج راظيه !!

موفقه

 

[noo7a]

اهو عمره لا باس
بس انتي مستعده تتركين الدراسه بالنهار و تدرسين مسائي
و الحكومه تمشي راتب حق الطالب المتزوج
اذا اهلج و اهله موافقين
استخيري والله يكتب لكم الخير

 

[شــــــــــــــوقــــه]

عادي ليش مستغربين من عمرها ؟ واااايد ناس يتزوجون بهالعمر و مو غلط

خو الحين الصغار مستغلين سالفه الشؤون يعطون الي مو موظفين ما يقارب 700 دينار

هذا بروحه معاش و يكفيهم

انتي مو ياهل و فكري قبل كل شي عدل لانج بنيه هذا زواج عشره عمر لي قلتي اي لازم تتحملين هالكلمه لما تحطين راسج بقبرج

البنيه مو بيدها الطلاق

 

[شــــــــــــــوقــــه]

ولا تعيبون وايد بنات

من عيب ابتلى

الله يستر عليها و علينا

 

[قمر^خالد]

انتي عمرج 16 ... عادي تتزوجيين بس أهو عمره 19 .,.. نطري حبيبتي خل يتخرج من التطبيقي ... ويشتغل عقب تزوجوا

 

[Miss-LuLu]

سوي الى يريحج حبيبتي

موفقة

 

[عآليه]

رد : أوافق

الله يهديج ان شاء الله ويكتب الي فيه الخير والصلآح .. صلي الأستخآآرة وسألوا عن الصبي عدل .. وملجوا الحين لين يتوظف ..

وموفقه

 

["اسطورة العشق"]

راح تتحسفين صدقيني
لازم تعيشين مراحل عمرج الطبيعيه كامله .. تدشين الجامعه تطلعينمع رفيجاتج تسويقين و الزواج له وقته
يعني تتحملين مسؤوليه من عمر 16 سنه .. وااااايد صغيره توج بدايه المراهقه ما شبعتي انا عديت ال 20 و اقول للحين ما استانست


عموما انتي ادري بمصلتج .. و اهو تو الناس على وظيفته يبيله سنه على الاقل عشان يتخرج
بس اذا خايفين من الحرام اوكي سوي ملجه الحين بس شرطي العرس مو قبل سنتين يعني ع الاقل يكون عمرج 18

و استخيري استخيري .. و الله يوفقج حبيبتي ..

 

[سنعه بس مظلومه]

يابنت اخاف بس جذي بيجرب واذا ملجتوا وطولتي بالعرس على ما يتوظف يغير رآيه ويمل ... يأختي 16 سنه وين والبيت والعيال وين انتي خلصي دراستج ويصير خير نصيحه لاتستعجلين

 

[Dr.Nouf]

رد: رد : أوافق

يعني لمن تعرفتو كان عمرج 14 سنه ؟!
انا اقول هديه لان علاقتكم غلط x غلط وحرام بالاساس
قوليله يخطبج وتملجون ع الاقل تكون علاقتكم بحدود الشرع
وما شاء الله على امج فري تصدقين

اي والله !!!!!





يحليلج كبر اختي الصغيرة !!!!


حيل توووو الناس



يعني ريلج كبري؟

عمري تقريبا 18 سنه ؟؟



مافكرتي بالمسؤووليات

وشبتغبرين اذا حملتي ؟


وشلون بتخلصين الثنوية

وشبتغبرين بالجامعة ؟؟؟؟؟؟؟



وفرضا خنقوول انشالله يعني بعد عمرن طويل عمرج اللإفتراضي ( ادري الأعمار بيد الله ) لكن مثلا 70 سنه


بتعيشين معاه 54 ؟؟؟؟؟؟؟؟


اكثر مما عشتي معه اهلج ؟؟


تفكيرج جدا مو منطقي

 

[غرور وايل]

حبيبتي دام يبي لج الحلال
ملجي الحين
ليما يتخرج وانتي تكونين متخررجه من الثاانويه

والله يووفقج ياارب

 

[Dr.Nouf]

رد: رد : أوافق

يا مال الدقم !!!!!!!!!!!!!!!!

يا معودة تزوجي لا يصير فيج شي !!!!!!!!!!!!

تزوجي قبل لا يفر راسج ويقولج تعالي شقة !!!!!!!!!!!

أصلاً اللي بنفس تفكيرج المفروض يزوجونها ثاني شهر بلوغ :eh_s(12)::eh_s(12)::eh_s(12):

بصراحة أسلوبج مو مال واحدة عمرها 16 سنة أعوذ بالله من بنات هالوقت !!!!!!!!!!​

هههههههههههه شخباري كلمة يمال الدقم







صاجة بنات هالوقت يخرعون :bbbiu:

 

[Mshtgtlkmoot]

حراام ما عشتي حياتج لاحقة على الشقاا والغثاا
اوكي يحبج وتحبينة على عيني وراسي بس الحب اسم بس الزواج غيييييييييير مسؤلييييية و عيااااال
بس أنا اشوف خلية يحيرج اسم انج لة عشان لما تكبرين ما تندمين وانتي استخيري والله يقدم اللي فية الخير

 

[مهفهفة]

اهو الحين شارق فيج لانه فتح عليج

باجر لي دش الجامعة ولا الدوام بتحلى بعينه بنات وايد

وبشوف الي حواليه العزوبية عايشين حياتهم

ويحس انه دفن عمره بزواجة مبجرة

وكله يطلع عليج

مو بالضرورة هالسيناريو يسير بس احتمال يسير بعد

بعض ربع اخوي تزوجوا مبجر والحين عقب ما كبروا شوي تحسفوا

لانه ماعاشوا حياتهم عدل

وشافوا وعرفوا بنات احسن سواء بالجامعة ولا بالدوام

وممكن يسير العكس انه انتي ما تكونين عشتي حياتج وباجر تتحسفين !

ترى الزواج لا تفكرين فيه الحين بس .. خصوصا انتي وياه تحبون بعض فمندفعين

الزواج يبيله بعد نظر بعد جم سنة وعقب الزواج الحب يموت ويطفى صدقيني

عيشي عمرج وحياتج وخليه اهو يعيش بعد

تركدوا الركادة زينة

لا تخلون العواطف تجرفكم خصوصا انتو صغار وهالحب الي انتو فيه يمكن حب مراهقة مو حب حقيقي

 

[أمواج^الكويت]

رد : أوافق

قرار الزواج مصيري لاتستهينين فيه .. لاتقارنين زواج حريم أول بحريم ألحين .. أول المره تتحمل لأن الحياة كانت بسيطة ومافيها مغريات ومقارنات مثل ألحين والزمن تغير والمعيشة صارت صعبة والحياة تتطلب وايد أشياء .. ومعاش الزوج بروحه مايكفي راح تتعبين حيل في البداية ولازم يصير في تضحيات وتنازلات عن وايد أشياء خصوصاً إنج ماعشتي فترة مراهقتج وشبابج وراح تتحسرين بعدين على هالشي إذا شفتي رفيجاتج اللي بعمرج يكشخون ويلبسون ويطلعون وماوراهم بيت ولا ريل ولا مسؤولية وماتضمنين يمكن تحملين بسرعة وتييبين ياهل وتزيد الأعباء عليج .. فكري فيها عدل إذا انتي من النوع اللي يتحمل كل هذا توكلي على الله ووافقي على الملجة بس لين تاخذين الثانوية .. وهم أهوه يكون تخرج واشتغل وصار عنده راتب .. أما إذا شايفه نفسج مو قادره على كل هذا أجلي الموضوع شوي لاحقه على الشقا ..
والله يوفقج .. ​

 

[PorscheGirl3]

لا لا قوية حدهاا
أنتي كبري تقريبا لوول الصج أكبر مني بسنة
المهم أحسج فاهمة الزواج غلط وحتى أهو
نسيتو المسؤوليات أهو ليلحين ماكون نفسه
أي كون نفسه أهو ليلحين ماتخرج أصلا :eh_s(2):
أشوفها صعبة وهذاا زواج مو لعبة
أحسج فاهمة الزواج غلط طلعات وروحات وييات تطلعين معاه بكل مكان
بس الفرق أنج تطلعين معاه ويكون محرمج وزوجج بسنة الله ورسولة
وبعدين هم سمعت أنه في مخااطر على المرأة اللي تتزوج بهالسن أعتقد يأثر على رحم أو شي اذا حملت صعب عليها
صدقيني راح تندمين بعدين لو يحبج صج بينطرج ..

 

[al3ta]

رد : أوافق

صدقيني ماراح يستمر زواجكم توكم صغاااااااااااااار

بعدين امك تعرف انك تحبين ولد وتكلمينه وراضيه

ماقول غير الله يستر علينا

للاسف الناس الي يستحون بدو يقلوون

 

[توليب بنفسجي]

رد : أوافق

فكري عدل حبيبتي لا تندفعين ورا عواطفج
باجر بتدخلين الجامعه و تحسين بمعنى كلامنا هذا
راح تشوفين ناس وايد و تتعرفين على ناس وايد و تتحسفين على قرارج السريع
حتى لو تحبينه الحب راح يقل
و حتى اهو راح يتعرف على ناس وايد و يمكن باجر بعد يحب وحده معاه بالجامعه و ياخذها عليج
فكري بكل هالامور عدل
ادري الحب حلو و هالمشاعر تونس القلب بس لازم ما ننسى دور العقل بعد صح ؟
خلج معاه سنتين لين يتخرج ملجة بس و لا تسوون اي شي مو على بو انه زوجج
و شوفي شبيصير
و طمنينا عليج