أهو يبيج ،، وانتي ؟ شلون قلتي إنج تبينه ؟؟ ( خل نستانس بمواقفنا )

[ҒŸoŋқA]

اب اب ابببببببببببببببب

 

[حبي مودي..]

انا اللي قلت لأهلي انه بيتقدم لي فلان(هو ولد عمتي)وكنا انا وياه موافقين على كل شي قبل يعرفون اهله واهلي اخته كانت الوسيط بيني وبينه لاني مستحيل اكلمه قبل الملكه وتقدم لي وحددنا النظره الشرعيه رغما كنت اعرف شكله وكل شي عنه وهو يعرفني قبل واناصغيره ويعرف كل شي عني صارت الملكه وجلسنا3اشهر وتم الزواج..
الله يسر امري ويسهل طريقي ويرزقني الذريه الصالحه وكل من قال اميين..

 

[مزيونة الخبر]

الله يعجل لي هل اليوم واجي واكتب لكم هالتفاصيل الحلوة يارب

 

[شهووووودة]

بال عورتو قلبي والله ..

انا خطبني رفيج اخواني الروح بالروح وهو يصير لنا من بعيد
استاااانسست يوم قالو لي فلان خطبج ..
من الوناسه رحت بت عن بنت خالي 3 ايام
وانا كل يوم اصلي استخاره و اقولها موافقه موافقه موافقه
هههههههههه حسيت اني مينونه .. لين يات امي خذتني من بيت خالي
قالت لي ها شرايج ؟
وانا على اساس مستحيه .. قلت لها انتو شرايكم فيه
قالت لي امي الريال ماعليه كلام بس اخوانج يبون يعرفون ردج
قلت لها مبدئياً اي بس عطيني يومين زياده ..
اتغلى ولا انا باصرخ وبقولها ابببييييه هههههههه
المهم وصلنا بيتنا و اختي الكبيره المتزوجه كانت هناك
قالت لي ها شرايج ؟ تبينه
امي فديتها كانت شاقه الحلج قالت لها اي الله يتمم لها على خير
قالت لي اختي من صجج بتاخذينه !! انتي فكرتي عدل قبل لا توافقين ؟
قالت لها امي ليش شفيه الولد ؟ قالت لها اختي من غير ليش هي تعرف هم شلون
( امه قووويه وواايد الله يعطيها العافيه ) المهم امي واختي الصغيره سكتوها وقالو لي ماعليج منها ومن هالكلام
عقب يومين يو اخواني بنفسهم يكلموني .. ها فلانه تبين الولد
انا دنعت اني مستحيه قلت لهم انتو شرايكم
الطامه الكبررررى قالو لي احنا مب موافقين
ويهي افتر قلت لهم ليش ؟ قالو لي الولد غير عنا وفي فرق بينا وبينهم
فرق العادات و التفكير واحنا مانحب هالاسلوب واحنا نبي لج الاحسن
ولو مانحبج ماتشوفينا معترضين ..
انكسر قلبي ياجماعة الخير قبلهم اختي والحين هم هههههههه
قالو لي ها شتقولين ؟
قلت لهم ماعندي كلام عقب كلامكم كيفكم ..
قالو لي الله يعوضج بغيره عقب باجر بنرد له خبر
هم قالو جي رحت غرفتي اصيح اصيح
ثاني يوم كان اول يوم رمضان .. ونزلت حق امي قبل الفطور
وهي شاقه الحلج تقولي ياحليلج والله وبتزوجين
قلت لها ماكلموج اخواني؟ قالت لي لا قالو لج شي ؟
قلت لها اخواني مب راضين اخذه
انصدمت قالت لي من صجج
قلت لها اي قالت لي ليش شالسبب
قلت لها يقولون مب نفسنا ولا نفس طبايعنا
عصبببت قالت لي وانتي شرايج
عاد انا من غير حاسيه قلت لها وانا اصيح خلاص مابيه
وواي ياعمري انا من اتذكر نفسي اضحك ههههههههه
قالت لي امي انتي صليتي استخاره ؟
قلت لها اي اكثر من مره ونفسيتي وايد اوكي
قالت لي امي خلي اخوانج علي

هالكلام كان قبل الفطوور .. عقب صلاااة التراويح
اخواني ثلاثتهم الله يعطيهم العافيه يوو يكلموني
وهم مغيرين كلامهم 180٪ درجه وماتم مدح مامدحوه اياه

واخر شي قالو لي احنا بس ماودنا نفرط فيج
ونبي لج الاحسن واذا يينا للحق يمكن اذا ردينا فلان مايننا حد احسن منه
واحنا قلنا لج رافضين .. الحين نقولج لو انتي رافضه بنغصبج تاخذينه

اشششههههد اني شقققيت الحححللللج
استاانست واي ياربي لك الحمد ههههههه يوم السعد بالنسبه لي

وعقبها بسسنه كامله .. يعني رمضان اللي عقب ملجنا

والحمدلله بعد اسبوع بالضبط عرسنا ان شاءالله

يا حياااااااااااااااااااااااااااااااااااااااااااااااتتتتتتتتتتتتتتتتتتتي
انا اقرا و انا مندمجة اقوى نوع هههههههه
و لما قريت ان عرسج بعد اسبوع قلت من جم سنه الرد خل اشوف و لا يطلع ان من مساع كاتبة ههههههه يا قلبييييي الله يتمم عليج



>> مادري ليش اشتطيت بس جد استانست لج

 

[شهووووودة]

الله يتمم على المتزوجات

و يرزقنا احنا ( الانساااااات )

 

[سور المدينه]

انا كنت رافضة فكرة الزواج نهائيا نهائيا
ولما قالوا لي ناس اخطبوج قمت ابجي قلت مابي اعرس
وماطلت وترددت وكل اشوي احط حجه
واهو متمسك فيني حده
بعد مازهقت من كثر حنتهم قلت نجرب بس ترى ان مارتحت بتطلق هههههه
والحين احنا مملجين ومستانسين ولله الحمد

 

[مذهلة2013]

شفته وشافني و ارتحنا لبعض

 

[Dalo3at Rayli]

ويي انا عاد انا سالفتي غيير ..

-

انا لما تعرفت علي ريلي كان عمري 16 حيييل عنونه ,

و كنا نكلم بعض بعلم الاهل يعني الصوبين و كانت نيتنا نية زواج ❤❤ ..

و كنت اتمني يصير هالشي بينا عشان نعرف بعض عدددل و نفهم بعض !

و تمينا سنه كامله بس نتكلم عالفون و عشقته و عشقني لـ ابعد شي :$❤

ما شفته هالفتره كلها لان ريلي اوروبي مو مال اهني ,

و علي ما شوي تحسنت ظروفه ايه و تمينا اسبوع و ملجنا علطول :$

اثنيننا تعلقنا ببعض حيييل و كنا خايفين اي شي يخرب علينا : / ,

و غيير كلام الناس كانوا يقولون ما بياخذها و يلعب عليها ,,

بس الحمدالله كنت ادري ريلي غير و اكثر شي مطمني لانه مو مال اهني

و تفكيره و كل شي فيه يختلف عن رياييل اهني بفرق الارض عن السماء ❤ !

المهم بنفس الشهر تزوجنا الحمدالله والله مححححد كان متخيل فرحتنا و وناستنا ❤❤ ،

و كا الحين حامل و ناطرين النونو , الله يخليه لي يَ ررررررب :$❤


​

 

[بروريتآ]

ماذكر التفاصيييل عدل !

بس يوم خطبة الرجاجيل كنت زعلانه عليه .. ههههههههههه
ولما طلعوا دزيت له مسج نورت الدوانية / ورد علي بوجودج ودق كلمني قلت له زعلانه اثبت انك تحبني ؟

قال مو كافي جاي اخطبج !!!!!!!!!!!!!!!!! هههههههههههه كان وقتها نفسيتي صفر من الدورة خخخ
​

 

[ech-]

يا حياااااااااااااااااااااااااااااااااااااااااااااااتتتتتتتتتتتتتتتتتتتي
انا اقرا و انا مندمجة اقوى نوع هههههههه
و لما قريت ان عرسج بعد اسبوع قلت من جم سنه الرد خل اشوف و لا يطلع ان من مساع كاتبة ههههههه يا قلبييييي الله يتمم عليج



>> مادري ليش اشتطيت بس جد استانست لج

هههههههههه خطوبتي قصتها قصه
محتفظه فيها كنت اقول اذا ماخذيته مب مزروجه =))

امييين يااارب تسلمين حبيبتي من طيب اصلج :$

 

[Gorgeous ~]

واي ذكرتيني باللي مضى هههه
كنت حزتها كل دقيقه احط اغنيه هب السعد واتخيل نفسي وادمع وحالتي حاله ههههه
ايام حلوه وفيها مشاعر غريبه

والحين خايفه لوول مابقى شي على عرسي الله يعين

 

[ســارون الكندري]

انا من المستحى دق ابوي علي فون لانه مانزلت من غرفتي وقال ها شرايج قلت مادري كيفك ولما يونا مره ثانيه عشان البطاقه المدنيه قال ها شرايج قلت كيفك وانا ماده البطاقه ومزهبتها قال يلا عن العياره ماده البطاقه وتقول كيفك :krkrkr:

 

[ليدي بجد]

أبوي دق على غرفتي. وفتحت ربع الباب وطليت. قالي موافقه بسرعه قلت اييييه ابتسم ابتسامه ذات مغزى. صكيت الباب بوجهه ههههه

 

[شهووووودة]

اب اب اب

 

[Nuur]

كان شعوري حييييييييل خاااايفه و اهو ما كان يبطل خز فيني و انا منزله رقبتي من الحيا انكسرت رفبتي من الحياا
بعدين و اهو قاعد لازف بامه جان يقول ابييييهاااااااا يما و الله ابيهاااا
طبعا سمعناا بس سوينا نفسنا صمحان لأنه امه انحرجت و كلمت امي

وقت الملجه تاخرووا
جان ابدل ملابسي و البس بجاامتي و امي تقول لي شفيييج
فلت ماكو تاخرو عيل كنسلو انا دايخه و بنام اذا يوو زوجوني (مادري ليش صابني هالبروود)
و أمي @@ شفيييييج
أقووووول بدلي و نزلي قالو بالدرب
و نزلت و قعدت جني مزهريه!! و بس

أياااااااااااام

 

[فيونكا$]

انا عاد غير يوم دشيت عشان يشوفني ابو الشباب كان ابوي موجود دشيت وقلت السلام وقعدت وابوي الله يحفظه ويخليه ليي على طول اول صاااروخ بجبهتي ترا بنتي لابسه دبابه هذا مو طولها جني مسطره طرااااااقات وعلى طول قمت ودشيت داخل ابي ابجي من الفشله وعقبها دقو علينا وبغوني لولدهم وانا كنت على الدرج بنزل وابوي اشوفه بيصعد يطالعني ويضحك وانحاااش غرفتي واصك الباب بوجهه واهو يدز الباب ويضحك وانا اقووووله اقولك روووووووووح خلاااااص ههههههههه ويوم تزوجته عقبها بسنه اهو طلعلي الجنسيه تميت ال١٨ عنده كنت حيييييييل صغيره يقولي انا مربيج هههههههه يااحلوها من اياااام ليتها ترررجع

 

[عروسة اكتوبر]

انا ما شفته بس اعرفه وهو يعرفني لانه ولد عمي وما سألوني اهلي كلش لان يدرون اني موافقه بس يوم الملجة الولد الله يحفظه جاني قالي يبا موكلتني عشان الملجة وانا قلتله أي يبا ومن الحيا قعدت اخم الزولية بإيدي وعيني عالارض ههههههههههههههههههههه وسلامتكم

 

[يآسمينه]

حلوه قصصكم تونس
الله يتمم على المتزوجات و يرزق الطموشات


و هذي قصتي

الله يسلمكم أنا يوني خطاطيب وايد وما كانت ترتاح نفسيتي لأحد مهما تكون مميزاته حلوه أحاول أقنع نفسي فيه وهم أهلي يحاولون فيني وما أقدر و بكل مره يتم الرفض

من جهه ثانيه في شخص معاي بالجامعه مو من تخصصي يعني ماقط صار معاي بكلاس ولا أعرفه بس حاط عينه علي

وما يمر يوم إلا يطل عليي من دريشة باب الكلاس ع الأقل بمحاضره وحده و يتنح فيني !!

الكل صار يعرف إنه يجي يخزني

وعلى هالحال لأكثر من سنه

و أنا ما بيني وبينه شي ولا اعرفه بس يطالع من بعيد و نظراته فيها حب مو طبيعي

طبعا جى خطبني وما عجبتني مواصفاته وقلتله ماكو نصيب وتم يبجي علي و احسه يعشقني وحاطني في باله

أنا ماحبيته لكنه ارضى غروري و قررت اوافق و صرت اكلمه تلفون و هذي عاداتنا بالبحرين عشان نتعرف على بعض من خلال سوالفنا

و خالاتي صار عندهم خبر بهالشي والكل يسأل متى خطبة يآسمين ؟!

و هم بهالوقت سمعت ان ولد خالتي يكلم وحده و بيخطبها ، و انا ماعرف عنه غير اسمه و انه دكتور و سنين مو لامحته و بعمري كله ما كلمته ولا كلمه

ياني شعور غريب ، حسيت بالغيره من انه يكلم وحده وانا مو حاطه عبني عليه ولا على احد من اخوانه

و انا للحين اكلم الشخص اللي يبيني

وولد خالتي ما تمت خطبته من البنت و خواته عرفوه على وحده يكلمها بنية خطبه وهم بس وصلني الخبر مت من الغيره وانا ساكته !!!!

ما صار نصيب بينهم وتفركش الشي

و انا بعد خلاص رفضت اللي خاطبني

و بعد سنه تحديدا بعيد الفطر زارتنا خالتي وبناتها و عيالها

البنات بروح والرياييل بالديوانيه لأن ما نقعد قعدات مختلطه

بس صار ان عيال خالتي بيدشون يسلمون على امي و لبسنا عبينا

وطبعا من كثر مااستحي دوم أصد بهالمواقف ولا اسلم على أحد فيهم

قمت باطلع و وقف ولد خالتي وقرب مني : شلونج ياسمين ؟

انصدمت انا بحياتي ما كنت اكلم عيال خالتي ولا عمي بكلمه ، خواتي يسلمون عادي بس انا لا

واهوه عمره ما كلمني بكلمه شمعنى الحين ؟

رديت عليه ببرود : الحمدلله !! و مشيت عنه لوول يا حرام

و انتهى الشي ونسيته ولا انا حاطته ببالي و افكر ابيه بس مادري ليش ينغزني قلبي لا سمعت انه بيخطب

و يرجعون يخطبوني ناس و يتم الرفض و بعد جم شهر دقت خالتي على امي تبي تخطبني لولدها

و امي ما خبرتني عرفت من اختي وبس سمعت الخبر جد حسيت جاني طراق دور راسي

تميت افكر بالشي واتخيله ومو راكب الشي ببالي ومن الصدمه كله داير راسي لوول

اللي فهمته ان امي قالت لخالتي مابي اتدخل بالشي وبعدين اصير انا السبب

بنتي وايد قاعده ترفض مو راضيه بأحد مادري شتبي وولدج جانه يبيها خل يدخل لها من مدخل بروحه جانها تبيه من كيفها انا ما بكلمها

و هم نسينا الموضوع

و بعد فتره خواته رتبوا طلعه معاي على ريوق ( مو من طبعنا نطلع مع بعض يصير تقريبا مره بالسنه او كل سنتين لوول ماكو تواصل )

و من ضمن قعدتنا والسوالف و يوروني صور جان تطلعلي صورة اخوها تقولي شوفيه باللاب كوت بالمستشفى و صرت ابي اطالع الصوره ومااشوف من الشمس لأن القعدة خارجيه وصرت اقرب التلفون واخززز ما رفعت راسي الا يطالعون بعض وكاتمين الضحكه انحرجت و قالولي السالفه بضحك انه عينه علي ويبيني و يمدحووون فيه و نتمناج له ووو من هالكلام

بعدها صافني مسن شخباري خخخخ وصرنا نسولف عادي بدون ما نجيب طاري خطبه لمدة 3 ايام وبعدها رقمني خخخ وقال بيدق الليله وانا بحرقصه شوي قاتله بسأل الوالده ( ادري ما بتمانع بس اتدلع نياهاها ) و رحتلها قلتلها انا بكلم فلان ولد خالتي عالتلفون !! تنحت و قالت بصوت منخفض :اها زين

لأنها تدري بالشي قبلي وما عندها مانع ولا سألتني ليش وشلون ابد

و صرت اكلمه 10 شهور وبعدها ملجنا

والحين احبه وامووت فيه وعندنا نونوووو الله يخليه لنا

طولت عليكم قلت روايه مو قصه مختصره لوول

بس لأني أول مره اتفكر بطريقة خطبتنا شي عجيب سبحان الله لو الواحد يلف و يدور ما ياااخذ إلا نصيبه اللي كاتبه له رب العالمين

 

[mima]

أحلى ايام والله يخلينا لبعض
اخذنا بعض عن حب بس ماكنا شايفين بعض
جت الشوفه الشرعيه وطلعت له وانا كلي ثقه جلست اناظر فيه وبعدين ناظرت فابوي وقمت
عندنا اذا تبيها تشرب من العصير هو خلص الكأس هههههههههههههههه
رجع اتصل على امه قال ابي اشوفها مره ثانيه هههههههههههههههه
ومارضت امه.. ارسلي مسج انا ابيك انتي تبيني قلت له ايه
والحمد لله الله يخلينا لبعض اللحين عندنا نونو

 

[طـفولية]

بتكلم عن خطبة زوجي لي ..

كنت بممشى السرة قاعدة امشي

دقت علي اختي واهيا مستاااانسة وقالتلي في ناس داقين خاطبينج

بس الباجي معاناة خوف ومحاتاااة

عاد انا قصة اخوي قعد معاي و امي و كل من ها شرايج و انا استخير واحاتي والله ايسسر وو

لمن طلعت نتيجة الفحص تم كل شي بحمد الله