أمي تكرهني

[((البرنسيسا))]

مرحبا بنات ​

بدون مقدمات​

بنات امي تكرهني قولولي شنو اسوي القصة من يوم كنت صغيره يعني من صار عندي ​

وعي وفهم على بعض الأمور تعرفون عقلية الطفل المهم أمي كانت عصبية حيل حيل حيل ​

وإذا عصبت علي أو جبت درجات بالشهادة ماتعجبها إنتقمت مني إنتقام يخرع وقمة بالقسوة ​

ماراح أذكر لكم تعذيبها لأن مهما كان هذي امي ^^​

بمعنى قلبي في ايام طفولتي كرها حيل المنقذ الوحيد لي من عذابها هو ابوي الله يحفظه لي ​

هو الوحيد الي يرحمني منها والي ساعد اكثر في اني اكرها واحقد عليها هم عماتي لأنهم كانوا ​

مايحبونها فكانوا يتحكمون فيني من غير اي وعي مني طفلة فاقده الحنان بسهوله تصير لعبة ​

مافي مره قعدت وياها او حتى احضنتني اذا يت اشكي لها طردتي ومع كل دقيقة تمر كان كرهي يكبر اكثر​

واكثر وفي يوم كنت قاعده مع بنت عمتي الي كانت تمثل انها تموت فيني واني صديقتها قبل لا اكتشف جذبهم ​

كلهم المهم كنا قاعدين انسولف وبعدها وجبنا طاري الأم وهني قلت لها انا اكره امي وبهالحظة بالذات من بين كل​

للحظات الخايسة في حياتي دخلت امي بالصدفة وسمعتنا والله يابنات ماقدر انسى تعبير ويها من الصدمة ...​

المهم انا كنت اكرها في ذاك الوقت فما بدر مني اي شي بهذيك اللحظة واستمرت حياتي وحياة امي ​

اهني الطامة الكبرى لمن كبرت وصار عمري 18 سنة كنت رايحة بيت خالتي الله يحفظها لي لأني ​

صفر بقواعد اللغة العربية وهي مدرسة للغة عربية فكانت تدرسني وإحنا ندرس اخذنا بريك وكنا نتكلم ​

ومن ضمن الكلام كلمتني عن امي وانه الي يصير بيني وبين امي غلط وماإلى ذلك ومهما كان هذي امي ​

إلخ كلامها للمره الأولى يفتح عيوني بالفعل كلامها كان مثل الماي الي غسل قلبي من كل حقد وكره لأمي ​

قعدت وفكرة بيني وبين نفسي فعلا ليش دائما أشوف أمي الغلطانه صحيح إنها عصبية بس هذا مايعني إني انا ​

بعد مو غلطانه ليش ما اشوف اغلاطي بحقها لهدرجة كرهي اعماني عن اغلا دره يملكها انسان وهي الأم ليش ​

كنت بهالقسوة يعني هي اكيد الظروف الي عاشتها خلتها عصبية عيشتها بيت اهل ابوي الي كانوا مايواطونها ​

والظغوط الي تعرضت لها من جانبهم يكفي اني ساهمت وياهم من غير ماأدري لأني كنت طفلة في ذاك الوقت​

ومن بعد هالتفكير صارت امي الوان حياتي وصرت اتباهى فيها جدام إلي يكرهونها هذا غير الحب الي اظهرا لها​

حتى اهي تغيرت شوي من شافت تغيري ومضت الأيام وفي يوم تعيس اتخانقت مع اختي الي اصغر مني بس كانت ​

اخناقه عاديه جددددا فجأة أمي قامت تصرخ علي وتقول اني جبت التعاسة لها وانها تكرهني قالتها ثلاث مرات ​

طبعا انا للحظتها تمنيت الموت انصدمت صدمة عمري وقالت بعد انها ماتبي تشوفني نهائيا ​

انا للحين مصدومة من الكلام الي قالته اعتذرت لها بس مانفع السالفة هذي صارت قبل ثلاث شهور وعمري 23 ​

انا مكتئبة يعني طول المده الي كنت معاها كانت تجاملني وهي باأصل تكرهني فكري مشوش بس موقادره​

افكر هي حتى موراضيه تسامحني قولولي بنات شنو اسوي والله حياتي صارت جحيم ​

 

[.حــنــان.]

رد : أمي تكرهني

حاجيها قولي لها بالتفصيل شنو شعورج قبل و معاملتها كرهتج فيها و يمكن تتفهم و اما الحين لا تغير راي فيج

 

[qomerq8]

ما عليه حبيبتي طيحي على ريلها مره ومرتين وحطي ببالج مستحيييييييييييييييييييييل الأم تكره ظناها تليقينها متعذبه اكثر منج بس ما تبين في ناس جذي يبنون انهم قاسييين بس من داخل قلبهم طيب وضعاف يمكن امج من الي شافته صارت قاسيه الله يصفي قلوبكم يااااااااارب:yaaaaaarb:

 

[اخصائيه نفسيه 2]

رد : أمي تكرهني

طيحي على راس امج وبوسيها ولميها وصدقيني ماتكرهج بس امج يمكن من ضغوط الي عاشتها

ويمكن تتذكر انج كنتي ضدها مع عماتج ترا شي يقهر بجد بس ترا مافي ام تكره ضناها

روحي لميها وبجي بحضنها والله اقرا موضوعج وخانقتني العبره

الله يخليكم لبعض ويهدي نفوسكم لبعض ويرزقج بر الوالدين

 

[امولة الخليج]

رد : أمي تكرهني

شوفي يالبرنسيسا انتي عارفة ان امك عصبية بس مو عارفة اش اللي بقلبها عليك ممكن لانها عصبية ما تحب تبين مشاعرها تجاهك لان مافي ام تكره ضناها الا مستحيل احد يحبك كثر امك ماعليك الحين الاتروحين تحبين راسها ورجولها بعد وانتي راح تشوفين وش بترد عليك ولاتسمحين لاي احد يفرق مابينكم وتخيلي حال ناس كثيرين ماعندهم ام واحمدي ربك عالنعمة موفقة حبيبتي

 

[q8tyah]

امج شكلها عصبيه وتعانى من ضغوط

والانسان العصبي يتكلم كلام مايحس فيه ولا طالع من قلبه بس يحاول يفرغ غضبه بالانسان اللى قدامه

 

[مريميات]

رد : أمي تكرهني

ياقٌلبيًّ .,

الجنه تحت اقدامً الامهآاتَ :eh_s(2):
لا تقولين ان امج تكرهجًّ , اخيييه بس عً قٌلب الامًّ والله قٌلب الامًّ مافي مثله , ياااوسعه عً هالدنياً ..

ياقٌلبي لا تحطين مقدمات بينج وبين امجًّ ,
وكلميها من الحين قٌبل لا يفوت الفوتً اسم الله عليها ,

تدرين الله لا يقول لو يصير فيها شي تقولين وين صراخها وطقها بيكون بالنسبه لج عسل والله ,

شوفي حياتيً , بدون مقدمات طيحيً عً راسها ولميها حيل وقوليلها اللي بقٌلبج ولو ماتقٌبلته عاادي مره مرتين والله بتحس بإحساسجًّ

ولو كانت عصبيه موماتقٌبل شي , كلمه وحده بتهدي اعصابها ,
قوليلها يما والله احبج ابي رضاج ابي اتوفقٌ بحياتيً , ارضيً عليًّ ادعي لي الدعوات الطيبه ,

قٌوليلها يما , كل يوم احس بقٌيمتج ,

اخذيها مني , ان شاءًالله بتلمجً وتعوضج كلً الحنان اللي ماشفتيه ,

,’

وبشرينااا حياتيً ..

,..

والله يهدي بالكم ويوفقٌكًمَ​

 

[((البرنسيسا))]

رد : أمي تكرهني

تسلمون بنات على مروركم وإن شاء الله بسوي إلي قلتو عليه

ادري انها بدزني بس دعواتكم الله لا يحرمني منكم

 

[Remember-Me]

رد : أمي تكرهني

الله يصفي قلوبكم يارب :yaaaaaarb:

 

[SsجوريهـSs]

رد : أمي تكرهني

الله يحنن قلبها عليج

 

[((البرنسيسا))]

رد : أمي تكرهني

Remember-Me

SsجوريهـSs

الله يسمع منكم يارب

 

[غرور وايل]

الله يحنن قلبهآآ عليج ..

 

[عيش و مرق]

ما اتوقع تقصد اكيد قالتها لانها امعصبه

 

[mo0onya]

رد : أمي تكرهني

الله لا يحرمكم من بعض يا رؤحي انتي حاولي فيها وراضيها هاذي امج الغاليه ومالج غيرها تعوذي من ابليس :eh_s(7):
​

 

[Anastasia]

سالفتج تعور القلب
صدقيني امج تحبج والدليل اهيا ليلحين مجروحة من كلامج مع بنت عمج وطول هالسنين تفكر فيها
وبعد انتي ماقصرتي بالتعامل البارد قبل لاتكلمج خالتج
عطيها فرصة تتقبل فكرة انج تحبينها ب الفعل مو تظاهرا .. واثبتيلها حبج
.
انا اقترح تكتبيلها رسالة .. ادري بتضحكين وبتتشيمين انج كبيرة وتكتبين مكاتيب نفس اليهالو والسلانيات ههه
بس هم i advocate انج تكتبين رسالة لان بهيك مواضيع حساسة ماراح تقدرين تعبرين وتفضفضين كل الحجي اللي بتقولينه بالكلام فالاحسن تصفصفين الحجي برسالة وتزبطينها وكتبي فيها كللل مشاعرج وان انتي قبل في مرحلة مراهقة وان انتي ماتقصدين تكرهبنها بس مرحلة المراهقة مرحلة عصبية حساسة متقلبة فهمتيني
والله يحنن قلبها عليج

 

[♥ SWeeRa ♥]

رد : أمي تكرهني




.
مافي ام تكره بنتها



اذا زفتج سكتي ولا تاخذين بخاطرج
واذا حرمتج من شي
لاتاخذين بخاطرج
وحطي ببالج انها امج
وان الجنه تحت اقدم الامهات
تحملي وسكتي لانها امج


وعسى ربي يحنن قلبها عليج
:eh_s(7):

 

[بطوووطة$بيضة]

رد : أمي تكرهني

زمن العجايب صج مو كل ام ينقالها ام...رفيجتي تطلقت والسبة من امهااا خربت علييييها الله يعينج...

 

[ورد الغرام]

ياربي اكره الامهات الي كدا
جد في امهات همهم الوحيد ايخربو على بناتهم
متى دولا بيحسو؟؟؟
يبغا لهم توعية وتربية بدل لا يربو بناتهم ايربو نفسهم اول
انا اعرف بنات ايصحيون من امهم وانا اشوف بعيني واللة
حسبي اللة ونعم الوكيل في كل ظالم

 

[#شيطونه#]

الله يحنن قلبهآآ عليج ...............................

 

[Om Fras]

رد : أمي تكرهني

حبيبتي لو امج ماتحبج جان ما عصبت عليج و عاقبتج لما شافت درجاتج مو زينة

ولا انصدمت لما سمعتج تقولين انا اكره امي حق بنت عمتج

انتي قلتي عايشة بيت اهل ابوج و عماتج مايحبونها

ماتدرين شنو الضغوطات و المشاكل و الهموم اللي اهي فيها

يمكن اهي وايد تعبانة و هذا السبب خلاها تصير قاسية و عصبية

مافي ام تكره بنتها مهما تسوي فيج هذي امج و تحبج

تسامحي منها سوي كلشي عشان ترضا عليج

ويارب يفرج همج