أنقذوني بنصايح مفيده

[كلنا للكويت 2008]

السلام عليكم ورحمة الله وبركاته


ياالسنعات وربات البيوت ابي نصيحتكم انا متزوجه ومشكلتي اني ماني منظمه ولامرتبه
ولا اعرف أنظف البيت بطريقه مرضيه لفسيتي ولزوجي--

وارتب كبتي دااايم فوضويه وماني راضيه عن نفسي وابي نصيحتكم00

بلييييييييز وبأسرع وقت

:eh_s(14):

 

[BTMOoON]

بصراحه ما هان علي اقرا موضوعج ولا ارد ...انا بساعد بكل ما اقدر من افكار ومعلومات للتنظيف
1) توكلي على الله واطلبي منه الثبات على العمل الصالح ..وصدقيني لو انتي مو سنعه جان ما تعبت نفسيتج وتعومستي من الموضوع ..ها اكمل والا منتي معاي ؟؟

 

[butterfly84]

حبيبتي توكلي على الله وأخلصي النية شغلج فالبيت مأجوره عليه
أنت تعرفين عن نفسج وظروفج أكثر فلا تقصين على نفسج قعدي مع نفسج واعرفي الأشياء اللي المفروض تسوينها عشان تترتب وتنظم حياتج وان شاء الله لي رجعة مع التنظيم
عن الكبت صدقيني مايحوسه غير الملابس الي منت بحاجتها وموضتها راحت وانتي خزنتها لعل وعسى
سوي جرد وراح يترتب

 

[mariam_q8]

اول شي الجرد والي ماتبينه للفقاره او تقطين الاشياء الي ما تنفع

تغسلين الملابس بعدها بالتشافه و بعدين تضربينهم اوتي لان اكثر شي العفسه في الملابس اما الباجي سهالات

والترتيب اول باول كل ما تقومين الصبح ترتيب الصاله و الغرفه و مسح الطاولات وتقطين الزباله كل يوم
ولا تنسين الصحون اول باول الغسيل

غسيل الملابس خليه كل يوم وترك او يومين اما الملابس الضروريه الي كل يوم تبينها يعني مثل دوام لبس رسمي اول ما تيين يالغساله على طول و بليل قبل النوم الاوتييي

ومادري والله انا كنت مثلج الحين قاعده اسوي جذي ارتحت شوي و ريلي ارتاح والله

 

[كبسة جلكسي]

انا للحين مشكلتي الكبت

وصح كل شي اول باول الغسيل والمسح والاوتي
والا راح تتعبين حييييل اساليني