أنقذوني..بنتي لزق بشعرها علج

[رفرف]

انقذووووووووووووووووووووووووووووووووني

بنتي نامت وبحلجها علج وطبعا لزق بشعرها ..
ماظن وحدة فيكم ما مرت عليها هالمشكلة ..
انا صارت فيني وانا صغيرة وقصو شعري اهئ اهئ ..
بس بنتي شعرها ما يطووووووول مابي اقصه والله ببجي انقذوني شسوي ؟
حتى مو مخليتني امشطه تقولي يعوررر

وانا الحين مخلية العلج متحنط بشعرها لين القى حل ..
يالله عفية ردو علي بسرعة

 

[ام كتكوت]

امببي الله يعينج ...
قبل اسبوعين صارت لولدي نفس المشكله
نام وبحلجه علج ولصق بقمه راسه هههههه
وحده قالت زيت زيتون وسحبيييييه
بس مشكله حرام اخاف يعورها من كثر التل
امي قالت لي بف باف رشيه ويروووووووح اكيد
بس انا فضلت اني اقص شعره على اني احط بف باف وماجربت
الحمدلله الولد اهون
بس بنوتج غامري وجربي البف باف وسبحيها عقب

 

[رفرف]

واي بف باااااااااااااااااااااف ؟؟؟

بنطر لي الليل ان ما لقيت حل اهون مالي الا البف باف

 

[دانــــه]

حاولي تحطي قطعة ثلج على الشعر اللي لاصق فيه العلوج

خليه على العلوج مدة 5 دقايق .. وبعدين حاولي تسحبينه بيدك شوي شوي عشان لا تمزعين الشعر

الله يعينها ويعينك

 

[دانتيل]

الله يعينج اختي ... انا اقول جربي كل شي مره الزيت و مره الثلج و حاولي تشيلينه خلي البف باف اخر شي

الله يعينج

 

[النويرة]

من صجج رفرف بتحطين مبيد حشري على راس بنتج !!!!!!!
لاتخاطرين فيها تكفين لايكون يضرها
ترى الثلج يجمد العلج وتقدرين تفتفتينه وتطيحينه

 

[أم فرووحة]

واي صج الله يعينج رفرف..

شوفي يا الغاليه انا صارت معاي و انا صغيره و لصق بشعري علج طبعا هذيج الساعه لو شنو اسوي ما يرضون اقص شعري فحطو عليه ثلج مددددده و بعدين شويشوي بالمشط اللي اسنانه حيل قريبه من بعض

بتملين و تتعبين لكن ميخالف تصبري لم يتفجج و يروح اهم شي لا اتعورينها مسكيه عشان لا اتلينه لها و يعورها يا عمري..

 

[رفرف]

مشكورين بنات ...

حطيت ثلج .. وفازلين (مادري شكو بس قلت يمكن يفج)
وحاولت افججه بالمشط مارضت قامت تبجي
بالآخر استسلمت وقصيت لها الخصلة ..
شكلها مو باين وايد بس ضاق خلقي

 

[ونه]

غلطانه اختي لانج قصيتي الخصله حرام عليج

فعلا البف باف وربي يشيله شييييييييييل من الشعر
يجمده ويخليه يتكسر بثواني
ياما سوتلي امي جذي وانا صغيره وياااااااما سويناها لبناتنااااااااا
ويفك بسرعه
ليش مستغربين ان مبيد الحشرات ينحط على الشعر؟؟؟؟؟؟؟؟؟
تدرون ان فيه ناس وربي وربي شوفة عيني يحطونه على شعرهم عشان
القمل؟؟؟؟؟؟؟؟؟؟؟؟ لاتلوع جبودكم بس والله صج هالكلام
لدرجة مره رحت لبيت جيرانا وبنتهم الكبيره وانا كنت صغيره
رشت على شعرها بف باااف واخذت حجاب ابيض وافرشته بالارض
وانطرت شوي وقمت تمشطه بالمشط الفضي حق القمل ... وربي شوفة عيني
كله طاح على الحجاب هههههههههههههههههه
اسفه لوعت جبودكم بس حبيت افيدكم ان البف باف ما يخرب الشعر
ومفيد يشيل العلج من الشعر بكل سهوله ويشيل القمل والصيبان
(ويشيل العلج من الملابس بعد تراااااااا يابنات وعن تجربه)
وشكرااااااااااااااااااا​

 

[miamy]

اي زين سويتي

تقصينه ولا عذاب التمجع و البف باف

 

[Pink GirL]

اشوة انج قصيتيه ولا البف باف هذي مادة كيماوية ماتدرين شتسوي بالراس

الحمدلله عدت على خير هالمره ولا تعطينها علوج مره ثانية

 

[لوكريسيا]

رفرف ----> سوري حدي متأخرة ههههههههههه .. بس سمعت عن السبراي ترشينه على العلج و تخلينه لما ييبس العلج و يتكسر مثل العلج البصري

يالله تكبر و تنسى

 

[q8_hala]

يووووووووه وصلت متأخره
انا سامعه في نفس هالحالات يحطون كاز (كيروسين)
وللعلم الكاز سمعت انه بعض الصوالين يحطونه للشعر عشان يطول