أنا يأست خلاص

[MustangyaGurll]

السلام عليكم ورحمة الله وبركاته
يابنات ماخليت خلطة وماخليت تبخرر وماخليت يوم يعدي إلا وأخلي رايلي يسوي دااخل
تعبت والدكتورة اتقول اني لا انا ولا رايلي فينا شي
الإستغفار والبقرة والصلاة مااهدهم
حمللت وبنتي عمرها 7 سنوات الحين
وحملت مرة من 3 سنوات وطرحت وللحين ماصار شي
قلبي بيوقف كل شهر لمنتيني الدورة شاسوي شتنصحوني
أروح أسوي تلقيح
مع انه رايلي مومتشجع حق التلقيح
نصحوني يابنات تعبت والله تعبت نفسيتي​

 

[WaChoCha]

عسى الله يرزقج الذرية الطيبة الصالحة
اذا انتي وريلج سويتو كل التحاليل وما فيكم كل شي ..جربي التلقيح الصناعي
بعدين لا تفكرين وايد ترى كل ما فكرتي بالحمل كل ما تاخر ..خليها على الله سبحانه

 

[وحش سعود]

صلي إستخاره أول وبعدين إخذي نصيحه الدكتوره اهم وتوكلي على الله
الله يرزقج ويرزقنا الذريه الصالحه المعافاه وكل تأخيره فيها خيره إنشالله

 

[MustangyaGurll]

مشكورات بعد اهلي عالمرور والرد ورايكم على راسي

ربي لا تذرني فردا وانت خير الوارثين

 

[Dloool_q8]

الله يرزقج حبيبتي

بس اذا انتي يئستي باجي البنات اللي على 11 سنه وفوق ولا حملوا شيسوون لا تيئسين ما في شي عن ربج بعيد
والله يخليلج بنيتج

 

[$غــ(ز)ــل$]

الله يرزقج ان شااءالله
حبيبتي سوي تلقيح
الانسان لازم يسعى
وانتي سعيتي بس ربي ماكتبلج
هالمره سوي تلقيج وان شااءالله تحملين

 

[foozia_87]

لا تياسين من رحمة الله وقومي صليلج ركعتين حمد وشكر يمكن لا انا متاكده ان ربي معوضج شي ثاني احسن وااايد من الاعيال وغيره صج الوحده بخاطره الضنى والله لوووبيدي جان ما اخلي حمله ورى حمله وانتوا كلكم بعد كل وحده لها احلام واماني للكن ما تياس من رحمة الله وداومي على قراية سوره البقره وبتشوفين خير ربي يرزقنا ولا يحرمنا آمين

 

[mosta7eel]

حبوبة لاتياسين ترا الامل بالله كبير
واحنا كلنا سوينا مثل ماتسوين بس
الله ماكتب بس شنو نقول غير الحمدلله
على كل حال والحمدلله ان الله اختارنا
علشان يختبرنا هذا دليل على ان يحبنا

 

[نيبال الايمان]

ياعمرى اول شى يا عسى الله يرزقج ويفرح قلبج ويقر عينج بشوفة ضناج واخو لبنتج بحضنج عاجلا غير اجلا اللهم امين يارب


ياعمرى الياس هو اكبر مرض 000 فلا تياسين وتقولين انا سويت وسويت ليش ما حملت للحين 000

بصراحه وبدون زعل ليش هذى هى اللى مخربة عليج وماخرة حمالج دام انج تقرين البقرة وتصلين وتدعين صدقينى بتحملين بس لا تقولين ليش قولى الحمد لله وان ما صارت هالمرة بتصير المرة الجاية 000

والله يرزقج ان شاء الله عاجلا غير اجلا باللى يقر عينج ويفرح قلبج اللهم امين يارب اللهم مين يارب اللهم امين يار

ويا عسى الله يرزقنى ويرزق كل محروم ومحرومه منهم اللهم امين يارب

 

[توتة البسكوتة]

الله يرزقج حبيبتي ولا تقنطين من رحمة ربج وتيأسين وانتو سويتو اللي عليكم ..عليج بالدعاء وربي ان شالله ماراح يخيب تعبج وربي يرزقج بالضنا ويرزق كل محروومه يارب

 

[om-s3ood]

الله يرزقج ويرزقناااا وخلي ايماااانج قوي بالله سبحااانه

 

[البيداء_77]

لا تقنطين من رحمت الله واذا هذا نصيبج يعني بتنتحرين؟؟

الله يهديج ويرزقج دون ضراء مضره ولا فتنة مضلة

 

[كويتيه مذهله 87]

تعوذي من ابليس ولا تيأسين من رحمه ربج

اذا ربج كاتبلج ذريه بتحملين

حبيبتي متى اخرمره سويتي تحاليل تري شي بسيط يأثر

سوي تلقيح يمكن يكتبلج الحمال بالتلقيح

 

[الفرفورةرفرف]

لا حول ولا قوة الا بالله
لا تيئسين من رحمة ربج\
ما تدرين الله شنو كاتب لج من بعد هالانتظار
الله كريم بالدعاء انشالله ربي بيرزقج ما تتمنين

 

[كويتية ورديه]

لالالا حبيبتي تعوذي من ابليس وقولي الحمدلله .. ان شاءالله الله راح يرزقج بس لاتفكرين جذي الله يهديج

 

[نكهةالبرتقال]

( يا ايها الذين آمنوا استعينوا بالصبر و الصلاة إن الله مع الصابرين)

الله معاك ما دمتي تصبرين

(إنه لا ييأس من روح الله إلا القوم الكافرون)


( و من يتق الله يجعل له مخرجا و يرزقه من حيث لا يحتسب )


قال رسول الله صلى الله عليه و سلم : " من كان في حاجة أخيه ، كان الله في حاجته "

 

[هيااا]

الله يرزقج ويرزق كل محتاجه

 

[ام طلال]

حبيبتي لا تيأسين من رحمة الله والله سبحانه لذا اراد شيئا فإنما يقول له كن فيكون بس مو معنى هذا انج تحطين ايدج على خدج وتستسلمين لا ياحياتي اسعي للحمل سوي تحاليل وان شاء الله مافيج الا العافيه واذا لاسمح الله طلع فيه مشكله فالطب تطور وتقدم ولاتنسين الدعاء (رب لاتذرني فردا وانت خير الوارثين)وان شاء الله نسمع عنج الاخبار الطيبه

 

[MustangyaGurll]

ياعمري انتو:eh_s(7):
والله انه معنوياتي ارتفعت وحسيت جنه عندي اربع اولاد:klhfl: :ioljnmlk:من ردوكم الي تشرح السدر
الله يخليكم ويحفظكم من كل شر وأذى أأمين ياررب
وانا ان شاء الله راح اتوكل على رب العالمين واسوي لي تلقيح
والله يكتب لي فيها الخير ان شاء الله

"رب لا تذرني فردا وانت خير الوارثين":edbf4317b9:

 

[بيوتي]

حبيبتي داام مافيكم شـئ .. الجئـي للتلقيح ... ان شاء الله يفيـد .. ويااكم ..


ولاتيأسي ولاتقطنـي من رحمـة الله ... >>> هذا يعتبـر من ضعـف الايمـان ..