:: أنـــا ومــرت حـمـــاي ::

[Yellow]

السلام عليكم ورحمة الله وبركاته


بدخل بالموضوع على طول من غير رسميات





حماي توه ملج ..

وانا شفت مرته (( بالملجه )) ..

أستغربت من طبعها .. وايد جريئه ..

اول ماشافة حماي راحت باسته !

انا انصدمت

وحماي خنت حيلي استحي صار ويهه احمرر ههههه

قلت بقلبي اول مره تشوفه وباسته !!!!!!!

الله يعين ثاني مره شتسوي ! :friends:



أنا طبعي حليوه ودايم امدح الناس وما اشيل بقلبي وحبوبه مع الكل (( الحمدالله ))

وحلوة وبيضه وذويقه .. (( بشهادة الجميع ))

وأهيا مو ذاك الزود سميره ومجكنمه وماعندها ذوق باللبس !

بس مــــــــــــــــــــادري لـــيـــــــــش أغــــــــــــــار منها !


يمكن سبب الغيره اني هاديه وما اسولف وايد .. (( كله من اهلي مجعميني من صغر )) هههه

واهيا ماشاءالله تسوولف وتضحك وجريئه ..


المهم ..


بـــــــــــنـــــــــــــــــــــــــــــــــــــــات ...........


انا مابي اصير جذي ابي اتغير الانه هذا موطبعي دايما اتعوذ من ابليس واحاول اتقبلها

بتسكن معانا ( بيت حمولتي) فا مابي اصير غيوره واحط دوبي بدوبها مثل مايسوون الحريم _03BA:

قولولي شسوي ؟ الغيره بين الحريم شي طبيعي ؟؟! ​

 

[برنسيسة2007]

حطي براسج شغله وقوليها بقلبج وكرريها كل ماحسيتي بالغيره او حسيتي انج تبين اتحشين فيها:
الله يوفقها وزيدها ولايحرمني ويعطيني بمثل دعائي- وعشان اتوفق ويزيد قدري عند الناس الله يوفقها ويوفقني

 

[القرآن ربيع قلبي]

حبيبتي ديري بالج تغيرين من شخصج والا من طبيعتج عشان حبوها لا لكل انسان طبيعته وشخصيته وصدقيني راح تتعبين وبعدين انتي لج بزوجج وخالتج مالج شغل بالباجي وخليج رسمية معاها احسن ترى الصمت افضل مليون مرة وحلات المرة بحياها وهدوئها وخجلها اما سالفة تبوسه اول مرة شافته من صجج هههههههههههه بس ديري بالج تهزج والا تخلي ثقتج بنسج تهتز الله يهديه ويوفقها اهي وزوجها بس انتي خليج مثل ما انتي والا ترى الناس تلاحظج وتلا حظ غيرتج ساعتها صورتج تهتز جدامهم وجام زوجج خليج عاااااااادي طبيييييييييييييييييعية مثل ماانتي ليش تغارين منها اهي شريكتج

 

[كاتي البرينسيسه]

ليش يعني تغارين مو حلو ه الغيره وعلى فكره الغيره تأدي على عدم الثقه حبيبتي وانتي مثل ما قلتي انج حلوه على كلامج واحلى منها واذا شفتيها قولي الله يوفقها وجذي حطي ابالج انج انتي الحمدالله الله معطيج كل شي وليش اتغارين من وحده ما راح تستفيدين شي اخذي الحياه هابي بدون عوار راس تعورين راسج وتغارين على شي تافهه واهي يمكن نوعيتها جريئه وصريحه عادي وايد بنات جذي والله يوفقج كتكوتي

 

[هوى الدار]

هذا وانتي الله معطيج من الجمال اكثر منها شلون لو اقل ؟؟


تعوذى من ابليس وابدي النيه الحسنه وعامليها بما يرضي الله يمكن تصير مثل اختج

واذا ما قدرتي او ما تقبلتيها خلي العلاقه رسميه بس بدون غيره و مشاكل

الله يوفقج

 

[OM-FAtMa]

لا تفكرييين نهائى فيها ولا بتسير كابوس ابحياتج بتقعدين اتفكرين فيها 24 ساعه خلج بريلج وبعيالج وحلو اتغارين منها بس مو بزياده خلى لغيرتج حدود

 

[عيمية^والقلب^كندري]

عزيزتي احنا الحريم اذا بنغار فاول شي الجمال نشوفه ودامج انتي الاحلى ليش تغارين؟؟ واذا عالجراءة فاكيد طبعج احلى واسنع وحلاة الحرمة بهدوئها اصلا اهي اللي بتغار منو هدوئج الحلو ونعمومتج مو تلعلع انا ماحب جذي لاني نفسج هادية وكلامي محدود وبهدوء ورزانة والله يوفقج

 

[:: Diva ::]

تصير عادي و بتكبر اذا ما حليتيها من الحين !
اقنعي نفسج و ضبطيها قبل لا تصير حياتج مطارده و بلاوي
و الحمدالله امبين انج بنت اياويد و طيبه

 

[Om-FahooDy]

لا تفكرين بالموضوع و تعوذي من الشيطان
و الزين يفرض نفسه
لا تحاولين تغيرين من طبيعتج على شان تصيرين نفسها
خلج حياوية ترى احسن

 

[الهما]

هههههههههههههههه
ترا والله شي طبيعي كل وحده بتحس بهالشي باجر مع العشرة بتتغيرين

 

[الجودي]

غزلان سبحان الله احساسج نفس احساسي و كلامج مثل كلامي بالضبط

انا مريت ابهالموقف و على فكره هذا شي طبيعي و غريزي

لكن انا اقولج اشسويت عشان تروح كمج الغير مثلي

انا وضعي مثلج انا احلى و المستوى العائلي و االدراسي و المادي و كل شي انا الحمدلله احسن

بدون غرور و الشهاده لله

لكن عشان ما احس بالغيره اللي حسيت فيها بالبدايه اول شي حطيت الفروق الواضحه للجميع من لون بشره و طول و مستوى و كل شي لقت اني الحمج لله احسن فكرت ليش عيل انا غيرانه و انا يشد الله من يوم انا ياهل ما اغار

بس هالمره ليش فقلت ما الا ادعي ربي قلت يارب شيل اللي بقلبي من غيره يارب انا ما احب اكون جذي يارب انك عالم انه نيتي صافيه لها و اتعوذ من ابليس

والحمد لله اصلا بدال ما كنت اغار صارت تكسر خاطري وودي اعلمها و اساعدها لدرجة انها يابت ياهل كنت اخاف اغار عشان ما عندي ولد و كنت ادعي ربي حيييل حيل صار هالولد جنه ولدي لي شفته يكسر خاطري يلمني و يحببني ويناديني ماما بعد و الحمد لله راحت الغيره

 

[coffee]

وعليكم السلام

ههه ريلها حلالها كيفها.. شوفي انتي ما غرتي منها الا لان فيها طبع حلو ودج يكون فيج فبدال لا تاكلين روحج بالغيره تعلمي منها وغيري طبعج.. وترى الجمال مو كل شي الناس ممكن تشوفج مره مرتين واتملج اما هالسميره على قولتج وعندها حلاة الروح محد بيمل مقعدها.. فالعتب عليج حبيبتي انتي اللي غيري طبعج وادعيلها بالتوفيج بدال لا تغارين.. وتقربي منها دامها بتسكن عندكم ومافيها شي اذا تعلمتي من اطباعها الحلو وعدها حسبة اختج

وبالتوفيج

 

[ebtsam957]

ههههههها والله ذكرتينى بنفسى قبل سنه حماى ملج ورحت حفله ملج ماادرى شفينى بروحى كنت متنرفزه مادرى على شنو صراحه انبط جبدى منهم كانهم يعرفون بعض من زمان ضحك وسوالف من اول مره على فكرة والله صج انا احلى منها موغرور بس بشهاده الكل بس الحلو فيها انها طويله على فكره انا مو قزمه طولى زين وبعد والله اكشخ منها واذرب بس حطيت عهد على نفسى اشيلها من بالى باالمره قبل لاتجى والحمدلله هذا الي صار والحين بس رسميات بيني وبينها والله ترى احبها ولاقلبي لها شئ صج الغيره موجوده بس عاد الحمدلله على فضل ربي لى وعلى نعمه على وعلى قولتش صج السبب اهلنا من احنا صغار طايحين فينا لاسوين وتعالى مني ورحي منى وخز قدام البشر بس والله احس انهم ربونا صج مومثل الحين البنات عليهم جراه موطبيعيه ومافى خجل موليا والله احبك ياماما صج ربيتينا

 

[sereen]

طبيييييعى ياقلبى وحدة داشه عليكم بقراطيسها, واتوقع شخصيتها مخوفتج انها تطغى عليح وتوقعى هالشى خاصه انها يديدة وفريندلى يعنى راح تسحب لها جماهير وياعمرى لاتغييرين من شخصيتجج لانها لايقه عليج وراح تصيرين مصنعه بالشكل الجديد!!!!!!
لكن اللى يهدى الامور ان خالتج وعمج واللى حاواليح يعاملونكم بالمثل ترى هى فترة وتروووووح وراح تنسينها بعد

 

[الماااسه]

حبيبتي شي طبيعي انج بتغاارين منها وترى كل الحريم جذي لما يملج حمااااااااه تغاار لانها اتحس اهي العروس اليديده قاعده اتعيش احلا ايام عمرها وتشوفين ريلها ايدلعها والكل يبي يكسبها ..
فاتحسين بالغيره بس مع الوقت رااح يصير حالهاا حالكم وتبين ميزاتها وعيوبهااا......
اما بالنسبه لج فنصيحه في بداية الامر عامليها برسميه واذا كانت اهي انسانه حليوه وطيوبه جامليها واكسبيها مافيها شي اذا حسيتي انهااا لعوبه وفيها بلا وتحب تنقل الحجي لاااااااااااااااااا عامليها برسميه ولاااااااا تعطينها اسرااارج كللش

 

[pretty sarona]

الغيره عند بعض النساء موجوده دام ان ماكو ثقه بالنفس ,, كل وحده عندها مميزات بشخصيتها تجذب الطرف الثاني و هذي طبيعتها جذيه , و الجمال نسبي كل وحده عندها اللي يميزها عن غيرها ,, الله ياخذ و يعطي ,

 

[Miss_Tiger79]

ليش تغارين كل واحد بالدنيا وله طبع يميزة عن غيرة ولا تغيرين طبعج كلش غليج على طبيعتج

وترى ماله شغل البياض بالسمار
يعني حلاة الروح تغطي على اجكر جيكرة ترى
وفي جميلات ما تحبين حتى تقعدين معاهم

وبالنهاية الواحد لازم يكون قنوع بالي عنده

 

[q8iLady]

أختي خليني أول شي أحيي فيج مبادرتج على نفسج و هي انج بنفسج حسيتي و استنكرتي و استفسرتي وهذي صفه محموده و شجاعه منج انج تواجهين نفسج

" الانسان يكره ما يجهله " .. الله لا يجيب الكره و آنا متأكده انه مو هذا موضوعج حبيبتي .. خلي الأيام تمضي بينكم و انتي ما شاء الله عليج من النوع اللماح و تقدرين تميزين .. بس لا تكونين راصده لكل كلمه او حركه او حتى موقف... الكل راح ينشغل بحياته و أموره و المؤمن كيس فطن ...

 

[شقرديه]

تعوذي من ابليس ليش الغيره

خلج رسميه وحياويه وتجنبي المشاكل وخلي وقتج لزوجج ولا تفكيرين بغيرج
أشغلي وقتج


تحيـــــــــــــــــــــــــــــــاتي لج

 

[الفرج مني قريب]

خلج على طبيعتج و لا تتغيرين بيحسون و بيقولون غارت.....انتي لج شخصيتج و اهي لها شخصيتها و مثل ما قالوا البنات انتي اهم شي عندج ريلج و امه و ابوه....