أنا وزوج إختي !

[غَنْد]

شاكره لكل من ردت بنصحيه وبدعوات
وهو ذا الحل .. الله
اتمنى من كل يقرا موضوعي يدعي لنا بالفرج ويصلح حاله لها ويسخره او يغنيها عنه ويعزها بعزه سبحانه

 

[يستفزني غلاك]

الله يعينج

 

[ReD&FoSHia]

بالنسبة لاختج بالعكس خليها زعلانة ولا تكلمه ولا اتحاجيه ولا اتسويله لقمة
دني النفس هذا اللي مايشبع لهط بفلوسها لا يعد ريال
بالنسبة لخطبتج لاتخلين له منة عليكم .. لو اتخلين جاركم ولي امرج ولا اهو ولي امرج
سحبي اخوانج لو ان شاء الله بامريكا وبلغيهم بالخطبة .. ولا عمانج ولا خوالج ولا عيال عمانج ولا حتى جيرانكم

 

[يستفزني غلاك]

الله يعينج

 

[كليـ دلعـ]

شكرا غند ع الرساله الخاصه وراح ارد عليج بالخاص ان شالله

واسال الله انه يفرج لج ولاخيتج وينصركم علي الظالم الللعين


الله يهدي سركم ويريح بالكم ويعدلها لكم

انتو وجميع بنات المسلمين

 

[Patcholli]

اهو شكو بخطبتج وشكو يعطي رايه ويكلم الناس
مو تقولين عندج اخوان ؟؟ هاذا دورهم مو دور زوج اختج ؟ حتى لو كنتي ساكنه وياهم
الخطبه عن طريق اهلج مو عن طريقه اهو

 

[Patcholli]

وانا اشوف مدام اختج الله منعم عليها بالبرود والصبر لاتخرب بيتها على كبر عقب كل الي سوته عشان تكبر بيتها وعيالها
اذا اهي راضيه انتي لاتحطين هالافكار براسها
وانتي شفتي اشلون كان تصرفها غلط اخر مره
بدال لاتغير تعاملها معاه قامت وقلبت السالفه على روحها وتهاوشت
اختي شخصيتها ضعيفه وتحتاج تستشير دكتوره متخصصه بالعلاقات الزوجيه لان بتفهمها عدل اشلون تتعامل مع ريلها
انتي ماراح تفهم منج عدل

 

[ام القمرات]

شوفي حبيبتي انا من رايي ان الرجل متفضل عليك وله جميله عليك وترى موكل واحد يقبل اخت زوجته عنده هذا من كرمه وبهالفضل اصبح يحق له انه يكون بمركز الولي لك للخطبه ,الامرالاخر عزيزتي اختك طول هالسنين ساكته ومتمتعه بحياتها من اكبر الخطا انك تفتحين جروحها خاصه وانت بتبنين بيت جديد لنفسك مع هالخطيب او غيره وتبقى هي اللي بوجه المدفع على قولتهم ,مدام اختك صابره ماكان لازم تحارشيها واذا شكتلك المفروض تصبريها وتهوني الامر عندها وتحاولي انك تجعلي لها شي عندك مثل مبلغ بسيط في البنك لو 500ريال كل شهر لكن يكون سري اذا الله قدلر عليها شي ولو بعد سنين تقدرين تساعديها وتردين صنيعها معك هذه اختك وحرقتك عليها خليها ايجابيه مو بسلبيه اعتذر ان كان كلامي ما عجب البعض بس هذا راح يكون تصرفي لو كانت اختي والله يفرج همكم

 

[سميتكـ _ غلاي]

الله يفرج همها
ويسهل امركـ
اكثروا من الاستغفار والدعاء والصدقه

 

[Combat]

والله ياختي تركيبة اختج وزوجها صعب احد يفهمها ووايد نفس هالنمط المره تصرف على ريلها ومتعايشة مع وضعها
مهما اشتكت وزعلت يوم يومين تلقينها ترد وتحن له وتقط الفلوس تحت ريوله
فصعب تغيرينها تركيبه تدري ان وضعها غلط بس راضيه فيه
حتى لو تزوجت واحد غيره هم بتقط الفلوس عنده وتعوده عليها
انا اعتقد انهم يفكرون انهم يكسبون الريال بهالطريقة او يسكتون غضبه او يرضونه
فنصيحة اختج لو حاسة ان وضعها غلط او مو قادره تستمر جان من زمان تمردت على حياتها بس اهي شايفه انه ظل راجل ولاظل حيطة

 

[مــســك]

لاحول ولا قوة الا بالله ..

طيب ماتقدرين تخلين اخوج يجي ويشووف الي خآطبج ؟؟

طيب ليش ما سكنتي مع اخوانج مو احسن ..؟

طيب عيال اختج كبار ما يقدرون يكلمون ابوهم .؟

الله يعين مادري شقول غير الله يفرج همكم يارب ويسر امركم ..

 

[Mjnont '3lay]

خل يولي بالعنته !!
مالت عليه رخمه
ووووووووووووووع لو انا يوم واحد ما اقعد عنده اللي خلقها ماينساها لا تخاف مرح تموت لا شرت راحتها وكرامتها وباعت هالقذر وتطلقت منه
وانتي اخوانج من تحت الارض طلعيهم خليهم يملجونج وبعدها يتوكلون على الله مايشوفون شر او لو عمامج او خوالج حتىى لو العلاقه بينكم مو قويه ميخالف بس هم وصيين عليج بعد ماناقص الا هالعفن يصير وصي عليج وعووه
ياعيشتن قشره عشنا وشفنا والله العظيم ؟؟؟
الله يعينج

 

[M!Ss.Dudi]

الله يعينك ويعين اختك ويفرج همها .. بصراحه بعد ذا العمر مااتقدري تغيري شي بس ياليت دايماً تحسسي عيالها بالتعب الي تعبته امهم و المعاناه الي تعانيها و هي مو مجبوره .. عشان يعوضوها ان شاء الله

وبخصوص الخطبه معليش خلي اختك تزن عليه لين يوافق .. اصلاً حتى لو اخوانك موجودين في البلد ماتقدري تهمشي دوره بعد ماعشتي عنده كل هذي الفتره .. الله يكتب لك الي فيه خير