أنصحوني أكتشفت بعد ما رجع من السفر أنه ..!

[طبعي نادر!]

انا مع كلام الاخت كسوف وبصراحه شهالسذاجه اللي تقول عادي واللي تقول الصالح ما يقدرون عليه بنات ابليس حبايبي اصحوا وافتحوا عيونكم وعقولكم الوقت اللي احنا فيه مو نفس اول بنات الحرام يتصيدون وعيونهم قويه يلفون عالواحد ليما يطيحونه غصب او طيب وانا رايحه سوريا وشفت بلاوي قدام عيني يدللون على بنات ابليس حتى لو الرجال معاه اهله قداام عيني محد قالي

 

[-مذهلهـ-]

وليش تمنعينه يسافر مع ربعه ؟؟!!!

صراحه في شي غريب ملاحظة ان الزوجه لو الود ودها تمنع حتى الهواء عن زوجها لا يشمه


لو انج معطيته الثقه وواثقه انه رجال نظيف جان ما قص عليج وقال انه رايح علاج واهو رايح يتونس


مو كل رجال سافر مع ربعه يبي الخراب لازم تكونين عارفه الرجل اللي انتي متزوجته اذا كان نسونجي راح يخربط بالديره قبل لا يطلع منها مو محتاج يسافر علشان يخربط

اما الرجال الصالح >> عطيه فرصه انه يرتاح من الروتين اللي اهو عايشه ملل وحر وربعه صالحين ليش تمنعينه يسافر معاهم ؟؟


الله يهداكم ويصلح بالكم


عاقبيه وسافري معاه لو الخفجي وبلا النوم عند الاهل مو زين بحق الريل

انا اتفق معاك بالكلام اللي قلتيه

كبرو عقولكم ترا الرجال محتاج استراحه وهدوء مثل ما انتي تبين ترتاحين
والصالح صالح والخربان خربان
واللي يبي يخربط حتى لو ماسافر يقدر يخربط بالكويت وانتي ماتدرين
والله يهديه لك ويصلح الامور ان شالله

 

[كويتية تهبل]

رد : أنصحوني أكتشفت بعد ما رجع من السفر أنه ..!

اقوولج شو تسوين .. انتي زعلي عليه كم من يوم بس لا تمصخينها .. و خل ايي يراضيج . و قوليله رضوتي انه يسفرج انتي واياه بروحكم روحوا سويسرا .. فرنسا .. و هناك خبليه ... يننيه .. و اذا في مجال بعد تسافرون بروحكم ... خليه يحس ان السفر معاج احلى حتى من السفر مع ربعه.. و بعدها بيتمنى السفر معاج انتي و بس ..

 

[تنـــاســـانــي]

تعالوا هيييييه انتم يالحريم اللي تقول خليه يروح وعادي وماادري ليش
بسالكم ماتخفووووون ؟؟؟
ينفتن ترى بنات الحرام يدورن الخليجييين وتبي تصيده باي طريقه
على فكره زوجي يحلف لي يقول معظم شباب هاذا الوقت كذاااابين اللي يقول بروح
نتمشى باماكن ومطاعم نصاب خلاص ليه ماياخذك معاه وش الفرق يعني ؟؟؟؟؟؟؟؟؟؟؟؟؟
لا ياباب صحيح يتماشون ويتفرجون وتطلع لهم عشر عيووون على البنات
يابابا الشيطان شاطر واحد يشجع الثاني شرايكم خل ندخل هاذا المكان بس نتفرج ماراح نسوي شي
ولما يدخلون يعلقووون شوفوا هاذي المزيونه وهذيك جسمها خطييير والثانيه تبسم وتلصق فيهم
وتقوم وحده تحيييهم عاشوا عيال ال_____
وبعدها صحيح مايسوون شي بس
لما يرجعووون اللله تصدقون تونسنا بالسفره
السنه الجايه فلان شرايك نسافر نتونس
عادي مافي مشكله وهكذا ______________
لحد مايطيح بفخ وحده بنت حرام وبنت ابليس
حتى هناك المطاعم في بنات تصيد الشباب
ويستانسن لاشافوا شباب بروحهم
وفي فنادق لما يدرون شباب خليجييين ساكنين يرسلون بنات تنظف وهي قصدها وسخ
او تبيع بضاعه او اي شي
اهم شي تخلوا معاهم والشيطان شاطر

يعني حتى لو نيته مايبي يسوي شي
صدقني اللي هناك مايتركونهم

وليش ماياخذك وتستانسون انا زوجي يقول احس لما الواحد يطلع مع مرته ويسانس احلى بمليون مره مع جمعة الشباب

واللي تقول خليه ماعندها سالفه

حبيبتي ازعلي وازعلي بس بعقل عرفيه قيمتك ولاتساهلين بهذا الامر عشان رجله ماتعود على هاذي السوالف
ترى مو شرط تخافين من امراض وزنى لا لا لا لا لا لا
هاذي حطيها آخر احتمال
خافي ياعمري عينه تزيغ
ومايشوفك شي
وقلبه يتعلق مع بنات الحرام بكلامهم وجلساتهم ويشتاق على السفر








ياما انهدمت بيوووت حريم من هالسوالف والسبه تهاون بالمساله بالبدايه تقوول خليه عادي حرام يسوي شي
يحلف لي وهكذا من الكلام شي طبيعي مايعترف غبي هو ؟؟؟
ولما تكبر السالفه وخلاص يروح فيها الرجال
تحس وتزعل وهو ماهمه بطقااااق مافرقت معاه متولع مع اللي مايتسمن


آسف على الأطاله

@@

جنه الخراب موجود بس برى ،، و بنات ابليس بس برى ،،

الخراب بالديره و برى الديره و بالديره اسهل بعد ،،

يعني اهيه ما ترضى و كاهو سافر مع ربعه شنو استفادت ؟؟

و ماراح تقدر تمنعه ،، اصلن تحمد ربها لانه جذب ،، بعض الرياييل يقولونها اشكره وتبين ولا ماتبين طقي راسج بالطوفه ،، لا و يروح ولا يسأل و لا يعبر و يرد الديره و لا يسأل ولا يعبر ،،

اشوف الجذبه اهون صراحه ،،

خل يروح يغير جو ،، يعني اذا اهوا راح حق بنات الحرام معناته اهوا مو خايف من ربه يبي يخاف منج ؟؟

ترى ماراح تغييرين شي بزعلتج ،، راح يراضيج و بتردين و لي صارت سفرة ثانيه مع ربعه راح يسافر سواء يقولج او مايقولج ،،

فماله داعي تعصبين و اتعبين نفسج و تطلعين من بيتج بس عاقبيه عقاب ثاني ،، الحين اهوا رد من سفرته و دام قاعد يراضيج استغلي الفرصه و طلبي تسافرين انتي معاه ،، خو هم انتي لج حق عليه ،،

بس اذا بطولين بالزعل و تبين تأدبينه راح تتعبين ع الفاضي ،،

وموفقه ان شاء الله

 

[memories*]

هذا ما جذب الا عارف نفسه غلطان انا أقول خل يسفرج ذيره أحلا من الي سافرها والريال اذا تخسر ذيك الساعه بيحس

 

[الهندية]

الله يهديه لج يا رب

 

[غير كل الناس]

بسيطه ولاتفكرين بالاشياء الشينه واتركي الوسواس ورجعي البيت والله يهديه ويستر عليكم

 

[ام كوشه منكووشه]

رد : أنصحوني أكتشفت بعد ما رجع من السفر أنه ..!

اختي انتي قعدي مع نفسج ورتبي افكارج شوفي شنو اللي مضايقج بالضبط
_ ان راح سوريا مع ربعه واهوا قايل لج مسافر علاج
_شاكه انه خانج لا قدر الله
حبوبه انتي اكثر وحده عارفه شنو ممكن تتحملين وشنو ما تتحملين وعارفه طبع ريلج وشلون تتفاهمين معاه بعدين هذا ريلج ابو عيالج ليش تبين تحرجينه وتصغيرنه جدامج صدقيني ترا هالشي بيعقد الامور اكثر لانه اذا حس بضعفه جدامج راح يدور علي وحده غيرج يحس برجولته معاها ، عاتبه بس بحب الريال مايحب الوحده توجه جنها تربييه او قاعده تمشي كلامها عليه
والله يصلح الامور بينكم وتقبلي مروري

 

[داريني]

يبه خلوووووووووووووهم يسافرون انا استاااانس اذا ساااافر اقوووله مااتشووف شر

انا اهنيه اريح راااسي واهتم لنفسي اكثررر

ردي بيتج احسن

انا معاهااااااااااا
والله انا استانس اذا سافر اخذها راحه واستجمام وعاد اذا بيخربط خل يخربط حق نفسه لا انا اقدر امنعها ولا غيري
و ربي بيفضحه بيوم من الايام مستحيل احد يسلم من الخطأ

وانتي عاد كافي الي عليج هاوشتيه وزعلتي وردي بيتج وقوليله انا ما امنعك تسافر مع ربعك بس مفروض تقولي ما تجذب علي

 

[آهات الليل]

الله يعينج سوريا معروفه بالخرابط وهالسوالف ولاليش يخش عليج بعد عمري الله يعينج ويصبرج قطيعه هالريايل مايغزر بعينهم