أنتي سعوديه ؟؟؟ تدرسين بالكويت ؟؟ حياج

[بنت غازي]

مرحبا للجميع













أنا سعوديه توني متخرجه

نسبتي 88.9

وماني عارفه شسوي وودي بعلوم طبيه مساعده وخايفه والشي الثاني كلية التربيه رياضيات متوسط وثانوي

أنا تسجيلي تاريخ 26_7

وماني عارفه متى أروح السفاره ؟؟؟

وأبي أعرف شنو المفروض أني أسوي قبل التسجيل وبعده ؟؟

وعندي سؤال بعد

السعوديه كم تعطي إعانه للسعوديات اللي يدرسون بالكويت ؟؟؟

ومشكورين

 

[queen pink]

مابي ادخل من دون رد
بس ماعندي فكره
بس غلى مااعتقد في تسجيل بالجامعه لغير كويتيات
بس على الاعانه على مااعتقد للكويتين فقط
وان شاء الله البنات يفيدونج

 

[الحلـــــوة]

ما عندي فكرة
بالتوفيق ان شاء الله وتدشين اللي ببالج

 

[د.ساره]

حلو الطب المساعد
بس أهم شي امتحان القدرات اذا ما امتحنتيه ما تدخلين الكلية
بس إن شاء الله تكونين ممتحنة وإن شاء الله تدخلين الكلية اللي تبينها ^ـــ^
وبالنسبة للإعانة أنا عيال خالتي سعوديين واهي كويتيه وتنزلهم الإعانة بس اذا انتي سعودية من الطرفين ما عندي أي فكرة و الله
بالتوفيق

 

[بنت غازي]

مشكورين على المرور

د. سارع أنا سعوديه من الطرفين

بالنسبه لإمتحان القدرات أمتحنتهم وباقي لي بس الإنجليزي ما نجحت فيه

 

[*جـــودي*]

بنت غازي اتوقع انج لازم تروحين للسفارة الحين علشان احتمال تكونين ابتعاث من السفارة نفسها اذا كنتي مأهله للإبتعاث ..

اما عن سالفة الإعانة ف السفارة السعودية تعطي طلبتها 1000 ريال شهريا بما يقارب 80 كويتي للطلبة العلمي ..

والله يوفقج ان شاء الله ..

 

[RmRom]

الله يوفقج يا بنت غازي والنسبه ما شاء الله حلوه

روحي الملحق الثقافي السعودي .. هو المسؤول عن الطلبة السعوديين في الكويت

لازم هالأيام .. وخذي شهادتج وأوراقج
وبالنسبة للإعانه الكويت ما تعطي السعوديين .. السفارة السعودية هي اللي تعطي

ونصيحة لا وديتي أوراقج كل يوم أتصلي عليهم (المحلق الثقافي) وشوفي شنو صار بأوراقج

وبالتوفيق

 

[بنت غازي]

يعني أروح لهم قبل لا أسجل بالجامعه ؟؟؟

 

[*جـــودي*]

اكيييد علشان التسجيل يكوون بإسمهم لان لهم مقاعد بالجامعة ..

 

[sh3ollah]

حبيبتي اذا امج كويتية تنقبلين بالجامعة عادي من غير حتى ما تراجعين السفارة او الملحق الثقافي
بس اذا انتي تبينها على بعثة هذا شي ثاني
انا سعودية امي كويتية ونسبتي اقل من نسبتج قبلوني بتربية اساسية فوري
والكلية تعطيج اعانة والسفارة بعد تنزلج تقريبا 78 كل شهر
واذا بتقدمين على اعانتهم لما تنقبلين تروحين لهم بالفيحاء يعطونج ورقة فيها طلبات
تييبينهم وبس
جم شعر وينزلون لج الفلوس بحسابج باثر رجعي
وبعدها تنتظم بتاريخ 24 من كل شهر هجري تنزل
وبس
اذا عندج اي سؤال
ولا تبين اي مساعدة حاضرين
عيوني لج
اتمنى اكون فدتج بشي

 

[sh3ollah]

شعر = شهر
لووووووووووووووووووووووول :dddds:

 

[bent.3z.ma.tnhz]

سلام عليكم

انا مو سعودية بس حبيت اساعدج

بالنسبة لتسجيل الجامعة... الجامعة ما تقبل الا الطلبة الكويتيين او اليي عندهم صلة قرابة مثل الام كويتية او شهادتهم الثانوية من الكويت

وممكن تقبل الطلبة الثانيين الغير كويتيين عن طريق المنح والمقاعد المخصصة

فإذا انتي حابة تسجلين بالجامعة خلصي اوراقج وقدميهم من طرف السفارة

وبالنسبة لكلية التربية الأساسية

ممكن انج تسجلين عادي بروحج او من طرف السفارة

تمنياتي لج بالتوفيق

كل اليي ابيه دعواتج ​