أهل الرياض الفزعه

[حور بنت علي]

بنات انا كل يوم لي راي/استقريت على الرياض بروح كم يوم ابي فندق بنص السوق ويكون سعره معقول وأبي اماكن الأسواق الشعبيه (ادري بنات الرياض ما يقصرون:yaaaaaarb:

 

[ســديم]

الله يحييك , تنورين الرياض والله :eh_s(7):

بالنسبه للفنادق مادري الزوار يعرفون اكثر لاني عايشه فيها مالي بالفنادق.

الرياض معروفه بالمولات اللي تكون ماركات وغاليه ,,شكثر عندنا واحسن اسواق المملكه بشكل عام تلاقينها بالرياض.

بس الشعبي ماظن في كثير,,عاد بقول اللي اعرفهم,,

1- سوق حجاب,, لبسهم ابددد ماانصحك فيه, مو شي, احسن شي عندهم العطارين, (موقعه في النسيم).

2- اسواق طيبه (هذي ارقى من حجاب بكثير) تلاقين فيه كم محل عبي زينه,, (موقعه في الشمال قريب من صحارى).

3- الاندلس ( اتوقع يصنف شعبي ,لانه مو مجمع) فيه شغلات حلوه عندهم خصوصا الجزم والشنط , والاقمشه بعد. ( موقعه في الشمال - قبل دبنهامز المملكه)

هذي اللي تذكرته الحين,,وان شاءالله البنات يفيدونك بالباقي

وان شاءالله تنبسطين مع الحر والزحمه حقت الرياض

 

[حور بنت علي]

شكرًا حبيبتي سديم عادي متعودين على الحر وبعدين الحين كله مجمعات

 

[حور بنت علي]

فيدونا بنات الرياض ما عليكم أمر

 

[الزورق222]

مااعرف الاسواق الشعبية ولست من اهل الرياض اللى اعرفه المراكز التجارية وانتى ماتبينهم ..
احلى منطقة بالرياض العليا ارتاح فيهاا ..

 

[حور بنت علي]

Up up up up up

 

[أنوثه ملكيه]

أول شي ياهلا ومرحبا فيك وبتنورين الريآض
الرياض كلها فنادق وشقق مفروشه لكن الأسعار ماعرفها تعرفين أهل الديره مانحتاج للفنادق كثير

الأسواق الشعبيه كثيره
حجاب حلوو أكثر شي ب العطاره في حي النسيم
عندك العويس ب العليا حلووو خاصه للمواعين وأسواق طيبه كمان ب العليا وأسواق الأندلس
وعندك أسواق وشيقر وسويقه والمعيقيله كلهم جنب بعض وسط البلد بعد شارع الأمير فيصل بن تركي
وفيه سوق القريه الشعبيه في العريجاء الدخل المحدود

فيه فنادق قدام سوق طيبه كثييييره وأتوقع سعر الفنادق بحي العليا أغلى من حي الحمراء وغرناطه والأحياء الثانيه
ونفس ماقلت لك الرياض مليانه فنادق وشقق مفروشه

 

[د.نيره]

أنصحك باسواق طيبه

 

[sara_j]

إذا انتي وزوجك في فندق الفيصليه في قسمين جديد وقديم
الجديد جداً رائع الليله ب ١٨٠٠ بس يستاهل صدق
وفي الفيصليه بعد ب ١٢٠٠ اذا ويكند
شوفي بودل حلوه كشقق
بس مشكلة الرياض والسعوديه عموماً حتى لو خذتي فندق لازم سياره توديك للسوق
والأسواق احنا مانروح إلا طيبه عباياتهم حلوه واسعارها احلى

 

[رغدوشة]

شوفي فيه فندق اسمه المثنى عن تجربة انصحك فيه رائع ورخيص والشقق المفروشة طبي وتخيري بس الافضل لك ا\ا تبغين تكونى حول كل شئ تاخذين شقة مفروشة اما في شرق او شمال الرياض وعموما فيه بجانب برج الفيصلية شارع يعتبر حى كله فنادق وشقق طبي وتخيري
واذا تبين اسواق حلوة ورخيصة على قولتك شعبي روحى سوق السويلم والمعيقلية هذولا للبخور والعطور واغراض الزينة شئ عجيييييييييييييييب واسعار رخيصة جدا وجودتهم ممتازة بتنبهرين ان رحتى لهم واذا تبغين ملابس وعبايات وشنط ومفارش حلوة وتقليد ماركة روحي اسواق طيبة وسوق الرياض مول في الروضة بتلاقين شئ رائع حيعجبك انا متاكدة وفيه بعد اسواق المجد بشرق الرياض ممتازة ملابس واكسسوارات وشنط وعندك سكاى مول رخييص وحلو وعندك الهرم اشهر من نار على علم خصوصا بالبيجامات وملابس الاطفال واحيانا تلاقي جزم وملابس سهرة وجنزات وبلايز فخمة عنده واسعار زهيدة وجودته كويسه ماعليها واذا حابة توسعين صدرك فيه بحيرة الرياض مريها وعندك مولات فخمة جدا مثل غرناطة والرياض غاليري وصحارى والحياة مول وبرج الفيلصية والمملكة واذا حابة تعيشي يوم باذخ روحى افطري او تغدي بالريلتز كارتلون حده عجيب وعندك بعد ملاهى وشكثر مثل الحكير لاند / ستارز سيتي / مدينة الثلج / الثمامة هذى فيه شاليهات اشكال والوان وممكن تمرين استاد الملك فهد تتفرجين عليه وفيه حوله خدمات يقدمونه / واذا معاك اطفال فيه عندك حدائق حيوان صغيرة فاتحة طول اليوم مثلا فيفا هذى بالملز وفيها ملاهى ينبسطوا الصغار فيها وفيه حدائق عامة كثيرة واسعار الدخول رمزية مثل حديقة الملك فهد وحديقة ياسلام عاد هذى تجنن وغيرها كثير وفيه دروس دينية ان كنتى حابة تستفيدي وفيها من الجوائز منها تستفيدي ومنها تحصلي هدايا لووول
اذا حابة شئ بعد انا بالشوفة حبيبتى تامرين