-- أمنيـــتي أعيش من غير خدامه! --

[sunshine22]

مرحبا بنات


ياليت اللي عندها خبره وتجربه لوقت معين كانت فيه من غير خدامــــــــــــــــــه


تخبرنا عن نفسيتها ماصارت حلوه ؟

صج انهم شر لا بد منه

بس ياررربي الواحد تعب من مشاكلهم ودوختهم



والله انا ودي استغني عنهم بس انطر بنتي الصغيره تكبر وتدخل روضه وارتاااااااااااااااااااااااااح

مدري بس عندي شعور اني برتااااح

معاشها اقسمه على مصبغه لملابس معينه
واشتري احسن غساله صحون وافضل غساله اوتوماتيك..............!!

ادري بتضكون


بس والله لاعت جبدي من شي اسمه (( خــــــــــــدااامه ))

 

[fluffy]

اي والله انا بعد ودي

بس مستحيل مع بنتي خاصه اذا كلت اللي بصحن توكله السجاد بدال ما اهي تاكله

بس الحمدالله انا مو متكله عليها 100%

لا خاصه اذا طلعت كلش ما احتاجها انا وبنتي وبس

بس الصبح والمغرب تيي تعدل المكان وتنزل

ما اشوف رقعه ويها

 

[sunshine22]

الله يعين

 

[امورة2009]

>اي والله جيتي على القلب
>انا بعد انشالله بتخلص من الخدامه وانشالله الى الابد بعد رمضان
>يعني صج اهيا تنفع ابأشياء بس مهما كان يضل قلبج مشقول بس في وايد سلبيات كافي اعيونهم تخيلي لمن اتشوفج فرحانين انتي وعيالج وزوجج تحسين اعيونهم عليج تلقين في منهم يقولون احنا نكرف ومفارقين اهلنا واعيالنا شوفي اهما متجمعين ومستانسين
>الحين قاعده احاول اني اقوم انا ابأكثر الشقل وانظم اعيالي الحمد لله اهما منظمين يعني الوصخ ما يقطونه بلأرض الملابس يقطونها بلسله
>وانشالله السنه الجايه ولدي اوله ابتدائي وبنتي اوله روضه يعني بجذي انشالله يكون منضم الوكت يجون يتقدون ياخذون قيلوله بس يقعدون يدرسون ايخلصون دراسة ياخذون واكت فري يعني يلعبون في وبعدين عاد وكت النوم
>تبين تعيشين من غير خدامههه اهم شي النظام اذا نظمتي نفسج تقدرين تستقنين عن الخدم ليش لا
>امانه شوفو اول الحريم كانو مشالله نشيطين اما الحين جيلنا كلا امراض ليش كلا بسبب الخمول والخدامه اتسوي كل شي
>اتذكر اول مودرسة الرياضه في كنده اجنبيه والله انها كانت كبيره يعني بستين تخيلو لمن تكون عندنا حصة رياضه تركض احنا والله اكثر الطلبه العرب خصوصا كانو الي يمشي والي واقف من التعب تقول شنو هذه انتو اصقار ليش جذي حرام عليكم شوفو انا اكبيره بس عشان اتحرك عشان جذ نشيطه
>واذا جينا للأجانب شوفيهم ما في عندهم خدامه والله انه كل شي اهما يسونه مو عشان الفلوس لا عشان الحركه يعني يصبقون البيت يقصون اوراق الشجر طبعن اهما عندهم كل اسبوع تنضيف البيت بس من الى

 

[sunshine22]

88888
8888
888
88
8


بهذي صدقتـــــــــــــي


ليش الاجانب ما عندهم خدااااااامه..........؟
مع انهم اكثر تطور منا بامريكا ناااادر في عائله عندها خداامه

كلش كلش

بيبي ستر اذا الوالدين عندهم دوام وبــــــــــــــــس


سبحان الله ما يحبون

واحنا بدال الوحده ثنتين...........


والله اهي من عيونهم
والا حشـــــــــــــــــهم اللي ذبحني وموتني

ووقت الظهر قـــــــــــــــرقـــــــــــــــــه ما يسكتون

واضطر وقت العطله اقووووووم مبجر عشان اشوف شيصير ما يصير اخاف تسوي شي
واذا اخذتها الجمعيه تتسوق الاخت بدال ما تساعدني لاعت جبدي منهاااااااااااااااااا
بطيـــــــــــــــــــــئه
وعيوووووووووب الدنيا فيها




ودي ودي ودي

حييييييييييييييل اعيش سنه ع الاقل بدون خداااااااااااامه


نفسيا تعبت

 

[farawla_q80ia]

صدقيني تقدرين تعيشين بدون خدامه اذا كل حركة تسوينها بالبيت تستشعرين فيها الاجر ومو قاعده تخدمين الا عيالج انا ما اقول استغناء كلي بس ييبيلج عالاقل وحده 3 مرات بالاسبوع او 5 مرات تخلص شغلها وتمشي انا عن نفسي يسويت جذية في شركة يعطونج خدامة لمدة 5 ساعات وتفتكين صج سعرها اغلي بس انتي مرتاحة وعيالج ما يتكلون عليها ولا يتعلقون فيها ولا في مشاكل بالبيت والسبة الخدامة سوت والخدامة قصرت
اذا حملتي طلبي خدامة واذا يات خليها الي ان يدخل البيبي الحضانة وعقب السنتين قعدي بدون خدامة الا من المؤقتة انا حاطة ببالي جذية اقعد بدون خدامة بس اطلب المؤقتة اليومية واذا حملت اطلب وعقب ما تخلص سنتين الا الياهل بالحضانة شايل روحة

 

[أم تروفه]

ياعمرى تقدرين انشاء الله اذا نويتى صج انا ماعندى شغالة ماجبتها الا من سنتين وكنت عند اهلى قبل لاتزوج ماعندنا شغالة وخواتى كلهن متزوجات ومافيه شغالة عادى تشتغل واصلا يشتكون من وقت الفراغ ههههههههه بس مو موظفات
وانا جبتها علشان عندى بناتى صغار بالبيت وموظفة صعبة شنو اسوي عيالي الكبار اوديهم حق امى قبل الشغالة بس لما كثروا العيال صعبة على وعلى امى
اما انت باقلبي اذا مو موظفة هات الشغالة عندج كم ساعة شغل يومي افضل لج

 

[مــ_ــا مــ_ــي]

<------- توها ممشيه خداامتها امممممممممم اول شي سويت سيرفس كامل على البيت ..طلعت قذارات وخيااس شلون انا كنت ما اشوفهم ما ادري يمكن عشان متكله عليها .. كل شي جدامي يلق لق بس الخافي اعظم وخصوصاا الجوله يا بوووووووي تشققت ايديني وانا اظف فيها واشي الدهن الجامد عليها بس الحمد لله قدرررت اتخلص منهم .. لكن انا اللي نفعني اني مسجله بنادي رياضي عشان جذي متعوده على المشي والرياضه فما فرق معاي الشغل صار ناديي بيتي لووول صرت اغسل الملابس اول باول ما اراكم اي شي
ولا أأجل اي شي كل ما شفت شغله سويتها بوقتها حتى لو كنتي تعبانه هو التعب فينا فينا على الاقل نتعب على شي نظيف ونرتااح بس كل شي يهون الا تكرمون قطت الزباله صج تغث

 

[امورة2009]

>انا بقول شي اهوا احنا اذا خدمنا نخدم منو نخدم اعيالنا وازواجنا
>لا تنسون ياماااااااااا اطفال راحو وسبب الخدم ويما ازواج بعد راحو وسبب الخدم
>ولا فوق هذه تخيلي في حريم والله انهم حاطين سرير هق الخدامه وين مع البيبي وانتي اذا ما تقدرين اتربين اشهقه اتجيبين هذه ما يسمونه ترف هذه يسمونه كسل وضياع للأطفا وفي يهال والله انهم يبجون ورا الخدامه اكثر من امهم وين الحنان اذا انتي ما عطيتيهم الحنان منو الي بيعطيهم توقعون انو الخدامه بتعطيهم
>ولا البيت اذا احنا ما عطينا اهتمام يعني اهما الي بيعطونه ولله مهما سوو مو نفسنا انتي لمستج بلبيت وابأطفالج حتا زوجج يشوف لمساتج غير
>صج في حريم بعد الله يعينهم على الدوام بس هم لازم نحاول بلأخير هذيل اعيالنا وهذيل ازوجنا وهذه بيتنا والله اتكلم جذي من الحره الي فيني
امانه لا تزعلون مني
>ما اقول الا عسااااااااااا ربي يحمي اعيالنا وازواجنا واهلنا من كل مكروة
>حلوة فكرتج نانري انا بعد قلت جذي يعني اذا تعبانه او شي اجيب خدامه موقت يعني تخلص شقلها واتروح
>اكيد اخت مامي اطلعين بلواي وفي شقلات راح اتلاحضين مفقوده اهما ينضفون صطحي وبس اما داخلي تلقين بلاوي

>وهذه رأي علم النفس
إسراء العوضي: تستطيع المرأة الاستغناء عنها إذا تعاون الزوج

الباحثة النفسية اسراء العوضي اعتبرت أن سلبيات وجود الخدم في بيوتنا أكثر بكثير من الايجابيات، وعللت ذلك بقولها:
الأبناء في بيوتنا أحد الأطراف المتضررة من وجود الخادمات فهم يتعلمون عادات غير عاداتنا ويصل بهم الأمر الى التعلق بالخادمات أكثر من الأمهات عندما يتواجد الطفل مع الخادمة أكثر من تواجده مع أمه.
أما بالنسبة للعلاقة بين الزوجين، فأعتقد انه لا يخفى على أحد اعتماد المرأة الكويتية الكبير على الخادمة، وعندما يرى الزوج الخادمة هي التي تخدمه وتقدم له الطعام وتوفر له أسباب الراحة في المنزل يبدأ بتقدير عملها ثم تدريجيا يبدأ بتقديرها كأنثى، لان الرجل يحب المرأة التي تخدمه ويميل الى من تهيئ له مكانا مريحا ليعيش فيه، هذا بالإضافة إلى محاولات بعض الخادمات اغواء الأزواج واستمالتهم، وقد سمعنا عن كثير من الحالات التي تزوج فيها الرجل خادمة على زوجته.
ثم أعطت العوضي المرأة الغربية كمثال على امكان الاستغناء عن الخادمة، فقالت:
المرأة الغربية تستطع ان تعيش من دون خادمة، لان زوجها متعاون متفهم، فهو يشجعها على العمل خارج المنزل، وفي الوقت نفسه يساعدها في البيت، لذلك لو تخلى الرجل الكويتي عن رفاهيته قليلاً وساعد زوجته في مسؤولياتها المنزلية لاستطاعت المرأة الاستغناء عن الخادمة.
وتحدثت العوضي أيضاً عن حالة من التقارب الاجتماعي والنفسي تسود الأسرة التي يقضي أفرادها وقتاً أطول بعضهم مع بعض عندما يتشاركون في مسؤوليات البيت ويتقاسمون مهامه، واعتبرت أن عدم وجود خادمة مفيد للزوجة من الناحية الصحية.
حركتها الدائمة أثناء العمل في المنزل رياضة يومية تحافظ على صحتها ورشاقتها وهذا يؤثر على حالتها النفسية والمزاجية.

 

[hnoof]

اذا عندج خدامه ما عندج خصوصيه تحسين تعرف كل شي يدور بالبيت

بعد ما رحت خدامتنا صرنا نسهر ونام على كيفنا وما نحاتيها شنو قاعده تسوي

 

[sunshine22]

اااااااااااه


الله يقوي قلبي ادعولي

ببدا اعود عيالي على النظاااااااااااام لانه بدايه الحل

 

[غلاي عزوزي]

انا الحين بكمل شهرين بدون خدامه الله ياراحة البال ما احد ان في احد يشاركني بشي يخز ويحفد ويحسد وتشوف لبسج وشغلج وريلج وشنو عندج وكل شي الحمدلله ماشي واذا كلش تكود الشغل والتنظيف اخلي ام زوجي تدز خدامتها لي تساعدني لاني حامل والله انشاء الله يكفينا شر الخدامات كافي انه صارلي 5 سنين ماحملت بسبة سحر خدامتي الاندنوسيه حسبي الله عليها الله فكني من سحرها ادعولي الله يثبت الي ابطني تري اهو يه عقب سحر خدامه الله يكافيكم ويكافينا من شرهم وحقدهم علي النعمه الي احنا فيها

 

[قلبي ابيض]

مرحبا بنات


ياليت اللي عندها خبره وتجربه لوقت معين كانت فيه من غير خدامــــــــــــــــــه


تخبرنا عن نفسيتها ماصارت حلوه ؟

صج انهم شر لا بد منه

بس ياررربي الواحد تعب من مشاكلهم ودوختهم



والله انا ودي استغني عنهم بس انطر بنتي الصغيره تكبر وتدخل روضه وارتاااااااااااااااااااااااااح

مدري بس عندي شعور اني برتااااح

معاشها اقسمه على مصبغه لملابس معينه
واشتري احسن غساله صحون وافضل غساله اوتوماتيك..............!!

ادري بتضكون


بس والله لاعت جبدي من شي اسمه (( خــــــــــــدااامه ))

شعور متبادل

 

[um_yoyo]

انا اول ما تزوجت و لغاية سنه و نص من غير خدامه راححه بس مو متعوده على التنظيف و الغسيل فكنت اييب خدمة خالتي او امي بالاسبوع مره ينظفون البيت عدل و يضربون الاوتي

بعد اول ياهل يبت خادمه ( مالها اي قيمه ) سفرتها بعد شهرين و قعدت من غير خدامه سنه مع العلم عندي ياهل و كنت حامل و الحياة حلوه لان ما كنت متوظفه بس بعد البيبي الثاني قررت ارجع الدوام فطلبت خدامتين وحده لليهال و وحده للتنظيف صج ان قلبي يعورني لما اروح الدوام و اخلي عيالي بس الله يشهد انه لعيونهم الحلوه الله يخليهم لي

بالنهايه مره بالاسبوع يبي خدامه تنظف البيت عدل و السلام عليكم

 

[موزة ام فارس]

تقريبا انا عايشة بدون خدامة

الغسيل بروحي اغسله والكوي في شي يحتاج مصبغة وشي لازم كوي بالبيت
سمعت عن نشافة انها تشف الملابس وتطلعهم مكويين ناوية اشتريها بأسرع وقت
المطبخ : اكل الخفايف اهو الدارج في بيتنا

تنظيف البيت اول بأول ولازم اخلي يوم او يومين بالاسبوع للتنظيف العميق
ولازم لما احوس بالبيت استشعر الوناسة لان اذا اشتغل الواحد بالبيت وهو ماله خلق مايطلع بنتيجة حلوة
اهم شي انج تحوسين وانتي تستمتعين بالوقت والشغل والله راح تحسين بالوناسة والوقت بسرعة يمشي

قسمي شغلج عدل ونظمي وقتج وعلمي عيالج الانتظام بكل شي

هذا انا اللي قاعده اطبقه مع نفسي وفي بيتي والحمدلله

للأمانة : انادي الخدامة فقط للاشياء الضرورية تساعدني فيه والا اغلب شغلي انا اسويه بروحي


وعيشي بخصوصية في بيتج بدون خدامة تتضايقين منها

 

[قلبي ابيض]

ولييييييييييش الخدامة لها كل هالهم والله بعضهم مع المعاملة الرسمية والزينة يصيرون عسل وفل معاج

بس لايكون لها الامر والنهي ولايصير كل شي عليها

 

[moody-q8]

بدون خدامه ؟

مااتصور نفسي بدون خدامه


امبووووووووووووووسبل

 

[هجووورة]

صحيح الخدامة شر لا بد منه بس بعض الخدم من حظ اهلهم
اعرف ناس عندهم اطفال معاقين ما تحملهم الا الخدامه
كل وحدة اذا حطت حدود للخدامة ما تحس بوجودها

 

[جـــواهر]

انا صارلي شهر بدون خدامه لانها انحاشت بس اناا عندي عادي الامور متساويه بوجودها وبعدمها

والحركه بركه بصراحه لمن اشتغلت فبيتي انقهرت ان خدامتي تاخذ 50 مادري ع شنو !!

الشغل عاااااااااااااادي وخفيف

صج ان مرات احتاجها بس اقدر اقزرها .... الحين مرتااااااااااااااااااحه
مااحاتي اي شي ولا اخاف ع ولدي حتى ولدي صار متعلق فيني

 

[الصعيريه]

انا قبل كان عندي خدامه بس الحيييييين مستحيييل اجيبلي خدامه ..
وييع ماحبهم ولامره جبت وحده وطولت...
الحين والله مرتاحه بشقتي مآخذه راحتي قبل لالبست بنطلون وبدي قصير تخزني بالروحه والرده قطع مالت عليهم....
وعلى قولت وحده من البنات الاجانب ماعندهم خدم وعايشين حياتهم ...