السلام عليكم و رحمة الله و بركاته
حبيبتي ....
شوفي انا ما قريت الردود اللي فوق بس بقول لج شيء ( عن تجربه )
انا بعد امي الله يخليها كانت وااااااايد عصبيه قبل
و كانت علاقتي فيها غريبة و عجيبة , مع اني كنت مطيعه جدا و متفوقه بدراستي و كل اهلنا و جاراتنا يحسدون امي علي
و يقولون لها ياليت عندنا بنت لو ظفر هب العطر جان زين ~
و يهاوشون عيالهم و يقولون لهم : شوفوا هب العطر ما شاء الله عليها مطيعة و تحترم امها
بس امي كانت تضحك و تسولف , و اذا عصبت ( انحاشي ) !!!
اركضي و لا تطالعين وراج !!
و احيانا لما تعصب تقول كلام يضيييق الخلق
بس خليني اقول لج هالشيء ( بشنو فادني )
1- طلعت شخصية وايد قوية ,, ما انهز و لله الحمد و لا انهزم جدام احد , لأني تحملت لما يكون اقرب الناس لج يضايقج و تتحملين , عشان جذي صرت ما اتأثر بأحد و لا انطر من احد حب و حنان , و سبحان الله , من بديت ما انتظر من احد شيء , كل شيء صار ايي لي بمكاني
( لان ماكو احد يحب الانسان اللي يطر عواطف او ينتظر عواطف !! ) حقيقة صحيحة 100 %
2- صرت اراعي غيري وايد بكلامي و تصرفاتي , كبرت بسرعه , و نضجت اسرع .
3-صرت قوية شخصية و اعرف اواجه اللي اشوفهم بدوامي و جامعتي و بكل مكان و اعرف ارد بأسلوب محترم وقوي لدرجة تدهش الجميع .
4- الاهم من هذا كله : قويت علاقتي بربي ,, ترا رب العالمين هو الحقيقة الاوحد في حياتنا
لا تقولين ماما
و لا بابا
و لا احد !!
لأن ماكو أحد !!!
فيه ( واحد أحد ) ...
هو الحقيقة الاوحد بحياتج ,, و غيره سراب !!
غيره تراب !!!
قوي علاقتج بالله , و و الله , رب العالمين راح اييبهم لج بدون ما يحسون !!
و يسوونج يا دهينه لا تنكتين
بس تعتمدين على الناس و تتركين رب الناس .. محد بيبقى لج !
انا تعلمت درس من الثانوية العامة , كنت وايد مبعده عن الله , يعني اسمع اغاني و مو ملتزمه بصلاتي
رب العالمين علمني درس مفيد
تخيلي : الكل تخلى عني !! القريب و الغريب
كنت ادور قطره حنان من احد
ماكو !!
ابلاتي اللي يحبوني ... قلبوا علي
امي صارت عصبيه بزيادة , لأنها عاقده آمالها كلها علي , وكانت حاطة لي نسبة تعجيزية انا كنت متأكده ما راح اوصل لها
و كنت عايشه بعذاب نفسي , لأني كنت اطالع تحت , ما كنت اطالع ( فوق )
هذا كله صار لي
( عشان اتذكر ربي ) , ربي خلاني ما اعتمد عليهم و اتوجه له وحده
سبحان الله
يبت نسبه زينه ,, و امي ما قالت و لا شيء و لاعلقت عليها , << مع انها كانت تبي اكثر و متحلفه فيني لو ما يبت هالنسبه لتسوي و تسوي و تسوي
سبحان الله ! سكتت ما قالت و لا شيء !!!!!!
و يوم اقدم رغبات الكليه ...
امي تبيني اصير شيء معين , و كنت كل شيء الا زعلها
اخترت رغبتها الرغبة الاولى و انا متأكده ان نسبتي ما كانت فوق الــ 95 عشان يقبلوني
و الرغبة الثانية , كانت رغبتي اللي ما قلت عنها لأحد ابدااااااا , و تتوقعون منو قال لي حطيها ؟
( امي ) !!
بنفسها قالت حطيها يا هب العطر الرغبة الثانية ... احسن احسن و افيد لج !
و سبحان الله , انقبلت فيها , و انا الحين اشتغل مدرسة
مثل رغبتي بالضبط
~
ادري قرقت وايد
بس اذا تبين الحل
( روحي لله )
روحي له و ابجي عنده هو
لا تبجين عند احد !!
و لا تخلين احد يشوفج و انتي تبجين .... الوحيد اللي كفو تبجين عنده هو الله
ابجي و انتي ساجدة ترا تكونين اقرب ما يكون منه هو
من ربج حبيبج و الحقيقة الاوحد بحياتج
الكل تراهم بشر .... تعرفين يعني شنو بشر ؟؟
ما بيدهم شيء
و الحياة صارت ناشفه ما فيها عواطف !!!!!!!!!
الحياة صارت صعبه وايد واااااااااايد و الناس مضغوطين
و ترا معظم الناس مبعدين عن الله , عشان جذي حياتهم ناشفه !
و حياة عيالهم ناشفه !!
فتشي في كل البيوت اللي فيها تفكك اسري , شوفي الدين , شوفي الصلاة , شوفي القرآن يشتغل بالبيت و الا لا ؟ و تعرفين السر
تبين عواطف ؟ و طريقة مؤكدة 100 % ان شاء الله
( روحي لله ) هو اللي يحن عليج اكثر من امج و ابوج و الناس كلهم
روحي له , ادعيه , تقربي منه , و الله و الله بيون لج الناس ركض
و تصيرين قوية مثل الصخر ,,, ما تنهزين ابد مهما شفتي و ما ترتبكين ..
و ما تحتاجين لعواطف احد ! مع انهم كلهم بيون عندج ترا , لاحظي , و يدورون رضاج بعد
و كل شخص علاقتج فيه مو زينه ربي بيسخره لج ان شاء الله
و تصيرين عزيزة مكرمه عند الكل
,,,
و اذا المشاكل زايده ابيتكم ,, شغلي قرآن بالبيت و اقري على ماي و رشيه بالبيت و شوفي العجااااااايب سبحان الله
و استغفري .... ترا الاستغفار كننننننننز
