أنا وأهل زوجي تكفون أشيرو علي

[غيوم11]

أهلين بنات بغيت مشورتكم أنا ساكنه في جناح جنب أهل زوجي ولي مطبخ خاص ولي باب للشارع على طول زهذا موبيتي الرسمي بس في الأجازات بس من يوم سكنت عندهم زوجي تغير كثير حتى الغد ا يتغدا عندهم هو بنتي لازم ياخذها والقهوه الرسميه عندهم بعد صحيح أني مرتاحه بس هم من النوع أللي يعلقون وحتى الغساله ماجابها وقالي أنا أغسل ملابسي عند أهلي وأنتي عند أهلك وأنا قلتله اليوم يجيب غساله نغسل ملابسنا حتى مايتفضلون علينا بشي ولا يقولون أنها ما تنفع بشي وتصدقون لمن أروح لهم مع أني ما أجلس ألأ نص ساعه أوساعه باالكثير رغم هذا بس ساكتين يمكن شافوني ما أتكلم بس لي حق زمان لمن كنت عادتهم أهلي بس أسولف وكل شي أكولهم يقولون مايجلس ببطني شي وأنه على نياتي الحين بس اسلم ووشلونكم وأيش أخباركم وبس عشان أوريهم أني ماني خبله يمكن عشان كذا ساكتين بس شي ممل وطول ماني جالسه بس يتكلمون مع بعض أو وأنا جالسه يدخلون جوا البيت ويتركوني ويجلسون عشر دقايق مثلا ويجون وهكذا بين فتره والثانيه بس والله أني طيبه ولا أشيل بقلبي عليهم شي ودايمن أروح وأبتسم ولا أطنشهم ووالله ما أبي علا قتي فيهم كذا بس هم يجبروني على أني أكون رسميه حتى لمن يدخلون المطبخ أحاول أساعدهم ولو قلت لهم عندكم شي أسو يه دايمن لا الله يعافيك ماعندنا شي خلصنا والحين كنت حاطه في بالي أول ما يجي رمضان أسوي كذا شي وأخذه معاي لمن نفطر معاهم أنا وزوجي بس اليوم يوم قلت لزوجي قال لي أنه خواته أقترحو أنه كلهم يسوون قطيه عشان يفطرون دايمن مع بعض هو أخوانه وحريمهم وقلت أبي مقاضي عشان رمضان قال تبين تفطرين لحالك أفطري بس أنا بفطر عند أهلي دبروني وش رايكم أروح أفطر معاهم من غير ما أسوي شي أو أروح وأخذ معاي كم شي للفطور أبي الشي اللي يخليني بعيون أهله لي قدر وقيمه وبودي علاقتي فيهم تتعدل لأن ما أبي أحد يكرهني والحين لي خمس أيام مارحت لهم اوسته بس كل ماأقول بروح أشيل هم وأبطل أروح لهم أبي أكسبهم تكفون والله لأدعيله بهاالشهر الفضيل وباالحرم لمن أروح أن شاء الله أول رمضان تكفووووووووووووووووووووووووووووووووووووووووووووووووووون الفزعه ماني لاقيه أحد أستشيره وقلت خواتي بنات المنتدى ماراح يقصرون وراح يساعدون أختهم وتراي أول مره أكتب وتوني مسجله بس متابعه لكم من زمان وشفت تعاونكم مع بعض وقلت لا زم أكتب مشكلتي وخواتي ماراح يقصرون وسلا متكم 00000000000000000000000000

 

[kuwaitya_zoGaa]

حبيبتى ...
سوى اللى يقول عليه زوجج ... وتبين نصيحتى ... روحي تفطري معاهم ولا تطلعين بالشينه جدام زوجج
وسوى معاج جم طبق ووديه معاج ... وبينى لزوجج انج مستانسه ولا تتشكين منهم .
واللى يكلمج كلميه ... ومالا داعى الكلام الزايد ...
وهذوله اهل زوجج يعنى اهل عيالج ... وخالتج ام زوجج حطيها على راسج من فوق .
ولا ادققين على توافه الامور .. واهمه اذا تصرفو على راحتهم لانهم عادينج وحده من اهل البيت

 

[الزين والحلا]

هلا أختي غيووم ،،أنا بعد توني أسجل بس متابعة من زمان للمنتدى الرائع ،،

حبيت أقول راي بكل صراااحة ،،بما أنه شهر رمضان هل علينا وهلت معاه البركة والخير فخليها فرصة لج وصلحي أي

فكرة كانت غلط سواء بالنسبة لج والاعند أهل زوجج ..حاولي تتقربين منهم وتروحين جم يوم تتفطرين عندهم ،

وطبعا تدخلين عليهم بالأصناف الحلوة ،حتى لو تحسين هالشئ ثقيل عليج ،ميخالف هم لهم حق عليج وخصوصا

والدته حاولي تكسبينها ،،اعتبريها كأنها أمك ،،صدقيني راح ترتاحين نفسيا وقبل كل شئ فكري بالأجر ،،

أنا مثلج حاولت أكسب أم زوجي في البداية صج تعبت بس بعدييين الحين أنا أعز وحده عندهاا،،

خذيها نصيحة لا تقعدين تحاتين فلانة وعلانه شيقولون عني والا شلون بقابلوني ،،احتسبيييييييييييييالأجر لله ،،

مع خاااااص حي لك ،،وكل عام وأنت بخير،،

 

[معلمة روضه]

عزيزتي

الاغلبيه نفس حالتك لأنك مهما كان لسه غريبه عنهم وطبعك مو مثل طبعهم

والرسول صلي الله عليه قال-: "المُؤْمِنُ الذي يُخَالطُ النَّاسَ وَيَصْبِرُ على أذاهم, أعظم أَجَرًا مِن المُؤْمِنِ الذِّي لا يُخالط النَّاسَ ولا يصبر على أذاهم"

فنصيحتي لج مخالطتهم ....والاحتفاظ بالابتسامه على وجهك ومهاداتهم فدخولك لمنزلهم ومعاك طبق حلو او مالح امر بسيط واحذري من التممن عليهم لأنهم مهما كان راح يقولون هذا من خير ولدنا وراح يعتبروه واجب عليه
واكيد ان الصمت من ذهب فا اللي يكلمك كلمه وحاولي انك تمزحي معاه

واهم شي السؤال عن الاحوال (اشلونكم شخبارك؟ والله اشتقت لك وتسلم ايدك يا فلانه عالطبق الحلو وانعم الله عليكم وسفره دايمه) يعني كلمات طيبه ولها تأثير طيب فخلى لسانك دايم طيب معهم

 

[قَلبيْ صُويبكْ !]

اختي العزيزه لابد من النيه الخالصه لوجه الله لما تتقربين لأهل زوجك اي تريدين مرضاة الله ثم رضاهم ,فالأحسن انك تتفطرين معاهم وماخذه معاك طبق او طبقين من الأكل وبهذا ترتاحين نفسيا ويرتاح زوجك وتكبرين بعينه ايضا والله يبارك لك فيما تقومين به ويساعدك.