أمي حبيبتي تبجي :( (خشونه الركبه)

[barbya_q8]

بنات عفيه قولولي في احد بالكويت سوى عملية للركبة فيها خشونة

امي صارلها 6 سنين تعاني منها وماكو فايدة علاج طبيعي وادوية وابر وماكو فايدة

قالولها جراحة بس رافضة تسويها تقول اخاف ماامشي عقب اهيا مو كبيره 48 بس قدرة الله

وامس زادت عليها وانتفخت مريت عليها بالصالة ولا تمش دموعها ياعمري كسرت قلبي تمنيت اموت ومااشوف دمعتها قلت لها اشفيج يمه قالت زادت علي اليوم قلت لها اوديج الطبيب قالت الابر ماقامت تفيد تعودت عليها وماقامت تخفف الالم بعد قلبي كله تداري دموعها وتتألم بسكات تقول ماانام الليل بس اتقلب منها


والله مابيدي شي غير الدعاء لها ادعولهااااااااااااااا عفيه والله تكسر قلبي لانه صج ام بمعنى الكلمة ماعمري شفت او سمعت بام تسوي الي تسويه امي حق عيالها صج فانية نفسها لنه وياريت بيدي اخفف المها

ورافضة تسافر تسوي العملية بره تقول اشلون اخليكم ماقدر اقولها احنه كبار صحتج اهم محد بيفيدج ماتقتنع


ادعولها بالشفا وسئلولي في احد سواها بالكويت ونجحت ووين اي مستشفي واي دكتور الله يعافيكم ويجازيكم خير

 

[ريمه الكويت]

رد: أمي حبيبتي تبجي

ماتشوف شر امج الله يشفيها

شوفي مرت اخوي سوت العمليه حق ركبها وحده سوتها بالتشيك طبعا بدايه العمليه الم وعوار وكانت تبجي لان عمليات العظام موشويه ترا بس بعدها خذت علاج طبيعي واشتركت بنادي وبالبدايه كانت تمشي على عكازه وبعدها بفتره طويله سارت احسن بس بقت ريلها الثانيه من شهر سوتها بالرازي غيرو لها الركبه الثانيه وكانت ياعمري تتالم بعد العمليه وتجلطت ريولها بس بعدها عطوها ابر بالمستشفى وحطولها جهاز تحت ريولها عشان التدليك وتحريك الدم تقول خفت الحمدلله بس بعدها بالمستشفى شوفي اقولج الصج اذا امج بتسويها لاتسويها بالكويت الرازي يلوع الجبد يمدحون المانيا حق الريول وايد احسن حتى من التشيك يمكن يرضون يسفرونها عن طريق الصحه اذ ا حالتها تعبانه بس لازم تراكضون لها وخصوصا قربت الانتخابات حق الواسطات استغلو الفرصه

بشرينا @@

 

[سبائك]

رد: أمي حبيبتي تبجي

وي بعد عمري الله ياجرها

شوفي احسن دكتور حق الركب بالكويت د.وليدالتنيب بدار الشفا ممتااااااااااااز

خل تراجع عنده وان شاءالله الف لا باس عليها

 

[سبائك]

رد: أمي حبيبتي تبجي

وهذا لقاء معاه في مجلة الفرقان

((طبعا اهو يشتغل بالرازي بعد بس هذيله مواعيدهم بالشهور))

لقاء مع الدكتور/ وليد التنيب -استشاري عظام - مستشفى الرازي-: انتشار تبديل الركب في الكويت.. والسمنة وقلة الحركة من الأسباب


- ما التهاب المفاصل؟


- هو أكثر أمراض المفاصل انتشاراً في الكويت لاسيما بين كبيري السن، والذي يؤدي بدوره إلى تدمير الغضروف وتغير خلقي في حواف المفاصل والعظم مما يؤدي إلى أعراض كثيرة، وقد يؤدي إلى إعاقة دائمة.


- ما أعراضه؟


- أهم الأعراض هي:


1- الألم -والذي قد يوقظ من النوم غالباً - ويزداد أثناء المشي بحيث لا يستطيع المريض المشي أكثر من 5 دقائق-.


2- ثقل حركة المفصل -وخصوصاً في الصباح وبعد الجلوس-.


3- ورم المفصل.


4- اضمحلال العضلات المحيطة بالمفصل.


5- ضعف مدى حركة المفصل.


6- فرط المفصل أحياناً أثناء المشي.


- ما أبرز أسبابه؟


- في البداية يجب أن نعرف الأمور التي تساعد على ظهور المرض وهي:


أولاً: السن فوق 50


ثانيا: زيادة الوزن؛ -لأنه يضغط على الركبة-.


ثالثا: الرياضات العنيفة على المفاصل أو الإصابات.


ثم نأتي على الأسباب، فقد تكون غير معروفة السبب -أولي- وقد يكون نتيجة مرض آخر، و-ثانوي- كأن يكون المريض يعاني ارتفاعاً بالغدة البراثيرمونية، أو مرضاً وراثياً في العظام أو في الدم، أو قد يكون نتيجة التهاب أو إصابة في المفصل نفسه.


- ما العلاج؟


- علاج الأمراض المصاحبة.


- إقلال الوزن.


- الكمادات الباردة مساء والدافئة صباحاً.


- العلاج الطبيعي.


البعد عمّا يحمــل المفصل أكثر من طاقته.


- مسكنات الألم كالبندول أو البروفين أو غيره لكن باستشارة الطبيب؛ لأنه أحياناً قد يعاني المريض مرضاً آخر، ويأخذ هذا الدواء فيدخل في مضاعفات خطيرة.


- الدهانات المخففة للألم -ويجدر التنويه هنا إلى أن الكثير ممن يستخدمون الدهانات لا يجدون النفع منها؛ وذلك لأن استخدامهم لها خطأ، والصحيح أنه قبل استخدام الدهان يجب مسح المنطقة بمنشفة بها ماء دافئ لتنظيف المسام في الجلد وفتحها، ومن ثم تنشيفها بمنشفة أخرى، ثم وضع الدهان. وهنا فقط يدخل ويتغلغل في مسامات الجلد فيستفيد المريض منه-.


وقد يحتاج المريض إذا لم ينفعه العلاج الذي ذكر إلى التدخل الجراحي وتغيير المفصل. وهذه تتم في الكويت بنجاح والحمد لله.


- هل من كلمة أخيرة؟


- كثير من المرضى ممن يشتكون من هذا المرض لا يأتون إلا بسبب تغير مزاجهم! فالألم أثناء الليل يقلل النوم، ويقلل التركيز ويزيد العصبية وتشويش الذهن، لذلك نحن في البداية نقوم على كسب ثقة المريض وذلك بالاهتمام أولاً بأن ينام ويرتاح ويتغير مزاجه، ومن ثم نقوم بالتركيز على مفصله المتأثر؛ ولو تناول المريض حبتان من البندول لذهب عنه ما يجد.

 

[barbya_q8]

رد: أمي حبيبتي تبجي

ريمه - سبائك

اهيا موراضية تسافر ماكو فايدة

تسلمون يابعد عمري والله لا يواريكم اي مكروه بعزيز غالي

وانشاء الله بدق الحين اخذ لها موعد عند وليد التنيب بدار الشفا وشوركم وهداية الله عسى الله يجعله سبب ويعرف لها

ويزاكم الله خير

 

[ii DareeN ii]

رد: أمي حبيبتي تبجي

ماتشوف شر




تم تعديل العنوان بواسطه مشرفة القسم

 

[زيـنـه]

يمدحون د المكيمي في الرازي
و ما تشوف شرالوالده و ربي يشافيها و يعافيها لكم ان شاء الله.

 

[أم حمـــــودي]

لا ما تشوف شر الوالده انشالله تقوم بالسلامه بس الله يخلييييييييييييييج اذا انتي فعلا خايفه عليها ودج اتريحينها لا تسويلها عمليه بالكويت ودوها المانيا اول كلش كلش ودوها المستشفى الامريكي اللي اب دبي فضيييييييييييييييييييييييييع انا وديت م زوجي المانيا اول شي سوت ريل وحده وبعدها رجعت وبعد 8 شهور وديتها المستشفى الامريكي اللي اب دبي ولله الحمد الحين لها سنتين من راحت تقول انها وااااااااااااايد احسن من اول بس تدرين حرمه كبيره عمرها شي و70 سنه يعني الكبر امأثرشوي عليها بالعوار بس لااااااااااااااااااااا تسوين لها شي اهني ودوها بره والله يخلي العلاج بالخارج بس لازم حب اخشوم

 

[barbya_q8]

تسلمون بعد عمري على تفاعلكم وردودكم

احنه ماراح نلجأ الى العملية الا اذا كانت اخر حل وانشاء الله تقتنع تسافر بنشوف كعلاجات شنو ممكن يسون لها

 

[حبيبته آنا]

خشونة الركبه مالها الا التبديل وانا برايي ان الدكتور علي المكيمي من افضل الدكاتره بهالمجال خليها تروحله وماتشوف شر امج الغاليه

 

[NoWay2know]

الله يشافيها ان شاء الله

 

[barbya_q8]

بعد عمري ماتقصرون كلكم وخذيت معلومات واستفدت منكم وانشاء الله الله يسهل ونلقى لها علاج باذن الله


اخدمكم بالأفراح يارب