أموت أنا في حبهم

[ضوى العيون]

أموت أنا في حبهم 8
عارف : يالله عذوج بلاج تمشين شرا السلحفاه
عذيجه: عوذ بالله من شرك خاف ربك شو سلحفاته تراني حامل ما أيوز أربع شراتك وأنت شو عايلنك
عارف ارتبك : ه أأ ه لا ماشي بس قصدي يعني ما أدري المهم يلا خلصينا ويا كرشتج
عذيجه: ههه صبر صبر أنت أشلك مشتط تراني قلت لك أترياني في السياره ليكون يتراوالك بخليك تحدر عندها؟؟؟!!!!!
عارف: ...........
عذيجه: عروف وصمخ
عارف: ها أشفيج الله ياخذ عدوج شو ها فضحتيني شو عروف ريال أشطولي أشعرضي أتقولين لي عروف !!!!
عذيجه: اللي ما خذ عقلك يتهنا به
عارف: الحين أنتي شو تبين من الصبح محتشره
عذيجه: كلام الملوك لا يعاد
عارف: وكلام العبيد لا يسمع ....
سكت ورجع بذاكرته لوعد ... كان متعود يقولها كلام الملوك لا يعاد وأترد عليه بهالرد ومن يومها صار يقولها ... ما حس بعمره الا وهو داعم واحد
عارف: باسم الله الرحمن
سلطان: عوذ بالله من ويهك ياأخي شو ها ما أتشوف وين عينك ؟؟؟!!!
عارف: سلطان؟؟؟؟؟
سلطان: هههههه هلا الغالي أشحالك (وتقرب منه وسلم عليه).... أشفيك يا ريال وين ساهي بفكرك
عارف : سلامتك والله ما أدري ....
سلطان: عسى ماشر شو مييبك المستشفى
عارف: هاي عذو وو ... تدارك نفسه وسكت ... الرضيعه يايه عند ربيعتها
سلطان: أها خلاص عيل بترياك هنه جان تبا
عارف : دقايق بس ... (غرفه وعد قريبه من الاستقبال) .... تجدم منهم عارف وسأل عن غرفه وعد حمد
سلطان: عارف ... عارف
عارف يترا النيرس أتشوفله رقم غرفتها : هلا
سلطان : هاي حجرة حرمتيه
عارف يستهبل أونه ما يعرف أنه سلطان ريل وعد :والله !!! ما كنت أدري أنك ماخذ بنت حمد ....
سلطان: توك تدري !!! مبروك ... بس الدكتوره عندها الحين خل أهلك يتريون فغرفة الإنتظار وأول ما تخلص بخبرك
عارف: أوكي بوصلها وبرد لك
سلطان : تمام
عارف يكلم أخته بصوت واطي : عذوج تعالي يلسي فغرفة الانتظار لين تطلع عنها الدكتوره
عذيجه : ها ريل وعد ؟؟؟ ماشاء الله عليه الصراحه وسيم
عارف : أي أنتي شو ما تستحين أتبحلقين في الريال فضحتينا أمشي أشوف
عذيجه: هههه الله ياخذ عدوك شو أبابه أبحلق فيه ترا أنا ما جد شفته عالطبيعه وما حضرت عرسهم وبعدين عندي ريلي يسدني عن .. (سكتت)
حست بمراره وغصه كان ودها تكمل جملتها وأتقول ريلي سادني عن الكل ومافي واحد يسواه ... بس هالكلام كانت ممكن أتقوله قبل بس الحين
مستحيل .....
عارف وهو حاس باللي فيها : فديت أم عروف يلا الغاليه استريحي أهنيه وأنا برجع لج أوكي
عذبجه : باسم الله منو هاي أم عارف ...؟؟؟
عارف : أنتي بعد شو
عذيجه : ههه شو قالولك خبله أسمي ولديه عليك لا أبوي كافني عروف واحد مينن العالم بعد أزيد الهم عقلبي ليش ؟؟!!!
عارف : الله يسامحج ألحين أنا هم أصلا أنتي ودج اتسمين ولدج الخسف باسمي ...
عذيجه : عارف دخيلك مب متفيجه لك سر عند ربيعك وخلني فحالي
عارف : ههههههههه باي

فبيت عوشه .... الساعه 10:00 الصبح
عوشه : مهروووووووه وصمخ...
شهد : أمايه شو بلاج أتزاعجين تراني قلت لج تسبح يبالها وقت لين أتخلص
عوشه : عنبو شو سبوحه الحين وهي أشعنه ما أتنش من وقت يوم تدري أنه وراها سيره ؟؟؟!!!
شهد : هههه أمايه الله يهداج تراها ناشه من الصبح وأنتي مشغلتها على تلفوناتج أدقق لج الأرقام
عوشه :أنطمي أنتي المحامي مالها
شهد : والله هالبيت حاله الواحد ما يعرف شو يبون منه أفف
عوشه : حسبي الله عليكن من بنات ما خليتن فيني حيل قومي نشي بنروح عنها
شهد : لا أمايه حرام .... فجأه ترن ترن ترن ....
عوشه : ويدي شهود بلاج أصمخيتي ردي عالتلفون حشرنا
شهد : ان شاء الله أمايه مع أني متأكده أنه لج ... ألو
ناصر : سلام
شهد : وعليكم
ناصر : شهالمذهب عنبو شو عليكم بعد
شهد: تراك أنت قلت سلام وأنا أرد عليك بالمثل
ناصر : والله أني ما عرفت أربي منو أنتي ياسودا الويه
شهد : بنتك يعني منو
ناصر: بترمسين شرا العالم والا تبيني أييج البيت أغسلج بالعقال شو أتحرن ما وراكن ريال يوقفكن عند حدكن
شهد : باسم الله شو من منكر شايفنا أنسويه عنبوه هذا وأنت أبونا هاي رمستك الله العالم الناس شو أتقول عنا
ناصر :أنا أدري محد غيرها وازتنكن عليه لا بارك الله فيها
شهد :أبوي أنت اللي تغلط و أتعق اللوم عليها ؟؟؟!!! صدق دنيا
ناصر : أفففف أنا شو اللي خلاني أدق الحين أحيدج هالوقت ملتعنه في المدرسه
شهد: هههه أنا تخرجت والحين بتخرج من الكليه وأنت بعدك تذكر المدرسه
ناصر : والله يا شهود يا أني أييج البيت وأكسر ضلوعج لا بارك الله في اللي ربتكن الله ياخذها
جابر ... منو على التلفون
شهد : يديه هذا أبويه ما أدري شو بلاه حرمته رافعه ضغطه ياي يطلع الحره فيني أونه بيي يكسر ضلوعي
جابر : يخسي الا هو هاتي السماعه عنج ... خير شو عندك أتضارب البنت ؟؟؟ ما كفاك اللي سويته بأمهم هالدور على البنات ؟؟؟!!!
ناصر : أففف أنا متصل أبي أرمس مهره خلني أكلمها
جابر : يوم تبا أتكلمها تتصل شرا العالم والناس المحترمه وتطلبها هب تضارب وتشاتم
ناصر : دخيلك يا عميه خل مهره تتصل بي ...
جابر : عمرك ما بتتغير قليل أدب طول عمرك ...
ناصر رقع السماعه فويه اليد ....
جابر : عوذ بالله من شره
عوشه : شو عنده ويه النحس شو يبا منا ؟؟؟
شهد: أمايه الحمدلله أنج ما تميتي على ذمته للحين جان الله يعينا عليه
عوشه : أنجعمي أنتي أم لسان طويل ما أتحشمين حد حتى لو كان عدوج سواء دق عليج والا حدر البيت هذا ضيف وما ضني تربيتي كانت غلط
شهد :السموحه منج أمايه بس والله أنا ما قلت شي والله هو اللـــ ،،،
جابر: خلاص يا عوشه خلي البنيه فحالها أنتي أدرى بهالخايس وطريقته في تعامله ويا الناس
مهره نزلت وهي لابسه عباتها: يلا أمايه أنا جاهزه
الكل: ........................
مهره : باسم الله شو فيكم ؟؟؟ خير شي صاير؟؟؟؟
شهد : أبوج كان متصل وكالعاده
مهره أتقاطعها : لا أتقولين أنتي اللي رديتي عليه
شهد : ويا ريتني ما رديت ويعل أيديه الكسر اذا رديت على التلفون مره ثانيه
عوشه : باسم الله عليج يا بنتي يعل أيده هو الكسر ليش تتدعين على عمرج مب زين يا بنتيه
جابر : لا حول ولا قوة الا بالله ... الحين خلصونا من سيرته ... يلا عوشه شلي بناتج وسيري على أم سلطان
عوشه : يلا يا بنيات تحيرنا
جابر: مهره
مهره : لبيه
جابر : لبيتي حايه قولي آمين ... يوم تردين دقي لويه النحس ما أدري شو عنده يباج
مهره : آميييييييييييييييييييييييييييين ... من عيوني يا بعد قلبي
شهد : هههه ليش هالتقردين
مهره : فديته يدي لا قردنه ولا شي شو قالولج شهد واتطلع لسانها أتعايرها ....
طلعن البنات ويا أمهن عشان يزورون حرمة عمهم أم سلطان.. وخذوا لها باقة ورد ملونه وطبعا الفاله لأنه بوسلطان خبرهم أنها طلعت من العنايه
فحسبوا حسابهم لأنه أكيد الخبر بينتشر والحريم بيروحن يزورنها ...

 

[ضوى العيون]

فبيت خليفه ،،، بو سالم
ميثا وهي ترمس في التلفون : والله شو أقولج يالعنود هالولد عنيد وراسه يابس ويعاملني بطريقه خايسه ما جني أمه
العنود : أنتي الله يهداج يا ميثا خذيه بالزين ولدج في سن المراهقه وفهالسن الشاب يكون حساس ومحتاج حد يفهمه ويوقف معاه ومن طريقتج واضح أنج أتعاملينه بقساوة ومالج طولة بال عليه
ميثا : هههه والله ضحكتيني ألحين أنتي عانس لا ريل ولا ولد أشعرفج بهالسوالف ....خلينا منه يلتعن هو ويا أبوه المهم بخليج الحين أشوفج في الصالون
العنود: ...........
ميثا : فمان الله
العنود : مع السلامه
من الصدمه ما قدرت أترد السماعه لمكانها تمت ماسكتنها وأتفكر بميثا ..أنا شو اللي مخلني أتحملها وليش ؟؟؟ معقوله هاي انسانه لا هاي مخلوق متجرد من الانسانيه
كيف يتحملها ريلها ؟؟؟ أتلوم ولدها ؟؟؟ سبحان الله مافيها ذره إحساس ....

وبمراره وقهر تذكر يوم خبرتها أنها أنخطبت تذكر كيف ميثا أستخدمت كل أساليب الإقناع عشان أتخليها ترفض اللي تقدم لها والسبب أنه هي ما أنخطبت ما كانت تبا العنود أتكون أحسن منها بشي ..أختلقت قصه وهميه من خيالها ولعبت براس العنود ..
اللي تقدم للعنود كان واحد من كبار التجار يلعب بالفلوس لعبه ...شاف العنود بالصدفه عند المدرسه وأعجب بها ووصل لهلها يطلب إيدها ,,
العنود بفرحه : ميثوه عندي خبر وااااااااااااايد حلو
ميثا : شو قولي بسرعه
العنود بضحكه بريئه : أنخطبت ههه هههه
ميثا : جذابه
العنود : والله واللي خطبني واحد مليونير عنده فلوس ووسيم
ميثا: ولد منو ؟؟؟؟ ومن وين أتعرفينه وليش ما قلتي لي من زمان
العنود: باسم الله أشياج علي لا أعرفه ولا يعرفني ... أتعرفين موزه سالم ؟؟؟
ميثا : هي هاي الخقاقه اللي شايفه عمرها ... خسفه لو حلوه ما أدري شو بتسوي
العنود: هههه حرام عليج بالعكس هي وايد حبوبه وفنانه أنتي اللي ما أتدانينها
ميثا: أففف خلها أتولي ألحين شو سالفتها هاي شدخلها بسالفة خطبتج
العنود : ترا بطي يصيرأخوها
ميثا : وع وع وع عنوده والله ما عندج سالفه لو وافقتي وبعدين أنتي وايد صغيره على العرس
العنود: أتصدقين أنا بعد قلت جيه يعني ألحين أنا توني مكمله 17 وما أحس أني قد المسؤليه بس هو يحبني
ميثا : أي ياويهج أي حب أي خرابيط شو فلم هندي لا حب ولا شي هذا واحد تافه أصلا
العنود : لا ميثوه هو قال لأبويه بنتك أباها لوشو ما يصير واذا تبا بخليها أتكمل دراستها وأتسوي اللي تباه بس دخيلكم يوزوني إياها
ميثا: جذاااااااااااااب والله يقص عليج
العنود : لا حرام حتى أهله ناس وايد طيبين أمه فنانه تعرفين أول ما شافتني قالت ماشاء الله عليج مب من أشوي متخبل ولدي عليج
ميثا : هههه ههه عنودي لا أتضحكيني ألحين أنتي شو من جمال فيج ...؟؟؟ الصراحه بياضج يلوع بالجبد جنه روسيه ومافيج جمال أنا أحلى
العنود : أوي ميثو يعني هو يقص علي
ميثا: هي يالهبله هالرياييل ما لهم أمان وخصوصا هالتجار عادي يتزوجج كمن يوم بعدين يطلقج
العنود : لا باسم الله علي ما أبي أتطلق وأنا صغيره والله حرام
ميثا : الصراحه عنود ما أبيج أتوافقين عليه والله عشان مصلحتج وأنا أخاف عليج أنتي لو أتعرفين عنه جان رفضتي على طول
العنود : شو شو شو أتعرفين عنه ؟؟؟ خبريني الله يخليج ...
ميثا : لا ما يخصني بعدين بتقولين أنا غيرانه منج عشان جي قلت هالرمسه وما بتصدقيني
العنود: لا والله ميثوه حبيبتي أنتي أتعرفين ما عندي أم ولا أخوان ولا خوات وأنتي كل شي بالنسبه لي بعد باباتي أرجوج أنصحيني أنا غبيه ما أعرف شي
ميثا : أتعرفين حصووه الصايعه ؟؟؟
العنود : هي أعرفها شو فيها قولي ؟؟؟؟
ميثا: تطلع وياه
العنود :لا حرام عليج ميثوه هو مب من هالنوع والله يمكن أنتي مغلطه مب هو
ميثا : شفتي قلت لج ما بتصدقيني خلاص عنود وافقي وأنا أنسيني ما أبي أشوفج تهدمين مستقبلج وأسكت ولا أقدر أستمر بصداقتي وياج
العنود : لا مياثي حبيبتي مصدقتنج وخلاص اليوم بقول لباباتي أنا مب موافقه
ميثا بخبث : وما بيقول شي
العنود : مب أنا وحيدته واللي ماله غيري في الدنيا ..أكيد بيوافق هو أتهمه سعادتي وبس ....
ميثا بإبتسامه خبيثه : طمنتيني الله يطمنج .....
بعد هاي السالفه بفتره بسيطه أنخطبت ميثا وعرست قبل لا أتخلص الثانويه العامه .....

أرتسمت إبتسامة قهر على شفاتها تلفتت حولها ما لقت غيرها والخدامه في البيت ... أبوها بعد رفضها لبطي سكت عنها وقرر أنه يخليها تتخذ قراراتها المصيريه بنفسها لأنه أنصدم منها يوم حاول يقنعها أنها ترضى بـــ بطي زوج ردت عليه بالكلام اللي علمتها إياه ميثا وكان كلام يسم البدن ... بعدها بأربع سنين توفي بجلطه ومن يومها والعنود عايشه بروحها فبيت أبوها يزورونها خوالها وحريمهم وطبعا الكل طمعان فثروتها.. خالها الكبير كل يوم والثاني يايب لها شيبه يبيها تتزوجه عشان يقدر يلعب بفلوسها على كيفه بس هي ترفض.. خليفه زوج ميثا مستلم إداره شركات أبوها وحلاله طبعا بعد ما أقترحت ميثا عليها هالشي وتاخذ منها نسبه من دون علم خليفه ..
ياترى شو مخبيه لي الأيام معقوله في حد بيرضى ياخذ وحده مثلي عانس عمرها 33 سنه ؟؟؟ مستحيل ..الظاهر أنكتب عليه أعيش وحيده طول العمر ...الله يسامح اللي كان السبب ....................


حميد : أشوي أشوي يا أمايه مب زين عليج جذه
وفا: هههه فديتك عمي عادي مافيها شي أصلا المشي في هالفتره وايد أوكي
حميد : ماعليه بس ديري بالج ... والمستشفى مب طاير
وفا: هههههه عميه والله من شوقي لوعد ... ولهت عليها ما شفتها من زمان
حميد : أيييييييييييييييه يا وعد منو يصدق هالطيحه اللي طاحتها
وفا: أفا عليك عمي لا أتضيق روحك ان شاء الله ما عليها شر ...
حميد : الله كريم ... ها جنه سلطان ... وأول ما وصل عندهم ركض له سلطان
سلطان وهو يلوي عليه : أشحالك عميه شو أخبارك طمني عليك
حميد والفرحه باينه على ويهه : يعلني فداك يا سلطان أنت اللي وين كنت طمني على أخبارك شو مسوي و شو صار عليك ؟!!!
سلطان : السموحه منك عمي والله غصبن عني بس أوعدك أني ما أبعد عنكم مره ثانيه ....
حميد والدمعه بعيونه : وعد يا سلطان وعد ...ونزلت دمعه من عينه
وفا حبت أتغير الموضوع : السلام عليك أشحالك سلطان ...
سلطان : وعليج السلام ورحمة الله وبركاته ...(طبعا ما عرفها لأنها متغشيه (
وفا: عرفتني ؟؟؟؟
سلطان وهو عينه على بووعد : ههه أأأ خالتي أم سهيل
وفا: ههههههههه الله يسامحك ألحين أم سهيل شابه وحامل ههههههههه
سلطان: هههههه أوه تذكرت وفاء
وفا : تو الناس
سلطان : أفا يا أم سلطان وهل يخفى القمر !!....؟؟؟
وفا : هههه على كيفه أونه أم سلطان لا تطمن قالولي بنيه ان شاء الله وبسميها وعد
سلطان: والله يا أم وعد ان كانت بنت وسميتها وعد لج بشاره السموه اللي تطلبينها لو هي عيوني
وفا : تسلم وما أتقصر بس ما عليك خلني أتنقى عكيفي وأتكتك بعدين بخبرك باللي أباه سموه
حميد : ههه سلطان شو أتسوي خاري ...؟؟؟
سلطان : الدكتوره داخل وأنا أترياها تطلع أتطمني عليها
حميد : وفا أمايه تعالي بوصلج الاستراحه لين تطلع الدكتوره
وفا: برايك عميه أدلها بروح بروحي ....
حميد : لا بنتي بوصلج ... يلا أمايه
سلطان : ويه عروف أنت من وين طلعت لي
عارف : الله يغربل إبليسك تراني قلت لك بوصل الرضيعه وبييك يوم قربت شفت ناس عندكم عشان جذه ما ييت
سلطان : أهاااا حلو ...

,,,,

 

[ضوى العيون]

في غرفة أم سلطان
عوشه : الحمدلله على سلامتج يا ويخيتي ما أتشوفين شر عساج بخير ألحين
أم سلطان: بخير دامكم بخير ... أشحالكن يا بنات
مهره وشهد :بخير الله يسلمج خالوه
مهره : خالوه تريقتي ؟؟؟؟
أم سلطان : لا يا بنيتي مالي نفس
مهره : لا خالوه ما يصير..... أحط لج أشويه شوربه ؟؟؟
أم سلطان : مشكوره فديتج لا أتعبين عمرج ....
مهره : تعبج راحه ... (عدلتها عشان تقدر تشرب الشوربه) ...
أم سلطان : الله يرزقج بالريل الصالح اللي يسعدج يا ربي... بارك الله فيج ما قصرتي
عوشه : بالهداوة يا أميه مب زين أتحركينها جذه بدفاشه
شهد : هههه والله قطعوها صدق دفشه
عوشه : أنتي بدل لا تضحكين على ختج فازعيها وزهبي الشوربه ... والا فالحه لطوالة اللسان
مهره : ربج ما يضرب بعصا ههههه دوااااااااااااااج
شهد مبوزه: ...........
عوشه : أقول يا أم سلطان
أم سلطان : آمري الغاليه شو فخاطرج
عوشه : ما يآمر عليج عدو ... وعد مرت ولدج هنه في نفس المستشفى صح ؟؟!!
أم سلطان : هي بس هي الصوب الثاني
عوشه : شهد طوفي ويايه بنمر عليها
أم سلطان : زين أتسوين يا أختي طمنيني عليها
عوشه : ان شاء الله يلا شهد ....
طلعوا واتجهوا لغرفه وعد .. فهالوقت طلعت الدكتوره من عندها وسار بو وعد يزقر وفا عشان تدخل عندها

استراحه النساء
و فا: هههه الله يسامحج ألحين أنا الي قطعت والله أنتي وأربيعتج مب متفيجات لي
عذيجه : هي أنا وربيعتي والا أنتي الي ما لج دخل فينا
وفا: الصراحه أنتي من سافرتي ما دريت عنج احيد من كم شهر سألت وعدوه قالت لي بعدها ما ردت وقلت لها أتسلم عليج
عذيجه : هي أذكر وصلتلي سلامج ... ما شاء الله أنتي فـ أي شهر ألحين
وفا : الله يسلمج توني مخلصه الثامن وداخله التاسع
عذيجه :ماشاء الله والله مب باين عليج ... متى عاطينج موعد ؟؟؟
وفا : أول الشهر يعني بعد اسبوع ان شاء الله ... وأنتي
عذيجه : الله يقومج بالسلامه ان شاء الله .... أنا الله يسلمج على حسبة الدكتوره المفروض 11/11 عقب رمضان ان شاء الله
وفا : الله يعينج يعني باقلج تقريبا ست شهور ... شو شعورج ؟؟؟ كيف حاسه مع أول حمل
عذيجه : ما أعرف خايفه ومستانسه بنفس الوقت شعور حلو بس الصراحه أخاف من الولاده
وفا: لا اتخافين ولا شي توكلي على الله وان شاء الله ما عليج شر
حميد عند الباب : أم سيف
وفا : ويه هذا عميه حمد .... تفضل عميه محد غريب
وأول ما دخل حميد : السلام عليكم ورحمه الله وبركاته
عذيجه ووفا: وعليكم السلام ورحمه الله وبركاته
عذيجه : هلا عمي حميد اشحالك .... نشت وباسته على راسه
حميد: ماشاء الله تبارك الرحمن وأنا أقول المستشفى منور ثرج أنتي موجوده..حبتج العافيه يا بنت محمد أشحالج وكيف صحتج
عذيجه : بخير بشوفتك أشحالك أنت عمي شو مسوي عساك بخير ونعمه
حميد: الحمدلله يا بنتيه عايشين .... الحمدلله ...خير ان شاء الله شو عندج ؟؟؟
عذيجه : سلامتك عمي بس ييت بتطمن على وعد
حميد :أها ... نشن عيل الدكتوره طلعت عنها .....

في العين فبيت مزنه ....
فاضل: مزنه اللي قاعديصير ما ينسكت عنه ...
مزنه: ....
فاضل : مزنه أكلمج أنا
مزنه : شو تباني أقولك ؟؟؟
فاضل: لا أتمين ساكته فكري ويايه بحل يرضي الطرفين
مزنه : فاضل اللي صار شي خارج عن ارادتي وإرادته وأنا مستحيل أضر سلطان بشي هو الوحيد اللي بقا لي في هالدنيا
فاضل: أفا يا مزنه وأنا وين سرت عنج ؟؟؟!!!
مزنه بحزن : أنت هه هه أنت يافاضل سرت مكان بعيييييييييييييدأنت يا فاضل صرت صعب المنال
فاضل: ليش أتقولين هالرمسه يالغاليه أنا من لي في هالدنيا غيرج ؟؟؟ أنتي أهلي وناسي أنتي أغلى ما أملك
مزنه: ليتك يا فاضل أثبت لي هالشي مب الا رمسه ...
فاضل : مزنه لا أتلوميني على شي ما لي دخل فيه وصار غصباً عني
مزنه : عبادي نش ؟؟؟؟
فاضل: لا بعده راقد .... ليش أتغيرين الموضوع ؟؟؟؟
مزنه: لأنه ما منه فايده نقاش عقيم ... فاضل خلني جذه أنا مرتاحه بحياتي والحمدلله سلطان مب مقصر علي بشي موفر لي كل شي ..عندي خدامه تشوف طلباتي ودريول وبيت باسمي شو أبا أكثر من جذه ؟؟؟؟ الحمدلله
فاضل : بس يامزنه لا الخدامه ولا الدريول والبيت بينفعونج من دون سند ... عبادي الحين صغير ما يفتهم بس باجر بيكبر يبي حد يجابله ..أنتي اللي فيج مكفيج يمكن ألحين مب حاسه بعجزج عن رعايته لأنه صغير وطلباته بسيطه بس باجر يوم يكبر اذا مالقى حد يقوده ويفهمه الفرق بين الصح والغلط بيضيع من إيديج وأنتي ما لج حيله ...
مزنه : فاضل صح أني أنحرمت من شوفته بس الحمدلله مربتنه تربيه صحيحه ولا أتظن أني فيوم حسيت بعجزي .. اذا ما شفت بعيوني أشوف بقلبي وإيماني الحمدلله على كل حال أنت لا أتحاتيني وفرغ نفسك عشان أنروح بيت أهل هيفا العصر
فاضل: الله يهداج كيف ما أحاتيج وأنا مالي غيرج ؟؟؟وبعدين أشوف الوقت مب مناسب للخطبه بعدني مب متقبل أنه فيوم ممكن تكون فحياتي
إنسانه أقدر أشاركها أفراحي وأحزاني ...
مزنه: فاضل لا أتفشلني في الناس لو سمحت أنا ما سويت هالشي الا يوم أنت طلبت ومالك حق أتي تهدم قبل لا تبني ,,, سر ارتاح الحين
وأجهز الساعه 4
فاضل : ان شاء الله وماعاش اللي يفشلج ...

على بحر الممزر
سيف : مرحبا
هيفاء: ...................
سيف: حبيبي سوري والله أنتي ما تدرين شو اللي صار عليه فغيابج
هيفاء: .............
سيف : هيافي حياتي ردي عليه لا أتعذبيني والله ما أقدر أتحمل زعلج
هيفاء: ههه ليش يا سيف ؟؟ ليش أتقص على عمرك وعلي سيف أنت ما تباني أنت بس تبا تتسلى ويايه وبعدين أظن أنا قلت لك خلاص
بنخطب واذا الله راد وصار نصيب بتزوج هالانسان ....
سيف: نعم نعم ما سمعت عدل عيديها الرمسه .... ههههه أونه بتزوج مسكين حالج
هيفاء: سيف أنت شو تبا مني بالضبط ؟؟؟
سيف: أباج لي وبس
هيفاء : ليش ما تتقدم لي رسمي ؟؟؟
سيف : قلت لج مب وقته
هيفاء : أنت ما قلت مب وقته قلت اذا خطبج واحد أوكي توكلي على الله وخذيه لا أتمين تترييني
سيف: أنا ما قلت
هيفاء : ما بناقشك لأنك تدري أنه هذي الرمسه أنت قايلنها
سيف: هيفاء ترى اذا فكرتي أتوافقين بوديج فداهيه بفضحج مسجل صوتج
هيفاء : شو تباني أتوقع من انسان حقير مثلك أكيد هاللي تقدر عليه يالجبان
سيف : يا حيوانه لا أتقولين جبان أتخسين والله للأييج لباب بيتكم وأفضحج ربيعي في أمن الدوله طبعا ما يحتاي أقولج شو ممكن أسوي
هيفاء : ربيعك هذا ما عنده ضمير مستغل منصبه بشكل خايس وحقير الله بينتقم منك ومنه وخذها نصيحه مني سيف لا أتحاول تستفزني يتراوالك أني مسالمه وعلى نياتي بس صدقني يوم غايته ما عليه من حد أتبع مبدأ علي وعلى أعدائي.. ماعاد يهمني شي مثل ما أنت أناني أنا بعد بصيرأنانيه وبشوف مصالحي
سيف مصدوم: ......
هيفاء : الله لا يوفقك ...وترقع السماعه
بعده مب مقتنع باللي صار ولا مصدق الرمسه اللي سمعها معقوله هاي هيفاء الانسانه الحبوبه الرقيقه الحنونه اللي يحبها من كل قلبه ؟؟؟
ليش جي أتعاملني ليش أنا شو ذنبي شو سويت ؟؟؟؟؟
أمرك غريب أتحبها وتتدعي العكس ؟؟؟!!! شو أستفدت من كتم حبها باجر بيخطبها غيرك وبتوافق عليه وأنت بعدك أتفكر اذا أنت أتحبها ليش أتزعلها؟؟؟
بس والله أنا ما أعرف كيف أعبر لها عن حبي أبي أتأكد أنها أتحبني ... شو تتأكد معقوله بعد كل هاي المده بعدك تبى تتأكد ؟؟؟ أنت أصلا مب عارف شو تبغي .... يحس بصراع غريب بداخله كأنه شخصين مب شخص .. يحبها ويخاف من مشاعره ... وينج ياوعد يوم أحتاجج وين ؟؟؟ ياربي ليش كل ها يصير ويايه .. أنا ما أبي غير أنها تفهمني و أتأكد منها شو اللي يضمني أنها ما بتخوني مثل ما خانت ثقة أهلها وكلمتني ؟؟؟!!!! أفففففف الله يلعنها من حاله ياربي تشفي وعد مالي غيرها محد يقدر يساعدني بعدك غيرها .....

 

[ضوى العيون]

فبيت خليفه الساعه 1 ونص الضهر
سهيل : السلام عليكم ورحمة الله وبركاته
خليفه : وعليكم السلام ورحمة الله وبركاته ... أشحالك سهيل
سهيل تجدم وباسه على راسه : بخير الله يعافيك أبويه ... وين سالم ما رد البيت ...؟؟؟؟
خليفه : سالم عند يدتك في المستشفى
سهيل : أبويه ممكن طلب ...
عنود :هههه بدينا بالتقردين
نجود : اسكتي خل نسمع شو يبا
خليفه اللي يموووت في بناته : عيب يوم يرمس أخوكن الكبير تسكتن لا تتدخلن بين رمسة الرياييل
غيث : أحسن أدبوكم يعني باباتي يوم أتكلم أنا بعد صح ؟؟!!!
عنود : ههههههههه يا ويهك ألحين أنت طولك شبر ونص تتفلسف بعد
نجود : آخر زمن غوغو مسوي له راس
خليفه : عنود ونجود ممكن يا سموالأميرات أتنقطونا بسكاتكم .. سهول حبيبي آمر شو فخاطرك ...
سهيل : مايآمر عليك عدو ,,, بس بغيت أروح أزور وعد ويدوه
الكل : هي بابا نحنا بعد بنروووووووح بليييييييييييييز
خليفه : وين أمكن بعدها ما يات ؟؟؟؟
عنود : أصلاً هي متى يت طول عمرها برع ...
خليفه أنصدم من رد بنته ماتوقع أنه عياله ملاحظين غياب أمهم المستمر عن البيت ماعنده رد ولاله ويه يقول لبنته عيب صحيح أنه مهما صار تكون أمهم بس هي تناست هالشي والظاهر بتخليهم ينسونه ...
بعد فتره من السكوت
خليفه : شو رايكم أنروح نتغدى برع وبعدين بوديكم سيتي سنتر والعصر بنروح المستشفى عند أمايه ووعد !!!!
غيث يناقز من الفرحه : هي هي هي يعيش خلوفي أحسن بابا في العالم
عنود : الله ونااااااااااااااااااااااااسه بابا أنت فنان واليوم الأربعاء يعني ماشي دراااااااااااااااااااااااااااااااسه يا سلام
نجود: هههههه باسم الله جنهم عيال فقر وماشايفين خير ...
سهيل : ههه والله ضحكتيني مب جنج بتطيرين من الفرح روحج مب مصدقه الخبر للحين ...
خليفه : هههههههه يلا اللي بيتأخر ما بيروح
ركضوا كل واحد على غرفته علشان يبدلون وما يتأخرون
خليفه فخاطره أشياء وايده حاس بتعب وأنه محتاج لشريكة حياته توقف معاه بس مب لاقيها لاهيه من صالون لسوق لحفله لعزيمه حتى أمه ما راحت تتطمن عليها وتتحمد لها بالسلامه ...ليش هي أصلا تدري أنه أمي الحين بخير ؟!!!!
يا ربي شو اللي مصبرني عليها شو ؟؟؟
....................
في مدرسه ثانويه دبي
هزاع : والله يا حمد بخبر عليك عروف هو اللي يعرف لك
حمد: أنت جب ما يخصك أشفيك مستوي شرات الحريم أتنقل الرمسه
هزاع: الحين اللي يبي مصلحتك صار مثل الحريم الله يسامحك ...
حمد: هزاع أنت ما يخصك فيني فاهم أخوي في البيت لا أكثر
هزاع : بس ياحمد
حمد : فكنا الله يخليك ألحين أتدور علي في المدرسه كلها وآخرتها هاي سوالفك التافهه
هزاع: شوف أنا حذرتك هالمره بس المره ...
حمد: أخبرك أقلب ويهك ولا تتفسلف علي فاهم ... على آخر عمري أتي أنت الياهل وتنصحني
هزاع: الله يهديك
حمد: هههه بدا المطوع يلا باااااااااااااااااااااااي
هزاع : لا حول ولاقوة الا بالله ألحين اللي يطلب لك الهدايه سويته مطوع !!!!!
فهد (ربيع هزاع الروح بالروح): زوز خله يولي عقله في راسه ويعرف خلاصه وأنت اللي عليك سويته
هزاع: لا يا فهد هذا أخوي من لحمي ودمي واللي يضره يضرني ما عليك منه أنا أعرف أتصرف وياه
فهد: يلا عيل خل نلحق على الصلاه ..
هزاع : يلا مشينا
.........
سعيد: ألو مرحبا فينا نحكي مع القمر
سيف فخاطره , ييت بوقتك : هلا أشحالك بو عسكور
سعيد : الحمدلله منيح أنت شو أخبارك شو عامل
سيف : ههه لا اتضحكني ما يليق عليك ارمس شرا العالم
سعيد : فديتك حبيبي أنته
سيف: أعوذ بالله من الشيطان أشفيك أنت !!! مستخف ؟؟؟؟
سعيد : باسم الله شو فيها لو دلعت أخوي حرام والا عيب يعني لو وحده قايله هالرمسه جان تشققت من الوناسه
سيف : روحك قلتها لو وحده يعني هالسوالف أتلوق على البنات مب الشباب
سعيد : ههههه أتلووووووق أي لغه هاي ؟؟؟؟
سيف : يا أخي حل عن سماي شو عندك أشعنه متصل تستعبط عليه
سعيد : أفا حياتي شو فيك ليش متضايق
سيف : سعود أرمس عدل والا بسكر التلفون والله مب فايج
سعيد : أفا ليش خير شو فيك أنت وين خبرني
سيف : عند الممزر
سعيد : أفا طع الخيانه
سيف: لا والله بس كنت متضيج أشوي قلت أتمشى
سعيد: أنزين لف وراك أشوي
سيف وهو يلتفت وراه : يالنذل ألحين منشف ريجي من الصبح ومأذني وأنت وراي
سعيد : الصراحه أنا كنت خاطف على السريع شفت موترك مستن في الباركنات قلت خل أغلس عليه أشوي
تجدم منه وتوايه وياه ....
سيف: باسم الله سعود بديت أشك في سلوكك أنت شي فيك ؟؟؟ متعاطي شي؟؟؟؟
سعيد :هههههههههه حرام أبوس أخوي !!! حرام أوله عليه ؟؟؟؟
سيف: ما قلنا شي بس يوز عن الطفاسه
سعيد: ههههههههههههههههههههه تريقت ؟؟؟؟
سيف: لا والله مصراني متقطعه من اليوع
سعيد: عيل قم وياي عازمنك على الريوق
سيف: يلا،،،،،، أنروح بموتري والا موترك
سعيد : لا كل واحد يروح بروحه
سيف: ليش شو عندك تبا أتروح بروحك؟؟؟
سعيد: سلامتك بس يمكن أنت تبا أتسولف ويا الحب ...
سيف: يالسخيف لا حب ولا خرابيط شو ماشي شغل يعني
سعيد : أفا روميو شو صار فيك ليش أعتزلت الفن
سيف : سعيد أذلف عن ويهي خلاص مب ساير وياك
سعيد : أفا تزعل من بوعسكور ؟؟؟!!! أسولف وياك يلا قم بنروح بموتري ...
سيف: ان غلست علي والله بودرك وبروح ...

في غرفة وعد
عذيجه لاويه على وعد: فديت روحج وعود حبيبتي نشي
وفا وهي تدمع: أستهدي بالله يا عذيجه مب زين هالي أتسوينه أدعي لها
عذيجه: مب مصدقه اللي يقولونه هي راقده الحين بتنش ... وعدان نشي شوفي أنا حامل
وفا تلطف الجو : ههه وعود نشي أنا بعد حامل والفال لج ان شاء الله
عذيجه: لو سمحتي لا أترزين بجرشتج بينا
وفا: لا والله أصلا أنا الوحيده اللي يحق لها ترمس لأني بسميها وعد ان شاء الله
وفجأه عم الهدوء ... اشوي وسمعوا حد يدق الباب ودخل
عوشه : السلام عليكم ورحمه الله وبركاته
شهد: السلام عليكم
سلموا على بعض وتموا يسولفون اشوي وبعدين وصلت رويه أم سهيل وخذت وفا وراحت
أما عوشه وبنتها رجعوا عند أم سلطان يطمنونها على وعد وعذيجه رجعت ويا عارف

في السياره
عارف : عذوج طمنين عليها أشحالها؟؟؟
عذيجه: ...................
عارف : عذوج أشفيج صاخه شو ياج ؟؟؟؟
عذيجه بدت بنوبة بكاء بطريقه هستيريه .....
يا ترى شو اللي صار

 

[ضوى العيون]

أموت أنا في حبهم 9
في السياره
عارف : عذوج طمنيني عليها أشحالها؟؟؟
عذيجه: ...................
عارف : عذوج أشفيج صاخه شو ياج ؟؟؟؟
عذيجه بدت بنوبة بكاء بطريقه هستيريه .....
عارف بركن السياره عند أقرب محطة بترول ونزل ياخذ لها غرشه ماي وبنفس الوقت يبي يترك لها المجال أتعبر عن اللي في خاطرها ... عارف مقدر شعورها لأنه وعد كانت الإنسانه الوحيده اللي أتعرفها أو بالأحرى اللي تمت على صله وياها بعد سالفة سجن أبوهم.. كل ربيعاتها أهلهن أجبروهن يبتعدون عن عذيجه لأنه أبوها كان مسجون بالكويت ومحد يبي بنته أترابع بنت خريج سجون حتى لو كان مظلوم..بس وعد غير كانت أختهم اللي ما يابتها أمهم همهم همها وفرحهم فرحها وعد جزء لا يتجزأ من حياة عذيجه وغاليه على قلبها (عارف فخاطره بس مب أكثر من غلاتها فقلبي) وأكيد بتتأثر باللي صار لها ..
المحاسبه : 5Dh sir
عارف أنتبه أنه في حد يكلمه: excuse me !!????
المحاسبه : 5Dh sir
عارف: sorry here you go
المحاسبه: Thank you sir , have a nice day
عارف: thanks , same to you
بعد ما وصل للسياره شافها أتصيح بس بهدوء وشكلها أرتاحت أشوي ... فتح غرشه الماي وقربها لها
عارف : عذوجه أشربي أشوية ماي وتعوذي من إبليس
عذيجه خذت الماي وشربت منه أشوي ورجعت راسها على الكرسي وغمضت عيونها وصورة وعد ما أتفارقها
عارف يحاول يغير الجو : عذوج شو رايج أنمر على اليهال ؟؟؟
عذيجه: هم ممممممم
عارف : شو همممم أقولج شو رايج أنمر على الشبيبه وأنروح نتغدى بمطعم ؟؟؟؟؟
عذيجه : كيفك بس أنا نزلني البيت عند أمايه
عارف : شو نزلني البيت مب بكيفج وبعدين أمايه تغدت الحين الساعه 1 وأنتي عارفه الدكتور موصي تتغدى من وقت وتاخذ دواها الحين.. يعني حتى لو رحتي البيت بتلقينها راقده ... يلا غناتي خلينا نستانس أشوي ...
عذيجه: مالي خلق عارف والله مالي خلق
عارف : ما يخصني أنا بمر على حمد وهزاع قبل بعدين بناخذ روضوه وحموده
أتصل بالدريول يقوله أنه هو اللي بيمر عليهم كلهم وأول ما وصل عند المدرسه وركن سيارته أشوي بعيد وأتصل لـ هزاع وحمد
أول ما وصلوا بدت الحرب العالميه
هزاع يمشي بسرعه : أنا بيلس جدام ما يخصني
حمد: يالنذل أنا أكبر منك وأنا اللي بيلس جدام
هزاع : ما يخصني (وعلى طول فتح الباب وأنصدم) ....!!! باسم الله أنتي شو أتسوين هني
عذيجه اللي أنفجرت من الضحك عليه: ههههههههه شو شايف يني ؟؟؟!! شو يعني شو أسوي هني ؟؟؟ عبببببببببببببببببببببببببببببببببببببط
حمد: ههههههههههههههاي والله وأحترق الويه الله داواك تستاهل عشان تتأدب ومرة ثانيه تحترم أخوك الكبير
هزاع: هه هه والله ضحكتني أنا أحترم اللي يحترم نفسه
عارف : جنكم مصختوها وأنا ساكت لكم ؟؟!!!!
عذيجه: الله ياخذ إبليسكم أنتوا كله تتناقرون عنبو جنكم عدايل
حمد: ههههه كله من هالمطوع
هزاع: أحسن منك ويشرفني أكون مطوع... الحمدلله على الأقل أعرف ربي
حمد: شو قصدك ؟؟؟ أشوفك تغلط على كيفك
عارف : أفففف أستغفر الله صدق أنكم بلوه أصلا أنا الغلطان اللي ناوي أطلعكم تدرون بنزلكم في نص الدرب أخذو تكسي وروحوا البيت ونحن بناخذ البنات وبنروح نتغدى
حمد : نعم نعم حلوه هاي لا حبيبي أستريح مب نازل من السياره ما يخصني
عذيجه: خلاص صدعتوني والله حتى البيبي بدى يرافس من حشرتكم .....
هزاع : فديت البيبي وماماته خلاص عذوجه عشان خاطرج والا بعض الناس ما يستاهلون ...
حمد: وي عارف كيف تسكت له ؟؟؟؟ أنا منك جان غسلته بالعقال
عارف : وأنا منك جان حطيت لساني فــ ثمي وسكت
عذيجه: ههههههههههههه الحمد لله والشكر يلا عن نتحير على البنات
مروا على مدرسة البنات وطلعتهم عذيجه لأنه دوامهن يخلص الساعه 2 ونص
روضه متروعه: باسم الله شو صاير عذيجه بلاج أمايه شي ياها ؟؟؟ شو فيكم حد من أخواني فيه شي ؟؟؟؟
حمده: عذوج شو صاير والله ما أقدر أتحرك من الزيغه وليش جي ويهج ؟؟؟ كنتي أتصيحين
روضه وهي تبلع ريجها: عذيـ ــ ــ ــ جـــ ـــ ه
عذيجه: حووووووووو شو بلاكن أنتي وياها أستخفيتن ألحين هاي يزاتي يايه بطلعكن أنروح نتغدى مسويات لي فلم هندي ؟!!!!
روضه: الله يسامحج روحي من الصبح قلبي منقبض ما أدري شو فيني وأتين أتطلعيني فجأه والله تروعت حسبالي
عذيجه أتقاطعهن : بسسسسسسسسسكن من الهذره يلا أمشن فضحتونا لو يسمعني مدرساتكن بيقولون ونعم الأخت مطلعه خواتها عشان يتحوطن ....
روضه وحمده : هههه رحم الله إمرءٍ
عذيجه : أوكي ألحين أنا الغلطانه
روضه وهي أتبوسها : فديتج والله أنتي تاج راسي
حمده : بدى التقردين
روضه : جب
عذيجه : بديتن !!! نحن ما نخلص من زوز وحمد تبدن أنتن والله ليذبحكن عروف
حمده : فديت هالطاري فديت روحه
روضه : الحمدلله والشكر
حمده: جب يالغياره
طلعن من المدرسه وركبن السياره وطبعا في البدايه أشوية ضرابه ويا الشباب بعدين أصطلبوا وتموا يسولفون
... راحوا مطعم قصر الهند وتغدوا
طبعاً طول الوقت ضحك وغشمره وجو حلو .... بعد الغدى رجعوا البيت وكلهم رقدوا بعد التعب ...

في العين ... بيت سهيل عبدالرحمن (ولد عم وعد(
نوره مبوزه: ...........
سهيل : فديت القمر فديت حياتي والله على منو طالعه ؟؟؟
نوره: أكيد مب عليك
سهيل : أفا !!! خلاص أنا زعلان
نوره : لا بابا ما يصيرأنا كنت زعلانه قبل يعني أول لازم أتراضيني بعدين أنا براضيك
سهيل : أممممم خليني أفكر أشوي
نوره : بابا شو أتفكر أنا بنتك دلوعتك زعلانه منك وأتقول بفكر خلاص أنا بعد فكرت بسالفة خالتي سلوى
سهيل عدل يلسته وبطل عيونه على الآخر : شو شو يعني ؟؟؟؟!!!
نوره : ماشي
سهيل : نواري حبيبي شو هالرمسه بعد الحين يهون عليج بابا أتخلينه وأتروحين عنه؟؟ ؟؟
نوره: لا فديتك باباتي مستحيل أروح عنك
سهيل : هاي خالتج لو الله يهديها وأتودر عنها هالسوالف الي ما منها فايده زين
نوره : هههههههه بابا ترا هي بتي تتغدى ويانا اليوم
سهيل : عوذ بالله من شرها ليش ما قلتي لي ؟؟؟
نوره : عشان تشرد !!! ههههههه
سهيل : يالشيطانه .... ليش أشرد !!! ماله لزمه اليوم لازم أوقفها عند حدها
نوره : بابا لا تتضارب وياها بليييييييييييييز
سهيل : عشان خاطرج .. (فهاللحظه دق الجرس) ..... أففف أكيد وصلت
نوره وهي تغمز له : بسير أستقبلها
سهيل مسكها من خصرها ورفعها فووووق ونزلها ،، وقرصها بالخفيف على خدها.... وفي خاطره مستانس
أحمدك يارب ... صح أني أنحرمت من أمها بس وجودها معوضني ومصبرني على العيشه وحيد .......

 

[ضوى العيون]

سلوى خالة نوره الوحيده متزوجه عندها مايد 4 سنين ومزنه 2 .. متزوجه ولد عمها ..دكتور في الجامعه ... طبعاً من توفت أختها وهي تلح على سهيل يخليها أتربي نوره وأتسكنها عندها دوم أتحاول تقنع نوره بهالشي وأتشيشها بس طبعاً لا نوره ولا أبوها يبون هالشي أو يرضون به
سلوى: السلام عليكم ورحمه الله وبركاته
سهيل : وعليكم السلام والرحمه ...حيالله من يانا
سلوى : الله يحييك ويبقيك أشحالك ...
سهيل : مانشكي باس ومن صوبج؟؟ ؟
سلوى : الحمدلله ... سلم عليك بو مايد
سهيل : هي الله يسلمه عيل ليش ما يا وياج ؟؟؟؟
سلوى : تدريبه مشغول هاليومين يجهز امتحانات الطلبه لنهاية الفصل
مايد: ثلام عليكم ,,, تجدم وتوايه ويا سهيل(السلام عليكم)
سهيل : عليكم السلام والرحمه هلا والله أشحالك حبيبي شو أخبارك
مايد : بخيل الله يثلمك (بخير الله يسلمك (
سهيل: ياربي عليها منو هالحلوه الأموره ؟؟!!!! مزوني فديتج تعالي عندي
مزنه: بابي ( ما أبي (
سهيل : بعطيج حلاوه
مزنه: حواوه ...؟؟؟ بح .. دني خدا ( حلاوه ...؟؟؟ بح ... الجني خذاه (
سهيل وهو يفتح إيديه : لا ما خذاه الدني أنا خذيته شوفي
قربت منه مزنه وشلها على طول يلسها عجتوفه وسار صوب المطبخ التحضيري اللي متعود يحتفظ فيه بحلاوه وشبس وسوالف لنوره ....
مايد ركض وراه : عمي أنا بعد أبي حلاوه ...
سهيل : أوكي
مايد : ثلني أنا بعد .....
سهيل : هههههه بثلك تعال
سلوى: نوره تعالي يلسي عندي
نوره : ان شاء الله خالوه
سلوى : حبيبتي شو سويتي بالسالفه اللي خبرتج عنها قلتي لبابا ؟؟؟؟
نوره : لا
سلوى وهي معصبه : ليش ؟؟؟؟!!!!
نوره خافت منها : نسيت
سلوى :أنا كم مره متصله أذكرج كيف تنسين ها؟؟ ؟؟؟
نوره : خالو أنا ما أبي أيي عندج بتم هني عند بابا
سلوى: ليش ؟؟؟؟ تعالي عندي بحط لج سرير في غرفة مزنه وبشتريلج ألعاب وايد
نوره : بس أنا أبي بابا ...
سلوى: عاد أنا ما علي منج وايد عطيتج ويه وأشاورج بتيين ويايه غصبن عنج
سهيل وهو طالع من المطبخ سمع الكلام اللي دار بينهم ويوم سمع جملة سلوى الأخيره ما تحمل أسلوبها ولا زعيجها على بنته دلوعته ..
سهيل وهو ينزل مزنه ومايد ويحطهم على الأرض : سلوى
سلوى : أعتقد أنا في بيتك ولا زم تحشمني ولا ترفع صوتك علي عيب
سهيل : لأنج فبيتي ومحشمنج ساكت لج والا كنتي شفتي شي عمرج ما شفتيه.. لا أتضنين أني ساكت خوفا منج او شي لا أنا ساكت احتراماً لروح المرحومه وأنا أدري أنه هالشي وايد بيضايقها لو كانت موجوده فدخيلج أحترمي قراري وقرار بنتي,, صح أنا ما أقدر أستغني عنها بس لو هي بغت هالشي صدقيني ما بحرمها منه
سلوى: هاي ياهل ما أتعرف مصلحتها ولا تدري شو الي يفيدها واللي يضرها أنت طول النهار في الشركه ومن ترجع يدوب تتفيج لها نوره بدت تكبر وتفهم ومحتاجه لأم ترعاها وأتعلمها الصح من الخطأ ..
سهيل :!!!! سبحان الله وأنتي شو رادار راصده تحركاتي !!...؟؟؟ لعلمج بس نوره ما أفارقها الا الصبح وهالفتره تكون في المدرسه ومايمديها ترجع الا أنا واصل البيت ومتغدي وياها.. والعصر أذاكر لها دروسها وبعدها نطلع نتمشى وترقد الساعه 8 كل هذا يا هانم يصير بوجودي وتحت إشرافي .. ما أضن ياسلوى يرضيج أنه حد يتدخل في تربيه عيالج ويعلمج كيف أتعاملينهم ومافي أم أو أب في هالوجود ما أتهمهم مصلحتهم
سلوى: أنت ياسهيل معاند وماخذ الموضوع بحساسيه كبيره أنا اذا حد ينصحني بشي في مصلحة عيالي مابهتم من يكون هالشخص أو مدى قرابته لي طالما أنه نبهني لشي في مصلحة عيالي مستحيل أنسى جميله ..
سهيل : في ضنج إبتعاد بنتي عني لمصلحتها ؟؟؟؟ وعلى طاري مصلحه عيالج خليني أخبرج ترا بنتج مزنه مشيتها مش سليمه ويكون أفضل لو تعرضينها على طبيب عظام الظاهر عندها إعوجاج فالقدم ..
سلوى: فال الله ولا فالك باسم الله على بنتي أنت شو تتبلى عليها ما أتخاف ربك ؟؟؟!!!!
سهيل : ليش يا سلوى أحيد انتي ما تنسين جميل اللي ينبهج لشي في مصلحة عيالج مسرع ما نسيتي رمتسج
سلوى: لو صدق كنت تبي مصلحتها ما عايرتها وتبليت عليها أصلا ً أنا الغلطانه اللي حاره قلبي عليكم مايد يلا ماماه خلنا أنروح البيت هالناس ما يفتهمون شي ....
سهيل : غدانا يا سلوى
سلوى : عليكم بالعافيه .... بعد ما عليت قلبي تباني أتغدى وأتسمم بكلامك لا مشكور ما أتقصر ...
سهيل : الله العالم ياسلوى أني ما تبليت على بنتج وأنه اللي قلته صح ...
سلوى وهي ترقع الباب بالقو : فمان الله
سهيل : الله يهديج ويصلح بالج
نوره : بابا ليش أتضاربت وياها
سهيل : حياتي ما ضاربتها كنا نتناقش هاي ما يسمونها ضرابه يلا نشي تغدي عشان أقولج عن المفاجأه الي مسونها لج
نوره : الله مفاجأه شو هي بابا ؟؟؟!!!!
سهيل : ما بتكون مفاجأه لو قلت لج
نوره مبوزه: ما أبا
سهيل : عن الدلع يلا بسرعه عشان أخبرج
نوره : أوكي

في غرفة أم سلطان ....
عوشه بعد ما راحت وتطمنت على وعد رجعت ويا شهد ويلسن عند أم سلطان وفي هاللحظه دخلوا سعيد وسيف بعد ما تريقوا ريوق متأخر جداً أقصد غدى لأنه سيف ما كل غير كروسونه أما سعيد الملقوف ما خلى شي الا وخذ منه وتريق ريوق دسم يغنيه عن الغدى...
سعيد وسيف : هود هود
عوشه : هدى هدى قربوا حياكم
سعيد : السلام عليكم ورحمه الله وبركاته
عوشه : وعليكم السلام والرحمه هلا والله هلا بالشيوخ أشحالكم شباب
سيف: سلام
شهد : سعيد وعليكم السلام ورحمة الله وبركاته ..... سيف عليكم
مهره : وعليكم السلام والرحمه
سيف: باسم الله أي شو ها عنبو حد يرد السلام جذه ؟؟؟ وأشمعنى سعيد صفيتي له السلام صف وأنا ؟؟؟
شهد " الرسول عليه الصلاة والسلام قال " بما معناه : لازم أنرد السلام بالمثل أو بأحسن " فأنا رديت على كل واحد فيكم بمثل اللي قاله ...........
سيف: وأشعنه شاقه الحلج ومستانسه يعني مسويه أنجاز حضرتج
شهد : الحمدلله والشكر اللهم سكنهم في مساكنهم
عوشه : عوذ بالله من لسان هالبنت أنتي شو ما أتحشمين حد
سيف اللي أستغل الموقف: مب لاقيه حد يردها ويوقفها عند حدها لو ترخصيني بقص رقبتها
عوشه : يبالها حد يقص لسانها
شهد: خسي والله ما عاش اللي يمد أيده علي.. هاللي ناقص وأنتي يا أمايه بدل لا أتدافعين عني تبين هذا يمد أيده علي ... وأنت صدق ما أتخيل تبا تستريل علي وأتمد أيدك!!!!! صدق ما أتخيل
سيف : جـــــــــــــــــــــب ولا كلمه والا قسماً بالله أكسر ويهج ألحين
أم سلطان : سيف عيب عليك شو هالرمسه
عوشه : خليه يوخيتي خليه يأدبها ما أتشوفين لسانها شمطوله
مهره : شهد بس طبي السالفه تعوذي من إبليس
شهد : هي ترا أنا كل من هب ودب بيأدبني ليش ما تذبحيني وترتاحين من شري مره وحده مب أحسن
سيف: شو هب ودب وخرابيط صج ويهج لوح يعني بعد كل هالتهزيء بعدج ترمسين
شهد : أكيد برمس ولا بسكت لأني ما غلطت بحق حد
عوشه: والله يا شهد يا تسكتين والا بخليه يكسر راسج بس عاد ما تخيلين توه متناقره ويا أبوها في البيت والحين ويا ولد عمج شو ما تستحين
سعيد : سيف عيب أسكت عنها ما يخصك بها
سيف: لا والله يخصني ونص وغصبن عنها تسمع الرمسه
سعيد : سيف أقصر الشر وأترك البنت فحالها
سيف: واللي يقول مب ساكت عنها
سعيد : الله يهديك
شهد : سعيد مشكور وما أتقصر بس ما يحتاي أتوصخ لسانك وياه خله يقول اللي يباه ما يهمني
سيف: ما أهمج ها ...؟؟؟ بنشوف يا شهد يا أنا يا أنتي,, ومن الحين أقولج الاسبوع الياي ملجتنا وعمي ما بيرد لي طلب وبتشوفين ما أكون سيف بن مانع ان ما كسرت خشمج وخليتج تركعين عند إريولي
سعيد : سيف تراك مصختها أمش معاي
سيف اللي ترك إيده : سمعتيها الرمسه ؟؟؟!!! محد غيري بيربيج
مهره مصدومه مب قادره تستوعب اللي يصير سيف بيملج على شهد !!! لا مب مستحيل أبوي ممكن يسوي هالشي حتى من دون لا يشاورها أي يشاور عادي يقوله خذها من دون عرس او حشره .....!!!! رفعت عيونها اللي أصطدمت بعيون سعيد.. نظراتها له كانت ترجي تستنجد به محتاجه لوقفته وياهم ..
سعيد : سيف عن الرمسه اللي مالها معنى
سيف : سعيد أنا ما أتغشمر وان ما ملجت عليها الاسبوع الياي هالعقال مب عراس ريال
أم سلطان مصدومه ومب قادره تتكلم أو تترجم عن اللي يدور بخاطرها,, الدكتور قايل اليوم العصر بيرخصها والمفروض ما يعرضونها لصدمات ،، بس سيف عنيد وراسه يابس بينفذ اللي في باله لو على موته .. حست بحيره وخوف تنقلت بنظراتها صوب عوشه أم شهد اللي المفروض ما تسكت عن اللي يصير ولا ترضى به بس أنصدمت من اللي شافته ....
عوشه منزلة راسها مثل اللي مستسلمه للي يصير أتعرف الأثنين عدل ريلها ما بيرد سيف لأنه من الأساس ما يهمنه بناته وعادي عناداً فيهم يوافق وسيف أعند من العناد نفسه دامه حط البنيه براسه مستحيل يشلها وخلاص بالنسبه لها شهد صارت حرمته حلاله ولا حد له شور عليها غيره ...
مهره تتطالع أمها بترجي تبيها أتقول شي تبيها أترقع السالفه ... بس ما لاقت منها غير الخضوع والاستسلام ... رضوخها للواقع هو اللي وصلها للطلاق عمرها ما فكرت أتعارض أو تناقش بشي يخصها تعودت يكون ناصر الآمر الناهي وهي مالها كلمه او شخصيه ....
أم سلطان : سيف
سيف: عيونه آمري يا بعد عمري
أم سلطان : تعوذ من أبليس يا بويه والقرار اللي تتخذه بلحظه غضب ممكن يرد عليكم أنتوا الأثنين بالشينه .. لا تتسرع يا أبويه ولا تاخذ السالفه عناد وتحدي
سيف: فديت روحج أنتي أرتاحي الحين وماعليج مني وانالو ما كنت مقتنع بها جان ما طلبتها ........

 

[ضوى العيون]

في هالمعمعه كلها محد لاحظ غياب شهد اللي من سمعت الحلفان والتوعد نشت وطلعت على طول حست بخنقه وأنها ممكن تنهار بأي لحظه بس هي ما حبت أتبين ضعفها وخوفها لأي كان ... صح ملسونه بس جبانه من داخلها تخفي ضعفها بطولة اللسان والتظاهر بعكس الواقع .. من صغرها نمى هالشي وياها لما كانت أتشوف أبوها المستبد كيف يعاملهم و أمها ...
وهي تمشي في ممرات المستشفى حست بدوخه وأظلمت الدنيا فيوها تسمكت بأول كرسي لقته ويلست عليه شايله همومها ... صح أني كنت معجبه بشخصيته وأسلوبه وعناده بس مستحيل أتقبله بعد هاليوم ،،،معقوله ينفذ اللي في باله عناداً فيني ؟؟!!! والله جايز مب غريبه عليه .. مافي حد بيوقفه عند حده غير يدي جابر مافي غيره .. مشت منزله عيونها للأرض بسرعه و متجهه للباب.. فجأه وقفها أصطدامها بجسم صلب هو أنسان بس حست به مثل الحجر ...
سيف والشرر يتطاير من عيونه : على وين ؟؟؟؟
شهد أرتبكت : أ أأ أ أ بروح البيت
سيف: ومن متى تطلعين روحج وما أتخبرين حد ؟؟؟؟
شهد : لا بروح الكليه
سيف: تعالي ويايه أمج أتدور عليج
شهد : لا خلاص أنت خبرها أني رحت
سيف: شهود أمشي جدامي لا أيرج جدام الناس وبعدين كلمه حطيها فبالج زين ماشي كليه فاهمة
شهد: أنت مالك حق تتدخل بحياتي وقراراتي فاهم
سيف: الظاهر نسيتي اللي صار من أشوي
شهد وبشراسه : لا مانسيت بس يوم بتخطبني وبوافق عليك وبتصير زوجي رسمي ساعتها لك الحق ترمس بس لذاك الوقت أبعد عن دربي ولا أتفكر تتحداني لا تضن أني بسكت وبرضى بك فاهم..
على طول طلعت ولقت السايق عند الباب ..ركبت السياره وقالت له يوديها البيت بسرعه ...
سيف: عض على شفايفه وهو يتوعد لها في خاطره ...
,,,,,,,,,,,,
في الصاله
العصر وبعد ما رجعت أم سلطان من المستشفى
بوسلطان : الله يهديج يا نوره لو رحتي حجرتج ترتاحين أشويه
أم سلطان : خلني يا بوسلطان تمللت من اليلسه روحي واشتقت لبيتي وعيالي
سعيد : فديت روحج والله البيت أنور
سالم: أمايه خذتي دواج؟؟؟؟
سيف : أففف مشكله الحشره ... هي خذته توني معطنها إياه
سالم : أتطمن عليها والا أنتوا مالكم أمان
بو سلطان: هههههه الله يهداك يابويه شو هالرمسه بعد
سيف: اللهم طولج ياروح ... الولد وأبوه طاحو فينا طيحه شو هالحاله
سلطان وهو حادر الصاله : مساء الخير ,,, تجدم من أبوه وباسه على راسه أما أمه فعلى طول طاح فحضنها
سالم: باسم الله عمي شو فيك ؟؟؟ بذبحها نش عنها يالدب
سعيد : أندوكم ألحين أنا آخر العنقود دلوع ماما ماسويت شراتك وانت الشحط تتدلع عيب
سيف : طع هذا من صدقه أي بابا نش هاي مب شبريه ...
بوسلطان : سلطون يالهرم خوز عنها ذبحتها
أم سلطان : ويديه أشفيكم عولديه خلوه ليش هالغيره ....
الكل : هههههههههههههه
بوسلطان : ثرج الا أنتي مدلعتنه ....
سلطان : أفففف شو هالحقد والغيره عنبو الواحد ما ياخذ راحته فهالبيت فديت أمي تولهت عليها فيها شي ؟؟؟
سعيد : والله أضني اللي يوله عليها يسأل عنها الصبح مب الا راقد عنها
سلطان: والله تعبااااااااااااااااااااااااااااااااااااااااااااااا ااان وبعدين أنا كنت عندها الصبح قبلكم كلكم
سيف: ههههههههه انزين لا اتصيح علينا ....
سالم: وتكلم المعرس
سيف : انجعم اليهال ما يتكلمون
سلطان : المعرس ؟؟؟ شو السالفه .؟؟؟
سعيد : أخوك المحترم سيف
سلطان: متى وكيف وليش ومن العروس ؟؟
سيف: باسم الله شو حلال عليكم وحرام على غيركم ؟؟؟؟
سلطان : حشى ما قلنا شي بس أمس مافي شي فجأه اليوم من دون مقدمات يعني ؟؟؟؟
بوسلطان: مافيها شي يا بويه شاف بنت عمه وخاطره فيها لا هو عيب ولا حرام
سلطان: أي وحده فيهن ؟؟؟
بوسلطان : شهد ...
سلطان : غريبه
أم سلطان أتحاول أتغير الموضوع لأنه بوسلطان ما يعرف كيف صا رالموضوع (الضرابه اللي بين سيف وشهد واللي كان نتيجتها الخطبه (
سلطان : ولله في خلقه شؤون .. عيل متى الملجه ؟؟؟
بوسلطان : بعد يومين بنروح نخطب رسمي وان شاء الله الملجة بنحددها بنفس اليوم ...
أم سلطان بحزن : على خير ان شاء الله ...
سلطان من نبرة أمه حس أنه السالفه فيها إن بس ماحب يسألها الحين أجل الموضوع ليوم يكونون روحهم...
وفجأه .... السلام عليكم ورحمه الله وبركاته
أم سلطان : أنفرجت أساريها وأبتسامتها مافارقت شفاتها ... هذا خليفه وعياله بعد ما غداهم ولعبهم مروا المستشفى ودروا أنه أم سلطان رخصوها ييوها البيت ..
سهيل : شال باقه ورد كبييييييييييييره في أيده ... حطها على الطاوله وسلم على يدته وتم فحضنها
عنود ونجود : الحمدلله على سلامتج أمايه
غيث: مايعرف يعبر فعلى طول لوى عليها وتم يبوسها ......
سيف: لا حول الله هاييل ناويين يخلصون الحنان كله اليوم ....
خليفه : أشفيك على عيالي ما يخصك بهم خلهم يسوون اللي يبونه
سعيد : خلهم يسوون اللي يبونه بس مب يطنشونا...
بوسلطان الي ردت له الروح بشوفتهم : حيالله من يانا
ونشوا كلهم عن أم سلطان وتوزعوا يسلمون على عمامهم .....

وبهالوقت وصلوا حميد وعائلة عبدالرحمن أخوه يايين يتحمدون بالسلامه لأم سلطان
الرياييل تيمعوا فالميلس والحريم حدرن الصاله،،،

 

[ضوى العيون]

فميلس الرياييل ...
مانع: حيالله من يانا
حميد : الله يحييك ويبقك يا بوسلطان
عبدالرحمن: علومك وأخبار الشغل
مانع: الحمدلله بخير ونعمه والشغل ماشي تمام التمام...
سهيل : تستاهل سلامة أم سلطان عمي بوسلطان
بوسلطان: الله يسلمك عاش من شافك بو نوره
سهيل : عاشت أيامك ... والله أنت أدرى بالشغل وأهواله
بوسلطان : هي الله يسهل عليك .. أشحالك بنتك عساها الا بخير
سهيل : بخير يطولي بعمرك ...
سيف: سهول وينك ياريال مالك شوف أبد !!؟؟؟
سهيل : أسمع منو يرمس عاد أنت اللي مكسر بابنا من كثر يياتك ... خلها على الله
سلطان: هههه الله يهداك أشوي أشوي علينا
سهيل : عيل ما أتشوفه متفيج يعاتب وما يشوف عمايله
سلطان: ترا سيفوه عمره ما تغير هاي طبايعه من يوم يومه...
سهيل : الا ما خبرتني وعد شو أخبارها الحين ان شا ءالله أحسن ... اسمحلي يا خوك ما كنت أدري اليوم واصل وخبرتني أم سيف ونوره حليلها ذبحت روحها من الصياح أنت تدري بغلاة وعد عندها
سلطان: أفا عليك بونوره لا أتشيل هم وان شاء الله ما عليها شر أزمه وأتعدي ....
سلطان وهو يكلم سالم: وينه أبوك ؟؟؟
سالم : قال بيسلم على خالتي أم سهيل وبيرد
سلطان : أها ... زين
سهيل : ماشاء الله كبرت وصرت ريال
سالم: إحم إحم أخجلت تواضعي
سعيد : أسميك ما تنعطى ويه
سلطان : حوه لا تغلط عليه ما أرضى
سالم: فديت روحك يعلني فداك يالغالي ...
سيف: أي لا تتعاونون على خويه فديته
سلطان : جيه شو شايفني ليكون أنا ولد البطه السوده وأنا ما أدري
سهيل : هههههههههه والله أمركم عجيب صدق ما أتوبون أبد ....

في الصاله ،،،
خليفه : بخير الله يعافيج خالتي أشحالج أنتي وشو مسويه ان شاء الله مرتاحه
رويه: الحمدلله يا بويه أنت شحالهم عيالك وحرمتك عساهم ما يشكون باس
خليفه : الحمدلله بخير ونعمه وصد على وفا ... أم سيف أشحالج
وفا من ورا الغشوه : بخير الله يسلمك
خليفه : ماشاء الله منو هاي الأموره
نوره تجدمت منه عشان اتسلم عليه : السلام عليكم
خليفه مد ايده لها وباسها على خذها ... : فديت اللي يستحون ماشاء عليها قمر
وفا: هههه الله يهداك يا بو سالم أخجلت بنتنا
خليفه : هههه ماشاء الله هاي بنتج ؟؟؟
وفا : لا هاي بنت سهيل ...
خليفه : فديتها ... الله يحفظها ... لف على البنات ... اشحالكن بنات ؟؟؟
موزه وهند : بخير الله يسلمك
خليفه : السموحه منكن بترخص بروح الميلس عند الشباب
رويه : بالحل فديتك سلم على أبوك
خليفه: يبلغ ان شاء الله
تمن ام سلطان ورويه يسولفن ويا وفا ويعطنها نصايح لأنه موعد ولادتها قرب
والبنات خذن نوره وطلعن الحديقه يلعبن ...
هند : ماشاء الله عليه الصراحه شكله كووووووووول وايد ازقرت
موزه : عيب عليج يالويه شو هالرمسه الريال معرس
هند : وي أنا ما قلت شي غلط الصراحه وايد فنان شخصيه وهيبه يالله ليتني ألاقي ريل شراته
موزه : يالملقوفه ...
هند: ههههه يالغياره
موزه: غياره فعينج ليش أغار ؟؟؟
هند : عشان أنتي تستحين أتقولين اللي فخاطرج ليش تتحريني ما شفت نظراتج
موزه: هندوه يوزي عن الخربطان والتأليف
هند : بسكت بس بشوف أنتي لين متى يطول سكوتج
موزه: الله يهديج
هند : أجمعين
......
الساعه 7:00 المغرب ترخصوا عايلة عبدالرحمن ورجعوا البيت والكل أنشغل
بوسلطان وحميد : سيروا على ربعهم
سالم وسيف يلسو عند أم سلطان يسلونها
سعيد : طلع يخلص كم شغله ...
خليفه خلى عياله بيت أبوه وراح لبيته عسب أييب حرمته أتسلم على أمه ...
سلطان وسهيل : راحوا المستشفى عند وعد .....

في المستشفى الأمريكي
سلطان : دقيقه بس خلني أشوف يمكن تكون الدكتوره عندها
سهيل: أوكي
سلطان دخل غرفة وعد وبيده باقه ورد ودبدوب صغير ،،، أول ما دخل تفاجأ الغرفه فاضيه ومافيها حد ..
وين وعد؟؟؟؟؟
ياترى شو الي صار بوعد ؟؟؟؟
يمكن تكون صارت بخير ونقلوها لغرفه عاديه ويمكن ..... انتقلت الى رحمة الله

 

[ضوى العيون]

أموت أنا في حبهم 10
في المستشفى الأمريكي
سلطان : دقيقه بس خلني أشوف يمكن تكون الدكتوره عندها
سهيل: أوكي
سلطان دخل غرفة وعد وبيده باقه ورد ودبدوب صغير ،،، أول ما دخل تفاجأ الغرفه فاضيه ومافيها حد
وين وعد؟؟؟؟؟
حس بريوله ما تيشله وأنه الدم تجمد فعروقه .. يبي يصرخ يتكلم يسأل بس مب قادر حتى يتنفس مستحيل تتركني وأتروح عني أنا مالي غيرها والله بموت لو صار فيها شي ياربي أرحمني والله ما أقدر أعيش بدونها
...
سهيل شافته الممرضه واقف عند باب الغرفه وخبرته أنه وعد نشت من الغيبوبه وأخذوها لغرفه خاصه عشان ترتاح وأنهم كانوا يحاولون يتصلون بزوجها بس ما رد عليهم ....
سهيل على طول دخل الغرفه ورا سلطان لأنه وايد تأخر بالرغم من أنه الغرفه فاضيه ...
سهيل : باسم الله الرحمن سلطان أشفيك تروعت عليك
سلطان التفت له وعيونه مليانه دمووع وبصوت متقطع : س سس هييل و عــ ـــ ـــ ــ د
سهيل لوى على سلطان وكان يبي يبشره بس سلطان فسر الحركه بالغلط وعلى طول أبعد سهيل عنه وتم يتطالع الورد اللي في إيده ... رمى الورد على الأرض وتم يدوس عليه بكل قوته وهو يصرخ لا لا لا مستحيل ليييييييييييييييييييييييش أنا شو سويت لييييييييييييش وأنهار على الأرض بدى يصيح بشكل يقطع القلب وسهيل منصدم مب عارف شو الي صار ؟؟؟؟
سهيل أنتبه لنفسه وحس أنه سلطان فهم الموضوع خطأ فقرب منه وحط إيده عجتفه : سلطان
سلطان: ليش ياربي ليش أنا اللي يصير فيني جذه أنا شوة شويت والله بموت ما أقدر أعيش من دونها ما أقدر
سهيل: سلطان وعد نشت من الغيبوبه الحمدلله ليش تتفاول عليها ؟؟؟؟
سلطان على حاله ولا كأنه سمع سهيل
سهيل تقرب منه مره ثانيه وهزه بكل قوته : سلطان أقولك وعد مافيها الا العافيه نشت من الغيبوبه سامع
سلطان رفع عيونه مصدوم : شو أتقول وعد نشت من الغيبوبه ؟؟؟ متى وليش محد خبرني ...بعد ما سكت فتره أنت كيف أتعرف منو قالك ؟؟؟ كيف أتعرف قبلي لا مستحيل أنت أتقص علي
سهيل: تعوذ من إبليس يا سلطان توها الممرضه شافتني برع وخبرتني نش بنروح أنشوفها بأي غرفه...
سلطان: سهيل ما أقدر أتحرك مب حاس بريولي والله
سهيل : لاحول ولا قوة الا بالله .. (قرب منه الكرسي) .. سلطان ايلس اشوي استريح أنا بشوف الممرضه وبتخبرها عن غرفة وعد وبرجع لك
سلطان: لالا ما أبي خلاص أنا ما فيني شي بسير وياك
سهيل: غسل ويهك قبل ...
سلطان: لا ما يهم يلا أمش بسرعه ....
بعد ما سألوا عن رقم غرفتها وصتهم الممرضه ما يطولون عندها.. وصلوا عند الغرفه ...سهيل فضل يفسح المجال لسلطان عشان يتطمن عليها وتم واقف برع ..
سلطان أول ما دخل الغرفه شافها نايمه وصاده بويها الصوب الثاني.. تقرب منها و حط إيده على خدها يلمسها يتأكد أنها وعد حبيبته وحرمته ....
وعد حست بشعور غريب حست بأنه روحها ردت لها فتحت عيونها شوي أشوي و تمت أتشوف سلطان وابتسمت وردت غمضت عيونها,, بس فتحتها بشكل أسرع وعلى الآخر ... ونادت سلطان اللي ما كان منتبه للي يصير ..
وعد بتعب : سلــ طان
سلطان حط إيده عشفاتها عشان ما ترمس وتتعب نفسها : عمره ياقلب سلطان يا كل سلطان فديت روحج حبيبي أشحالج.. لالا لاتردين ارتاحي أرجوج
وعد بدت عيونها تدمع من شوقها ولهفتها عليه: ........
سلطان وهو ضام إيدها لصدره ودموعه مخرسه خده: كيف تتركيني كل هالفتره كيف ؟؟؟!!!! ما تدرين أني أضيع من دونج ؟؟؟!!!! أحس نفسي مثل اليتيم وعد حبيبي أنا بعدج مثل الميت والله عايش جسد بلا روح .. خلاص حياتي ما أبي أشوف هالدموع أبي أشوف ابتسامتج أبيج أتردين لي روحي دخيلج ... أوعدج ما أكون سبب هالدموع بعد هاليوم ..
وعد بابتسامه عريييييييييييضه : أحبك
سلطان: لحقو علي قلبي بيوقف .... أحبها يا ناس والله أحبهـــــــــــــــــــــا
وعد: ههههه
سلطان: حياتي سهيل ولد عمج ويايه بيسلم عليج أخليه يدخل والا تعبانه ما تقدرين تستقبلينه ؟؟؟؟
وعد: سهيل .... خله يدخل بس عطني شيلتي قبل ...
سلطان: فديت روحها .... شو هالعبط يعني تتخيلين أخليه يدخل جذه منه والدرب ؟؟؟؟
وعد وهي تضربه عجتفه: يالدب
سلطان: على طاري الدب ... شوفي شو يبت لج ويايه
وعد بشهقه : النوني ...فديته
سلطان : كنت ياي عندج المستشفى شفته زعلان جان أييبه عشان يستانس بس صدق فال خير علينا ...
وعد وهي تلوي عليه : فديت نونوتي
سلطان : أي أغار شو ها ...
وعد: عن العبط ...
سلطان: يلا بزقر سهيل
وعد: أوكي
سلطان : سهيل تفضل
سهيل : دام فضلك .... السلام عليكم ورحمة الله وبركاته
وعد: وعليكم السلام والرحمه
سهيل :ألف الحمدلله على سلامتج ... ما أتشوفين شر
وعد: الله يسلمك من الشر ... الشر ما أييك ،،، أشحالك و شو أخبارك عساك بخير ...نوره أشحالها طمني
سلطان : لاحول الله الحين كل هذا فنفس واحد مب جنه المفروض ما ترهقين نفسج وتهذربين وايد يا هذربانو ...
وعد: الله أكبر صدق اللي قال ما يحسد المال الا صاحبه
سلطان: فديت روحج يعلني العمى اذا فيوم حسدتج ..
وعد بتوعد : سلطان .....
سهيل : إحم إحم نحن هنا ............بخير الله يسلمج
وعد انحرجت ونزلت راسها وهي تبتسم
سلطان: أوووووف نسيت أتصل بأبوج
وعد وهي أتخزه بعين : جني قلت لك تتصل أكثر من مليون مره
سهيل: لا أتلومينه من فرحته ... أنا بدق لعمي
سلطان: لا بو نوره والله حلفت ما أتدق له هالبشاره محد غيري يوصلها له
حميد : ومنو قالكم بترياكم أصلا..
على طول خذ بنته فحضنه ولمها بالقو ...كأنه يتمسك بها خايف أتروح عنه تتركه ولا يسمع صوتها ...
وعد بهمس: ...فديت قلبك باباتي أشتقت لك حييييييييييل
حميد : أشششش لا تتكلمين
وعد: ان شاء الله
المشهد اللي جدامهم أكبر من قدرتهم على التحمل سهيل على طول يت فباله حرمتة خلود وتذكر يوم وفاتها كان حاضنها بقوه يحاول يتمسك فيها لا يخطفها الموت عنه بس قدرة رب العالمين كانت أقوى وأعظم وملك الموت ما أمهلها وطلعت روحها رجعت الأمانه لباريها ...
سلطان دموعه مب قادر يسيطر عليهم ... طلع وراح لإستراحة الرجال يصلي ركعتين شكر لله ...
.............................

 

[ضوى العيون]

في الجهة الثانيه فبيت بو سلطان
سيف : الغاليه نشي بوصلج حجرتج خذي دواج ووطي راسج أشوي ...
أم سلطان: وين أخليكم وأروح لا يابويه خلني مرتاحه ويا عيالي فديت روحهم ... شل غيث وده حجرتي رقد فديت روحه ...
سيف: ان شاء الله .... شو فيج نجود ؟؟؟؟
نجود: ماشي ... عمي عادي أيي معاك ؟؟؟
سيف: فديت روحج يا قلب عمي أنتي يلا طوفي
عنود وهي حاطه إيديها عخصرها وأتدق بريولها على الارض : وأنا ؟؟؟
سيف لف عليها ومسكها من شعرها عالخفيف وعضها على خدها : أنتي يالدبه نبضات قلب عمج فديت هالخدود الحلوه.. وايه فديتها يعلني ما أنحرم منها ... طع الخجل طع الدلع طع الجمال
عنود وهي محمره : عمييييييييييي بس عاد والله أستحي
سهيل: هههههههه سمعتوا النكته اليديده
عنود: سهيل جب أنزين
أم سلطان: عيب يابنتي هذا أخوج العود ... وأنت يا سهيل حبيبي لا تتقاشر ويا ختك وأتزعلها
سهيل نش وحب راس يدته : السموحه منج يدوه ...
سالم: أنتوا ليش ما ترجعون البيت ؟؟؟ بدل هالمناقر والحشره صدعتو أمايتي
عنود : نتريا باباه راح أييب ماماه وبيرجعنا البيت وياه
أم سلطان : ويدي سالم شو فيك على أخوانك خلهم عندي بعدني ما شبعت منهم وأنت رد كمل شوفة هالتلفزون مالك .. من الصبح مطنشنا ومبحلج (مبحلق) فيه ماأدري شو تتطالع
سيف : هي أمايه شوفي ما يخيل يتطالع أفلام ماصخه مال أنقليز
أم سلطان: لابارك الله فيهم محد مضيع عيالنا غيرهم ... سالم والله ان ماسكرت هالتلفزون لا ايي وأحرقه لك
سالم : فديت الحلوين يوم يعصبون أفا عليج الغاليه ما طلبتي أنا مب إلا أسكر التلفزون أمره باجر من الصبح بروح أكنسل هالقنوات الانقليزيه الخايسه
أم سلطان: فديت روحك بارك الله فيك
سيف : أي أي أنت شو عكيفك ما يخصك بقنواتنا لو سمحت
سالم: ألحين توك أتقول أفلامهم ماصخه بعد أنا ما أرضى عليكم عمامي فديتكم تختربون ....
سيف: سلوم يالهرم ... اليوم رد بيتكم ما اتبات عندنا يلا
سالم: أمايتي شوفيه يروغني من بيتج
أم سلطان: سيف عوذ بالله من شرك سر شل ولد أخوك حطه على الشبريه طع رقبته كيف محتاسه على هالقنفه وما يخصك بسالم غناة الفواد خله اذا البيت ما يشله أتشيله عيوني ....
سيف وهو هاجم على سالم وحاط إيده عرقبته : يا الساحر يالدب اعترف شو مسوبها عيوزي عنبو أتبديك علي ؟؟
سالم وهو حاس بأنه بيختنق : أمااااااااااااايتي لحقي علي بيذبحني ولدج ما أروم أتنفس
بهاللحظه أنفتح باب الصاله ودخل خليفه ووراه ميثا ....
ميثا بشهقة : أي سيف ودر ولدي لا بارك الله فيك شو تبا تذبحه ...
وصلت عنده ويرت سالم صوبها
سيف : أستغفر الله أتت الشياطين يلا يا ملائكه خلونا أنروح ..
ميثا : أنا شيطانه يا مسود الويه ؟؟؟؟
خليفه : ميثا بعدين وياج أنا شو منبه عليج في السياره
ميثا : والله تبا خوانك يغلطون عليه وأسكت لا ويبون يذبحون عيالي بعد هاللي ناقص (ولفت على سيف اللي توه شال غيث بيوديه حجرة أمه عشان يرقده) وأنت وين شال ولدي مب كافي تبا تذبح العود وناوي أتكمل عالصغير بعد ..
نجود: لا ماما هو بيحطه في حجره يدوه عشان يرقد مرتاح
ميثا : جب أنتي ... خل الولد عنك وأقصر الشر يا سيف .....
سالم: عمي تعال خلنا نطلع برع الله يخليك ما "أتحمل "
ميثا: نعم يا ولد عمك شو هالأدب وشو هالأخلاق الحلوه ليكون أنا حرمة أبوك وأنا ما أدري
سالم : والله هالأخلاق والأدب كله تربيتج ... أقصد تربية الخدامه ميري ....
خليفه خلاص هني عصب وصل حده يشوف أمه تتطالعه بنظره كسيره محد محشمنها والكل يتصرف عكيفه ....
صرخ على سالم بصوت هز أركان البيت وخلى كل الموجودين بالصاله يسكتون ويحبسون أنفاسهم :ســـــــــــــــــــــــــــــــــــــــــــــــــ ــــــــــــــــالم أحترم نفسك وحشم الكبار وأنتي يا ميثا قسماً بالله لو فتحتي ثمج بكلمه والله لا أتشوفين شي عمرج ما شفتيه ....
ميثا طبعاً في موقف لا تحسد عليه أتعرف طبع ريلها عدل هو ساكت وهادي يوم يبا لكن اذا عصب محد يقرب صوبه وممكن في هالحاله يتصرف تصرف ومايندم عليه فسكتت وتجدمت من عمتها أم سلطان وتحمدت لها بالسلامه ..ويلست مكانها حاطه راس غيث في ثبانها ... سالم يره عمه سيف وطلعه برع ما يبيه يتهور ويرد على أبوه وتكبر السالفه
أم سلطان : بوسالم ...
خليفه: عيونه ... آمري الغاليه شو فخاطرج
أم سلطان : ما يامر عليك عدو ,,, بويه تعشيت أنت وحرمتك ؟؟؟
خليفه : الحمدلله ،،، خلي عنج العشا ألحين نشي بوديج حجرتج عشان ترتاحين أنتي من العصر ماريحتي
أم سلطان : لا فديت روحك بوسالم خلني يالسه وياكم بتريا بوسلطان ومن يتعشى بروح وياه
خليفه : ياويل حالي وينك يا بوسلطان أتشوفهم ما يصبرون عنك ....
بوسلطان وهو حادر الصاله : فديت اللي ما يصبرون عني
أم سلطان أستحت ..... ورحبت به .... حيالله بوسلطان أقرب
بوسلطان : الله يحييج ...قريب
خليفه وقف وحب راس أبوه وشل الأكياس اللي في أيديه وقبضهن سهيل
ميثا: السلام عليك عمي أشحالك
بوسلطان اللي تفاجأ بوجودها : وعليكم السلام والرحمه هلا ببنيتي أشحالج وأشحال أهلج
ميثا: بخير الله يسلمك ...
نجود وعنود وسهيل سلموا على يدهم وتمت نجود لاويه عليه
خليفه : أغار أنا
عنود ربعت عند أبوها ولوت عليه ...: فديت الغيارين أنا عندك باباتي شو تباها خلها عند يدي
خليفه : فديت بنتي الغاليه .... عقبال ما أشوفج عروس
عنود أستحت ودفنت راسها فصدر أبوها
بوسلطان: آمين ... أم سلطان
أم سلطان : لبيه
بوسلطان : لبيتي حايه قولي آمين
أم سلطان : آمين
بوسلطان : عندي لج بشاره
أم سلطان حست براحه وسعاده أخيراً في خبر يبرد القلب : لك عيوني ...
بوسلطان : تسلم العين وراعيها ...
مسك تلفونه وأتصل وأول ما رفعوا السماعه ناول التلفون لأم سلطان
أم سلطان وهي مستغربه : ألو
: …السلام عليكم
أم سلطان نزلت دمعتها على طول ومن زود الفرحه مب قادره أترد ...
وعد: أشحالج عموه
أم سلطان : فديييييييييييت روحج يعلني ما أنحرم منج أشحالج حبيبتي شو أخبارج
وعد : بخير الله يسلمج ...طمنيني عنج شو صحتج ألحين
أم سلطان :أنا بخير دامني سمعت حسج
وعد: بس أنا زعلانه
أم سلطان: ماعاش ما يزعلج ....
وعد: الله يهداج بس أبعد عنج كم يوم أتطيحين عليهم ؟؟؟؟!!!!
أم سلطان: والله يا بنيتي غصبن عني ما قوى فراقج وريلج أبداً ما قصر (وخبرتها عن سالفه أختفاء سلطان بعد اللي صار لها...(
وعد وهي ماسكه أيد سلطان وتتطالعه بحب وحنان : خلاص عموه أرتاحي أنتي الحين وان شاء الله باجر بكلمج
أم سلطان : لا يا وعد حرام يا أني ألحين
وعد وهي أتقاطعها : عموه وغلاتي عندج أتروحين ترتاحين وباجر ان شاء الله تعالي
أم سلطان بابتسامه : وأنتي أشعرفج أني بيي عندج
وعد: قلبي قالي
أم سلطان : فديت قلبج قوليله مره ثانيه لا يوصلج أخبار خاطئه .. أنا كنت بقول أني الحين بروح أرقد
وعد مبوزه : وأهون عليج ؟؟؟!!!
أم سلطان : هههههههههههههههههههه فديت روحج أمايه سلطان عندج ؟؟؟
وعد: هي
أم سلطان : أنتي الحين أرتاحي وخليني أكلمه
وعد: ان شاء الله تصبحين على خير... وديري بالج على نفسج
أم سلطان : وأنتي من أهل الخير .... من عيوني
وعد: تسلم عيونج
أم سلطان : الله يسلمج
وعد توها بترمس ير سلطان التلفون من ايدها : حشى مب سلامات هاي اذا على هالحاله لين باجر ما بتخلصن
وعد : يالدب يالغياريالحقود ...

 

[ضوى العيون]

سلطان حط أيده تحت ذقنها ويرفع راسها وهالحركه وايد أتغايضها
وعد: أي سلطان والله بضربك
أم سلطان على الخط وأتزاعج عشان يسمعها سلطان : سلطان يا سلطان
فجأه أنتبه ورفع التلفون لأذنه : هلا أمايه
أم سلطان : حشى يا بويه صوتي راح وأنا أزاعج عليك
خليفه بصوت عالي : من حقه يسهى وما يسمع ههههههههه
سلطان : قوليله ما يخصك وعن الحسد يالغيار ....
أم سلطان : الله يهديكم.. بويه ما وصيك عليها خلها ترقد ألحين وأنت أرجع البيت وان شاء الله من الصبح بنروح عندها ....
سلطان : ان شاء الله أنتي تامريني أمر يالغلا
أم سلطان: الله يحفظك ...دوك بوسالم يبي يكلم وعد
سلطان : لا حول يعني غيره وحسد فوق هذا يبي يرمس حرمتي شو هذا ؟؟ يودي ولدج
خليفه : لا يالهيس هالرمسه ثرها عني
سلطان أونه ما كان يعرف أنه خليفه على الخط : وي باسم الله أنت من وشو تبا
خليفه : بسك هذربه حشى اتقول عيوز ماكلين عشاها ،، عطني وعد بتحمدلها بالسلامه
سلطان: ههههههههههههههه لحظه
وعد: السلام عليكم ورحمه الله وبركاته
خليفه : وعليكم السلام والرحمه ... الحمدلله على السلامه أشحالج
وعد: الله يسلمك ... بخير ونعمه
سهيل وهو أير كندورة أبوه ... عطني أكلمها
خليفه : باسم الله عليك شو ياك صبر خلني اكلمها بعدين أنت
سهيل : بابا بس خلاص أنت سلمت
خليفه : حشى مناشبني على كل شي ... وعد في ناس يبون يكلمونج
سلطان : أففف بخبركم تعبتوا حرمتي بسكم عاد باجر باجر
خليفه : حشى هب أذن عليك
سلطان : الله أكبر شو بعد مب أذن ترا حاطنه على الاسبيكر
خليف: ههههههه خيييييييييييييبه مب غيره هاي اللي فيك يالمريض أنا معرس وعندي عيال أنزين
سلطان : كيفي كيفي يلا الحين بنستقبل الإتصال الأخير بسسسسسسسسسسسسس
سهيل : ألو
سلطان :ألو حول حول
سهيل : عميييي
سلطان :ألوه ألوه الصوت يقطع ماشي أرسال ألووووووووه ألووووووووه ...عفواً إن الهاتف المتحرك الذي طلبته مغلق أو خارج نطاق الخدمه حالياً يرجى معاودة الإتصال فيما بعد ...
وعد: سلطان حرام عليك خلني أكلمه ....ويرت عنه السماعه .... ألو
سهيل : السلام عليكم ... الحمدلله على السلامه وعد
وعد: عليكم السلام والرحمه هلا بسهيل ... الله يسلمك أشحالك أنت وشو أخبار أخوانك ان شاء الله بخير
سهيل : الحمدلله كلهم بخير وعافيه الله يسلمج ... شو صحتج ألحين ان شاء الله أحسن
وعد: الحمدلله أنت شو مسوي شو كانت امتحاناتك ...؟؟؟
سهيل: الحمدلله بعد باجر النتايج ... إدعيلي
وعد: الله يوفقكم يميع وأنت ليش أتحاتي ماشاء الله عليك شاطر
سهيل: الحمدلله بس الرياضيات أشوي صعب علي ...
وعد: لا ان شاء الله ناجح ولك مني الهديه اللي فخاطرك
سهيل : تسلمين والله ... وعد عنود ونجود بيكلمونج أوكي
وعد: أوكي
سلطان : يا عيال خليفه خفوا على حرمتي ،،، أذيتوها
وعد تضربه عجتفه على الخفيف : سلطان يوز عنهم ...
عنود: مرحبا أشحالج فديتج والله أشتقت لج مووووووووووووووت
وعد: فديت روحج أنا بعد أشتفت لج.. شخبارج حبيبتي وشو أخبار دراستج
عنود : والله كل شي أوكي بس مشتاقين لج
وعد: تشتاق لج العافيه....
ويرت نجود السماعه : سلام عليج وعوده أشحالج فديتج
وعد: هلا والله عاش من سمع هالصوت ...
نجود: عاشت أيامج ،،، ترى نتايجنا بعد باجر
وعد: وان شاء الله ناجحه يا شطوره يا أموره
نجود: أقولج النتايج بعد باجر
وعد : على خير ان شاء الله
نجود: أفففف ليش ما تفهمين قصدي ... أقصد هدية النجاح يعني
وعد : ههههههههه يالملقوفه ما نسيت بس أستعبط عليج
نجود : فديت وعوده والله أحبج موووووووووووووت وباجر ان شاء الله الصبح بخلي باباتي أييبنا عندج
وعد: حبيبتي أنتي خلاص بترياكم ... يلا مع السلامه ... وتصبحين على خير
نجود: وأنتي من أهله ,,, وأنتي من أهل الخير ... أحلام سعيده حبيبتي

ترخصوا خليفه وعياله و راحوا بيتهم وفي السياره الكل ساكت واليهال فيهم رقاد بعد طلعة اليوم ويا أبوهم ..
ميثا بحقد : أشوفكم أتخبرون وعد عن كل شي وأتحبونها أكثر مني والا أنا فعمري ما سمعت وحده فيكن تتفداني وإلا أتقولي أشتقت لج وأنت يا سهيل يالعاقل ولدي الغالي اللي دوم أمدحك ما قدرت أتخبرني عن نتايجكم ؟!!!
نجود " الملسونه شوي " : ليش نحنا متى أنشوفج عشان أنقولج !!!
سهيل : السموحه منج أمايه بس أنا ما يا عبالي أخبرج وقلت يوم النتايج بتعرفين
عنود ساكته ما أتحب أترادد أمها أو أتبرر شي لأنها عارفه طبايع أمها ما تهتم وتنشد عنهم الا اذا حست بالغيره من شخص قريب منهم ويحبونه ,,
خليفه بابتسامه خفيفه ومن دون لا يحسون بها : عيب يا نجود
نجود: أصلاً أنا ماقلت شي غلط وأمس يوم أمتحان الدين كنت أدور عليها عشان تشرح لي شي صعب ما لقيتها ثلاث ساعات وأنا كل دقيقه أدق لها بس ما ترد
ميثا: شفت يا خليفه كيف عيالك شايليني من الحسبه ولا عاديني أمهم
خليفه: ميثا تعبت أجاملج وأسايرج بكل كلمه أنتي أدري بهالشي واذا أنا ريلج بالأيام ما تسألين عني عايش وياج فنفس البيت ونفس الحجره ما أشوفج الا وأنتي طالعه أو نايمه عمرج ما نشدتيني إذا محتاي شي والا قاصر علي شي ....
ميثا : وأنت شو محتاي ماشاء الله الخير اللي عندك وايد
خليفه : شفتي كيف أنج كل أهتمامج بالماده صحيح الحمدلله ماناقصني شي ماديا بس معنوياً ونفسياً محتاي لج وأنتي ولا بداريه.. وين أنتي يوم أمي مرقده في المستشفى ؟؟؟ ماكلفتي نفسج حتى أتزورينها ..أمج وخواتج سارن بس أنتي ولا عالبال.. وين أنتي يوم وعد طايحه في المستشفى من شهر تقريباً حتى بالتلفون ما تحمدتي لها بالسلامه.. ميثا أنا صح فبيت روحي ومستقل عن هلي بس هالشي ما يعني أنه مالي صله فيهم أنا أتأثر بأي شي يصيبهم حزنهم حزني وفرحهم فرحي أنا منهم وفيهم وعيالي جزء لايتجزء من هالعايله بس أنتي وين..؟؟؟؟ محاربة أهلي اللي عزوج وكرموج وحطوج عراسهم ولا فيوم ضايقوج,, أمي المسكينه عدتج بنتها وأعز ما كانت ترضى أني أغلط عليج بكلمه أو حتى أزعلج ... أبوي هالشايب الي راغني من البيت يوم صرخت عليج بس صرخه وكنت وقتها في حالة نفسيه سيئه ما فكر فيني ولا بشعوري عاملج مثل لو كنتي بنته وراغني أنا من البيت تذكرين ياميثا والا أذكرج أكثر ؟؟؟!!! (بما أنه ميثا ساكته ومصدومه منه كمل) تذكرين يوم ولادتج لسالم ؟؟؟؟ منو اللي تمت عند راسج وتقرى عليج قرآن تمت عندج طول الليل واقفه عريولها ولا ودرتج الا يوم تطمنت عليج وعلى الولد.. ميثا لو أتمين طول عمرج أتحبين ريولهم ما تردين جميلهم ،،
السكوت كان سيد الموقف
عنود كلام أبوها وايد أثر فيها وبدت أتصيح بصوت واطي ...
سهيل : يفكر بكلام أبوه ويقارن بين تصرفات أمه ويحاول يبرر لها بس مب مقتنع بالتبريرات
نجود ساكته ما تبي حتى تتعب نفسها وأتفكر بمدى صحة كلام أبوها لأنها أتعرف أمها زين وكل اللي قاله خليفه تستاهله وأقل من يزاها ..
خليفه مركز نظره على الشارع وضاغط على السكان بكل قوته حاس برجفة ورعشة القهر عمره ما حط عياله في مثل هالموقف ولا فكر بيوم يشوه صورة حرمته جدامهم بس اليوم ما كان قادر يتحمل أكثر بعد اللي صار لأمه تأثرت نفسيته بشكل كبير وبدى يفكر بأشياء كان يحاول يتناساها ..كيف هو ساكن فبيت بروحه من دون ظل أبوه وحنان أمه وحشرة أخوانه.. حس بأنه العمر يطوف وهو وعياله بعدهم بحاجة لكبار العايله يلقنونهم دروس في الحياة والأخلاق هو مب قادر يجابل عياله بس لو كان فبيت أهله ما كان شل همهم.. خايف على عياله من جشع وحقد أمهم وأنانيتها يبي يتطمن لمستقبلهم ويرتاح ..

 

[ضوى العيون]

فبيت عوشه ... الساعه 10:00 في الليل
عوشه : مهره دقي على ختج الباب خليها تطلع تتعشى من رجعتها الضهر وهاي حالتها
مهره : أمايه تعبت أفهمها مب طايعه قافله الباب ولاترد علي
جابر : ألحين أنتن من الصبح محتشرات عليها شو عندكن أشعنه ما أتخبرني باللي صار
عوشه : سلامتك يالغالي مافي بس هن متناحسات شويه وتضاربن وبس
جابر : ما بجذبج يا أم ميثا بس قلبي حاس بأنه السالفه أكبر من جذه وما تبني أعرفها
مهره : أفا عليك أبويه أنت من بد الناس اللي مستحيل ما أنخبرك بشي وأنت تدري بغلاتك عندنا وأنه ما لنا غيرك سند يا أبويه ,,,
جابر : بارك الله فيج يا بنيتي .... أمايه وديني حجرتيه بوطي راسي
مهرة: من عيوني ..
مهره نشت ودزت كرسيه لحجرته .... وبعد ما رجعت يلست عند ريول أمها
مهره : أمايه
عوشه: .......
مهره : أمايه
عوشه : باسم الله الرحمن الرحيم
مهره : أشفيج يا أميه ليش مويمه (زعلانه (
عوشه وهي تتنهد : أي ها يالله يا مهره شو تبيني أقول وأنتي شفتي الي صار بعيونج ويدج واعليه ما بيده حيله ما بغيت أخبره خفت أتييه الجلطه مره ثانيه أنتي تدرين به ما يرضى عليكن والحين هو عاجز ما يقدر يسويلكن شي ...
مهره : الله لا يقول ان شاء الله ،،، الله يطول بعمره ويخليه لنا وبعدين البركة فيج يا أمايه
عوشه : و أنا شو بيديه خبريني أبوج ظالم ما يرحم وان درى أنه السالفه مغايض بختج بيوافق على طول
مهره : بس يا أميه هالسوالف ما فيها مغايض وهو أبداً ما يحق له يهدم حياتها والمفروض أنتي ما تسكتين له
عوشه : هذا ولد عمها ومحد بيداريها كثره
مهره مغيضه : أمايه إذا صار ما صار ترا أنتي السبب ليش أتخلين كل من هب ودب يآمر علينا وأنتي موجوده صح أبوي بعده عايش بس نحن عديناه ميت من زمان وهو ما يسأل عنا الا للحايه والمصالح ...
عوشه : أنتي كلمتيه
مهره : هي
عوشه : شو يبا
مهره : يباني أدرس بنته
عوشه : أشوه ؟؟؟!!! أتدرسين بنته جي ما شي مدرسين والا الزطي مايبا يخسر عليها
مهره : ما أدري عنه
عوشه : وشو قلتي له ؟؟؟
مهره : شو بقوله بعد ،،, قلت له ان شاء الله
عوشه : ياسلام وبعدين هب جنه المدارس سكرن
مهره : لا أمايه باقيات النتايج وهي ما أمتحنت إنجليزي كانت مرقده في المستشفى
عوشه : وي اسم الله عليها وأشعنه
مهره : هو يقول عسبة الخوف لأنها ماأتعرف الماده زين
عوشه : الله يشفيها.. زين عيل مري على ختج مره ثانيه ورمسيها ومدام أنه للحين ماصار شي خليها تنسى الموضوع وعشيها لا تنسين ... أنا بروح أوطي راسي
مهره : ان شاء الله

وعند حجره شهد ..واقفه وبيدها صينه فيها سندويجات وعصير برتقال فرش متروووس ثلج مثل ما تحبه شهد...
مهره : شهدو والله إيديه تكسرن فجي الباب دخيلج ..
شهد :............ " لا حياة لمن تنادي "
مهره : شهدو أمايه راحت ترقد مافي حد ويايه فجي الباب بليييييييييييز عشاني شهوده
أول ما تبطل الباب دخلت وسكرت الباب وراها.. حطت الصينيه على الطاول القريبه من الشبريه ويلست عدال شهد وهي متقطعه من داخلها شافتها منسدحه ودافنه راسها في المخده وشعرها الطوويييييييييل مفروش حواليها تشهق من كثر الصياح.. لمتها وخذتها في حضنها وخلتها أتصيح وأتطلع اللي فخاطرها ....بعد ما حست أنها أرتاحت أشوي رفعت راسها وكلمتها
مهره : حبيتي نشي غسلي ويهج مب زين أتسوين بعمرج جذه
شهد وهي تشهق وبكلمات متقطعه : ليش يا مهره يا يصير فينا جذه لا أبو يحمينا ولا حد يسأل عنا ؟؟؟!!
مهره : شهد فديت روحج عشان خاطري أنسي الموضوع وتوكلي على الله ترا كل شي قدر ومكتوب واذا ربج رايد تاخذينه مافي قوة على ويه الأرض بترده عنج
شهد : بس مهره أنتي سمعتيه شو قال بياخذني عشان يأدبني ويذلني ويقهرني ...
مهره : ماعليج منه أصلاً لو أنتي بينتي له رفضج وكرهج بيعاند زياده بس إذا تظاهرتي أنه الموضوع عادي عندج صدقيني بينقهر وبيسكت عن السالفه ..
شهد : كيف أتظاهر أنه ما يهمني وأنا في الدقيقه أموت ألف مره
مهره بنظرة حنان: تحبينه ؟؟!!!!
شهد تفاجأت من السؤال الغير متوقع : أأأأ حبه ...؟؟؟!!! وبعد تردد لا
مهره : متأكده ؟؟؟!!!!
شهد : متأكده وقبل كنت معجبه بشخصيته بس الحين أكرهه
مهره : يعني في إعجاب
شهد : لا
مهره : شهوده حبيبتي شوفي بقولج شي وأتمنى تسمعيني للآخر ممكن
شهد : ان شاء الله
مهره: صح أني ما مريت بهالتجربه ولا حسيت باللي تحسين به بس بقولج شي وبعد ما أتجربينه بتعرفين أني ما جذبت.. الريال بإمكانج تملكينه بكلمه.. الريال مثل الياهل الصغير سايريه وبتشوفين كيف بتكونين مرتاحة فحياتج وياه.. تعلمي أتعاملينه بإحترام وطيبه عشان يبادلج نفس المشاعر والمعامله.. أقلمي نفسج معاه بيتألقم وياج عوديه على التفاهم وإحترام كل واحد للثاني وما راح يخيب ضنج أنتي ليش خايفه توكلي على الله وفوضي أمرج له قال تعالي " إسعى ياعبدي وأنا أسعى معاك " أنتي حطي هالشي فبالج زين.. اذا تزوجتي سيف ترا هاي إرادت ربج لا أنتي ولا غيرج يقدر يغير من هالشي ... وسيف مهما صار ما بيكون بالصوره اللي أنتي ما خذتنها عنه ولا تنسين عمي وحرمته مستحيل يخلونه على كيفه أنتي أدرى بهم وشايفه كيف يعاملون وعد وميثا اللي في عمرهم ما سمحوا لحد يغلط عليها أو يجرحها حتى ريلها .... بس هي مب ويه نعمه ...
شهد حست براحة بعد اللي سمعته من مهره بس بعده حاز فخاطرها اللي صار ...
مهره : يلا نشي غسلي ويهج وأكليلج لقمه مسوتلج عصير فرش صنع إيديه وحياة عينيه.. بعدها عندي لج فلم يطير العقل ...
شهد : ان شاء الله بس اذا فلم هندي ماأبي
مهره : هي فلم هندي ليش شو فيها الأفلام الهنديه ما أحلاها
شهد: هههه أنتي بنزوجج الهندي اللي يبيع السيديات عشان أتوفرين
مهره : برايه شو فيها مب انسان ... على الأقل بيكون رومانسي ووفي
شهد : ههههه وأنتي ما عندج غير هالجمله
مهره : والله وأنا الصادقه ليش ما تدرين أنه الدراسات أثبتت أنه الهنود أوفياء لزوجاتهم وأنه نسبه الطلاق عندهم ضئيله اذا ما كانت معدومه ..
شهد : الحمدلله والشكر عاد أنا لو يذبحوني ما أفكر آخذ غير ولد بلادي لو حافي منتف المهم منا وفينا
مهره : ههههه كل حد وله فلسفته في الحياه
شهد : بس ما أتشوفين أنه الهنود يحرقون كناتهم مثل الأفلام
مهره : أمي باسم الله شو هالرمسه بعد لالالا حبيبتي هاي أفلام مو واقعيه
شهد: لا والله أوكي الحين براويج المقال اللي على الانترنت وكاتبين فيه عن وحده حاولوا أهل ريلها يحروقنها عشان الفلوس.. وبعدين أبشرج ترى أنتي اللي بتدفعين المهر للمعرس ..
مهره : وأنتي ما أتصدقين حشى يوزتيني وباقي أتطلقيني عكيفج ... سيري الله يهديج يلالالالالالا
شهد: هههههههههههههههههه

 

[ضوى العيون]

أموت أنا في حبهم 11
في العين فبيت مزنه بعد ما رجعوا من بيت هيفاء (البنت اللي خطبوها لفاضل أخوها (
مزنه : ماشاء الله عليهم صدق ناس محترمين وبنتهم قمر ما شاء الله عليها حشيمه وخلوقه ما ضني تلقى أحسن منها،،،
فاضل : ما أدري يا مزنه ما أحس نفسي مستعد أعيش حياه زوجيه مره ثانيه ما أعتقد أني بقدر أسعدها
مزنه : فاضل لا أتفشلني ويا أم أحمد أنت تدري لو ما غلاتي وثقتها فيني جان ما دلتنا على البنت وبعدين كل شي مع الأيام يتغير،، صح ما أنكرأنه ألمك وحزنك على ولدك وحرمتك كبير بس بعد الحي أبقى من الميت واذا هاي إرادة ربك من تكون عشان تعترض على أمر ربك ... أنت توكل على الله وما بيصير غير كل خير
فاضل : مزنه أنا حاس بتأنيب الضمير ولا فيوم بقدر أعيش متهني فحياتي لين أتطمن على أوضاعج ويا سلطان
مزنه : فاضل أعتقد سبق وتناقشنا فهالموضوع سلطان يزاه الله ألف خير وقف ويايه وقفه لو أتم طول عمري أخدمه ما أوفيه حقه ,,, سلطان يا فاضل ستر علي وحماني من أهلي الظلام ... سلطان يا فاضل سوى اللي أخواني ما قدروا عليه وفر لي الأمان اللي ما لقيته فبيت أبوي ...
فاضل : بس يا مزنه
مزنه : فاضل أعتبر الموضوع منتهي وألحين فكر بنفسك ومستقبلك صدقني هالبنت ما تتفوت في هالزمن جمال ودلال وأخلاق شو تبا أكثر من جذه ؟؟؟
فاضل: أرجوج لا أتغيرين الموضوع كل ما كلمتج فيه تتهربين مزنه مستحيل هاللي أتسوينه مافي وحده ترضى أنه زوجها يتزوج عليها مهما كانت الظروف اللي تزوجوا فيها.. صحيح أنه ما قصر ووقف وياج بس ما كان له داعي يتزوجج اذا كان ناوي يسوي جذه ليش يظلمج !!! أنا لازم أكلمه وأوقفه عند حده سلطان لازم يعرف أنه في حد وراج ,, وأنه عندج سند فهالدنيا
مزنه : فاضل أنت سامع نفسك شو أتقول أنت شو أتخربط دام هاي رمستك عيل أسمعني زين.. أنت أول من تهرب من مسؤليتي ...تذكر أول ما رجعت من المستشفى وخذوني أخوانك خالد وبدر.. تذكر الويل اللي شفته من أمك وأبوك؟؟ واذا نسيت بذكرك كيف ضربني خالد لين تكسرت ضلوعي يومين ما قدرت أنش من الفراش كل هذا وأنا معاقه بالنسبه لهم أنا اللي يبت لهم العار واللي ضيعت شرفي.. فاضل أنت كنت أناني لدرجة أنك ما فكرت تسأل عني الا بعد وفاة المرحومه ..أشكثر ترجيت بدر بس عشان يوصلني عندك وفي الأخير يوم تجرأت وييتك لقيتك قافل الشقه ومسافر والله وحده العالم وين ومن بعده سلطان ..فاضل أنا بت ليله كامله تحت الدري تحملت الخوف واليوع على أمل أنك أتي بس للأسف ما بان لك أثر محد غير سلطان اللي خذ باله مني وسكني في شقته وخوفا على من كلام الناس تزوجني وعشان يحافظ على أمانة ربيعه لو واحد ثاني أنت أدرى يا فاضل شو كان ممكن يسوي
فاضل وهو يرجف من القهر والخجل والخوف : خلاص يا مزنه كفايه أرجوج أرحميني..
ركع عند أريولها وحط ويهه بين كفوفه وبدى يصيح أخته هو السبب باللي صار لها هو الجبان اللي ما قدر يحميها.. تذكر يوم أتصل به أخوه بدر يخبره أنه مزنه تبي أتي عنده بدر كان مستعد يوقف ويا أخته بس من دون لا يدرون أهله وطلب من فاضل يسكن أخته وياه المهم يعتقونها من العذاب اللي مذوقنها إياه خالد وبموافقة أمهم وأبوهم اللي ضنوا أنه بنتهم فعلا حطت راسهم في التراب وباعت شرفها ...
تذكر الحوار اللي دار بينهم ,,,

بدر : فاضل أرجووك أنا بوصلها لعندك أنت بس دير بالك عليها وما عليك من الباقي اذا عرفوا أنها عندك محد بيقرب منها ولا حتى خلود
فاضل (كان متحطم بعد وفاة زوجته وولده ) : لا يا بدر أنا ما أقدر أتحمل مسؤليتها
بدر : ما في حد غيرك أقدر أأمنه عليها فاضل أنت أخوها ولا تنسى أنه الحاله اللي هي فيها الحين بسببك
فاضل: أنا ؟!!! أصلا من أنا أنا لا شي أنا سراب
بدر : فاضل صحصح وياي وأسمعني زين أنت المسؤل الأول والأخير عن أختك والحاله اللي أنته فيها ما بتفيدك بشي .. الله خذ أمانته وهذا حكم ربك ولا أعتراض على حكمه,, اللي أنت أتسويه يسمونه أعتراض على حكم الله تعوذ من إبليس وراجع نفسك وأرحم هالفقيره اللي دموعها جفت وهي تطريك ليل نهار تسأل عنك من عرفت بالخبر وهي ناسيه همها وألمها وما أتفكر بشي غيرك وأنت يالجبان ما فكرت حتى أتساعدها ..
فاضل : أنا بسافر بهج من هالبلاد ما أبي أسمع حد ولا أشوف حد مالي دخل بأي حد أنا أعتبروني ميت ويا حرمتي وولدي (تم يزاعج بهستيريه)
أنا مييييييييييييييييييييييت تسمع أنا خلالالالالالالالالالالالالالالالالالاص أنتهيت
بدر بيأس : فاضل أستهدى بالله يا خوي لا اتسوي بعمرك جذه ....فاضل ... فاضل ... لا حول ولا قوة الا بالله ...

وفي نوبة صياحه حس بأصابع طفل بريء تمسح دموعه ...رفع راسه
عبدالله / أ سيح ؟؟؟ (ليش أتصيح(
فاضل: عيوني أتعورني
عبدالله / خلاص ألحين بحط دوا أوكي
فاضل ما قدر يمسك نفسه خذه بحضنه وتم متمسك به ودموعه تنزل بغزاره: ليش يا ربي أتعاقبني بهالطريقه ليش؟؟؟ هالياهل شو ذنبه ؟؟؟ كله مني أنا السبب ... أوعدج يا مزنه أنه الأوضاع كلها تتحسن ما بسمح لسلطان أنه يحرم هالولد من ظل أبوه ... أنا بتصرف لا أتشيلين هم
مزنه : فاضل خلاص أنا قلت ... وفجأه تسكت (تسمع خطوات متجهه للباب)... فاضل وين رايح ؟؟؟ أرجع دخيلك ما أبي مشاكل فاضل... يا فاضل ..
فاضل طلع من عند أخته وفي راسه شي لازم ينفذه ,,,,,,,,,,,,,,

اليوم الثاني الصبح الكل زار وعد وتحمد لها بالسلامه وطمنهم الدكتور على حالتها وخبرهم أنهم بيرخصونها اليوم اللي بعده ووجودها اليوم إجراء أحتياطي لا أكثر ... فهالوقت سيف حس أنها فرصه مناسبه يسيرون يخطبون شهد بما أنه وعد تشافت وبترجع البيت ،،،
رجعت وعد البيت وردت الأمور لحالتها القبليه.. الكل مستانس ومرتاح وباجر بيكون يوم الخميس اليوم اللي بيخطبون فيه شهد رسمي من أبوها ناصر ..

فبيت بو محمد
هزاع : عارف أميه شو فيها ؟؟؟ أنتوا ليش ما أتسفرونها برع تتعالج ؟؟؟؟
عارف : هزاع أنت لا أتحاتيها ان شاء الله ما فيها الا العافيه ،، السفر مب مشكله بس هي حالتها ما تسمح لها
هزاع: ليش ؟؟؟؟
حمد: هزاع حبيبي أنت ليش خايف أدعيلها ان شاء الله ما عليها شر ...
هزاع: الله يشفيها ويعينها الصراحه البيت من دون حسها مب حلو
عذيجه : زوز ألحقني شل الصينيه بتزلق من أيديه
هزاع نش بسرعه وخذ الصينيه عنها : خلاص ودريها
عذيجه : وااااااااااو تعبت الصراحه وايد حر ...
عارف : الله يهداج أنتي شو أتسوين من الصبح في المطبخ عنبو رحمي هالفقير اللي فبطنج
عذيجه: الله أكبر أذكر الله عروف روحي مب ناقصه ...
عارف : لا صج عذوجه أنتي وايد تجهدين نفسج وهالشي مب زين لج
حمد : أحسن هناك هالناس اللي أتعرف هالناس اللي عندها خبره هههههههههههههه
عارف : يالثور هالشي ما يباله خبره ولا شي كل ما في الموضوع تعلمنا منكثر ما أنشوف في الأفلام والمسلسلات
عذيجه : هههههه والله زين على الأقل أستفدتوا شي
وهني تدخل عليهم روضه وهي وأتصيح : عااااااااااااااااااااااارف ألحق على أمايه ما أدري شو ياها
عارف نش بسرعه وركض لغرفة أمه .. لحقه هزاع وحمد
عذيجه :روضوه شو فيج شو فيها أميه ؟؟؟
روضه وهي أتصيح بصوت عالي : عذوج ماأبيها أتموت عذوج الله يخليكم عالجوها
عذيجه : روضه شو هالرمسه الخايسه تعوذي من إبليس تعالي عندي تعالي
روضه : ما أقدر أحس أريولي ما يشلني ...
عذيجه : روضوه لا تذبحيني روحي مب قادره أتحرك تعالي عندي نشي أشوي أشوي بتقدرين
روضه : ما أقدر ما أقدر ما أدري يمكني أنشليت
عذيجه :فال الله ولا فالج صخي أشوي ..... عارف يا عارف ... شو مستوي عندكم يا ربي
حمد: عذيجه أمايه وايد تعبانه بنوديها المستشفى أوكي
عذيجه : أوكي هات عباتي بروح وياكم
حمد: لا عارف خذ أمي السياره وأنا بس ييت أخبركن ترا هزاع بيتم عندكن
عذيجه : لا حمد أصبر بيي وياكم
حمد: ماشي وقت فداعة الله
حمده تلاقت ويا حمد وهو طالع من الصاله : شو فيكم شو مستوي ليش الصراخ ؟؟؟؟
حمد : فارجي مب متفيج لج
حمده دخلت الصاله: عذوج شو مستوي ,,,, روضوه شو فيج ليش جي مسويه بعمرج
عذيجه: حمده مب وقتها الأسئله شوفيها هاي شو ياها ما أتروم تتحرك أتقول
حمده قربت من روضه : رواضي شو بلاج شي يعورج ؟؟؟
روضه: ........
حمده حركتها على الخفيف وعلى طول طاحت عالأرض
حمده : روااااااااااااااااااااااااااااااااض
عذيجه : خلاص حست روحها طلعت أتشوف روضه طايحه عالأرض من دون أي حركه
حمده وهي أتصيح : روضوه نشي عن حركات الاستهبال نشي بسرعه والا والله بعضج
عذيجه: حمده سيري ييبي لها ماي بسرعه
فهالوقت حاولت أتنش وتتقرب من أختها بتحاول تواعيها.. أول ما نشت حست بويع فضيع وألم ما قدرت تتحمله رجعت يلست مكانها تحاول تكبت الآه لا تطلع
حمده : دخلت وخذت أشويه ماي ورشته على ويه روضه .. اللي نشت على طول ولوت على حمده وتمت أتصييح (روضه قلبها ضعيف وأي شي ممكن يأثر بها بسهوله) حمده خلت أختها فحضنها وحاولت أتعرف منها السالفه ... وبعد ما خبرتها أعن أمها تمت أتصيح وياها
عذيجه : حمده لحقي علي حمدوووووووه
حمده : شو فيج عذوج باسم الله بلاج ؟؟؟
عذيجه : آآآآآآآي ما أقدر حمدوه جني بولد !!!!!
حمده : ها لا شوأتقولين لا عارف محد مافي حد في البيت
عذيجه : روحي زقري هزاع بتلقينه برع بسرعه حمدوه الله يخليج
حمده ركضت عند الباب دورت على هزاع ما لقته ووهي يايه بتدخل البيت مره ثانيه شافت بو وعد توه بيركب سيارته جان تزقر عليه ...
حميد : هلا ببنيتي حمده أشحالج أميه
حمده : عمييي أ أأ أ عذيجه
حميد : خير يا أميه شو فيها ختج ؟؟؟؟
حمده :ما أدري أتقول بتولد عارف وحمد ودوا أمي المستشفى وهزاع ما أدري وينه أختفى
حميد : أفا عليج يا أتحاتين وأنا موجود سيري ييبيها وأنا بجدم السياره يلا أميه بسرعه
دخلت ولبستها عباتها وشلت أختها وياها ...

 

[ضوى العيون]

عند الباب
حميد : هزاع وينك يا أبوك خواتك في البيت يدورن عليك من الصبح .؟؟؟
هزاع: ماشي كنت ساير عند الدكان
حميد : سر شوفهن اذا خلصن بترياك هني
هزاع ما عنده وقت يسأل ليش وكيف دخل البيت على طول
حمده : أنت وين أتروح تعال ساعدني أمسكها
هزاع: خير شو فيها عذوج ؟؟؟؟
حمده : بتولد تحرك بسرعه والا بتولد هني
هزاع أنصدم : ها لا تعالي
أول ما طلعوا من الباب تلقفهم حميد وطار بهم المستشفى كلهم راحوا وياها وأتصل هزاع وخبر عارف أنه عذيجه مودينها المستشفى ...
حميد على طول أتصل بسلطان وخبره عشان أيي ويا أمه ووعد بما أنه عذيجه أمها مش موجوده

فبيت بو سلطان ....
سلطان : أمييييييييه يا أم سلطان وينج ؟؟؟؟؟
وعد : هلا سلطوني متى ييت ؟؟؟
سلطان: ها ... أأأ وعدوه وين أمي
وعد: راقده !! خير شو صاير ؟؟؟ ليش جي شكلك مخترع وليش راد هالوقت؟ ؟؟
سلطان: ها لا ماشي أنا بروح عند أمي
وعد: سلطان !!! أشفيك لاأتروعني شي صاير؟؟؟؟
سلطان :لا ماشي بروح عند أمي أوكي
وعد" طبعاً ماتمشي عليها هالحركات " : برايك روح
دخل غرفة أمه شافها منسدحه وعيونها مغمضه : أمايه ...
سلطان : أمايه
أم سلطان : باسم الله الرحمن الرحيم ... خير يا أبويه شو فيك ؟؟؟
سلطان : أمي عذيجه بنت بو محمد وداها بو وعد المستشفى
أم سلطان : لاحول الله شو فيها ؟؟؟
سلطان : ما أدري يقول بتولد
نشت أم سلطان من مكانها بسرعه : واي علي حليلها أمها ما عندها قم خلني بلبس عباتي وبسير وياك
سلطان : أنزين أمي تراني ما خبرت وعد
أم سلطان: وأشعنه يا بوي ما أتخبرها ويدي تراها شرا أختها وأعز
سلطان : خفت ماأدري ماأعرف الصراحه أخاف
أم سلطان: عوذ بالله من الشيطان شو فيك يا بويه الدكتور قال لا أتعرضونها لصدمات هب أفراح هاي بشاره بعد ما يبالها شي
سلطان: لا أمي أنا خايف عليها ما بخبرها لين تولد بالسلامه
أم سلطان وهي تلبس عباتها : وأنا ليش أشاورك خوز عني أنا بخبرها .... وطلعت الصاله
أم سلطان: وعد أميه نشي لبسي عباتج عذيجه بنت خميس تولد
وعد: ها والله منو قالج
أم سلطان :قومي ياأميه هب وقته الحين بعدين تسألي يلا نترياج في السياره
وأول ما ركبت السياره ,,,, لفت على سلطان
وعد: ألحين أنت من الصبح تتحرقص أتدور أمك عشان هالسالفه وليش ما أتخبرني كله منك اذا تأخرنا
سلطان: طع هاي أنتي أي يا ويهج ألحين هاي يزاتي خايف عليج
وعد: من أشو اتخاف ....؟؟؟؟؟
سلطان: ماشي سلامتج بس ما كنت أدري كيف أخبرج
وعد ضمت أيده في أيدها: باباتي لا أتحاتي ان شاء الله ما يتكرر اللي صار قبل
سلطان وعيونه مليانه دموع: وعد أنتي ما تدرين أنا شو صار فيني المره اللي طافت حسيت أني جسد بلا روح
أم سلطان: احم احم نحن هنا
وعد أحمرت من الحيا : ههههههه
سلطان: الله أكبر يا أم سلطان حاسدتني على هالفرحه
أم سلطان : أستغفر الله العظيم الله يديمها يا أبويه بس بعد أنا أغار
وعد: هههههههههههه خلاص ولا تزعلين ألحين بنطيب خاطرج ... شلت تلفونها وأتصلت بـ مانع
وعد: السلام عليكم ورحمة الله وبركاته
مانع : وعليكم السلام والرحمه هلا وغلا هلا والله بشيخة البنات أشحالج أميه
وعد: بخير الله يسلمك .... لا أتقولي هالكلام الحلو ناس يغارون
مانع : لا والله منو هالناس الحلوين اللي يغارون
وعد: ناس ما يقوون فراقك
أم سلطان: وعد عن المنكر خل عنج السوالف الفاضيه
وعد: سوالف فاضيه عموه نسينا ما كلينا
سلطان: اي وعدوه يالدبه ما يخصج بماماتي
مانع : محد يزعل الحلو ما يخصكم بوعد لو سمحتوا ... بعدين تعالوا أنتوا يالشله الفاضيه وين اتهايتون في عز القايله ؟؟؟؟
وعد: رايحين المستشفى عند عذيجه بتولد
مانع : ماشاء الله ... حليلها الله يقومها بالسلامه عيل جنه بومحمد ما عنده خبر
وعد: ما ادري
مانع : أمبلى أظني ما يدري أشوفه يالس عند بو ضاحي بسير أخبره وبيي وياه
وعد : لا تتحير ناس ولهانين عليك
سلطان يقرصها على خدها : مايخصج في الشواب
وعد: ههههههه والله يعور بخبر عليك باباتي خل ينتقم منك
سلطان : ما أخاف خبري كيف حرمتي محد له شي عندي
........
فبيت عوشه
شهد: أمايه خلاص خليهم يسوون اللي يبونه لا اتحاتين
عوشه : سبحان مغير الأحوال
مهره : أمايه أنتي ليش شاغله بالج شهد مب ياهل وتقدر تتصرف ونحن وياها ان شاء الله ما عليها شر
عوشه : الله يسمع منج أميه ... المهم جهزن الفاله ترى مرت أبوكن بتمرنا اليوم
شهد: أنا اللي مستغربه منه كيف أنتي أتحبينها وهي اللي خذت ريلج
عوشه: ههههههه لا فديت روحج أنا اللي ما بغيته وأرخصته ما همني اللي بتاخذه يغير أنه فادي عورني عليها فقيرة الله ما كانت تدري شو بييها الله يعينها
مهره : وأنتي لازم رزة الفيس هاي اللي فيج
شهد :أفيي حرام الواحد يستغرب عيل في عدايل جنهن ربايع ما يستوي
عوشه : ذكري ربج لا اتصيبينا بعين
شهد : أنزين أميه ماجد تحسرتي على طلاقج من أبويه
مهره أتخزها بعين : شهد نشي غسلي ويهج من فضلج
عوشه : أي هااااااا أنا يا أميه ما تحسرت على شي كثر زواجي منه والله فكني منه الحمدلله
شهد بنظره حنان : فديت روحج يا أميه عسى ربي يعوضج خير
نشن البنات وتويهن للمطبخ عشان يجهزن الفاله لحرمة أبوهن ...
عوشه ,,, راحت توطي راسها ووصتهن يوعنها قبل صلاة العصر عشان تستقبل عديلتها ,,,
,,,,,,,,,
في مستشفى دبي ...
أول ما وصل عارف وحمد خذوا أم محمد لغرفة العنايه المركزه وأتصل عارف بأخوه محمد اللي ساكن في العين بحكم شغله وأييهم نهاية الأسبوع ,,,
عارف : محمد دخيلك تعال ماأعرف شو صار لها ؟؟؟ لا ما أدري الدكتور بعده عندها
محمد : عارف لا اتحاتي خلك عند البنات أنا بترخص الحين ونص ساعه أنا عندكم
عارف : محمد بليز اشوي اشوي مب ناقصين ... أوف نسيت أخبرك ترا عذيجه في مستشفى الوصل
محمد : لا حول ولا قوة الا بالله شو صار عليها
عارف : لالالا ما فيها شي بس بتولد
محمد : والله الحمدلله أنه ما فيها شي جايد والله كنت بستخف بس تعال مب هي المفروض تولد بعد شهرين ؟؟؟!!!
عارف : محمد شو قالولك طبيب نساء عشان أعرف ما أدري نحن خذنا أميه ومن أشوي هزاع متصل يخبرني
محمد: خبرتوا مبارك ؟؟؟
عارف : لا محمد من فضلك لا أتخبره ولا شي عذيجه بتتضايق بنشاورها قبل
محمد : عارف شو هالرمسه الماصخه هذا أبو الياهل سواء رضيتوا أو لا برايك أنت أنا بتصل بخبره وبييكم
عارف : محمد بس عذيجه
محمد يقاطعه : شو عذيجه ليش أنت مب ريال ماأتعرف السنع ؟؟؟ سر الله يهديك فمان الله
عارف : الله يحفظك ...
حمد: ليكون بيخبر هالحقير مبارك ؟؟؟
عارف : حمد عيب أستح على ويهك ترا أختك بعدها على ذمته
حمد: بس هو ما يستاهل الحشيمه .. حيوان
عارف بصوت عالي : حمد بتحترم نفسك والا أطلع روح البيت مالك لزمه
حمد : والله مب بكيفك هاي أمي مثل ما هي أمك
عارف "عصب " : حمد أطلع برع أحسن لك
حمد: ما يخصك فيني أقلب ويهك
عارف كانت هالكلمه كافيه أنها تخليه يفقد أعصابه ويرتكب جريمة قتل في حق أخوه تجدم صوبه ومسكه من كندورته عند الرقبه: أحترم نفسك وحشم اللي أكبر منك واذا أنت فاكر أني بسكت لتصرفاتك التافهه والبايخه فأنت غلطان يا أخ حمد
حمد: شل أيدك أحسن لك

 

[ضوى العيون]

طبعاً التموا الناس حولهم وحاولو كمن شاب يفرقون مبينهم بس الأثنين معاندين
واحد من الشباب : استهدوا بالله يا جماعه الخير عيب عليكم نحن فمستشفى راعوا المرضى على الأقل
عارف أستحى عدمه وودر أخوه ... فهاللحظه بالذات طلع الدكتور من غرفة أم محمد وأتجه ناحيه عارف
الدكتور : البقيه فحياتك يا أبني
عارف مصدوم مب قادر يتسوعب اللي يقوله الدكتور : خير شو فيه ؟؟؟؟
نفس الشاب اللي حايز بينه وبين أخوه "صقر " : إنا لله وإنا إليه راجعون
حمد: انت شو أتقول ؟؟؟ عن الهبل مب فايقين لك يلا خبرنا شو فيها أمي
الدكتور : لا حول ولاقوة الا بالله أستهدى بالله ياأبني ربنا يصبركو
عارف نزل على ركبه حس بريوله ما يشيلنه : ليييييييييييييييييييييييييييييييييييييييييييييييش
حمد تقرب من أخوه يرفعه عن الأرض : عارف نش خلنا أنروح عند أمايه هالدكتور مخرف ما يعرف شي
عارف وبدى يصيح بشكل يقطع القلب
حمد أستوعب اللي قاله الدكتور وأنه أمه بالفعل توفت ,,, ركض ناحيه الغرفه اللي كانت فيها وأول ماوصل شاف جسد ممدود على الشبريه ,, بلا حراك والنرسات يشلن الأجهزه والوايرات عنها حس ببرودة تسري فجسمه هدوء الغرفه يدل على أنه صاحبتها راقده بسلام وطمأنينه.. لا مستحيل أتكون ماتت كيف تتركنا وأتروح؟؟ لا مو معقول هاييل أكيد ما يعرفون أنا بسفرها للخارج بعالجها بطلع من المدرسه و بشتغل بسجل في الجيش بيعطوني راتب وبقدر أسفرها على حسابهم بعد.. تجدم منها وشل اللحاف عن ويهها ... حط إيده على خدها ورد سحبها بسرعه كان جسمها بارد مثل كتلة الثلج وعيونها مغمضه وابتسامه خفيفه عشفاتها .. هز راسه مش مستوعب شكلها يقول أنها راقده هاييل مايعرفون أنا بوعيها هي تحبني بتسمعني وبتنش ..
حمد : أمايه ... أمايه قومي فديت روحج أرجووج لا تلعبين بأعصابنا .....
أستمر على هالحال فتره طويله النرسات يحاولن يخوزنه عنها بس هو مب طايع متمسك بها بكل قوته ورافض فكرة أنها أنتقلت لباريها
حمد: أمي قومي عذوج ودوها المستشفى تولد هي محتايتنج وايد حتى نحن أمايه شو بيصير فينا من دونج لالالا ما يخصني أنا مب طالع من هني الا وأنتي ويايه..
بعد ما حس أنه خلاص مافي أمل بدت دموعه تنهمر بغزاره يحاول يمسك نفسه بس مش قادر هاذي أمه الي يمكن أفقتد وجودها جنبهم في السنوات الأخيره بسبة المرض الي هد حيلها وعزلها عنهم وخلاها أسيرة غرفتها أو المستشفى تعودوا في الفتره الأخيره على غيابها بس كانت وياهم ويوم يحتايوونها يلاقونها ,,, مهما صار موجوده لكن الحين !!! كيف يعيشون من دونها كيف ..؟؟؟
حس بأيد قويه تسحبه عنها فتح عيونه لقى أخوه محمد يحاول يبعده عنها وعلى طول أستسلم لمحاولته ولوى عليه وأنخرط فنوبه بكاء على أمه ومن بيكون أحن عليه من صدر أخوه ولد أمه وأبوه ...

بعد ما طلعوا من غرفة أم محمد ...
عارف : محمد خبرت أبويه
حمد يقاطعهم بخوف :لا ,,, لا أتقولون له الحين
محمد: حمد لا أتحاتي ان شاء الله ما عليه شر ومايصير ما أنخبره أنا بروح له وبخبره بنفسي
حمد ولازال يصيح: حرام عليكم والله ما أعرف شو بيصير له
عارف : حمد أمسك نفسك حرام أتعذبها بصياحك كفايه الويل اللي شافته من المرض ترحم عليها
حمد: ما أقدر يا عارف ما أقدر أتخيل أدخل البيت وهي مب موجوده فيه ما أقدر يا ربي ليش هي ليتني كنت مكانها
محمد : أستغفر ربك وقو إيمانك بربك ما تدري شو حكمته وبعدين هي ارتاحت يا حمد أنت بنفسك أدرى بالعذاب اللي تعذبته والأذيه اللي كانت فيها الحمدلله ,,, والموت حق وطريق كلنا له
حمد: وعذيجه ؟؟؟
محمد: بخير وفغرفة الولادة أم سلطان عندها وخواتها وياها
عارف : محمد أنا ما أقدر أسوي شي أرجوك كمل إجراءاتها لين أروح أييب أبويه
محمد : عارف لاأتخبره شي بس قوله تعبانه وتبا أتشوفه أوكي
عارف : الله يقدرني ,,, فمان الله
محمد: خذ حمد وياك
حمد : لالا ما أبي بتم وياك
محمد: خلاص أنت روح استراحة الرجال أنا بخلص الأجراءات وبييك هناك اوكي
حمد: بسير أصلي وبرجع
محمد حط إيده على جتفه :الله وياك ... الله الله بعمرك ..
تفرقوا الأخوان كلن بصوب عارف طلع يدور على أبوه
حمد للصلاه
محمد يكمل إجراءات الدفن والاشياء الباقيه ...

,,,,,,,,,,,,,,,,,,,,,

فبيت خليفه ...
ميثا عازمه ربيعاتها على الغدى
ميثا : حيالله من يانا هلا وغلا بأم سعيد أشحالج الغاليه عساج بخير ونعمه
أم سعيد: مانشكي باس الحمدلله
ميثا : عيل أم ناصر ما يت وياج ؟؟؟
أم سعيد : لا فديتج بتخطف على موزه وبين رباعه
ميثا : هي خير ان شاء الله .... العنود غناتي شوفي ميري ليش تأخرت عنبو كل هذا قهوه بتييبها ؟؟؟
العنود : ان شا ءالله ...
نشت وسارت صوب الممر المؤدي للمطبخ الي ورى البيت ..طلعت وحطت الغشاه على ويها عن الشمس ... وهي تنزل السلالم تخرطفت وطاحت بشكل خفيف ومن الطيحه طاحت الغشوه وتمت تتويع أشوي رفعت راسها شافته يطالعها وشبه ابتسامه عشفاته رفعت الغشوة على طول وحاولت أتنش بس ما قدرت تجدم منها ومد ايده عشان يساعدها ما كان عندها خيار غير انها تستند عليه واتنش,, بعد ما نشت حاولت أتفج ايدها من ايده بس الظاهر هو ما كان وده فتم ماسك أيدها وشاد عليها أشوي ,,
العنود : مشكور ,,, ممكن تترك أيدي عشان أروح
خليفه : ليش ؟؟؟!!!!
العنود مصدومه : نعم
خليفه أنتبه على نفسه وترك ايدها : السموحه منج
غيث : ههههه خالو عنود تاحت هههههه
خليفه : عيب
غيث: لا عادي هي أتحبني ما بتزعل صح ؟؟؟
العنود : صح ...
وركضت داخل من الفشله والموقف الفضيييييييييع اللي صار ...
ميثا: حشا يالعنود أنتي سايره أونج بتشوفين ميري وهي وصلت والناس تقهوو وخلصوا وأنتي بعدج ؟؟؟
العنود بارتباك : هها أ أ لا شفت غيث وكنت أسولف وياه
ميثا : الله يهداج شو تبينه مخليه الحريم ويالسه عنده صدق ما عندج سالفه
العنود رجعت مكانها ويلست بين الحريم الكل يسولف ويضحك وهي فعالم ثاني سرحت بخيالها لبعيييييد أول مره أشوف خليفه من هالمسافه القريبه وسيم وشخصيته وايد تعيبني من زمان بس ,,,, لا لا مالي حق أفكر فيه هذا ريل أعز ربيعاتي .... الله يسعده وياها

في الجهة الثانيه من البيت خليفه يالس ويا عياله وفكره مو وياه.. الحين هاي العنود اللي أنا أدير أعمالها من سنين ولا فيوم شفتها معقوله هالقمر هي ؟؟؟ سبحان الله بس أحسبها جنها ياهل يعني وايد عفويه وبريئه وأنا أقول أشفيهم عيالي متخبلين عليها ...
يقطع عليه سهيل : بابا سالم متى بيرد البيت وايد طول عند يدوه
خليفه : خله عراحته يوم بيشبع بيرد
سهيل : وليش أنا ما أتخليني أتم وياه ؟؟؟
خليفه: أنا منعتك؟ ؟؟
سهيل : لا بس ماما ما أتطيع
خليفه: أنت تبغي أتروح ؟؟؟
سهيل : هي
خليفه : خلاص اليوم بكلمها
عنود ونجود : حتى نحنا بنروح بابا ...
خليفه : ان شاء الله
غيث : أنا بعد
خليفه : الا أنت أمك بتستخف ان رحت عنها
نجود: هههه اللي يسمع جنها لازقه فيه أربع وعشرين ساعه
خليفه : نجود عيب وعن طولة اللسان هاي ....
نجود: آسفه ... كلام الحق ما يعيب حد
خليفه : أنتي شريره
غيث : سهول سهول خالو عنود تاحت عند الدري بابا شلها
سهيل : أنت شو أتخرف روح عند نجود هاي أتعرف أتفكك الشفره الي تتكلم بها
نجود: هههه مشكله اللي ما يفهمون يقولك خالو عنود طاحت وبابا شلها
خليفه مصدوم : أي شو ها بعد شلها مره وحده حشى ما يسوى علينا هالتأليف
عنود: أويي مسكينه حرام ليكون تعورت بسير اشوفها
خليفه: تعالي يلسي محلج بتفضحينها جدام الحريم ... ما تعورت ولا شي بس تخرطفت على الخفيف وأنتهى الموضوع
نجود وهي تغمز له : وأنت يا الفارس الشجاع ساعدتها
خليفه : نجود شو هالرمسه عيب عليج سكتي يلا
نجود: ها بابا أشوف السالفه فيها إن
خليفه نش وهجم عليها يعضها وير شعرها على الخفيف عشان تسكت : ها بتسكتين والا أزيدج
نجود: هههه بابا والله ذبحتني خلاص بسكت والله بسكت
خليفه أستغرب من نفسه ليش حس أنه مفضوح جدام عياله معقوله أثرت عليه وهو مب حاس!! لا شو مب حاس يعني كل هذا ومب حاس مستحيل أنقلب حاله 180 درجه.. هل اسكاته لبنته ممكن يلغي المشاعر اللي هاجت والأحاسيس اللي يحس بها ؟؟؟ أحتار بنفسه ولا عنده للي يصير جواب سرح بفكره بعيييييييييييييد وتمناها تكون شريكة حياته..ليش لا الشرع حلل أربع للريال وهو ما ناقصنه شي واللي يعرفه البنت مالها سند فهالدنيا وهالشي هو اللي خلاها تأمن حلالها عليه.. بس ميثا.. أول ما تذكر هالاسم حس كأنه حد صب عليه ماي بارد وتجمدت كل مشاعره وأحاسيسه وشل الفكره من باله ماعنده استعداد يخسر عياله بسبة نزوه أو رغباته اللي أنحرم منها ... عياله عنده بالدنيا ...

،،،،،،،،،،،،،،،،،،،،،،،،،،،،،،،،،،،،،

 

[ضوى العيون]

في المستشفى ...
وعد وأم سلطان راحو لغرفة الولاده وشافوا البنات وسلمن على بعض
سلطان راح لاستراحة الرجال وتلاقى ويا هزاع و تموا يسولفون .... وفجأه رن تلفون سلطان
سلطان : هلا والله أشحالك ,,,
فاضل : مرحبا بك سلطان أنت وين ؟؟؟
سلطان : هني في المستشفى
فاضل : خير ان شاء الله عسى ما شر
سلطان : لا كل خير بس ياي ويا الأهل أشوي خير شي بغيت
فاضل: بغيتك بموضوع ضروري متى أقدر أشوفك
سلطان : خير فاضل شي صاير ؟؟؟
فاضل : سلامتك مافي شي بس في موضوع لازم أتشوفلك صرفه فيه سلطان الرمسه بالتلفون ما تنفع
سلطان : انزين أنت أتدل مستشفى الوصل ؟؟؟
فاضل : هي أدله خلاص أنا ياينك عشر دقايق وبكون عندك
سلطان: تمام بترياك أوكي
فاضل : أوكي
وقبل لا يقوله مع السلامه سكر التلفون,, سلطان تم قلبه ناغزنه من هالاتصال أشمعنى اليوم بالذات ؟؟؟ ليكون ؟؟؟ لا يارب ان شاء الله ما عليهم شر .... حس أنه مش متطمن ترخص من هزاع وقاله برجع بعد أشوي طلع وأتصل فيها ...
سلطان : السلام عليكم ورحمة الله وبركاته
مزنه : وعليكم السلام والرحمه هلا والله أشحالك بو عبدالله
سلطان: تمام خير شي صاير عندكم ؟؟؟
مزنه : لا سلامتك مافي شي
سلطان : أها أوكي خلاص برايج عيل
مزنه : الله يحفظك
سلطان : أ أقول شي ناقصنج ؟؟؟ محتايه شي ؟؟؟؟
مزنه : الله يديمك ذخر لنا ما أتقصر الحمدلله ما ناقصني شي
سلطان: زين عيل سلمي على عبدالله
مزنه : يالس عندي يبا يكلمك عادي ؟؟؟
سلطان : طبعا ً
عبدالله : ألو بابا
سلطان : عيون بابا أشحالك حبيبي
عبدالله : بابا أنت وين ؟؟؟؟ أنا زعلان ما أحبك
سلطان : حبيبي أنت أنا موجود باجر بيي أنزين
عبدالله مستانس : والله ... بابا أبي حلاوه وبات مان
سلطان: ان شاء الله أنت اسمع كلام ماما وأنا بييبلك اللي تباه ...
عبدالله : انزين مع السلامه بابا
سلطان : مع السلامه ...
أول ما سكر عنه حس بشوق وحنين له من شهر ما شافه وتوله عليه شو ذنبه هالمسكين يعيش بعيد عنه ياربي شو أسوي وفاضل شو يبا ييته بهالطريقه ما أتبشر بالخير ,,, رن تلفونه مره ثانيه وشاف الشاشه ...
دلوعي يتصل بك ....
سلطان: هلا بالغلا كله هلا حياتي عمري
وعد: ههههه فديت روحك قول مبروك
سلطان : مبروك شو حامل ؟؟؟
وعـــد : الله يسمع منك ... بس هالمبروك عشان عذوجتي فديتها يابت نونو كتكوت ماشاء الله عليه
سلطان: ما أبي أنا زعلان ما بقول مبروك
وعد: أستغفر ربك شو هالمنكر بعد؟؟!!!
سلطان :أول أوعديني أتيبين لي نونو مثل اللي عندهم بعدين بقول
وعد: سلطانو عيب عليك أنزين اذا ربك مب رايد شو ذنبي أنا
سلطان: ربي مب رايد والا بعض الناس محاربينا
وعد: سلطان بسكر عنك بروح عند البيبي
سلطان: هههههههههههههه أونها أستحت المهم بما أنج تطمنتي عليها والحمدلله كل شي تمام جهزي نفسج باجر بعد الخطبه بنورح الفجيره ما أبي أسمع أي عذر ما يخصني
وعد: الله الفجيره كشخه خلاص بقول لأمك بعد عشان أنروح يميع
سلطان :أشششش أنتي شو عنبو أبا آخذ راحتي ويا حرمتي أبي أكون وياج روووووووووووووووحي تفهمين شو يعني رووووووووووووووحنا
وعد: هههه أنزين باسم الله كلتنا ،،
سلطان: حبيبي
وعد: عيونه
سلطان: بيمرني فاضل الحين بطلع أشوفه شو يبي وبرجعلكم أوكي
وعد: أممم خلاص أوكي ،، لا ترجع بنرجع ويا باباتي
سلطان: أوكي برايج ،،، فمان الله
وعد: الله وياك ,,, سكرت عنه وأحتارت من تصرفاته معقوله يقولها أوكي من دون مناقشه أو شي هذا أكيد شي شاغل باله ولازم أعرف شو بس خل نرجع البيت دواه عندي ...

 

[ضوى العيون]

أموت أنا في حبهم 12
سكرت عنه وعد وراحت أتشوف عذيجه وبهاللحظه أتصل عارف بسلطان وكان منهار وخبر سلطان بوفاة أمه سلطان تكفل بأنه ياخذ أبوه وبو محمد المستشفى عشان يخبرونه بوفاة زوجته
وعد وصلت لغرفه عذيجه اللي كان التعب باين عليها ودموعها هميله
وعد تقربت ويلست عالشبريه عدالها : باسم الله الرحمن الرحيم أشفيج ؟؟؟؟
عذيجه لوت عليها وتمت أتصيح بحرقه ,,,,
وعد تتلفت للي حواليها تبي أتعرف سر هالدموع : باسم الله شو ياها ؟؟؟ ليش اتصيح
أم سلطان قربت من عذيجه وحطت إيدها على جتفها : يا أمي مب زين أتسوين بعمرج جذه أنتي توج مربي والنونو ما عليه شر بس لأنه متربي قاصر حطوه في الغرشه ...
وعد: شو صار عموه ؟؟؟
أم سلطان : مافيه الا العافيه ياأميه الولد ما عليه شر بس لأنه قاصر ومب زين له يتعرض للجراثيم بيخلوه في الغرشه ومتى ما تبين تعالي شوفيه ..
وعد بعد ما فهمت الموضوع رفعت راس عذيجه وخلتها أتشوفها عين بعين : عذوج حبيتي لا أتحاتين ما عليه شر روضوه روحها حطوها في الحضانه شهر تذكرين ؟؟؟؟ يلا عاد هاذوه عمي بومحمد وباباتي وبوسلطان بيوون يسلمون عليج ... أدخلهم ؟؟؟
عذيجه تهز راسها "تقصد هي "
وعد: عاد بسج من الصياح ....
عذيجه : تكلمت بتعب وضعف: ما أصيح عليه ان شاء الله ما عليه شر بس خايفه يا وعد حاسه قلبي مقبوض وخايفه أحس شي صاير (سكت وردت بسرعه تسأل) أمي أمي شو أخبارها ؟؟؟؟ وينه هزاع أزقريه خليه يخبرنا شو صار عليها
وعد : ان شاء الله
أم سلطان: ما عليها شر ان شا ءالله ،،، خليني بتخبر بوسلطان جان عنده علومها
طلت أم سلطان برع الغرفه وزقرت بوسلطان اللي أول ما وصل عندها كان شكله ما يطمن
أم سلطان : بوسلطان
بوسلطان : عونه
أم سلطان : الغالي ما عليك أمر تخبر بومحمد عن صحة أم محمد عذيجه ذابحتنها المحاتاه
بوسلطان نزل راسه: ..........
أم سلطان : ودي مانع ؟؟؟ شو ياك ؟؟؟ خير ان شا ءالله
بوسلطان : أم محمد عطتج عمرها
أم سلطان اللي الصدمه ألجمتها : ها شو ,,, لا حول ولا قوة الا بالله انا لله وإنا إليه راجعون
بوسلطان يأشر لها عشان تسكت وأتوطي حسها : أشششش بومحمد ما عنده خبر وبنته بعد ما يصير أتخبرينهم جذه منه والدرب
أم سلطان عضت شفاتها بأسف ودمعت عيونها : ان شاء الله ,,, بس كيف يا مانع ؟؟؟ شو ياها
بوسلطان : ما أدري يا نوره سلطان توه يخبرني وأنا قلت بخليه يتحمد لبنته بالسلامه وبشله ويايه وبنروح صوب عارف ومحمد الدختر اللي هي فيه
أم سلطان : خلاص برايكم جان بتدخلون محد غريب
بوسلطان وهو يزقر على بومحمد ، هزاع ، حميد (بووعد) : سويلنا درب
أم سلطان : إن شاء الله
دخلوا الجماعه عندها وتحمدوا لها بالسلامه وبعدها طلعوا عنها ...
بوسلطان ، حميد ، بو محمد و هزاع راحوا مستشفى دبي عند أم محمد وسلطان خذ حرمته وأمه بيوصلهم بيت بو محمد وبيلحقهم المعشره (المقبره(
عذيجه.. نظرا ً للولاده المتعسره الي مرت بها وضعفها الشديد عطتها الدكتوره إبرة منوم عشان ترتاح ... وعذيجه طلبت من وعد اتروح ترتاح وبعدين ترجع العصر اذا حبت ...

في سياره سلطان وقبل لا يتحرك من موقف السيارات اللي في مستشفى الوصل ....
سلطان يأشر لأمه ,,, ويحاول يكلمها بدون لا تفهم أو تحس وعد
وعد : خير سلطان شي فخاطرك ؟؟؟؟
سلطان مرتبك : ها لالا ماشي سلامتج مافي شي
وعد معقده حياتها وشاكه فالموضوع : متأكد ؟؟؟؟ !!!!!!!!
نزلت أم سلطان وفتحت باب السياره صوب وعد سمت باسم الله وقالت : وعد قولي لا اله الا الله
وعد اللي أنصدمت من حركة أم سلطان : قالت: لا اله الا الله (وهي تتنفس بصعوبه وقلبها يدق بالقو) خير شو فيه ....؟؟؟ سلطان شو صاير ؟؟؟
أم سلطان : يا بنتي الموت حق وأم محمد حرمة جبيره وعيزها المرض وربج بغاها تستريح بعد عذاب هالسنين
وعد تمت ساكته فتره تحاول تستوعب اللي تقوله أم سلطان بعدها على طول لوت عليها وتركت العنان لدموعها صاحت لين حس سلطان أنها ممكن تروح من إيده إذا ما تصرف،، تقرب منها وبعد أمه اللي رجعت تيلس ورا رفع راسها ومش دموعها ,,, باسها عراسها
سلطان : وعد حياتي ،،، ذكري الله تعوذي من إبليس
وعد وهي تشهق وأتصيح : "بصوت متقطع" سس سلطان هاي حسبة أمي وبوجودها عمري ما فقدت أمايه والله يا سلطان ما أتعرف غلاتها بقلبي مب قادره أتخيل أنه الموت خذها عني أحس أني تيتمت مره ثانيه
سلطان يحاول يهديها : ترحمي عليها هي محتاجه لدعائج أكثر من صياحج تبين أتبينين غلاتها فقلبج قوي إيمانج بالله وقوي نفسج وعد لا تنسين بناتها للحين ما يعرفن ومحد غيرج يقدر يوقف وياهن ويهون عليهن مصابهن خليج أقوى من جذه أنتي يا وعد الوحيده اللي بقيتي لهم تدريبهن معزولات عن الناس وما يخالطون حد الحين هم محتايين لج ...
وعد مسحت دموعها : ان شاء الله بس سلطان أنا ما بقدر أسوي شي والله ما أقدر
أم سلطان : استهدي بالله وتوكلي عليه أنا وياج يا أمايه لا أتحاتين وهن ان شا ءالله ما عليهن شر بس عذيجه خليها يوم يرخصونها باجر بنخبرها ان شاء الله وهن يا أمي يدرن أنه الموت حق وكلنا سايرين بهالطريج الله يصبرهن ان شاء الله
وعد: ان شاء الله ,,, بتصل بيت عمي عبدالرحمن بخبرهم
أم سلطان : زين ما اتسوين يزاج الله ألف خير
سلطان :وعد أنتي بخير ؟؟؟؟
وعد تهز راسها "تقصد نعم"
سلطان يكرر السؤال : وعد أنتي بخير
وعد دمعت عيونها ومسحت الدمعه على طول : أنا بخير تطمن
سلطان :أكيد ؟؟؟
وعد :أكيد ..
وصلوا بيت بومحمد ونزلن وعد وأم سلطان ... بعد ما تطمن سلطان على وعد أتصل يشوف اللي صار على عارف ويتخبره عن مكانه ..
فاضل أول ما وصل مستشفى الوصل أتصل في سلطان اللي خبره بسالفة وفاة أم محمد وحس فاضل بأنه الوقت أبدا مش مناسب يفاتحه بالموضوع اللي ياي عشانه ,,, فسأله عن مكانه وراح له عشان يقوم بالواجب ...

في سياره بو سلطان ...
السياره ما فيها أي صوت ولا حس الكل ساكت هزاع حاس بقبضه وخوف ماعرف سببهم
حميد يدعي ربه يسهل عليهم ويصبر بومحمد وعياله يعرف شو معناة أنه الواحد يفقد شريكة حياته وأم عياله وبعد يعرف شعور اليتيم اللي ماتت أمه
بوسلطان كل دقيقه يتلفت صوب بومحمد السرحان والي باله مشغول ونظرة الخوف ما فارقته من أقترح بوسلطان يروحون عند أم محمد يتطمنون عليها ..
بومحمد حاس بأنه السالفه فيها إن ومتأكد مليون بالميه أنه أم محمد أنتقلت لباريها وهالشعور ما أنولد من فراغ هالشعور اللي بداخله كأنه حد خبره بموتها وكأنه تلقى إشاره من ربه أنه شريكة حياته تركته وخلته وحيد ...

 

[ضوى العيون]

مستشفى دبي
عند المدخل واقف ومنزل راسه ومب حاس بدموعه اللي ما وقفن من بعد صلاة الظهر حاس بخوف ،، ألم ،، قهر ،، غضب ،،، ليش أنا اللي أنحرم من أمي ؟؟؟ ليش ؟؟؟ الحين كيف بتكون حياتنا ومن لنا من بعدها ؟؟؟
ما وعى الا بيد هزاع على جتفه ...
هزاع بخوف وترقب : حمد وين أمي ؟؟؟؟
حمد مرتبك ومب قادر يسيطر على نفسه مسح دموعه بسرعه ولف على أخوه يطمنه : مافيها شي هي بخير الحين
هزاع : لا تجذب علي حمد أرمس قول شو فيها ؟؟؟؟
حمد :قلت لك ما فيها شي وين أبويه ؟؟؟
هزاع : هاذوه وصل ...
حمد تجدمهم عشان ما يشوف أبوه ولا تتلاقى عيونهم خاف تخونه العبره وما يمسك نفسه ما يبي يصدم أبوه ففضل أنه يسبقهم ويدلهم على مكان محمد عشان هو يتكفل بالمهمه ...
سلطان وفاضل تلاقوا ويا عارف عند باب المستشفى ... بعد ما عزوه تويهوا صوب القسم اللي يستلمون منه الجثث ....
محمد وهو شال في إيده شهادة وفاة أمه خانته دموعه وأنهدت كل الشجاعه اللي كان متحلي بها عشان يخبر أبوه نزل عركبه وحضن شهادة وفاتها وتم يصيح من خاطره مب قادر يتخيل ما يسمع صوتها صح أنحرم من شوفتها مثل قبل بس كان متطمن وحاس بوجودها وياه بكل لحظه لأنه ما كان يقطعها بالتلفون دومها تدعيله وتنصحه يتزوج وهو اللي معند وراسه يابس شايل فكرة الزواج من باله نهائيا ً بعده مانسى قبل ثلاث سنين راحت تخطب له بنت يرانهم رفضوه لأنه أبوه خريج سجون ومحد يبا يزوج بنته لبيت سمعته مب زينه ....
تذكر كيف حط راسه فثبانها وقال كل اللي بخاطره وهي تسمعه من دون كلل أو ملل يا ربي كيف بصبر عنها يا ربي شو أسوي والله حاس عمري بموت .. أول ما رفع راسه تلاقت نظراته ويا أبوه ومن دون أي شرح فهم بو محمد اللي صار ويلس على أقرب كرسي ودموعه متجمده فعينه مب قارد ينزلهن عشان ما يضعف جدام عياله وما يحسون أنه مالهم سند من بعدها ...
هزاع وهو يصيح : أنتوا جذابين هاي أمي تعرفون شو يعني أمي ؟؟ في أم تتخلى عن عيالها ؟؟؟؟ ها ليش ما اتجاوبون
حمد وهو لاوي عليه بالقو ويصيح وياه ما يبي يهده لأنه ما يعرف شو بيسوي بعمره
سلطان تقرب منه : ترحم عليها يا هزاع لاأتسوي بعمرك جذه مب زين
هزاع : محد له خص فيني خلوني بروح وياها ما أبيكم أرجوكم أبعدوا عني وخلوني فحالي أبي أمي خلوني أروح لها
محمد وهو ماد أيده له ...و بيأس : هزاع تعال عندي
هزاع : لا لاما أبي حد بسير عند أمي بشوفها هي بتوعى اذا سمعت حسي أنا متعود أنششها لصلاة الفير أنتوا ما أتعرفون فجني يا حمد
عارف تجدم منه بخطوات غير متزنه وحاول يضمه لصدره ويهديه : هزاع أسمعني بس بقولك كلمه
هزاع وهو يرافس في ايد حمد : فجني يا حمد أقولك خلني بروح لها
حميد ما قدر يتم ساكت أكثر من جذه وهو يشوفهم يتعذبون تقرب من حمد وشل أيديه عن هزاع وأول ما فجه حمد ربع صوب الغرفه اللي حاطين أمه فيها
حميد : خلوه يشوفها وأنا بييبه ,,,
مشى لين وصل لباب الغرفه ... حس برهبة المكان وأحتراماً لروح المرحومه ما دخل الغرفه تم واقف برع عشر دقايق بعدها زقر هزاع اللي ما رد عليه
حميد : هزاع ياأبويه تعال بغيتك بكلمه ... لا أتخليني واقف برع تراني ما أقدر أدخل تعال و أنا أبوك
هزاع طلع من الغرفه وبخطوات ثقيله تقرب من حميد ...
حميد تجدم منه وخذه بحضنه ويلسه على الكرسي اللي برع الغرفه : هزاع قول انا لله وانا اليه راجعون
هزاع : ردد وراه الجمله وحس بقشعريره تسري بجسمه .... تنهد ورفع راسه لحميد وقاله: أنا بخير
نش حميد وهزاع ورجعوا لبومحمد وعياله وباشروا بإجراءات دفن أم محمد

في بيت بو محمد
وعد أول ما وصلوا دخلت البيت وسلمت على البنات ،، وطبعاً أم سلطان هاي أول مره أتييهم فعرفتهم وعد بها وراحوا يصلون الظهر بعدين بيخبرونهم ،، بعد ما سلمت رفعت إيدها وهي غارقه بدموعها تطلب ربها يساعدها ويقدرها على أنها أتخفف عنهن وفجأه أنتبهت لحمده اللي يت عندها ويلست مجابتلنها
حمده : تقبل الله
وعد : منا ومنكم صالح الأعمال
حمده : وعد شو فيج من دخلتي وأنا حاسه أنه فيج شي أتحاولين أتخبينه عنا
وعد اللي خلاص ما عادت تتحمل أكثر لوت على حمده وهي أتصيح : حمده
حمده حست بالدم يوقف فعروقها هي حاسه أنه طيحة أمها مابتعدي على خير فكانت متوقعه الخبر : وعد لا
وعد وهي أتهز راسها : ترحمي عليها
حمده ما تكلمت بس تمت أتصيح وفي خاطرها تقول أنا اللي تفاولت عليها من دريت أنها طاحت عليهم قلت شكلي ما بشوفها بعد اليوم يا ربي ليش جي ليش!!؟؟
وعد ما منعتها أتصيح أمها بس خلتها على راحتها وبعد ما هدت مسكتها وودتها الغرفه عشان أتكون يمب أختها روضه الحساسه والي قلبها ضعيف.. أول ما دخلو الغرفه شافوها لاويه السياده وبتردها مكانها ومبين عليها كانت أتصيح قبل لا يدخلون عليها ...
وعد : تقبل الله
روضه : منا ومنكم صالح الأعمال
وعد : شو فيج ؟؟؟؟
روضه : أنا أدري أنه أمي ماتت هي وصتني قبل لا أتموت أني ما أصيح وأدعيلها
وعد فجت عيونها من الصدمه : شو ها
حمده ربعت عند أختها وحضنتها : روضوه أنتي كنتي تدرين ؟؟؟
روضه وعينها تدمع : حمدوه أنا يوم ييت أزقر عليهم أمي كانت متوفيه خلاص كنت يالسه أقرى قرآن عند راسها قالت لي روضه اذا اتحبيني لا اتصيحين وادعيلي ودير بالج على إخوانج ،، بعدها بشوي سمعتها تتشهد ويوم ييت أزقر عارف عرفت أنها خلاص ماتت ...
وعد مب قادره أتسيطر على دموعها : روضه أنتي بخير؟؟؟
روضه : هي
حمده : روضه أكيد ما فيج شي ...؟؟؟
روضه : مافيني شي ...
حمده لفت صوب وعد : خبرتوا عذيجه ؟؟؟
وعد : لا ماخبرناها توها والده وتعبانه ما نقدر أنخبرها
روضه بلهفه : شو يابت ؟؟؟
وعد : ولد ,, بس
حمده تقاطعها بخوف : بس شو ؟؟؟؟
وعد : لا ماشي بس لأنه الياهل متربي ناقص حاطينه في الحاضنه وان شا ءالله بعد شهر تقريباً بيطلعونه
حمده: .........
روضه : أبي أروح عندها
وعد : الحين مايصير بييون ناس يعزون ومب حلوه أتودرن البيت روحه
روضه : أنتي موجوده أنا ما أقدر أشوف حد ما أبي (وتمت أتصيييح)
وعد: روضه حبيبتي أنتي خليج هني بس لا أتصيحين حرام عليج اتعذبين أمج مب زين الصياح ،، ترى الميت يحس باللي يصيح ويتعذب فقبره يرضيج أتعذبينها ؟؟؟
روضه وهي تمسح دموعها بظهر كفها : لا ما بصيح
طلعت وعد عنهن عشان ياخذون راحتهم أشوي وأتصلت بيت أبوها أتوصي الخدم أييون ويجهزون الشاي عشان بومحمد ما عنده خدم واللي بيون يعزون يبون حد يجابلهم ...

فهالوقت وصلن رويه وبناتها
رويه أول ماشافت وعد سارت صوبها ولوت عليها وهي أتصيح : انا لله وانا اليه راجعون كيف صار جذه يا وعد
وعد تحاول تخفي دموعها : ترحمي عليها عموه هذي ارادة الله
رويه :ونعم بالله ... وين البنيات بسلم عليهن
وعد : الحين بين أستريحي أنتي
رويه : ان شا الله
وتجدمت من أم سلطان يسلمن على بعض ....
وفا وهي شاله بنتها الصغيره : بعدني مب مصدقه يا وعد ,,, الله يرحمها عيل وينها عذيجه
وعد : ويه ما نسيت أخبركن تراها ولدت اليوم
وفا: ماشاء الله بس مب جنه المفروض بعدي بشهرين ؟؟؟
وعد : هي بس فجأه ياها الويع ويوم ودوها قالوا بتولد
وفا: الله يعينها .... هندووه نشن شوفن البنات أنتي وموزه
هند و موزه : ان شاء الله

مرت أيام العزا ثقيله ووعد كانت أتبات بيت أبوها عشان اذا احتاجوا روضه وحمده لشي وثاني يوم خبروا عذيجه اللي أصابها أنهيار عصبي وترقدت في المستشفى أسبوع ..

بيت بومحمد فارقته السعاده والكل صار سرحان ومهموم محد له بارض لشي.. حمد وعارف كل يوم يتضاربون على شي وهزاع يحايز مبينهم ....
روضه وحمده ,,, ما عاد ينسمع لهن حس في البيت وبما أنهن اجازه تناوبن في البيات عند عذيجه لين يرخصونها ...

 

[ضوى العيون]

حميد وايد أستانس لوجود وعد عنده وتضايق للي صاب يرانهم بس ما كان يقصر كل يوم يمر على بومحمد ويحاول يطلعه من عزلته ويلسته وحيد ,,,,

محمد ,,, قرر يطلب نقله من أبوظبي لدبي عشان يتم عند أهله

عارف الوحيد اللي من بعد وفاة أمه تغيرت أشيا وايد فحياته ... وقرب وعد منه خلاه يحن لذيج الأيام الي كان ما وده يفارقها ,,, من يومين تضارب ويا حمد ووعد يت أتحايز عن حمد
عارف : أنا وايد ساكت لك شو تتحرى البيت فندق تاكل وتسبح وأتبدل وتطلع ؟؟؟
حمد : والله أنت مايخصك فيني وأعتقد أبويه بعده عايشه فمالك حق تتدخل بحياتي أسوي اللي أباه ومثل ما أباه
عارف عصب ومسكه من كم كندوته : أنت يالحقير شو أتقول ومن وين أتييب هالرمسه الخايسه
حمد :شل أيدك عني يا عارف والا تراني بتصرف تصرف تندم عليه
عارف : والله تروعت منك ياحمود
هني تدخلت وعد اللي كانت في المطبخ أتسوي حبة الحمرا لعذيجه ... قربت منهم وعارف طبعا أستحى عويهه وترك أخوه
وعد : عارف أشوي اشوي عليه ومب بالضرابه تنحل المشاكل هذا أخوك.. وأنت يا حمد عيب عليك لازم تحشم أخوك الكبير وتحترمه واذا هو يكلمك فلأنه مصلحتك تهمه ومب زين عليك اللي أتسويه فعمرك الحين اذا انتوا الأخوان تضاربتو جنكم أعداء شو خليتوا لغيركم ؟؟؟؟؟
عارف نزل راسه ومب قارد يشوفها عين بعين ....
حمد: أنزين أنا ما سويت شي غلط يعني شو يباني أتم لازق في البيت أربع وعشرين ساعه مثل الحريم ؟؟؟؟
وعد: لا ما يباك تلزق بالبيت بس بعد احترم البيت وناسه
حمد: ان شاء الله
عارف فخاطره (حمود يالحقير والله لو ما وعد جان دفنتك في نص الحوي بس عشان خاطرها والله ساكت لك والا أففف يا ربي شو أتسوي فيني هاي والله أحسب بعمري مضيع وعقلي مب ويايه ،، أستغفر الله هاي حرمة وعلى ذمة ريال ما يلحق لي أفكر فيها .. أفففف يارب تتطلق عشان أتزوجها).. وفجأه فز يوم سمع عذيجه تزقر عليه....
عارف : ياي ياي "أفف ما يخلون الواحد يتحلم"
عذيجه : خلاص حبيبتي أنتي روحي البيت وريحي والعصر بترياج عشان أنروح عند فهودي
وعد: ديري بالج على نفسج وأشربي حبة الحمره أبي أيي العصرأشوفج مخلصه الدله كامله تسمعين
عذيجه: ان شاء الله عمووووووووووه
وعد وهي طالعه تلاقت ويا عارف عند الباب هو يبا يدخل وهي تبا تطلع من نفس الباب فعلى طول ردت ورا وسوتله درب عشان يخطف وهو نفس الشي ما دخل وسع لها عشان تطلع وبعد ما أنتبهوا اثنيناتم ردو يدخلون ويا بعض بس عارف تم مبهت واقف يطالعها وهي منزله راسها من الفشله وطلعت ..
عذيجه : حوووووووووووه عروف ويهد
عارف : ههه ها شو فيج عنبو ليش الزعيج ؟؟؟
عذيجه : خلاص روحت وايد بتم واقف لي جنك حارس على الباب .؟؟؟؟ أدخل وسكر الباب وراك
عارف : ها ا أنزين أوكي
عذيجه : الحمدلله والشكر اللهم سكنهم في مساكنهم
عارف : خير يا أم فهد شو بغيتي ...
عذيجه : هو بغيتك بموضوعين نبدا في الثاني
عارف : على راحتج آمري
عذيجه : ما يامر عليك عدو .... حركاتك هاي ودرها من فضلك
عارف مصدوم : شو أي حركات ؟؟؟
عذيجه : عارف لا تستهبل علي
عارف : عذوج أحترمي نفسج تراني أخوج العود
عذيجه : الحمدلله أنا محترمه نفسي وعارفه جيمتي عدل الدور والباجي عليك
عارف عصب : عذيجه !! ما أسمح لج ,,, واذا فخاطرج شي أرمسي والا تراني بطلع
عذيجه "بحنيه " : عارف الله يهديك مب زينه هالعصبيه اللي فيك.. أنت وخوك كل يوم متضاربين حرام عليكم خافوا الله رحموا هالشيبه اللي هد حيله موت أمكم.. (دمعت عيونها) عارف أنت فاهم قصدي أنا الي أبي أقوله شي واحد بس ... وعد متزوجه وأتحب ريلها وعايشه مرتاحه وما أضن يرضيك أتييب لها الرمسه حركاتك مفضوحه وهي بعدها عند وعدها أنها ما أتطب هالبيت بس اللي صار جبرها على الييه فرجاءً ماله داعي الاحراج اللي تسببه لها .. أتراقبها جنك رادار ويتراوالك محد ملاحظ ..
عارف " تفاجأ أنه مشاعره فاضحتنه " : عذيجه أنتي شو أتقولين أنا أعرف أنها معرسه وعندها ريل ما يحتاي أتوصيني وأنا واثق من نفسي أني ما سويت شي غلط هذا موضوع وخلصنا منه شو عندج غيره
عذيجه بتردد : م ممم مبارك
عارف : شو فيه بعد ؟؟؟؟
عذيجه : من أمس يتصلبي
عارف : ههه سبحان الله ريال يتصل بحرمته فيها شي ؟؟؟؟ وليش ما رديتي عليه ؟؟
عذيجه : عارف أنت أتعرف رأيي بالموضوع ...
عارف :والله أنتي مب ياهل وعقلج فراسج وأتعرفين خلاصج ...
عذيجه : أدري عشان جي بغيتك أتخبره يطلقني وماله داعي يعرف أني ولدت
عارف فتح عينه عوسعها : أشوه يطلقج ؟؟؟؟!!! أنتي ينيتي والا شو ناويه تذبحين أبوج وأتحطين راسنا في التراب ؟؟ لا يا عذيجه صح قلنا لج القرارا بيدج لكن قرار بايخ مثل هذا مب بايدج فاهمه
عذيجه وهي أتصيح :عارف حتى أنت ناوي توقف ضدي ؟؟!!! معقوله ترضالي الذل والمهانه ؟؟؟!! واذا خايف عمصاريفي وولدي فطمن بالك اول ما أخلص من الأربعين بدور لي شغله وبصرف على نفسي وولدي
عافر تقرب منها والشرر يتطاير من عينه : أنتي هي شو ما تفهمين ..
حاول يمسك نفسه عشان ما يرتكب فيها جريمه أبتعد عنها بعصبيه وقرر يطلع ويخليها أتفكر بعقلانيه ... وصل للباب ورد ألتفت لها
عارف : عذيجه مبارك أبو فهد ومن حقه يعرف بوجوده وأنا الحين ساير أتصل به وأخبره وعن الطلاق لا تحلمين نوافق وبعد ما أتخلصين الأربعين بيت أبوج يتعذرج
طلع وخلاها فدوامه أفكار أتوديها وأتييبها,, كيف يتخلون عني وهم أهلي وسندي من بعد اللي سواه مبارك ؟؟ كيف أرجع له وأسكن فبيته وهو حاطلي شريجه ؟؟ ليش محد يحس فيني ولا يقدر شعوري أنا بشر والله بشر يعني أنا ما غلطت بحقه فشي ليش يعاملوني جذه؟؟ اذا أهلي ما بيوقفون ويايه من أتوقع يساندني ؟؟ وتمت أتصيح على حظها الردي " والظاهر بتستسلم وترجع لريلها ...

عارف أول شي سواه بعد ما طلع عنها أتصل بمبارك اللي كان مسافر وراجع من يومين وخبره أنه حرمته ولدت ويابت ولد وسمته فهد وخبره بوضعه الصحي ورحب به اذا ناوي يزور حرمته.. مبارك أنصدم من اللي عرفه عن وفاة أم محمد وقرر يزور عذيجه بعد صلاة المغرب ...

وعد أول ما رجعت بيت أبوها سبحت وصلت ونزلت تتريا سلطان عشان يتغدون رباعه ...
وعد وهي أتجلب القنوات من غيرلا اتشوف التلفزيون أتفكر بعارف ..أنا يتراوالي والا هو صدق وفجأه حست بالدنيا أظلمت أتحاول أتشوف بس مب قادره في أيد راصه على عيونها ومتأكده أنه سلطان خلت نفسها عاديه ولا مهتمه
وعد :سلطان يوز عن حركات اليهال
سلطان : لا تعليق ................
وعد : أفف سلطان بس عاد يلا نش خلني أزقر باباتي يتغدى ويانا
سلطان: .........
وعد دزت إيده ونشت عنه وأول ما لفت أنصدمت : هههه عمي ؟؟؟؟
عبدالرحمن : يا سلام عليج يا بنت حميد ما أتشوفين الا ريلج ألحين هالجمال كله في سلطان ؟؟؟!!!!
وعد : ههههه نشت وايهته ... والله فديت ريلي طبعا جميل ...
عبدالرحمن : لا حول الله أسميكن بنات اليوم ما أتشوفن زين عيل أنا بذمتج لو أخطف من عند البنيات يتخبلن عليه ويقولن صوبنا يالحلو
وعد: ههههههههههههههههههه عمي والله أتضحك لا أتخليني أخبر عليك أم سهيل وأنت أدرى بها
عبدالرحمن : ههه لادخيلج خلاص بسكت
نوره : بووووووووووو
وعد : باسم الله الرحمن الرحيم أنتي من وين طلعتي
نوره ركضت وحضنتها : أناييت ويا يديه عشان أتغدى عندج
وعد : فديت روحج زين سويتي
عبدالرحمن : أنا تراني ما جذبت يوم مسمنج ساحره ثرج ساحره البنيه من يت وهي الا تباج ؟؟؟
وعد: أعوذ بالله من شر حاسد اذا حسد أتغار ؟؟؟؟
حميد : حيالله من يانا هلا والله بو سهيل أشحالك
توايهوا الشواب
نوره : السلام عليكم يدي
وعد : يالعيوز الحين أبويه أتقولين له يدي ؟؟؟؟
حميد : حي الله بنت سهيل وعليج السلام والرحمه أشحالج بنيتي
نوره : بخير يعلك الخير أشحالك أنت وشو أخبار عيالك وحرمتك وعيال يرانكم
وعد : وابويه عليج
حميد : بخير وعافيه ويسلمون عليج
عبدالرحمن : ههههههه الله يغربل أبليسكم بخبركم تراني ميت يوع ناوين تغدونا والا ؟؟؟
حميد :أفا عليك يا بوعوف ... وعد نشي أمايه شوفي ريلج وينه ؟؟؟
وعد: الحين بيوصل يلا نواري خلينا أنروح أنزهب السلطه
نوره : أوكي يلا

 

[ضوى العيون]

أموت أنا في حبهم 13
عبدالرحمن : والله الشور شور البنيه لو أنه مطلق مافيها شي
سهيل : بس لا تضغطون عليها
رويه : وأشوله نضغط عليها الريال ما عليه كلام وألف من تتمناه
عبدالرحمن : يابويه اذا أنت الريال ما جبرتك أتسوي شي من ورا خاطرك تظن بجبر بناتي عشي ما يبنه ؟؟؟
سهيل :السموحه منك يا أبويه مب قاصد بس
وفا :لا بس ولا غيره خلونا أنخبرها وأنشوف شو رايها ...
رويه : خلج أنتي يدوه العوده أنا اللي بكلمها وبشاورها
وفا حاست بوزها : أففف ما يخلون حد يسوي شي
رويه: يوم تحيدين بنتج وعد يخطبونها سيري شاوريها روحج
عبدالرحمن : أم سهيل خفي على البنيه ما قالت شي
رويه : خل عنك محامي البنات
عبدالرحمن : شو أسوي يوم البنات يحبني ؟؟؟
رويه : حبهن برص
سهيل : هههههههههههه أمي أنتي كيف جي غيوره منو يبا هالشيبه مالج ؟؟؟
رويه : محد غيرك الشيبه لاتغلط
وفا: إحم إحم منو قدك يا بو سهيل ما يرضون عليك
عبدالرحمن : فديت أم عيالي
رويه أحمرن خدودها من الحيا : بو سهيل !!!!
الكل :ههههههههههههههههههههههههههههههههههه

شاورت رويه موزه بسالفه الخطبه ... طبعا موزه حياويه وكان ردها اللي تشوفونه بس أمها طلبت منها أتصلي استخاره و أترد عليهم ....

العصر فبيت بو وعد
حميد : على وين ؟؟؟
وعد :سلامتك على ولا مكان بس سيف بيي
حميد : أها المعرس شو عنده
وعد: ماشي بابا بس بسولف وياه أشوي
حميد : أكيد
وعد :هههههههههه أكيدين وأنت طبعا لازم تيلس ويانا
حميد : هاي بعد ما يبالها كلام
وصل سيف ...
سيف وسعيد :السلام عليكم ورحمة الله وبركاته
حميد ووعد : و عليكم السلام ورحمة الله وبركاته
سيف : أشحالك عمي
حميد : بخير يعلك الخير ومن صوبك
سيف: الحمدلله ما نشكي باس
سعيد : أشحالك عمي حميد
حميد :بخير الله يسلمك ...
حميد :حيالله المعرس
سيف : الله يحييك ... خير وعد شو بغيتي ؟؟؟
وعد :أيلس قبل وتفول بعدين بنسولف
سيف: أوكي
بعد ما تقهوى وخلص ... شو الحين
وعد: سيف أنت اللي طلبت تخطب شهد ؟؟؟
سيف: هي
وعد :ليش ..؟؟!!!
سيف :ها ؟؟ شو قصدج
وعد :أتعرف قصدي زين
سعيد : أنتي سأليه عن الطريقه اللي طلبها فيه يكون أخير
وعد : وأخيراً نطق أبو الهول عنبو يالس ولا جنك موجود بسك من هالمباريات اللي ما وراهن نفيعه
سيعد : ههههههههه خليني أعيش حياتي ترا الموضوع ما يخصني وأنا الا ياي بسلم عليج ومتوله على الكيك
سيف: عوذ بالله كل همه بطنه
سعيد : ما يخصك
وعد : أششششششش لا تبدون ضرابتكم سيف لا أتغير الموضوع شو السالفه ..؟؟؟
سيف خبرها السالفه كلها وكيف وصل به الأمر أنه يطلب أيد شهد ويصر عليها
وعد : ممممممم يعني هيفا خلاص أنخطبت
سيف : هي ...
وعد : وأنت بغيت أتبرد حرتك في شهد ؟؟؟!!!!
سيف : والله مب جي بس هي تقهر وايد أترادد
وعد: وأنت صدق ناوي تاخذها عشان تقهرها مثل ما قلت ..؟؟؟
سيف: لا شو مهما صار هاي بنت عمي وأنتي تدرين بي لساني طويل بس فعايلي غير ولا تنسين أهم شي هتلر بيتم واقف لي مثل العظمه في البلعوم يعني ما أقدر أسوي شي وأنا بس بغيت أضايجها
وعد : يعني قرارك بالزواج منها مجرد لعبه لا غير
سيف: وعد
سعيد : صدقها ما قالت شي غلط
سيف : الصراحه بيني وبينج كنت ناوي على هالشي بس بعدين غيرت راي قلت حرام ما أبي أأذيها وهي ما لها ذنب غير طولة اللسان وبعدين خلاص أتخذت قراري وما قدرت أتراجع عنه ...
وعد: يعني أنت الحين مب من خاطرك تباها
سيف : لا ما أقصد جي بس أكيد هي كارهتني الحين وما أعرف شو مصيرنا اذا تزوجنا
وعد : يعني أنت غيرت فكرتك عن الحب قبل الزواج وهالخرابيط كلها ؟؟؟
سيف : أقتنعت برايج وبجرب الحب بعد الزواج
سعيد : الحمدلله زين فيك ذره عقل عشان أتعرف أتقرر
سيف : بو عسكور على شو ناوي
وعد : خلاص لا أتحاتي أنا بتصرف
سعيد : فديت قلبك بو هناد ما يسوى عليك أستانس اليوم أنت معرس
سيف: عقبالك ان شاء لله
وعد : هههه
حميد : عقبالي أنا بعد
وعد أختفت الابتسامه عن شفاتها وعقدت حياتها وحاست بوزها
حميد : باسم الله لا تاكليني بعيونج أسولف
سيف: ليش شو فيها يعني وعقبالك ان شاء الله أنتي عندج ريلج ليش صاكه على الريال خليه يشوف رزقه
سعيد : والعروس موجوده
وعد : لا والله
سعيد : هي شو فيها ماشاء الله عليه عمي محافظ على نفسه اللي يشوفه ما يعطيه غير 35 سنه
وعد: ما يخصكم بباباتي
حميد : يالله الغيره شو اتسوي ... انا هاللي ما خلاني أتزوج من زمان
وعد : يعني أنت خاطرك ؟؟؟
حميد : ههههههه الله يسامحكم يا عيال مانع شبيتوا النار وتتفرجون
سعيد وسيف : هههه خلاص نحن بنروح مافينا تحرقنا النار
وعد : دواكم عندي

,,,,,,,,,,,,,,,,,,,,,,,,,,,,,,,,,,,,,,,,,,,,,,