نفس امي
اول كانت كذا وبس منسدحه وتحس انها تعبانه
مابقت اشاعه ولا فحوصات ماسوتها حتى علاج طبيعي مع انه ماله دخل
جاها هالمرض بعد موت ابوي يعني زي ماتقولين مرض نفسي
بعد ماامرض اخوي بدت تقوي نفسها علشان تهتم بخوي شوي شوي لين تمكنت من المرض
امي مقويه نفسها تمرض وتساعد عمرها وتقوم لانها تدري ان لو طاحت محد بينفعها ( للحين تقول تحس بصوت الهواء برأس )
صدقيني شكله نفسي وشك يعني تشك بعمرها انها تعبانه ويتمكن منها الشيطان ويسوس لها زياده
حاولوا تشغلونها عن هالمرض تحسسونها ان مافيها شيء
او اخذي زيت زيتون مقري فيه وادهني رأسها فيه
وعلميها ان من شجره مباركه والرسول داعي لها النبته + كلام رب العالمين
قولي لها توضي وصلي ركعتين بالليل وطولي بالسجود وتدعي الرحمن اللطيف يلطف بحالتها ويشفيها
ودوها عمره وخلوها تدعي لنفسها
طمنيها بالكلام وريحيها ان الله يستحي يشوف عبده يطلبه ويرده وان الله مايحب العبد الضعيف لازم تقوي من نفسها شوي شوي لين تطيب والله بيشفيها سوا مرض عضوي او نفسي او حتى عين لا سمح الله
أثري عليها بالكلام اختي وخليك قويه لا تبكون قدامها علشان لا تضعف زياده
المرض هذا قعد في امي تقريبآ سنه وشوي بس احنا كلنا كنا صغار محد ساعدها وللحين هي تقولنا ان محد وقف معاها وطلعها من محنتتها اللي كانت فيها وقواها على المرض غير ممرضه هنديه كانت تسوي لها علاج طبيعي
خليك معاها واصبري وكله بأجره ,,,
لا تنسين تطمنينا
أسال الله العظيم رب العرش العظيم ان يشفيها
