أنظرو ما هي حقيقة الشخصية الكرتونية سبونج بوب

[miss $_$ semsem]

عاد انا بدون شي مااحبه

 

[VET-Nour]

ياا حلو سبونج بوب, انا اشوفه و ماانتبهت له ,
و بعدين الجهال خل يفهمون المناهج ععشان يفهمون قصدهم ,
و سبونج بوب , شخصيه مرحه و تحب الحياه و تساعد اصدقاءها ,
,
انا ملابسي و اغراضي على سبونج بوب , عاادي يباا ليش مكبرين الموضوع ؟
مليينا كل شوي حاطينلنا بباي يخرب الجهال و ماادري شنو ؟
الناس اهناك تخترع و تكتشف و انتو على الببايات
حمدلله و شككر

 

[ندى~~]

جزاك الله خير اختي


ويابنات شوي شوي على البنية تراها تنبه فقط ماخذت عصا عليكم !!

الله يهدينا وياكم

 

[ظفاريه كول]

مراحب بنات وش هالهجوم .. هدو اعصابكم ترا انا ما جبت شي من عندي مجرد موضوع شفته وحبيت انبهكم لا غير ومافي داعي لهردود كلها ..

 

[_ظل الياسمين _]

حتى انت ياسبونج بوب....

 

[..~Goolz]

لااااا

الا انت يا سبونج بووب ..مابي انصدم فيك .. وايد احبــك..

هذي اخرتها وشاااذ بعد ...

مادري شلون بنام من الصدمه.
يعز علي فراقك يا سبونج ....

محبتك المخلصه ..

تكفيني الذكرى.


ههههههههههه

 

[PINKEIA]

ما أتابع بباي بس سامعه بإسمه وايد سبونج بوب اللي اعرفه عنه اهوا قطعة جبنه >صح جبن ولا لأ
آخاف اسفنجه وآنا عادته جبن
وشفته طالع بمسلسل بنات الثانويه بدور كوشايه بغرفة سمر

 

[عزة وكبرياء]

مشكورة اختي على التنبيه والله يعطيج الف عافية والله انا نكلوديون ما ارتاح لها في برامج اطفال موحق الصغار وتعلم على الحب والمغازل الله المستعان بس ترى اليهال يطالعون على براءة يعني يحبون سبونج بوب لأنه يونسهم ويضحكون على تصرفاته وبس وصدقيني راح ينسونه اذا وقفو عرضه مثل ما نسو غيره يعني موتعلق وما اعتقد ان الاطفال عل براءتهم راح يطالعون الهرم على الرف وهالسوالف مخهم مركز عل الوناسة وبس وشاكرة لج عل الافادة​

 

[موج-البحر]

مربين الاجيال القادمة اشفيكم على البنت

البنت قدمت نصيحة وانتوا ماعندكم غير شكو وماكو ومراح ينتبهون اليهال شدعوة انتوا معشعشين بمخهم ؟؟؟

وااايد شغلات نقول عيالنا مراح يفهمونها وباجر انشوفهم يسوونها ياترى بتحطون اللوم على منو ؟

صغائر الامور تييب الكبائر

 

[ندى الزهور 93]

والله يا اختي انا ما بعارض كلامج

هالموضوع سبق وقريته واكتفينا من الرد عليه

بس خليني اقولج شغله

انا اتابع سبونج بوب
وشكبررررررررررررررني وشايفه كل حلقاته

لا تضحكين علي لو قلت لج بلايزي عليها صور سبونج بوب
دراعاتي البيت بجاماتي كل شي عليه سبونج بوب احب ملامح ويهه البريئه

وعلى فكره عيالنا خل يفهمون مناهجهم بالاااااااااااااااااول علشان يفهمون هالمغااااااااازي الكبيره

والله يطالعون وما يدرون عن هوى دارهم

وبالعكس انا متابعته تصدقين انا شكبرني وتخصصي علم نفس وبحياتي ما انتبهت على هالاشياء اللي تقولينها

انا الكبيره ما وعيت لها

شنو هرم الماسونيه ترى وان كان مجرد هرم مرسوم ما يعني لنا اي شي كان على الرف او على الارض !

وبالنسبة لي

اشوف سبونج بوب مجرد شخصية تمثل طفل بريئ يحب الحياه يحب الناس يحب يخدم الغير
على نيته وطيب حيييل

يحب يشوف الكل حوله سعيدين وما يخليهم وقت الازمات

هذه شخصية سبونج بوب

والعبط اللي يسويه مجرد كارتون للضحك

لا تكبرون الموضوع وتعطونه اكبر من حجمه


هذا رايي الشخصي وان شاء الله ما اكون ضايقتج

بس علشان لا نظلم هالكارتون
​

معها 10000% :eh_s(15):

 

[صانعة الحياة]

المفروض انكم تقولون للبنت مشكوووووووووره ع التنبيه وجزاك ربي خير ع جهودك

يعني باختصار قل خيرا او اصمت

ياقولي شكرا او لاتعلقين

جعله الله في ميزاان اعمالك ونفع الله بك

 

[Ṧђę5άţ 7ɭάά]

والله انآ اشوف ان هذي رسوم الغرب فطبيعي بتعبرعنهم وعن حيآتهم ومعتقدآتهم الخآصه

مآدري ليش مكبرين الموآضيع ومسوينهآ حرب ومن تحت لتحت.. شسآلفه!!

الحق موعليهم على اللي يستورد منهم ويعرضهآ عندنآ​

 

[حلاتي ابتسامتي]

أشفيكم كلكم هجمتوا ع البنية يعني ناصحكم ناضحكم يا حبكم للمجاملات

اللي ما تبي تقتنع براحتها شي راجع لها لكن مو أتقوول إشاعات و ما أدري شنوو

كل هالكلام حقيقي 100% و الماسونية وراها ألف سر و مؤامرات هذا و لا شي من أسرارهم

و حركة الإيد اللي يسويها سبونج بوب للي ما يعرف معناها [ تحية للشيطان و الدجال معاً ]

يعني يا حلاتكم يا بنات و أنتوا تشوفون عيالكم يعطون تحية لهم و أنتوا تضحكون

بتقولون عادي و ما يدرون صح ما يدرون أطفال أشعرفهم

بس الماسونين هم ما يبون أحد يدري حتى الكل يقلدهم و يمارس عاداتهم و تنجح خططهم علينا

الحين مسلسلات الكرتون كلها طق و عنف و إيحاءات جنسية

و الدليل على كلامي الحين معظم اليهال بس يطقون بعض بسبب و لا بدون سبب

و أتحصلون يهال على 10 سنين و 9 سنين يسولفون بالجنس

و أنتوا خليكم نايمين بالعسل أحسلكم و قولوا إشاعات

صح كلامج 100 % :eh_s(15):

 

[الغلا كله لبوي]

جزاج الله خير على التنبيه

 

[MisS JOJ]

مششششكوورةة​

 

[pinks]

سبونج بوب ماااحبه ولا قناة نيكولودين قذررررة اغلب الببايات الي فيها محتواها وسخ

والحين mbc 3 وراههم يعلمون اليهال ع الحب والمغازل وعيد الحب وعيد الهالوين

صج اليهال او حتى الكبار مو الكل طبعا مراح يلاحظون الهرم على قولتكم ولا الرموز الي انذكرت

بس مو هاذا الغرض .. الغرض من عرض رموزهم ان يتعود الطفل بعقله الباطن ان يتعود على هالاشياء

وتصير عنده عادي وممكن يتطور الى ممارسات غير طبيعية وخلل بالشخصيه طبعا هاذا كله من علم النفس

الرسالات الضمنية للعقل اللا واعي >>>> جني تفلسفت وايد

المهم يا محفوظات السلامة ماله داعي نحرم على روحنا هالبباي بس نقدر ندور بديل افضل حق عيالنا منها يتسلون ومنها يتعلمون

شحلاتها قتاة سبيستون والله تعليميه ومسلية والياهل الي بتحطينه له بشووفه والي عاجبها البباي ختشوفه ترا مو غصب

 

[*عهد*]

لاحول ولاقوه الا بالله

 

[english muffin]

اوف اوف
لمتى في ناس فاضية تحلل الامور بهالمنطقية ؟
واستغرب ان اكو ناس يصدقون هالخرابيط
يبه كارتوووووووون كارتووووووووووون

 

[Miss Cherry]

عاد ولدي يحب سبونج بوب واشوف اغلب الجهال يحبونه


انا عموما ماحب قناة نيكلوديان ولا احب برامجها وحتى mbc3 بس ولدي يتابع سبونج بوب على نيكلوديان وباجي الوقت احط له على طيور الجنة ولا سبيس تون وقنوات الاطفال الثانية

 

[شوق البرازي]

جزاك الله خير علي التنبيه