أنا و زوجي !! ... فضفضة

[bal8es]

الله يثبتج ويهديلج ياه
ماتضيق الى تفرج فترة وتعدي مرده لبيته وعياله

 

[سلسبيل الجنه]

ادعي هذا الدعاء (اللهم اجعل بين زوجي وبين اصدقاء السوء سدا وبحرا ممتدا وليلا اسود وجنودا لاتعد)

 

[سناء]

الله يعينك ياغالية

 

[ورده الكرستال]

الله يسخره لج


حبوبه اذا طلع زوجج من البيت ادعي ها الدعاء(استودعتك بالله الذي لاتضيع ودائعه)

وادعي حق رفيج ريلج(الهم اكفني هم بماشئت وارجع كيدهم في نحورهم)

 

[قــل مـا تـشـاء]

الله يهدي زوجج ويوفقكم ويخليكم لبعض ,,

 

[*شوقي معنيني*]

شلون قاعده مع
شخص يذلج
مااقولج تطلقي
حشا بس عندج اهل
يدافعون عن حقج
الله يوفقكم

 

[((shoOoshoOo))]

الله يصلح حاله يارب

 

[عاشقة هواك]

الله يعينج

 

[يا كويتنا]

شوفي مالج الا الصبر والدعاااااااااااااااااااااااااااااااااء

والاستغفار وعسا الله يرده لج ويفكه من ربع السووووء

 

[اسيرة شجونك]

الله يهديه ادعيله
وغير كذا اهتمي بنفسك وعيالك وطنشيه

 

[عيش و مرق]

مصخره شكو ينام عند رفيجه بلبيت وع شسالفه لايكون فى شي بينهم

عموما ماكو حل يا طلاق ياصبر

وانتى شكلج صابره على مارده بمل من كل هسوالف ويرد لج بس عاد متى مايندرى الله الهادى

 

[الوردة المكنونة]

والله اختي شقولج ترا اغلب الرياييل صايرين جذي هياته بالدواوين والقهاوي وما يدرون عن بيتهم وعيالهم
والمشكله انهم ما يحترمون احد ولا يسمعون كلام احد يعني لو تشكين عند ابوه ما يرد ابوه مالج الا الصبر وحقريه لا تركضين وراه وتترجين فيه بزيد ما ينقص

 

[dectora 7elwa]

يا رب افرج هم اختي q8lady و اهدي زوجه و رده لها رداً جميلا ​

والله احسن رد
جزاج الله خير
اللهم امين

 

[Q8Lady]

مشكوورين على ردودكم الطيبة ....

انا متزوجة صارلي 5 سنين متزوجة وعندي طفلين وزوجي عمره 25 سنة مو صغير يعني


زوجي كان يحبني و يموووووووووت فيني وصج كان عنده سوالف بس كان يتحسف ويراضيني ويبطل وبعد فترة يرد !!!

كان شاريني مو الحين بايعني

اهوا مشكلته بربعه ال ...........

يسحبونه صوبهم ويقصون عليه ويسمع كلامهم ويقلدهم

وصج انا متأكدة 100 % انه ينام في بيت رفيجه ورفيجه من الناس اللي ماعندهم غارية عادي عندهم الظاهر

لان بفترة تهاوش معاه وبطل من النوم برا !!!!!!!!!!!!!

حسبي الله ونعم الوكيل فيهم

انا مالي اهل يوقفون معاي ولا جان هديته ووريته شغل الله عدل

الظروف صعبة ...

دعواتكم

 

[eman84]

الله يعيييينج

 

[جوانا2010]

الله يعينك ويصبرك
يارب يهديه ويسخره لك

 

[تبطي عظم!]

الله يهدي ويسخره لج ~

 

[Lemon Juice]

بعد قلبي ميخالف صبري

من بداية زواجكم كان جذي؟ اذا ما كان فيه شي وفجأه تغير أو تدريجياً يمكن في مشكلة انتي أبخص بحياتكم

ادعي له بالهداية لا تيأسين ، و دام انه مو مهتم لا تخلين هالشغلة تأثر عليج عارفة مو بايدج وهذا زواج حياة مشتركة بين زوجين تعينون بعض بس هذا اختبار من رب العالمين صبري وتحملي وشوفي الايجابيات وكلميه باللين لا تفقدين الامل ..

الله سبحانه يبدل من حال إلى حال

 

[*ريما*]

الله يهدية

 

[♥ SWeeRa ♥]

الله يسخره لج ان شاء الله