أنا أشوف أنه أهم موضوع وأنتي شنو تشوفين !!

[البرنسيسة غلا]

بسم الله الرحمن الرحيم​

شلونكم يَ أحلى عرايس !​

أول شي :
عسى ربي يوفقكم و يسعدكم و يهنيكم بـ حياتكم الجديده​

موضوعي بيكون أهم موضوع
خلونا شوي عن سالفة التجهيزات و العنايه و عن أي شي يتعلق فيج يَ عروسه ..​

بـ تكلم معاكم عن علاقتنا بـ الله سبحانه قبل الزواج و بعد الزواج​

يا عروساتنا عشان ربي يوفقكم بـ كل شي لازم تكونون قريبين من الله سبحانه​

أول شي :
1) الصلاة
صلاتكم لازم تكون بـ وقتها شكثر بنات يتهاونون بـ الصلاة و هذا أكبر غلط
2) الاستغفار
يا بنات و الله أن الاستغفار شي عظييييييم
تبين التوفيق عليج بالاستغفار
تبين تتيسر أمورج عليج بالاستغفار
تبين تنحل مشكلتج عليج بالاستغفار
تبين علاقتج مع زوجج تكون بأحلى صوره عليج بالاستغفار
تبين علاقتج مع أهل زوجج تكون حلوه و يرتاحون منج عليج بالاستغفار
تبين .. تبين .. تبين .. تبين علييييييييج بالاستغفار​

عودي لسانج على الاستغفار بـ أي وقت و صدقوني بترتاحون و كل الامور الصعبه و المعقده و اللي مستحيل تنحل راح تنحل بـ إذن الله​

3) الصدقه
أنتوا ألحين بـ فترة تجهيز و أكيد من سوق لـ سوق و من مشغل لـ مشغل و من مصمم لـ مصمم ..
أخذي مبلغ و خليه صدقه لـ وجه الله بـ نية التوفيق أو أي شي في بالج
و كل ما رحتي لـ مكان و شفتي قدامج محتاج عطيه من هـ المبلغ​

والله بـ تلاحظين أن الله يبارك لج في أموالج و بـ تشوفين إنج خلصتي تجهيزج و باقي معاج فلوس​

4) قراءة القرآن :
ما راح ياخذ من وقتج الكثير .. بس دقايق امسكي المصحف و اقري صفحه صفحتين و أنتي و طريقتج .. أهم شي ( لا تهجرين القرآن )​

5) الثلث الأخير :
هـالوقت الأغلبيه يكونون سهرانين و قاعدين .. أنتي مو خسرانه شي بس إنج تقومين توضين و تصلين ركعتين و أدعي الله بـ كل اللي تبينه
هـ الوقت عظييييم .. ادعي و ادعي و ادعي و بإذن الله يستجاب الدعوه ..​

يا بنات شكثر منا تهاونوا بـ علاقتهم مع الله سبحانه بعد الزواج
1) انشغلت مع زوجي
2) انشغلت مع أهل زوجي
3) انشغلت في العزايم و المناسبات
4) انشغلت مع أهلي
و تركنا علاقتنا مع ربنا في صلاتنا في الدعاء في الاستغفار في قراءة القرآن .....إلخ​

أنا مابي أخرعكم بس أنا أبي انبهكم
الحياة الجديده اللي أنتي مقبله عليها لا تعتقدين إنها حياة كلها سعاده و ضحك و وناسه و طلعات و ....إلخ
لابد تصير مشكله صغيره أو كبيره و إلا اختلاف في الآراء بس عاد أنتي و شطارتج تحلينها ..
إذا علاقتج مع الله سبحانه كانت قريبه والله بـ تنحل المشكله
..
و عن تجربه شخصيه أي مشكله صغيره بيني و بين زوجي
والله يطلع زعلان و معصب و أنا نفس الشي معصبه و زعلانه
والله يا بنات اروح و احط التلفزيون على قناة العفاسي قرآن و اخلي الصوت عالي و اقعد اسمع .. حتى لو عندي شغل اسويه و أنا اسمع القرآن
أصلاً تلقائياً ينشرح صدرج و تنسين و يصير الوضع طبيعي و عادي
و يجي زوجي و عادي عنده يتفهم وجة نظري و أنا اتفهم وجة نظره و ساعات نضحك على بعض شلون زعلنا جذي ..​

هذا الموضوع شفت إنه مهم و ضروري يمكن أغلب أخواتي بـ المنتدى قالولكم عليه بس أنا حبيت أنبهكم عليه و أذكركم فيه
و عسى الله يوفقكم و يسعدكم​

و أذكروني من دعواتكم و جزاكم الله خير​

:eh_s(22):|:eh_s(17):​

 

[انسانه بلا حدود]

مشكوره ع الموضوع الرائع

 

[LADY~O$CAR]

مشكووره
الله يجزاج خير

 

[orchidia]

الله يوفقكم ويسعدكم يآآرب ويتمم لكم هالليلة على خــير

من ناحيتي بالصالون ماكلمت أحد أبد أبد النفسية مأتشة HHHH

بس طول الوقت معاي مصحف وأقرا وأذكااار والحمدلله ارتحت وعدت هالليلة

الله يوفقكم يااارب

 

[سولاف الزمن]

الله يعطييك العآفيه على الموضوع الرائع

ويآرب توفقني وتوفق كل العرآيسس

 

[Killer^Girl]

يزاج الله خير

 

[beren saat]

جزاج الله خيررررر

 

[گـحِـلْ |~]

اي والله جزاج الله خير موضووع مهههم حيل

لي باك للموضوع

 

[فدوووو]

جزاك الله خيرا

 

[أثير88]

جزاج الله الف خير
وما قصرررتي

 

[Queen2012]

يمااال العافيه


وصدقتي بكل كلمه قلتيهاااااا والله يوفقج ياحياتي

 

[تبيني آرضى عليك]

روووووووووووعه
يسعدك ربي ويوفقك بحياتك

 

[مناير؟!]

جزاج الله الجنننه وحقق الله لج مرادج

 

[lovelove]

يزاج الله الف خير حبيبتي عسى الله يارب يوفقج و يسعدج

 

[دلوْعة آمي°•]

بارك الله فيكـ والله يجزاكـ خير يارب
وجعله في موازين حسناتكـ​

 

[ya al3rosa]

يزاج الله الف خير حبيبتي

 

[لورآ ،]

الله يرضى عليج على هالكلام الحلووو ..... بميزان اعمالج يارب

 

[حبيبه العلي]

الله يعطييك العآفيه

 

[3roo$ al.kon]

الله يجزاج خييييرررر



هذا اهم ششششييييي سواء عروس او مو عروووس لازم تلتزمون فيها لان قربج من ربج معناه سعادتج بالحياه وبالاخره باذن الله



الله يوفقج ويحرم يديج من النار

 

[رقـة الاحسـآس]

صح كلامج
يزاج الله خير