أمـي ومرت أأخوووي تعالوووو

[أحـلام * ورديـة]

حبيبتي يمكن مو قصدها تعلي صوتها

بس في ناس لا شعوريا اذا تبي تعبر عن مشاعرها

ولا توضح وجهة نظرها صوت يعلى

ما تقصد انها ما تحترم بس تبي تطلع اللي في قلبها

 

[Patcholli]

اتوقع انها تنفعل مو قصدها تصرخ او تهاوش امج في ناس لما ينفعلون يعلون صوتهم خصوصا اذا كانو مطيحين الميانه وعادين روحهم منكم وفيكم

 

[divaness Q8]

قوليلها أنا أحبج و احترمج بس انج ترفعين صوتج على امي ما اسمحلج قوليلها ان شاء الله ما فهمتيني غلط

 

[~Swan~]

نفس الكلام اللي كتبتيه بهالموضوع قوليه لها

خوش اسلوب بصراحه


و اخر شي قوليلها هذا نقد بناء يعني لمصلحتج مو مصلحتنا

وانتي مثل اختي ولما انصح اختي بأي شغله واحس ماافي حواجز بيننا وهالشي عشان علاقتنا وعشان اخوي وعشان امي تكبرين بعينها زياده


من هالحجي يعني

بالنسبة للبنات اللي قالوا عنها ما تحترم ..
يمكن المرا اهي تنسى نفسها لا تقولون عنها قليلة ادب وانتو ما تعرفونها

يمكن اهي صوتها عالي... او اسلوبها جذي بالنقاش
تلاقينها حتا مع امها اللي يابتها وربتها يعلى صوتها بس مو بقصد قلة الادب

عاديي وايد جذي حتا انا مرات انسى نفسي ويعلى صوتي لول
بس يشهد الله علي اني اكثر وحده احط قدر حق امي وماارضى عليها واهي تعزني وتدري شنو بقلبي

 

[o s h i]

جزاااكم الله خير بناااااات

وترا بعد انا مارضى على مرت أخووووي
احبها واحترمها

واهي مو قليلة ادب حاشاها واللهه

بس يمكن اهي تنفعل وماتحس بنفسها

جزاكم لله خير وربي يوفقكم

 

[ملاك الغيد]

ياحياتي ياليتج حماتي بس

والله تبين الصراحه دامها طيبه وخوش بنت لاتكلمينها يمكن من الميانه اللي بينكم وحبها لكم ماخذه راحتها واخاف لاكلمتيها تزعل ويصير سوء تفاهم مايندرى

بس اذا بزود ولا حاسهً بنفسها يكلمها زوجها من باب فلانه صوتج عاللي ونقاشج منفعل وانا اخاف امي تفهمج غلط

وانشالله دايم راضين عن بعض

 

[bnt_shyo5]

حبيبتي اذا عادت الحركه قولي رجاءا صوووتج لا ترفعينه على امي

الدنيا فوضى

قبل لا تحترميني امي تحترمينها

قولي لها امي وما ارضى عليها

 

[RowTow]

و عليكم السلام و رحمة الله و بركاته

يا حلاتج :eh_s(7):
عادي يا قلبي إذا شفتيها اشتطت شوي قولي لها فلانه بعد عمري احنا قاعدين نسولف ما نتهاوش, شوي شوي.

و الله يهديكم و يصلحكم على بعض النصايح.
يعني البنت تقول عن مرت أخوها عسل و مافي منها بس إن فيها هالخصله لما تنفعل. ترى في ناس ما يحسون بنفسهم. و انتو تقولون لها خلي أخوج يفهمها؟
يعني شراح تقول لأخوها؟
مرتك تعلي صوتها على أمي!
مهما حاولت تلطف الصوره راح يروح باله لشي كبير و إنها ممكن تقل أدبها على أمه و إخته ما تبي تقول له هالشي على بلاطه.
ماله داعي تسبيب المشاكل بين الرجال و مرته بهالصوره, الواحد يفكر شوي قبل لا يسوي الشي :eh_s(10):

 

[منوووووله]

عشان لاتصير السالفه بويهج تكلمي معه اخوج احسن واهوا بطريقته يكلم مرته

 

[عقل و ثقل و زين]

أغلب البنات رايهم ان أخوج يكلمها الله يهديكم بنات عز الله ما نصحتو تبون تسوون مشاكل بين المرة ورجلها

وأنا أشوف من وجهة نظري جيبيها لها على شكل قصة أو سالفة صارت لرفيجتج لاتكلمينها مباشرة لاااا تكلمين أخوج يكلمها غلللللللط وأكبر غلط ترا بعض ردود البنات مو منطقية في بنات مو مجربات وفي صغار بالعمر تنقصهم الخبرة وفي عصبيات مو جذي تنحل المسألة هذي علاقات مثل خيط الحرير أي شي يقطعه انتبهي أختي بارك الله فيج أستشيري دايم أهل العقل الناس المجربه مو أي أحد تنقاله أسرار البيوت انتبهوا خواتي كلكم .

 

[المكسيكيه]

الله بالعون

 

[اميره^_^بحلآها]

لا والله لو انا منج كلشش عاد ولا امي فديتها

اسمعي هاذي مرت اخوج حبوبه و زينه لنفسها مؤ حق الناس !

وبعدين انتي قولي لها ما يصير جذي

 

[كويتية بروما]

انتي لا تدخلين خل امج تقولها لاتصارخ
الحمدلله والشكر احس مرت اخوج رقله

 

[عسل حدي]

ربي لا تذرني فردا وانت خير الوارثين

 

[الخجل الانثوي]

قولي لها مارضا ع امي ترفعين صوتج ترضين ع امج احد يرفع صوته. احنا نحبج ونعزج وجيت اكلمج حسبت اخت مارحت اقول لاخوي عشان ماتقولين حرشنا زوجج عليج وماودناا ياخذ موقف منج كيب لها ان امج مرا كبيره مو صغيره والخ وانا مثل امها وجذي

اشوه دامها سنعه مرت اخوي ساكته وهاديه
بس رفله وماتهتم لنفسها عديمة احساسس عكسكم

 

[قمرية الفيس]

حبيبتي مافي انسان كامل ومرة اخوج من زود الميانه والسمن والهسل الي بينكم صارت جذي. ودري بالج طولين صوتج عليها انتي لاتردين الاساءة بالاساءة بالعكس حلو منج انج تكلمينها بشكل هادي وماشالله عليج قلتيها انتي جبتي الحل ماقلتي بعلم اخوي عليها ولااحرش امي ولامن سوالف البنات الي ناقصين عقل
بارك الله فيج

 

[فـــخـــر]

اذا شفتيها اشتطت وقامت تعلي صوتها اكسري فيها اضحكي وقولي لها

هدي هدي خل تستحي ع نفسها شوي لما تستوعب سواتها اللي تسويها

امج مو جاهل تكلمها جذي :\

 

[زين الوصايا]

مآآبي أشيشج
بس لكيها طراااق
هعع لا عااادي حياتي تلقينها طبع ومنفعلاا
لاتكلمينها طبييعه

بصرآآحه زين منج تمدحينها
أنا مرت اخوووي
طفشتها وربي قثييييييثه
واخوي أحسن طلقها
وخطب رفيجت اختي

ياااااالبيه والله كلامها درر والله هههههههههه
والله بدامها معاكم زينه حاولي تكلمينها تقوليلها
امي ماتحب احد يعلي صوته عليها

 

[dlallii]

على انفراد اخذيها و قوليلها بكل هداوه انا لاحظتج تنفعلين وايد بالسوالف بس خفي علي امي شوي ترا هي مره كبيره لا تصرخين عليها
شويشوي

 

[mf6nt el3lat]

في ناااس واجد ينفعلون بالكلام ومايعرفون يعبرون الا بالصوت العالي هي مو قصدها تهين امج اعتقد ذلك ..،
وشكراً