أمريكا و إلا لندن ؟؟؟؟؟؟؟؟؟؟؟؟؟؟؟

[أم ريم]

بنات أنا محتارة و أبي شورتكم أمريكا و إلا لندن لأني وايد مترددة لأن أمريكا و لا مرة رحت لها و لندن رحت لها كذا مرة و صراحة حلوة ومريحة بالتعامل بس ودي أغير لأن وايد سمعت عن أمريكا بس انا اللي موخوفني ماني عارف عن تعاملهم ويا العرب خاصة أن أنا مو زود بالإنجليزي:eh_s(2): فهذا اللي مخوفني أكثر ، بنااااااااااااااااات بلييييييييييز اللي تعرف لا تبخل و تعطيني السبب بالدولة الأحسن والأسوأ.:yaaaaaarb:
الصراحة انا اكثر شي يخوفني بالدولة المطار يعني المطار كفيل أنه يخليني اكره الدوله و لا ارد لها مره ثانية .

 

[أم ريم]

اشدعوة محد رد

 

[زوووووغه]

يعني مافي مقارنه امريكا وااااااايد احلى ومريحه من لندن واونس

 

[usgirl]

شوفي اختي اذا محجبه لتحسين مو مرتاحه
ثاني شي امريكا حييييل متشددين يعني لازم معاج برنت لمكان حجزج وسكنج وكم راح تقعديم واذا لج خاطر تتنقلين اسلوب ظباطهم مستفز بمطار نيويورك وشككونج بروحج
الشعب عادي ماله دخل بحد بس ما ادري حسيت مو متعودين علا الخليجين مثل اوروبا

 

[اوركيدا20010]

رفع

 

[غلا يوسف]

لندن وبس ..

 

[غيدآء]

جنة لندن ولا نار امريكا

 

[كتكوته22]

امريكاا

 

[fri2010]

لندددددددددددن وبسسسسس

لان امريكا فيها مناطق حاره حيييل وبعيده وااااااايد

بس يقولون امريكا بالشوبينغ ارخص واااايد عن لندن بس عيبها بعيده ومناطق فيها حاره

او انج تاخذين ترانزيت لندن 3 ايام بعدين تروحين امريكا هم حلو جذي ترا

 

[عيون منوعه]

مسآ آ آ الخيير حووبي

آمريكا تعاملهم يهبل يهبل يهبل انا رحت لها شعبهم حبووب يمشي و يتبووسم
انا متحجبة و رحت امريكا محد له شغل فيني بالعكس كان تعاملهم حييل راقي
و يضحكون و عايشين حياتهم طبيعية

و اذا عن اللي تحقيق الي بالمطار و هلسوالف
ترى شالو عن الكويتيين صار كلشي سهالات لا تحاتين

انا ابي ابين لج صورة امريكا فقط لا غير

و لندن حلوة و لها مزايا تخصها مافيني اقارن بين لندن و امريكا
لكن صورة امريكا عند بعض البنات غلط

ترا امريكا كبيييييييييييييرة فيها مناطق بارده و فيها حاره لج حرية الاختيار
لا تختارين على حسب الجو لأن امريكا فيها آجوااء كثيرة
​

 

[نداوي 87]

لندن وانتي مغمضة عيونج ... أمان أكثر من أمريكا يكفي جوها وأسواقها ........ آه يا لندن آه يا ناس أموت فيها خخخخخخخخخخخخ:hjy5jewf:​

 

[كشخه وجذابه]

روحي امريكا خلص لندن انتي رحتي وشفتيها

 

[طوق الياسمين]

امريكا ومافي مجال للمقارنه اصلا انا رحت ال2 لندن ماعجبتني ولا ناسها
امريكا تقولين مسلمين طيبيييييين لاقصى حد وحتى المطار مافي مثل مالاخت قالت انا رحت مطار نيويورك وواشنطن واورلاندو وميامي وبتسبرغ ولامطار لعوزوني ولاقالو لي شي حتى التفتيش يجيبون لج حرمه وبعدين حتى بلندن تفتيش
الشعب طيب
البلد ارخص من لندن بوايد
الاماكن السياحيه احلى ومافي مقارنه
لندن قديمه ومن نولدنا وهي شوارعها ومحلاتها هي نفسها لندن اما امريكا مختلفه تكنلوجيا وابهار وملاهي عجيبه في كل مكان ووناسه وسهر مب مثل اوروبا كل شي مسكر من مغرب

 

[krkosha]

والله من كلام اخواني اتوقع الشعب الامريكي وااايد حبوب وطيبين والبريطانيين ملاقه

صج عاد انا لاحظت البريطانيين وايد مبوزين الا اذا ققلتلهم من الكويت يعدلون معاملتهم ويصيرون تمام

وانتي شلون خايفه تروحين امريكا عشان موذاك الزود االانجليزي عندج !!!! بالعكس انجلترا اهيه اللي لهجتها انجليزيه بحته وامريكا انجليزيهم السهل اللي احنه متعودين عليه !!

 

[q8tiaa81]

انا اقول انت رحتي لندن جربتيها جربي امريكا ومالج شغل بكلام الناس انتي جربي بنفسج كل واحد وشخصيته ونظرته اكتشفي بنفسج

 

[maiona al-b]

من صججج اتقارنين امريكا بـ لندن اكيييد امرييييكااا يا حلوووها

 

[اوركيدا20010]

رفع

 

[أم ريم]

مشكووووووووورين كل اللي ردو علي و اللي رفعو موضوعي و الله ما قصرتوا
بس انا مشكلتي اني خوافة ووايد وسواسية خاصة إذا دولة اول مرة اروح لها :bbbiu:
شكلي بروح افتر يمكن القى قروب بيروح امريكا على الاقل ابرد لي قلب المشكلة ان وايد ناس خوفوني وانا مثل ما قلت المطار كفيل ان يكرهني الديرة باللي فيها