ماادري هل عندي مشكلة أو ماعندي سالفة
بقولكم و عطوني رايكم
أنا تقدملي واحد الحمدلله وسيم و جسمه حلو و وايد محترم و عنده فلوس إلخ ...
يعني فيه كل الصفات الي أي بنت تتمناها
و من أول يوم خطوبة و بصراحة تعلقت فيه و حبيته , شخصياتنا اندمجت مع بعض بسرعة , و لما نطلع مع بعض على طول نسولف و نضحك
بإختصار مرتاحة و حاسة إني محظوظة لأن الله ربطني فيه
الحين صارلي 4 أشهر متزوجة
ريلي ماشاءلله عليه من عمره 18 و هو يخش فلوسه بالبنك , بدون مبالغة 90% من معاشه دايم يخشه
و الحين هو عمره 27
و ماشاءلله معاشه قوي وايد , يشتغل مهندس بالـknpc
فالمبلغ الي عنده بالبنك الحين ماشاءالله ماشاءلله , و الله خايفة أعطيه عين , وايد كبير
يمكن تقولون وين مشكلتج
مشكلتي كتبتها فوق يدامكم و هي أن زوجي يخش 90% من معاشه كل شهر , هذا غير أن فلوسه الي بالبنك ما يجيسهم خير شر
أنا موظفة و الحمدلله و زوجي يعطيني 200 دينار كل شهر
اهو مو بخيل , بس هو دايم يقولي هالفلوس انا خاشهم حق عيالنا , أبي أعيشهم عيشة ملوك
زين و أنا ؟؟؟ ما أستاهل يعني أن أعيش كملكة
زوجي متعقد من عيشته , لأن أمه و أبوه كان دخلهم جدا عادي فما كانو يقدرون إييبوله اي شي يبيه , فهالشغلة وايد أثرت عليه , الحين مايبي عياله يعيشون الي عاشه
يبي اييبلهم حتى لبن العصفورة على قولتهم
بس ليش تحرمني و تحرم نفسك و الله معطيك كل هالخير نقدر نونس نفسنا و عيالنا و عيال عيالنا بعد
طبعا أنا ما أطلب منه زيادة , أخاف يزعل علي
كلمت أمي قالت ماعندج سالفة , حمدي ربج على الي أنتي فيه
أنا خايفه باجر اذا يبت العيال بينساني مرة وحدة
شرايكم أكلمه يمكن اذا حنيت يغير من طبعه , و لا أسكت ؟؟؟؟
بقولكم و عطوني رايكم
أنا تقدملي واحد الحمدلله وسيم و جسمه حلو و وايد محترم و عنده فلوس إلخ ...
يعني فيه كل الصفات الي أي بنت تتمناها
و من أول يوم خطوبة و بصراحة تعلقت فيه و حبيته , شخصياتنا اندمجت مع بعض بسرعة , و لما نطلع مع بعض على طول نسولف و نضحك
بإختصار مرتاحة و حاسة إني محظوظة لأن الله ربطني فيه
الحين صارلي 4 أشهر متزوجة
ريلي ماشاءلله عليه من عمره 18 و هو يخش فلوسه بالبنك , بدون مبالغة 90% من معاشه دايم يخشه
و الحين هو عمره 27
و ماشاءلله معاشه قوي وايد , يشتغل مهندس بالـknpc
فالمبلغ الي عنده بالبنك الحين ماشاءالله ماشاءلله , و الله خايفة أعطيه عين , وايد كبير
يمكن تقولون وين مشكلتج
مشكلتي كتبتها فوق يدامكم و هي أن زوجي يخش 90% من معاشه كل شهر , هذا غير أن فلوسه الي بالبنك ما يجيسهم خير شر
أنا موظفة و الحمدلله و زوجي يعطيني 200 دينار كل شهر
اهو مو بخيل , بس هو دايم يقولي هالفلوس انا خاشهم حق عيالنا , أبي أعيشهم عيشة ملوك
زين و أنا ؟؟؟ ما أستاهل يعني أن أعيش كملكة
زوجي متعقد من عيشته , لأن أمه و أبوه كان دخلهم جدا عادي فما كانو يقدرون إييبوله اي شي يبيه , فهالشغلة وايد أثرت عليه , الحين مايبي عياله يعيشون الي عاشه
يبي اييبلهم حتى لبن العصفورة على قولتهم
بس ليش تحرمني و تحرم نفسك و الله معطيك كل هالخير نقدر نونس نفسنا و عيالنا و عيال عيالنا بعد
طبعا أنا ما أطلب منه زيادة , أخاف يزعل علي
كلمت أمي قالت ماعندج سالفة , حمدي ربج على الي أنتي فيه
أنا خايفه باجر اذا يبت العيال بينساني مرة وحدة
شرايكم أكلمه يمكن اذا حنيت يغير من طبعه , و لا أسكت ؟؟؟؟
