أنا وزوجي والبحرين

[e7sas ontha]

رد : أنا وزوجي والبحرين

الله يهديه
اختي الثقه مطلوبه بين الزوجين
والرياييل بطبعهم يحبون الحريه

بس دايما ادعي ربج ان يبعد عنه اصحاب السوء وعيال الحرام اللي ماوراهم غير الوناسه و خراب البيوت
ودايما استودعيه ربج

وان شاءالله خير

 

[$حبيبة عبودي$]

الله يعينج

 

[وآحشنــي زمآنـك]

رد : أنا وزوجي والبحرين

الله يعينــج ويهديــج ..



بس على فكــره يقدر مــاا يقولج ..


ويتعذر أنه كــآن بإسترآحــه مــع ربعه ..


قوليله رووح وترآني وآثقــه فيك وإذا طلعت مو قد الثقــه الله لاا يسآمحــك ..

 

[ورد]

ليش القرية المائية ما تفتح الا الصبح ؟
وانتي بنفسك قلتيها بينا جسر حتى ساعة ما ياخذ
يعني خليه يترك الاستهبال وينام في بيته ومن اصبح افلح

 

[a7la jwre]

رد : أنا وزوجي والبحرين

يآعمري الله يعينك ..

انا متري شدخلني هنآآ .. قسم كرهت الزواج من كثرر المششاكل

عموما الي قبلي ماقصروو واذا راح بالغصب استودعيه الله ..

 

[Tom ♥ Jerry]

.


آذا متأكده مليون بالآميه آنه يحبج و واثقه فيه و بأخلاقه
خليه يروح حيآتي .. مو حلو آلمره كلا تلزق بريلها
خليه يوم يومين عشان تشتاقين له (=

 

[كرزة ضايعه]

ليش تعذبين روحج بهالسوالف بالعكس بيني له انج واثقه فيه وخليه يروح مع ربعه يغير جو وانتي بعد ريحي وسوي ستايل يديد وفاجئيه بس ابد لا تظغطين عليه ودوووم تزعلين جذي بتبينين له الشي الي موب زين حتى لو اهوا موب حاطه في باله

 

[شنكولة]

الله يستر البحرين ينخاف منها فساد حيل

 

[يارب يطيب عبود]

رد : أنا وزوجي والبحرين

مرحبا
أشكر كل من رد علي وأفادني بحل أو دعوه
وأعتذر أني ما رديت عليكم لأنو صارت ضروف ما قدرت
أدخل المنتدى

واللي قالوا سوى نفسك خايفه أهو متطمن من هالناحية لأني ساكنة مع هله
أو أكون عند هلي
وبالنسبه للثقة أنا واثقه فيه مرااااا
ومشكلتي مو في البحرين ولا في السعودية
المشكلة أني ما بيه يتعود يبات برا البيت وبس

 

[مشتاقه لك يبا]

رد : أنا وزوجي والبحرين

الرجال لاحط شي في باله ما يمنعه اي عذر الله يهديييييه بس ويجمعكم على خيير

 

[عادي من قلبي أشيلك]

الله يعييينج كل رجال يختلف عن الثاني وكل شي جايز

نصيحه لاتسوين شي الا لمن تفكرين فيه وعارفه شنو راح يصير عقبه عشاان ماتخربين ع عمرج او تحسفين

 

[om-7many]

رد : أنا وزوجي والبحرين

الله يهدية لج

 

[نبض انثى]

يعني لو ما راح البحرين
وربعه ياين من الرياض وبيبات معاهم مثلا فالخبر
ولا في فندق كنوع من التغيير
بتتضايقين يعني ؟
ولا عادي لانهم بيتم فالسعوديه

انا بقول لج شغله
الريال اذا ما شي سيده محد يخربه
واذا تقصدين ان البحرين فيها خراب كل ديره فيها مقبره

يعني اهم شي الثقة
واذا حاسه انه يغلط بشي فهذا موضوع ثاني


الله يسخر لج اياه

معآآآآآآآآآآآآآآآآآهـــآ ,, :eh_s(6):

الله يهدييه ويسخره لج فدييتج

موفقه :eh_s(6):

 

[مواصله]

رد : أنا وزوجي والبحرين

لو انك واثقه بزوجك وربعه عاقليين خليه يروح عليه بالعافيه

واذا مو واثقه او ربعه لك عليهم لا والله لاتخلينه يروح

انا توني رايحه من يومين ومع زوجي وكنا نتعشى في يم يم بأرض المعارض الا يدخلون ثنتين لابسين شفاف بدون اي شيئ تحت وقاعدين يستعرضون

قمنا طلعنا وعلى باب الفندق اللي جنب المطعم واقفه رقاصه لابسه ملابس رقص

كش شعر جسمي من هالمناظر

 

[one two 3]

كسري البنيه الاقتصاديه علشان يتعدل

ضيعي محفظته الي فيها فلوسه وبطاقاته البنكيه خليه ينقرص في الروحات والجيات لتبديل البطاقات
اشغليه هو الظاهر عنده فلوس+ فراغ = انتي حطميه بالعزايم

اعزمي اهل على مفلطحات وعشيات وهدايا يعني على كثر ما تفلسينه يتعدل


الفراغ اعزمي اهله اصحابه طرشيه بمشاويير راح جاي

وااااااااااااااااااااااااااااااااااااااااااي يا انتي قويه قويه قويه
وصاجه الرياييل يبيلهم جذيه

:fun::fun::fun:

بس خوفج لي مللل وزهق واحقرجج اهنييه شالحل :eh_s(13):​

 

[حبيبه بدر]

تدرين لو شنو تسوين مدامه متفق معاهم ماراح يغير كلامه لانه تدرين الريايل ايه يخاف من مرته ....مايفهمون انه يمكن يخاف على مرته

بس انتي اذا رد خرعيه قوليله طفت الكهرباء وماعرفت شنو اسوي

لا تخليني مره ثانيه

تدرين والله مدري بس كل مره اكيد تعرف نقطه ضعف بريله تيه منها

وانتي شوفي وينها ومسكيه من ايده اللي تعوره

 

[حبيبه بدر]

كسري البنيه الاقتصاديه علشان يتعدل

ضيعي محفظته الي فيها فلوسه وبطاقاته البنكيه خليه ينقرص في الروحات والجيات لتبديل البطاقات
اشغليه هو الظاهر عنده فلوس+ فراغ = انتي حطميه بالعزايم

اعزمي اهل على مفلطحات وعشيات وهدايا يعني على كثر ما تفلسينه يتعدل


الفراغ اعزمي اهله اصحابه طرشيه بمشاويير راح جاي

تدرين اعرف وحده ريلها جذي بيسافر
بيروح وهو ماعنده شي مهم بس تدرين اذا قالو له الربع امش ولا تخاف من المدام يلزم يروح


المهم اختنا بالله اخذت جوازه وحطته تعرفين الدرج من تحت الويه اللي يكون على الدرج اللي تحته الزقت الجواز فيه(مدري اذا فهمتو شنو اقصد ) والريال مل وهو يدور الجواز ما خله درج الى انفضه ولا خله كبت ومالقاه لين مل وراحو ربعه

وقام قال اللي يلقى الجواز له 50 دينار رحت طلعته وحطته بالدرج وقامت تدور جدامه وسوت روحها لقته واخذت الخمسين واهو ماراح .........كيدهن عظيم :ceaf32e183:

 

[يارب يطيب عبود]

رد : أنا وزوجي والبحرين

أشكر كل وحدة ردت على موضوعي

واللي تقول لا تخلينه يروح تقول طريقة شلون أقدر أمنعه
لأني لو قلت له لاتروح بيحس أني مو واثقه فيه أبي طريقة ثانيه
وأصلا لو قلت له لا تروح ماراح يسمع كلامي

 

[موني^حبيبي]

رد : أنا وزوجي والبحرين

الله يهديه

 

[كويتيه أقوى شي]

رد : أنا وزوجي والبحرين




لازم اتفهمينه انه التاخير عن البيت والنوم بره البيت من المحضورات عندج



وانج واثقه فيه وكيفه لو بيروح البحرين ويستانس مع ربعه وباي اي وقت يبي


بس ما يتاخر ولا ينام بره البيت


ولازم يكون رايج صارم بهالموضوع