أمريكا2011؟! هالمرة سفرتي غير!!

[new woman]

رونا حبيبتي مشكورة علا الخدمات الجليلة اللي تقدمينها

ابي احسن اختيار لنا

احنا بنروح نيويورك وبعدين بنحجز سيارة فشنو احسن اختيار حق الولايات اللي حلوه بطريجنا بالترتيب

 

[واصله]

مشكورة روونه حياتي
بس انا ابي عناوينهم بعد السنه اللي فاتت وحده كانت حاطته بس ماسيفته

 

[q8tiaa81]

معلش نيوو وومن اسمحيلي اعلق على شغلة انا سمعت رفيجتي تقول انه نيويورك كلش مو شي تأجرين سيارة فيها زحمة ولوية وتضيع مادري انا بس حبيت اقولج هالشي وانت حرة يعني لو تبين تقدرين تقزرينها باصات او تكاسي بنيويورك ولما تروحين ولاية ثانية تأجرين سيارة الا اذا انتي مطولة في نيويورك هذا شي ثاني واسفة عاللقافة

 

[new woman]

انا ما أبي أقعد بنيويورك بطلع منها وبأجر سيارة وبروح الولايات الحلوة اللي يمها اللي تصلح حق اليهال

جذي قصدي ومشكورة علا التوضيح

 

[rawona]

مشكورة روونا ابتلشتي فينا )) نونة حبيبتي انا اول ماركب عادي الهى على ماضبط وضع اليهال وجذي وعلى ماياكلون وجبتهم ويخلصون ومثل ماقالت روونا انا دايما اوديلهم ايبود او بي اس بي ومعاهم قصص تلوين والوان ويلهون وولدي الكبير يعشق الافلام والكارتون عاد يستانس بالطيارة يطالع لما يغفى انا عن نفسي احب العب سودوكو او اشوفلي فلم وانزل العاب وايد بالايفون والهي نفسي فيهم تقزر صدقيني وساعات احاول اروح مواصلة عشان ادوخ وانام مع اني مهما نمت مانام اكثر من ساعتين

العفو حبوبه حياكم

رونا حبيبتي مشكورة علا الخدمات الجليلة اللي تقدمينها

ابي احسن اختيار لنا

احنا بنروح نيويورك وبعدين بنحجز سيارة فشنو احسن اختيار حق الولايات اللي حلوه بطريجنا بالترتيب

نيويورك ما ينفع لها سياره مثل ما قالت كويتية اولاً المواقف اللي في الفنادق ضيقة وغالية ياخذون على اليوم .. ثانياً بسبب الازدحام .. ثالثاً البانزين غالي ..

بالنسبة للمناطق اللي تقدرين تزورينها من نيويورك

شلالات نياغرا .. اعتقد تبعد 7 ساعات عن نيويورك

واشنطن دي سي .. تبعد اعتقد ساعة ..

منطقة اسمها بالتيمور Baltimore

ولاية بنسيلفينيا تحديداً منطقة بيستبيرغ او تزورين مدينة هيرشي اللي فيها مصنع هيرشي للكاكاو وهم فيها فنادق واوت لت ..

عندج فرجينيا بعد قريبة من نيويورك ..

واذا ذطرت زود حطيت ..

مشكورة روونه حياتي
بس انا ابي عناوينهم بعد السنه اللي فاتت وحده كانت حاطته بس ماسيفته

يلا ان شاءالله الحين احط الأسماء مع العناوين .. :eh_s(15):

 

[q8tiaa81]

العفو ولو

 

[q8tiaa81]

روونا اقدر اروح مكان من اورلاندو غير ميامي مكان يكون حلو ويسوى ؟

 

[rawona]

أسواق لوس انجلوس مع العناوين ..


منطقة هوليوود + بيفرلي هيلز

Beverly Center shopping mall

8500Beverly Boulevard, Los Angeles

وهذا الموقع الالكتروني

http://www.beverlycenter.com/



Rodio Drive

هذا فيه محلات الماركات واهو شارع طويل فيه قعدات وممكن تصادفون المشاهير يتسوقون اهناك بالنسبة للعنوان اهو في النورث الروديو درايف صعب احطه لأن كل محل له عنوان وهذا موقعه الالكتروني

http://www.rodeodrive-bh.com/




Westside Pavillion

10800West Pico Boulevard , los Angeles

http://www.westsidepavilion.com/




Hollywood and Highland

هذا موجود في شارع المشاهير وحطيت صوره وخذيت منهم جنطة من محل ال في وفي بعد محل لليهال وايد حلو ..

http://www.hollywoodandhighland.com/

دخلوا الموقع وطلعوا العنوان وهم بالمره تشوفون المحلات والمطاعم الموجوده فيه



The Grove

189The Grove Drive

http://www.thegrovela.com/



Santa Monica - third street permonade

http://www.thirdstreetpromenade.com/


Santa Monica Pier

http://www.santamonicapier.org/



Victoria Gardens

12505North Main street
Rancho Cucamonga, CA

http://www.victoriagardensie.com/



Irvine Spectrum

71Fortune Drive
Irvine, CA

http://www.shopirvinespectrumcenter.com/



وأنا حطيت من قبل موقع البريميوم أوت لت ومنها تطلعون عناوين الاوت لت اللي تبونهم وهذا الموقع الشامل لكل الاوت لت التابعة للبريميوم بأمريكا للتذكير

www.premiumoutlets.com


:eh_s(7):








​

 

[rawona]

روونا اقدر اروح مكان من اورلاندو غير ميامي مكان يكون حلو ويسوى ؟

اذا تبين بالسيارة عندج ميامي - فورت لودريل ( يم ميامي تبعد عنها نص ساعة) - وممكن عن طريق ميامي تروحين جزر الكي ويست من ميامي تبعد 3 ساعات من اورلاندو تقريباً 7 ساعات وهم تقدرين تروحين سموكي ماونتن 11 ساعة بالسيارة عن ميامي .. او نورث كارولينا على حسب انتوا وين تبون تروحون وشنو تحبون ​

 

[new woman]

رونا ما قصرتي

يعني هذا الترتيب امشيه بالترتيب بالسيارة

وينفع حق اليهال في مدينة ملاهي حلوة ؟؟؟؟

وانطرج ليش لا ؟ سفرتي 30 - 6 اخذي رااااحتج

 

[rawona]

باحط الحين معلومات عن تذاكر الحدايق في كاليفورنيا واورلاندو ..


بالنسبة لكاليفورنيا في تذكرة لجنوب كاليفورنيا يسمونها سيتي باس

Southern California City Pass

جيكوا على هالموقع

http://www.citypass.com/southern-california

بالاضافة الى مواقع الحدايق التالية للتفاصيل :

اهي تذكرة شاملة على خمس حدايق

ديزني ( كاليفورنيا ادفنتشر - ديزني لاند) لمدة 3 ايام

اليونيفيرسال هوليوود استوديوز

السي وورلد

سان دييغو زوو أو سان دييغو سفاري بارك

ويعتمد عدد الايام على حسب من اي موقع تحجزون ، العام مثلاً حجزت من موقع اليونيفيرسال ستوديوز وكانت تذكرتي شاملة على

3 ايام ديزني الحديقتين

يومين اليونيفيرسال

يوم السي وورلد

ويوم اخترته لسان دييغو سفاري بارك

وهذي مواقع ديزني واليونيفيرسال والسي وورلد وسان دييغو زوو لمقارنة اسعار التذاكر والاختيار

http://www.universalstudioshollywood.com/ticket_california_citypass.html


http://www.goingtocalifornia.com/pages/amusement-parks/citypass-southern-california.html


http://www.seaworld.com/sitepage.aspx?pageid=351


http://www.sandiegozoo.org/



لي عودة مع تذاكر الحدايق في فلوريدا :eh_s(7):
​

 

[q8tiaa81]

يعني انا ابي اطلع من اورلاندو بالسيارة لي مكان مايكون بعيد وايد ويكون حلو ويسوى

 

[rawona]

رونا ما قصرتي

يعني هذا الترتيب امشيه بالترتيب بالسيارة

وينفع حق اليهال في مدينة ملاهي حلوة ؟؟؟؟

وانطرج ليش لا ؟ سفرتي 30 - 6 اخذي رااااحتج

لا انا مو حاطة المناطق بالترتيب بس بشكل تقريبي وعشوائي انتي تقدرين عن طريق قوقل ماب والجي بي اس تحددين اي منطقة تروحين لها قبل الثانية وعلى حسب ظروف الطريج والجو ..

ما فهمت عليج بالنسبة انج تنتظريني؟ تبيني اشوف لج طيران داخلي؟ وين تبين تروحين؟ اذا تبين لليهال يستانسون .. في حديقة حيوان كبيرة بنيويورك .. واذا خايفة من أذية اليهال بالطريج والسيارة وتعب عليكم وصعبة تحصلون فنادق وجذي ليش ما تقعدين في نيويورك جم يوم وتالي تاخذين طيران داخلي وتروحين اورلاندو؟ اونس لليهال واغلب الفنادق فيها نظام الريزورتات (مثل الشاليهات) وفيها وسائل الراحة اللي تحتاجينها لليهال مثل الغسالة والنشافة ومطبخ كامل بمواعينه وجدوره وطاولة اوتي واوتي وغيرهم وراح يستانسون اكثر واللي بتقطينه على أجار السيارة والبنزين تخلينه بس حق اورلاندو وتوفرين جذي .. خصوصاً اذا كنتي رايحة اول مره ومو عارفة للديره عدل .. وكله بالتالي راجع لج أكيد .. :eh_s(7):

 

[rawona]

يعني انا ابي اطلع من اورلاندو بالسيارة لي مكان مايكون بعيد وايد ويكون حلو ويسوى

عندج ديتونا بيتش Daytona Beach اذا حابة تروحون تتمشون على البحر وتغيرون عن اورلاندو شوي وهذي تروحين لها وترجعين بنفس اليوم لأنها بس تبعد ساعة عن اورلاندو

وعندج منطقة تامبا .. فيها البوش غاردينز وهم فيها تامبا باي Tampa Bay شوفي معلومات عنها بملف أمريكا المشاركة الأخيره وهم تبعد ساعة وشوي عن اورلاندو تروحين وتردين بنفس اليوم من غير تغيير سكن ..

أما اقرب مكان بالسيارة اهو ميامي تبعد 4 ساعات وحلو تقعدين فيها 3-4 ايام تغيير ووناسة :eh_s(17):​

 

[الجوري74]

مشكوره الجوري .. شكلي باشوف ظروفي اذا لغيت ميامي يمكن اروح سموكي ماونتن بالطيارة !

روونه تبين نصيحتي الغي ميامي خصوصا انها مو يديده عليكم وروحي حق مكان يديد ويسوي ما راح اتحسفين 5ايام مع الروحه والرده بالطياره طبعا
ضبطيها من الحين تذاكر وسكن
واذا رحتي موتنسين تدعبلي :yaaaaaarb:
هههههه*

 

[rawona]

نرد حق حدايق أورلاندو

في تذكرة تنباع اسمها أورلاندو فليكس تيكيت

Orlando Flexticket

فكرتها نفس السيتي باس الخاصة بكاليفورنيا

واهي نوعين

1. تذكرة شاملة الحدايق التالية: يونيفيرسال ستوديوز - ايلاند اوف ادفانتشر - السيتي ووك ( كلهم تابعين لليونيفيرسال)

السي وورلد

الحديقة المائية ويت اند وايلد

2. النوع الثاني نفس الحدايق اللي فوق زايد عليهم ال بوش غاردنز اللي بتامبا

وهذي مواقع تبين هالتذكرة وفيها تفاصيل أكثر الحلو بهالتذكرة انها لمدة 14 يوم متواصلة ولج دخول غير محدد لأي من هالحدايق اللي تختارينها يعني الواحد يحلل سعرها عدل ويلعب لين يطفح

http://www.orlandofuntickets.com/Flex-Tickets/


http://www.seaworld.com/tickets/visitors.aspx



http://www.officialticketcenter.com/discount-flex-tickets-orlando.aspx



يتبع ..​

 

[rawona]

مشكوره الجوري .. شكلي باشوف ظروفي اذا لغيت ميامي يمكن اروح سموكي ماونتن بالطيارة !

روونه تبين نصيحتي الغي ميامي خصوصا انها مو يديده عليكم وروحي حق مكان يديد ويسوي ما راح اتحسفين 5ايام مع الروحه والرده بالطياره طبعا
ضبطيها من الحين تذاكر وسكن
واذا رحتي موتنسين تدعبلي :yaaaaaarb:
هههههه*

حبيبتي تستاهلين ..

ان شاءالله باوري ابونا الصور وان شاءالله يقتنع .. :eh_s(7):​

 

[new woman]

ما فهمت عليج بالنسبة انج تنتظريني؟ تبيني اشوف لج طيران داخلي؟ وين تبين تروحين؟ عدل .. وكله بالتالي راجع لج أكيد .. :eh_s(7):

انا قصدي بأنطرج بأن سفرتي مو الحين مومستعيلة انطر المعلومات منج متى ما حطتيهم

سالفة الطيران الداخلي مكلف ويخوف بنفس الوقت === طلع 1000 دينار من نيويورك لي لوس اجلوس وبالعكس بصراااحة واايد فعلشان جذي صرفت النظر عنه .

فقلت انأجر سيارة ونتجول فيها بالولايات القريبة من نيويورك احسن واريح انشوف امريكا علا الطبيعة ومتى ما تعبنا ارتحنا بأي اوتيل

 

[الجوري74]

بنات اذا تبون انزل صور لكالي وفلوريدا
انا بعد ابي تشجيع :ggdw::ggdw::ggdw:>>> حشي مباراة مو تجمع

 

[rawona]

تذاكر والت ديزني وورلد

اللي نعرفه ان حدايق ديزني 4 :​

Magic Kingdom ​

Animal Kingdom ​

Disney Hollywood Studios ( MGM) سابقاً ​

Epcot ​

هذي تذكرتهم وحده وعلى حسب كل واحد جم يوم يبي .. انصح اللي اول مره يروحون ديزني يحجزون التذكرة مالت 5 ايام او ال7 ايام .. ويختارون تذكرة ديزني العادية ​

magic your way ticket BASE ​

لا تاخذون الهوبر HOPPER PARK TICKET​

لأنها أولاً أغلى ثانياً الحدايق كبيرة ويادوب تخلصون حديقة باليوم مو مال تتعبون وتروحون أكثر من حديقة باليوم .. ​

بالنسبة للحدايق المائية لديزني اهم حديقتين وسعرهم غير عن سعر الحدايق الاربع اللي يبي يروح حديقة مائية لديزني خل يتأكد انه يحجز التذكرة الشاملة على الووتر بارك .. ​

وفي داون تاون ديزني فيه محلات ومطاعم وسينما وهم اهناك مسرح سيرك دي سوليي (لانوبا) :eh_s(15):​

وأحب اوضح بعد ان في حديقة مائية تابعة للسي وورلد اسمها اكواتيكا .. لما تدخلون موقع السي وورلد راح تعرفون تفاصيل عنها وعن الاسعار .. ​

مادري بعد شنو عندكم أسئلة واتمنى أكون وفيت من هالناحية :eh_s(15):​