$روح وتين$
New member
لو خيروني بين مليون رجال...
والكل منهم عاشق<ن>مشتريني...
بقول كلمه دايم الدوم تنقال...
دوم إتردد بين قلبي وبيني...
إن ماخذيت اللي له القلب ميال...
عقبه فلا آخذ كل رجال يبيني...
يمكن بعيد<ن>بالمسافه والأميال...
لكن قريب<ن>بين قلبي وعيني...
اشوف به شيخ<ن>على كل الأزوال ...
إليا لفى فزوا له الحاضريني...
متسيد<ن>في وسط قلبي ويختال...
يملك حياتي بس وينه وويني؟
اللي رفض كل العذراى ولاطال...
إلا خفوقي بالغلا والحنيني...
وشلون ابقنع خافقي لا الزمن مال...
إن الظروف القاسيه ماتليني...
وشلون أبرضى عقبه بأي رجال ...
وشلون ابدل نور عيني بيديني...
دامه حفظني في عيونه ولازال...
طيفه على طول الليالي يجيني...
أبيه يذكر كلمة<ن>دايم الدوم تنقال...
دوم إتردد بين قلبي وبيني...
إن ماخذيت اللي له القلب ميال...
عقبه فلا آخذ كل رجال يبيني...
