أنـآ تطلقت ،، وأبوي مو راضي علي وزعلااان شسوي ..

[أفنان_22]

السلام عليكم ورحمه الله وبركاته

بنات بخصووص موضوعي هاذا

http://www.q8yat.com/t934945.html

اللي وصل 10 صفحات والاغلب يضحك علي ويقولي مقفله، وجذابه ، وانتي ماتدرين الله وين قاطج ،وفلم ووو إلخ..


بـنات الله الشاهد اني ماجذبت عليكم من كثر الحره اللي بقلبي وانا اكتب لكم قاعد ابجي

وحبيت اختصر لكم السالفه ،،


اول شي اللي تقول انه ليش مارحتي عرسهم .؟!
اهيا ماسوت عرس تزوجته با السر واهلها لهم علم واهيا وحيده امها وابوهاا يعني انا علاقتي قبل لا ازوج مع امها حيييل وهم امي لها علاقه مع امهاا ولما كنا نسأل لهم تقولنا اسم رجلهاا نفس اسم رجلي بس تقول خر محدد الجنسيه ( بدون ) قلت لها شحادج تاخذينه قالت احبه وقلت الله يهنيكم ..


ثاني شي اللي تقوول مارحتي ولادتهاا .؟!

الا.. رحت وشفت ولدهاا بس لما اروح ماكنت اشوف رجلي مناك ولما كنت بقول حق رجلي يافلان انا بروح لرفيجتي كان يقولي اي اوكي روحي ،، وشكيت بشغله انه لما اولدت اهوا مستانس وطوفتهاا كل ماسئله قال الفال لنا واقوله احنا مافينا شي ونقدر نيب يهال بس خلينا حبي كان يقولي جذي وسكت ..


ثالث شي انه ماشك فيه با الويكند وين يروح ؟.

يقووولي انا انام مع ربعي بشاليه كل ويكند خميس جمعه ومايرد الا السبت بليل

وانا مسكينه ازهب اغراضه وكلشي ..،،


وبعد مادريت عن السالفه علمت اهلي وابوي طقني يقوولي الشرع حلل له اربع واذا تطلقتي منه انا ماراح ارضى عليج .،، طيب قعدت ابجي وابعرف السبب..

يقوول حق امي اذا بنتك تطلقت راح تفضحني عند رفيجي اللي اهوواا ابو زوجي

وانا ماراح ارضى على بنتج


المهم انا تطلقت على بدايه شهر 10

وتعبت حيييل وطلع فيني السكري والضغط وفقر دم حاد

بنااات صارلي شهرين وبدش الشهر الثااالث ابووووي مو راضي علي ولايكلمني وزعلان علي

بنات انا ماسوويت شي وانا تطلقت من الضيم اللي اشووفه بنات انا عشت وحبيت وعشقت

9 سنين ...؟!


بنااات حاولت اراضي ابوي بس اهوا مايبي كل مايشوفني اسوولف مع خواتي اخواني

يناديهم يقولي جدامهم خلوها شتبون فيها الله موراضي عليها اللي مزعله ابوهاا

ويقولي ماكوو زواج يا انج تردين له ولا تقعدين

وكله كان يقوولي حمدي ربج بسس مخليج فبيتي مفشلتني جدام رفيجي

الحين منو اهم بنته ولا رفيجه ولا ولد رفيجه

اللي شهرين ونص مايدري عني


الله كريم والله يصبرني ،،

صدقووني السالفه موب جذب وربي سالفتي صج :eh_s(8):​

 

[بتبوتااا]

اب اب

 

[أم الفناتك]

الله يعينج يارب وابوج مادرا عن سوالفه والذل اللي كنتي فييه يرضاها على بنته واذا يرضاها تراه يرضاه على نفسه والزم ماعليج نفسج وصحتج والله اهو مدبر الامور لجأيله والله اللي بلين قلبه عليج والله ياخذ حقج من اللي ضلمج وان دعوة المظلوم ليس بينها وبين الله حجاب قولي حسبي الله ونعم الوكيل والله بيتكفل فيهم والدنيا دواره ويعل حوبتج ما اتعداهم والله يعوضج انتي توج صغيره

 

[" ام حمود "]

والله ماادري شقولج ... ان شاءالله البنات يفيدونج

 

[الخجل الانثوي]

غريبه مدري في بلا بالموضووع

 

[Moim]

والله مادري شقولج .. ليش ما تفهمين ابوج ان الدين حلل اربع بس مو كل بنت تقدر تتحمل هالشي
وقوليله ما يبي عيال مني

 

[منيرة خالد]

دامج اخترتي الطلاق تمسكي برايج وابوج احسني معاملته بما شرع الله وخليج تحت طوعه لكن ما يغصبج على شي ما تبينه وصدقيني مع الايام بيطخ خاصه اذا شاف ان زوجج الاولي عايش مرتاح ما الزوجه اللي اختارها وما عنده مشاكل


الله يهدي ابوج ويحنن قلبه عليج

 

[Beyoncee]

حبيبتي الله يعينج انتي عايشه بدوامه من التفكير
بس الى يريحج امشي فيه وتمسكي
وأبوج مرده بيرجع ويكلمج بس السالفه توها بأولها
ولا تسكتين عن حقج من حقج تعرفين اذا زوجج بيتزوج عليج لازم بمعرفتج ورضاج مو طعن بالظهر
لأحرام الله ما يرضاها وين الوفا والحب والموده والعشره
هذي الخيانه الى تذبح من زوجج او من رفيجتج
لا تسامحين ولا تتنازلين عن حقج
وتوجهى لربج عالم الغيب بالدعاء الصادق ودعوة المظلوم مافيه بينها وبين الله حجاب
وتأكدي طال الزمن والا قصر حوبتج ما تعداهم
والله يرزقج ابن الحلال الى يعوضج عن الى عشتيه
ولا تندمين على شى ماضي وراح
اطلعي وعيشي واشغلي نفسج بأي شي تحبينه عمر الزمن ما وقف عند أحد
وابوج هذا تفكير الشياب وصدقيني فكرته بيغيرها بس طولى بالج

 

[كليـ دلعـ]

!!!!!!!!!!!

 

[ام العامر]

اب اب

 

[دنيتي تفدآكـ]

الحل : واجهي ابوج حتي لو بيزعل او يعصب ​

قولي كل اللي بقلبج له كلللللل شئ ​

شنو يبي اكثر من واحد خانج مع رفيجتج ومو اي خيانه لا زواج وعيال وقالج ماحبج ومابي منج ​

عيال وماهتم ان تردين له شنوو اكثررر من هذا ؟؟؟؟​

الزواج مو ذل اذا واحد مايبيني بسلاااااااااامته ماوقفت الدنيا عليه​

وادعي ربج يرزقج باحسن منه ويعوضج ماتدرين يمكن خيره لج وخلاااص شيللليهم من تفكيرج ​

الغلط مو منج ولا ان علي نيااتج لا الغلط من نفووس ردييييييه وافق شن طبقه ​

والله يووفقج يااقلبي :yaaaaaarb::yaaaaaarb: ​

 

[ام الحلوااات]

؟ ؟ ؟ ؟ ؟ ؟ ؟ ؟ ؟ ؟
! ! ! ! !​

 

[dandrma]

حاولي تقعدين مع ابوج وتطلعين الي بقلبج وتكسرين خاطره

 

[جهراويه توته]

فهميه وقوليله كل شي

 

[مــســك]

الله يعوضج بالي آحسن منه يااااارب ..

 

[دلوعة صلوح]

والله عورتى قلبى الله يعوضج بواحد احسن منة يارب العالمين.

 

[شذى الحب]

كلمي ابوج طلعي كل بقلبج يارب حتى لو كنتي معصبه طلعي هالكلام

 

[*درر*]

الله كررررررررريم

 

[[[ عيون جابر ]]]

والله مادري شقولج انتي معاجوحق يوم تطلقتي جذاب وغشاش ماينقعد معاه ابيت واحد بس ابوج ملزومه تراضينه شتسوين بعد

 

[مطلقه وأفتخر]

انتي شنو تبين بالضبط اذا فيج شده تحاولين ترجعين زوجج لج حاولي هو تزوج وعيل خلاص هالامرين صارو وماتقدرين تغيرين هالشي،، نصيحتي لج اذا تبين زوجج حاولي بكل قوه تكسبينه وترجعينه لج بما يرضي الله طبعا
واذا انتي بايعته خلاااااص طلقيه وافتكي ههههههههه اقصد اطلبي الطلاق وابوج أمره هين مرده مع الايام بيستوعب بس انتي مهما جرحج بالكلام وضايقج(ما يحتاج أوصيج على أبوج!!!)


والله يكتب لج الخير يارب