أناشيد حلوة حق السفر... لا تخذلوني

[كويتيةوأفتخر]

السلام عليكم ورحمة الله وبركاته :68_asmilies-com:
شلونكم عزيزاتي

ابي مساعدتكم ان شاء الله بسافر بسيارة مع عيالي للعمرة

ودي بأناشيد حلوة تونس حق الطريق :dddds:

تدرون الطريق طوييييييييييل وممل

أبي شي يونسهم ويسليهم

بس الموههههههههم .... جديـــــــــــــد ومو سامعينه من قبل

طبعا بدون ايقاع

ها منو تساعدني وادعي لها بمكة ان شاء الله :tek:

ها لا تخذلوني ​

 

[الدم البنفسجي]

حلو عندج سامريات وايد حلو حق حامد الضبعان
عندج بيه 2 بعد حلوو وايد لعمر المنسلح



وتروحون وتردون بالسلامه وبحملك رساله ادعي لي أن الله لايحرمني من الضنا تكفين يلله عشاني اول وحدة رديت عليج

 

[Layz]

حلو يا رجائي 4 ..
أنا عن نفسي شكلي بسوي لي Cd أحط فيه الأناشيد اللي أبيهم ..

و تروحون و تردون بالسلامة ..

 

[كويتيةوأفتخر]

مشكوووووووووورة وااااااااااااااااااااايد منار lazy

أريد المزيييييييييييد

عفية شي يونس حق العياااااااااااال وأهم شي بدون ايقاااااااااااااع

 

[عـشـــ كويت ــقـــي]

انا عندي شريط اسمه فرحه شاريته من مكه حده يونس بدون ايقاع وبدون شي عجييييب حده وهم حلو حق اليهال ..
بس ماادري والله اذا موجود بالكويت ولالا ..
انا لمن اروح عمره اشتري من هناك عندهم وايد احلى ..
فلاسف والله ودي اساعدج بس مااعرف شي ..

 

[ام أسامـة]

عندج شريط حورنيات رقم اربعه لحامد الضبعان ممتاز بدون ايقاعات ,تروحون وتردون بالسلامه ..في حفظ الله ورعايته ..آمين

 

[كويتيةوأفتخر]

مشكووووووووووورين بس ما فهمتوني

بوضح سامعين شريط المنشد محمدالمازم اللي عن الرسول واااااااااايد استانسوا العياااااااااااااال

عفية حطولي رواااااااااااااااااابط

علشان اللكل يستفيد

 

[كويتيةوأفتخر]

للرفع

 

[barbiya tota]

أتمنى أنج ترجعين بالسلامة
و هذي رابط أناشيد حلوة
http://www.epda3.net/iv/mnshd-21.html

 

[خاشووقه]

انشالله البنات يفيدونج

 

[Om JaNa & JaWa]

عندج شريط و الله نسيت اسمه بس فيه اناشيد تونس واااايد

فيه ورد الجوري غنى
فيه شفتو الكنار

و وااااااااااااااااااااااااايد اشياء حلوه غلافه بالون الاخضر و الوردي ...

حده حلو حق اليهال

 

[Layz]

أم جنى و جوى اسم الشريط ( مختلف ) ..

 

[انفال]

عندك شريط (شقردية) رهيييييب بمعنى الكلمه حلو للأطفال ،واشرطة حورنيات بأجزاءها الأربعه،وعندك أطلال لحامد الضبعان،وواحد طش،اثنين طش....كلهم روعه وعن خبرة اقولك عنهم لنا بالسفر دايم نحطهم
لعيالي ومستانسين عليهم..وتروحون وتردون بالسلامه...​

 

[الفيحاء]

عندج عصفوريات 2من صج يهبل انا ماعندي يهال بس اذا سافرت احطه حده يونس
للمنشد عبدالله المهيدب
وعندج طيور الجنه

لاتنسيني من دعواتج يالغاليه