أنــــــــا ومـرضي ..

[عالمي انا غير]

انا اعرف وحده كانت معانا بالمدرسة تزوجت وعادي عاشت حيتها العكس كانت مستانسه بس بعدين مااعرف شصارلها لان كل واحد لهة بحياته ومااعندي رقمها

 

[مس روبنز]

الله يشفيج ويشفي جميع مرضى المسلمين

وعسى الله يرزقج بالزوج الصالح

قولي آمين

 

[باذنجانه]

لييه التحطيم
انا اعرف وحدة فيها القلب وعندها عيال ومتزوجة ماشاء الله

 

[FeShinGoOo]

مادري حبيبتي اشعلاقة المرض بالزواج ؟؟

انا بنت خالتي فيها القلب .. وكان قلبها ضعيف حيل وكل جم سنه كانت تروح لندن تسوي عمليه وترجع

وكاهي الحين اتزوجت ومتهنيه ويا زوجها للاعلم اهي بصدرها شق واصل لي فوق سرتها بشوي مال العمليات قبل وهم تاخذ ادويه ومادري شنو بس عادي اتزوجت ..

 

[blue bunneh!!]

اسمحيلي قلبي .. امج الله يهديها ليش تقولج جذي انتي مراح تتزوجين كلمتها جدا قاسية و اجرحتني انا شخصيا كيف انتي !!
\الام اقرب انسانه للبنت اذا اقرب انسانه تقول جذي شخلت للناس
و حبيبتي اهلنا نصهم فيهم القلب كاهم كأنهم زعماء الاستاكوزا متزوجات و عندهم يهال و الحياة فليلة
ماعليج ولا يهمج ولا تحاتين بتتزوجين انشالله
القلب الحين ماهو مصيبة ولا داهيه اصلا انا وايد منصدمة انج مكبرة الموضوع لهالدرجة
حمدي ربج ما فيج تكسر بالدم جان شسويتي

يالله يا حبي انتي روحي استانسي و شربي عصير ازرق و عيشي حياتج لا تزعلين فديتج :***

 

[مارياq8]

الله يشفيج ويرزقج باللي تبينه

عمر المرض ما وقف بالنصيب اذا الله كاتبلج زواج راح تتزوجين اعرف وحده ماشاء الله مقعده وتزوجت وعندها عيال

وانتي ماشاء الله ما فيج الا العافيه واهم شي انج ما تجهدين نفسج وفي بنات ما فيهم الا كل خير وشهادات وما تزوجو

 

[المستغفرة 74]

الله يشافيج

 

[Unusual]

بنات الله يسعدكم كلكم عساكم تعيشون بصحة وعافية وسعادة والله يخليلكم حبايبكم ..

أنا والله مو مكبرة الموضوع بس مجرد اني ابغى اعرف هل في صبايا مثل حالتي وقدروا يعيشوا حياة طبيعية

لأني شخصيا ما اعرف .. فقلت استفييييييد منكم ..

عموما اخجلتوني بتفاعلكم .. الله يزيدكم من فضله ونعيمه ويسعدكم دنيا واخرة ..

والحمدالله أولا وأخرا ..