السلام عليكم
بنات انا عضوه قديمه وتوني مسجله لسبب مابي احد يعرفني بنكي القديم اللي مسجله فيه من 2006 واكييييد مار على الكل
وانا بكل صراحه بقول مشكلتي اللي تعبتني مع اني ما أأيد كلش هالسوالف اني ادخل واكتب بس والله تعبت
احس شي ثقيل على صدري وماعندي احد اشكيله طقت جبدي من هالوضع ابي اتكلم واحس لساني مربووط وطبعا اكيد ماقدر امسك احد واشكيله لان المشكله باختصار تخص امي
مع اني حاولت وتكلمت مع يدتي وخالاتي بس لا حياة لمن تنادي
انا ادري ان ماعندكم علاج لمشكلتي وادري اذا تعاطفتو معاي بتقولون لي كلام على اساس انكم بتريحوني بس والله همي الوحيد اطلع اللي بصدري وابي ارتاح واللي عندها شي اكتفي بدعوه لها وبس
ورجاء خاص اللي بتدخل وبتقول سالفة يديده وعضوه يديده وتوج مسجله ولعبي غيرها ومن هالكلام اتمنى من كل قلبي تحتفظ فيه لنفسها والا تدرون شلون قولو اللي تبون مايهمني اهم شي ابي اقول اللي مضايقني ابي ارتاااااااااااااااااااااح
ادري اني سويت لكم ديباجه طويله مالها معنى بس الله لايحطكم باللي انا فيه
المهم انا سالفتي ياناس امي
انا اكبر اخواني وخواتي
مشكلة امي انها انسانه سلبيه جدا جدا جدا
بتقولون شلون بقوولكم
اول شي امي ماعليها قاصر الحمدلله متزوجه وعندها عيال وعندها بيتها الحمدلله على غناتها
ومتوظفه وماسكه منصب زين
وابوي ماراح امدحه عشانه ابوي بس والله والله انه ذهبه ينحط عالجرح يبرا مومخلي عليها قاصر
مايرد لها طلب
مايجادلها اذا تبي شي
على كيفهااااااااااااااا
لكن شنووووووو !!
موعاجبهاااا
خلوني اقوولكم شغله اهي بصراحه امها وابوها منفصلين عن بعض
وتربت عند امهاااااا وزوج امها واخوانها وكانو حليوين معاهاا
وعلى كلامها انها عانت في طفولتها عندهم من سلبية امها وزوج امها اللي حاول يتحرش فيها جم مره
مع العلم اني اشووفه يهبل معاها الحين جنه ابوها ومومعناة كلامي هذا اني مجذبتها لاااااا
بس مايصير نعيش حياة تعيسه عشان هالسبب
واهي فيها نفسيه اتيييها ضيقة بعض الاحيان وتاخذ علاج نفسي ويمكن الكل او الاغلبية يعرف ان العلاج النفسي يسبب خمول او يخدر نوعا مااااا
اي ونسيت اقول شغله مهمه ان فيها ديييييين الحمدلله
بتقولون وين المشكله للحين ماكو شي قوي بقولكم
امي سلبيه
دايم كانت تجعمنا وتدقرنا انا واخواني خصوصا جدام الناس وهذا شي يلعب بالشخصية ويأثر بشكل كبير عليها لدرجة ان مافينا ثقه بنفسنا وانا والله دايما اقول زين مني صرت جذي اخواني ممسوحه شخصيتهم نوعا ما متسلطه كلامها الا يمشي صح غلط مايهم
اختي اذا طرشتها تييب لي شي نطت امي وقالت ذبحتيها تعبتيها اذيتيها واذا ماقالت هالكلام تقول لها روحي سوي جذي او روحي من هالصوب تبي تريحها او تختصر الشي عليها مع العلم ان اختي ماتشتكي من تطريشي لها واذا غثيتها بطلباتي تتكلم مو المسكينه اللي مالها لسان او تسوي شي فوق طاقتها امي الله يهديها صايره لسان اختي هذي بالذات ولما اقول لاختي تروحين معاي مكان ترد عنها لا شكو تروح ماتحب تستحي واختي ويهاا جذي >>>> !!! ويكون بخاطرها تروح بس تتدخل بقراراتها وحتى بردت فعلها او تستحي ماتبي لاتغصبينها
وربي والله يشهد علي انا مرت علي فتره والله اقعد مع الناس ماعرف اسولف من كثر التدقر اللي حاشني وخصوصا جدام الناس وخوالي ولما ارد البيت اقولها ليش فشلتيني وتكون السالفه ماتسوى تقول ماكو احد غريب خوالج مو غرب لدرجة ان خوالنا مايحترمونا منها اذا اهي تشخط فينا جدامهم
ارد واكمل لكم شتسوي مع اختي
اختي عمرها 14 سنه للحين تتدخل في طلباتها ومشترياتها تروح تشتري لها من اسواق شعبيه مع العلم ان نعرف كل شي وندل كل شي بس اهي مالها خلق تروح حتى بالاعياد والمناسبات تشتري لها اي شي ولما اتكلم جدام اختي ليييييييش جذي وليش هالشي المكان الفلاني احلى تغمز بعينها وتقول فكيني من الحنه والمشاوير انتي ماتنفعين جان رحتي شريتي لها والا تشتري لها خام اي كلام وتخيط لها شي مو لعمرهابس تبي الفكه ولما اتدخل وانتقد تقولي مالج شغل مع ان انا وخواتي 2 بس مع اني انا ماتعبتها انا متزوجه وبتجهيزي ماتعبتها اعتمدت على نفسي من كنت بالمدرسه كل شي اسويه بنفسي بس الشكوى لله يعني هالبنت الوحده المفروض تحط حيلها كله فيها كله مالها خلق الناس يكشخون ويستعدون دايما واهي تجيب لها اي شي كل شي عندها هم ومتعب وتبي الفكه وتخلص
هذا بالنسبة لاختي واخوي المسكين اللي دايما مزفوف ومنجعم لدرجة انه يتأتأ يابنات واهو بالمتوسط ويستحي يكلم الناس واذا طق باب بيتنا في ريال يبي ابوي او شي يستحي يطلع واذا قلنا له روح افتح الباب انت ريال روح اليمعيه سوو حط اهي ترد بداله مايعرف يستحي لاتفشلينه و و و و
هذا بالنسبة لاخوي
ابووووووووووووووووووووووي
ياحياتي يا ابووي
تخيلو مو معطيته حقوقه
يسولف عليها والله والله ماتلتف عليه ولا ترد واهو يتغشمر معاها واهي منسدحه تشوف التلفزيون
والا تقول ايييييييي يعني اسكت اذيتناا من غير لا تلتف عليه وربي
تخيلو ماتنام بدارها تنام عند اخواني وهالكلام من سنييييييييييييييييييييييين مع انهم صغار بالاربعيناات
ماتهتم تعشى تغدا الخدامات طبخو ماطبخو تاخر رد البيت مايهم الامور طبيعيه
غير شكلها اهمال في اهمال شي مو طبيعي والله العظيم
حتى ابوي اللي مايلاحظ شي جم مره يعلق على دراعه دايما تلبسها اهم 3 يمكن ماكو غيرهم واذا كانت الدراعه طويله تييب مقص وتقصرها وتلبسها وهاااات ياترقيع العن من جذي والحياه ايزي
ماتحترمه يدامنا ويدام اخواني الصغار بالذااااااات
ترد رد بايخ عاادي واهو يمشي ياحياتي اذا ملت راحت تنام عند بيت خالتي يوم ويومين ولاجنه في ريال بالبيت يبي ااهتمال يبي عنايه طااااااااااااف
واذا انتقدتها وقلت لها ليش جذي انتي صغيره احترميه على الاقل يدامنا اذا كلمج ردي عليه لاتحقرينه لاتنتقدينه انت سلبي انت بارد انت ماتسوي شي انا الام والابو انت مالك دوووووو @@
وربي كلام العن من جذي واذا كلمتها قالت ابووج مو فاس احلامي ماعنده شهاده نفس شهادتي >> بكالريوس شهادتها ؟؟
مونفس تفكيري مايقرا مو مثقف شكله عاد انا هني اطفر وماقدر امسك اعصابي اقولها بالله منو فارس احلامج اذا ابوي بارد وسلبي فانتي حاره ومحد غير ابوي يقدر يعيش معاج كله معصبه وطلباتج ماتخلص واذا ماصار اللي تبين عيشتينا بنكد محد يتحملج غير هالبارد اللي تقولين ومتحمل نفسيتج يوم زين و10 لاااااااااا
ترد وتقول انتي ماتحبيني تحبون ابوج اكثر انا ابي الطلاق انا موسعيده معاه انا انا انا
وربي مره خالتي قالت لي طبعا عارف كل الوضع تقول عادي ابوج يتزوج على امج تتوقعون شنو ردة فعلي ؟؟
وربي افرح له لانه مظلوم ومحرووووووووووووووووووووووووووووم والله ان شفته مستانس استانس
صبر عليها وعلى مرضهاا وتحملها وماعمره عايرها بنفسيتها وقف معاها بايام سوده وقف معاها بمشاكل اهلها وماعمره تمنن فتح بيته لها ولاهلها حتى صرف صرف عليهم يوم مرو بظروف ماخلى بخاطرها شي تطلب شي يييهاا حاول يغير من نفسه قام يهتم فالبيت اكثر يحرص على كل شي مع انه من قبل داير باله علينا بس ابوي للامانه طبعه بارد شوي بس هذا مو عيب اللي قلبه طيب ومايخليها حتى اليمعيه تروح كل شي يوصلها للبيت شتبي بعد
وربي اذا تبي شي تخيلو شتقول اطرش ابوج اقولها يمه عدلي اسلوبج اهو موسايق ليش انه طيب ومو مخلي على اهله قاصر تتكلمين بهالشكل ؟؟
اذا ذكرو طلبات المدرسه متاخر تدق عليه روح ييب واذا رد البيت بالليل تعبان عادي تطلعه مره ومرتين من غير يعطيك العافيه مشكور الله يخليك لنا يمكن بعشر طلبات اسمعها منها مره وحده بس
مع العلم عندنا اخوان كبار الله يخليهم بس تقول مايعرفون ابوج يروح خليهم توهم عالمسؤوليه ااااااااااااااخ بس
وبلاوي اكثر والله
الحين عااد دوري انا
انا تعبت والله
انغثيت من هالوضع السلبي تخيلو والله احسد البنات اللي عندهم امهاات يسولفون معاهم يحبونهم محبه حقيقه مو محبة امي الله يهديها المحبه بنظرها لازم تلمينها وتبوسينها والا انتي جافه ماتحبينها
مع اني دايما اقولها التعبير عن الحب مو بالترصرص التعبير بالتصرفات بالحركااااات مع اني حنونه حيييييييييييييييييييييييييل والله بس ناحيتها لا ماحب المها وايد اهي دايما تبادر
اسولف معاها ماتلقيني بال والله اذا بتجاملني تبتسم بويهي ابتسامه صفرااااااااا اتغشمر اقولها سوالف ومواقف تضحك غيرها والله ماتضحكها تقولي انا كله اتوتر من ناحيتج حايشتنا عين
كل شي بحياتها عين الناس حاسديني على شهادتي على منصبي (ناظرة مدرسة ) الناس حاسديني على سنعي الناس حاسديني على تربيتي لكم واهتمامي فيكم
شدعوى !!!!!!!!
امي مملوحه مافيها جمال زايد فلما تقول هالكلام لاشعوريا اقول على شنووووووووووو ؟؟؟
ادري اسلوبي بايخ احيانا معاها وانتقدها وااااااايد بس والله من كثر ما اكبت بداخلي
والله ماعرف اسولف مع الناس مع اني مره متزوجه وعندي عيال ماعرف ابلش بالسوالف ماعندي ثقه بنفسي ياناس الام كل شي اهي الامان
اهي مصدر الثقه ومنبعهاا
اهي كل شي بالدنيااااااا
والله مرات احس دمي ثقيييل والسبه اهيااا احس خذيت من عصبيتها احيان وايد ماتحمل عيالي مع ان النقص اللي اشوفه بتعاملها مع ابوي عوضته بريلي الحمدلله واهتم فيه اهتمام غير طبيعي
والله ابوي معور قلبي
اخواني اللي كل مالهم ويمتنون بشكل غير طبيعي وقاعد يأثر على صحتهم مالها خلق تسوي لها شي كله شسوي وشسوي
خداماتها يتأففون بوجها وماترد عليهم واذا كلمتيها تقول شسوي
الناس تتشره عليها وتطقهم بالطوفه وقامو مايحترمونها وان كلمتيها شسوي ؟
مايحسبون لها حساب تقول شسوي ؟ ماعليهم شرهى
مايحترمونها ولايقدرونها تقول شسوي ؟
يمه بيتج صاير مو نظيف تقول شسوي كل الخدامات الحين جذي ؟
يمه الطبخ صاير الله يديم النعمه شتبون اطبخ لكم ؟
يمه ليش جذي تقعدين مع رفيجاتج بهالشكل دراريع عيايز من كثر ماتماشيهم مع انها مو بسنهم ولاعبه بشعرها قصته حشته حش والصبغ ترقيع كله باالبيت وفيه شيب وريولها تفش والله ليش مالبستي دلاق وملفع فشله شسوي عادي رفيجاتي لما اييهم جذي اشكالهم !!!!!!!!!!!!!!!
انا عاد لاتعليق شوي وابجي طبعا اسكت بس يتراكم اللي بداخلي اكثر
طبعا واي شي تختاره او تسويه اهو حلو ويهبل وانتو ماتعرفون واذا جاملوها رفيجاتها اووووووف يرتفع اسمهم فووق هالشي ايا ً كان صبغ بيت اثاث لبس كل شي يهبل وانتي ماتعرفين
ودايما تقولي انتي تنتقديني دايما وانا موعاجبتج وانا مفشلتج لاتمشين معاي
وربي يابنات موناقصني شي كل شي اعرف واوصل كل مكان واسافر كل مكان واتسوق باوروبا مع ريلي واعرف كل الماركات واعرف الدارج الحين واعرف الموضه بس ماتثق فيني ولا في رايي تروح اردى الاماكن بسبة الكسل والعييز وتييب اي شي وبنظرها حلو وبكيفي
طبعا كله كووووووووووووم واسلوبها كووم دايما على لسانها يع مو حلو حتى بالمحلات ييع يلوع الجبد يعععع ماتعرفين الذووق
يععععع عز الله ماشاف الحلاااااااا !!!!!
واذا كانت ميزانيتها على قدها ورحنا مكان غالي بنشتري شي دايما اقول لها موشرط نطالع بس او المره اليايه نشتري تقول زين نروح وندخل تقول حق صاحب المحل شنو ارخص شي عندك
الله غالي شدعوى من ويلي ؟؟؟؟
اوووف مايسوى !!
عطنا ارخص
فلوسي ماتكفي
وربي بنجلط ودايما افهمها الناس مالهم شغل غالي عليج انتي تقدرين اشتري ماتقدرين مولازم الناس تدري انا مفلسييييييييييييين بهالوقت
وحركات شكثر بايخه مالها معنى صراحه ودايما اقولها انتي متعلمه ومثقفه ومطلعه وقارئه شلون تطلع منج هالحركات تقول ادري امي الاميه اذرب مني وربي يابنات تقول هالكلام
واذا تناقشنا بشي دارج الناس تسويه هاليومين وربي وربي ماتدري عن شي وكله قاعده بالبيت تقوم وتقولج لااااااا والله الناس خلوه مايسوون جذي الحين تقولين خنسوي جذي تقول يييييع صار قديم الناس خلووه يمه لا الناس خلو الشغله هذي تقولج كيفي عاجبتني انتي انا بكبري موعاجبتج
طبعا كله بصووب ومواقف مفشلتني فيها مع زوجي بصووووووب
تتخذ قرارات باايخه وتسويهااا او تقول كلام ماله معنى
طبعا في مواقف وشغلات وقرارات تتخذها لانها تشوف رفيجتها او جارتها او وحده من قرايبنا مسويتها واهي لاتناسبها ولاتصلح لهاا او لوضعها واخر شي تتحسف
وفي شغله تغثني فيها حيل وتفشلني فيها لما ناكل بمكان عام او عند احد تاكل بطريقه بايخه شووي او تفتح الاكل وتتنقى اللي يعجبها واللي مايعجبها تقطه بطريقه بايخه
واذا كنا بمكان او بزواره وفي حريم وقالو يلا شتبون عشا تقول مانبي انتي ماتبين الناس لازم مايبون بعد ؟؟
المشكله انها ماتحب تتعشى ودايما ماتبي حتى لما ينطرح علي السؤال وللحين تجاوب عني لا ماتبي عشا بنمشي مولازم يتعشون عيالي
لما ازورهم يما شنو عشاكم شترد ؟؟
حليب توست بس هذا اللي دايما يمه ماتغدينا عدل نبي عشا اووه انتو لازم لحم دياي دسم ؟
اكلو اي شي مع العلم البيت مليان نعمه الحمدلله بس مالها خلق حتى تامر على الخدم
واذا كسرنا خاطرها طلبو ؟؟
ملينا من المطاعم
واذا احد يبي يزورنا تروح تطلب عشا فطاير مثلا وتختار كلها لبنه ونوع جبن واحد يمه شكلي عشان الناس طلبي بيتزا زعتر لحم لا موحلو ما احب زين الناس تحب لا لا كافي مع انه وايد بس نفس النوع
امانه شسوي اروح احذف عمري ؟؟
هذا بحالة اذا طلبنا اذا بنسوي بالبيت تخبيص وترقيع انا احب اكتب اكلات تعجبني سلطات سوالف واعلم خدامتي تسوي واذا في شي ناقص نطرش السايق ييب ونسوي اامي لااااااا
تسوي سلطه والسوس مايدور عندها تشتري نوع واحد الصلصه الايطاليه بس واذا في روب او مايونيز بالسلطه وامي ماعندها مع ان السايق موجود والفلوس موجوده مالها خلق تدزه شتسوي تحط لبن يكفي والموجود ينحط تخبص واذا ذقتيه وقلتي مو حلو او قلتي حلو بمجامله تقول ايييييييي شغلي مايعجبج اللي عند الناس حلو
والتخبيص هذا بكل الاكلات والاصناف الموجود ينحط اللي ناقص مولازم والاكله تطلع وااو بنظرها والناس والله اشوفهم ساعات مجامله يقولون حلو اي تستانس
ياربي شسوي
تعبت وربي وانا اكتب
شرايكم امانه
؟؟؟؟؟
تكفون الله يخليكم ادعولها الله يهديها لنفسها ويهديها لابوي ولنا ويصلح حالها الحين فاصله تسمع اغاني امي ماكانت جذي والله كانت لما تشوفني اسمع اغاني تهزأني وتتضااااايق وكان دايما يشتغل في بيتنا القرآآآآن
انا ادري المفروض ما اتكلم عن امي بهالشكل بس والله كله فيض من غيض وربي ماودي اقول اللي قلته ولا انتقدها بس شي اقوى مني حطو نفسكم مكااني شي يقهر وربي احسد حمواتي على امهم احسد الناس كلها دايما عيني على البنت لما تتكلم عن امها او لما اشوف بنت مع امها بسوق بشي
بس تعبت وماقدر اكمل
:yaaaaaarb:
![[[ عيون جابر ]]](/data/avatars/m/88/88982.jpg?1621060915){kind=avatar}
